يارب يعجبكوا التراك عشان ورشة الراب هي حلمي و لسة في مجهود و شغل اكتر لو  اتقبلت  
شكرا :D 

اخترت الراب

ازمة جيل تراك بيتكلم عن عيوب ال social networking يارب يعجبكوا 

الكلمات :كل واحد فينا ماسك الموبايل او المحمول علي طول
 رقبتنا ديما بصة لتحت اهلا بكم في الجيل الفاضي فحت شغلتنا نضيع وقت
 ماسك الموبايل و مهتم بيه كأنه ابني لا انا عايز اسيبه ولا هو عايز يسبني ممكن اسيب صحبي الي واقف جنبي بيكلمني عشان واحد تاني بكلمه شات و الموضوع اصلا مش هاممني
 سايب مزكرتي و موهبتي و بكلم البنت الي اتمني تكون حببتي و هي اصلا مش بتفكر فيا و نفضل كدة   ساعات معدية نتكلم في مواضيع ملهاش لزمة 
بحاول اوصل ليك الأزمة بوضحلك الرسمة التطور مسيطر علي الجيل خد عندك بطالة و شباب تافه شيل دلوقتي فهمت معني الزمن الجميل 
HOOK 
متفكرنيش معقد او عجوز بس حتي صور زمان و البسمة في الوشوش   مش بنات دلوقتي الي بيتصورا بي بوز
 جيل مهرجنات جيل حلو الططبيل طز في المعاني طز في الكلمات خليك مقضيها شات الاحساس خلاص مات بقيت زي الجماد 
وسط قعدة الصحاب كأنك مش موجود ماسك الموبايل و قاعد في سكوت و لو الشحن هيخلص من الزهق هتموت 
الحياة قصيرة استمتع بيها فكك من الشاشة الي انت ليل و نهار باصص فيها دي مش نصيحة ولا أمر بس انت هتعيش مرة واحدة شوف هتقضي ازاي العمر 
HOOK 

ازمة جيل

ملكش دعوة بشكلي او بطريقة اكلي 
طول ما انت مش عارف مشكلي 
ملكش الحق تتريق علي اسمي او مهما كان حجم جسمي 
فاكر نفسك قاضي تتكلم عليا بكل سؤ من ورايا و من قصادي 
متوقع اني هفضل ساكت هفضل راضي  
ما هو انت عمرك ما هتحس بمعني الاهانة 
كل همك وسط القعدة تكون نكتتك هي الكسبانة 

 انا حر طول ما انا مش بضر
 مش مجبر اني اتقبل العسل الي منك بيشر
 هتبقي مكاني و هتزوق طعم المر 
كلامك الظريف زي الرصاص بين جسمي بيمر! 
 كلامك بيجرح فيا انت مش حاسس بيا 
مين ادالك الحق تتكلم عليا بكل بظرافة
 كلامك ده اهانة ليا مش لطافة ! (x2)

تطلع في الي موجودين حاجة متتعجبكش 
و تختار واحد تحفل و تسفل عليه رغم انه مكلمكش ! 
انت متعرفوش هو ميغرفكش
 بس اهم حاجة تكون فنظر صحابك ملك الالش
 قدام الولاد و البنات تفضل تتريق عليه 
وهو ساكت جوه قلبه كابت 
و عمال يسمع كل كلمة اتقالت و يفتكر كل كلمة فاتت
-
 و عن نفسه مش عارف يدافع انت مصدر عليه كل المدافع 
لا يزعق فيك نافع ولا يكلمك بلزوق نافع ! 
هتفضل تتريق عليه رغم ان ملكش حق ولا ليك دوافع 
انت مالك هو او هي لبسة ايه معلش ربك مخلقوش زيك بيه ! 
او زيك هانم ميديكيش او يديك الحق تتكلم عليه 
لسانك الي كله سم كمل شتيمة فيه هيجي يوم و تتشتم
انتم و ظروف حياته مخلينه بفارغ الصبر مستني يوم مماته
-
 ما انت سبب ان دموعه بليل تنزل علي المخدة
 انت نايم مرتاح مش شايل هم و ناسي انك سبب في ان يوم انسان  ملوش زنب يقلب 
 غم فاكر دمك خفيف ! وانت معندكش ريحت الدم 
-
طيب هتستفاد ايه و فين الغرض
 مش ممكن هو او حد في عيلته صحاب مرض 
مكمل تريقة مستني منه انه يرد
 و هو معندوش دراع او سلاح مش هيعرف يصد 
اي كلمة منك سهم في قلبه 
و هو برده يسكت كلامك الجارح الي  انت قلته امبارح مش شوية و هينسي
 هيفضل مكمل معاه في الزكريات 
مش كل الظروف ينفع معاها جملة الي فات مات 

انا حر طول ما انا مش بضر
 مش مجبر اني اتقبل العسل الي منك بيشر
 هتبقي مكاني و هتزوق طعم المر 
كلامك الظريف زي الرصاص بين جسمي بيمر! 
 كلامك بيجرح فيا انت مش حاسس بيا 
مين ادالك الحق تتكلم عليا بظرافة
 كلامك ده اهانة ليا مش لطافة !



_
قبل ما تفكر تسرق اي كلمة و تقول انها ليك فكر في شكلك قصاد نفسك انك ولا حاجة و شكرا للسمع و  عجبه من غير ما ياخد مجهود حد تاني

انا حر

مجنون بين اربع حطان مسجون مهموم من العالم الملعون فا حجزوني في الزنزانة مكدبش عليك حابب العيشة بعيد عن الناس الزنانة مخدتش من مجتمعكم غير التجاهل و الاهانة مع ان فكرتي صح عمرها ما كانت كسبانة افكاري مدفونة بنسبة ليكم مجنونة فا لازم تكون معايا مسجونة عمركم ما هتفهمونا كل اما نحاول نتكلم تكتمونا فا اخترتم تبعدونا عن علمكم فا اترمينة واركم كنا لازم نكون قدامكم بس احنا جيل غيركم مش موافق علي تفكركم باختصار ماشين عكس سيركم بلاجبار عايزين تمشونا في سكتكم بنسبلكم انا مريض عشان كسرت الروتن كلامي عشان جديد فا مش مفيد ليكم يا عاقلين  ,كفاية ما انتم محجمين علي افكرنا من زمان من البداية عايزينا نقول بس حاضر و تمام منعين عننا الكلام منعين كمان الامل و الحلام كل كلامكم لينا كان وعود و اوهام
 تحليلو الحرام و تحرموا الحلال نيجي نختار اليمين لا بلاجبار تزقونا للشمال اجيال بتنسخ اجيال مبنسمعش منكم غير كلمة ممنوع بس مهما حيصل صوتنا دايما مسموع احنا جيل جاهز يكسر كل الحواجز احنا الشباب يا جيل  عاجز  علي عوكاز راكز ابعدوا عنا سبونا بقي نخطط لمستقبلنا احنا الي نحدد و نجدد فضلنا كتير نسنتني  لكن دلوقتي فات الاوان دلوقتي معادنا نكسر قوانين اجددنا يكون لينا حايتنا منعش علي مزاكوا نعيش بي مزاجنا

Bassem Osama 1

Popular tracks