أنتَ ثاري و ثار الله يا إمامي - باسم الكربلائي

ويلي على الكرار - باسم الكربلائي

سيدة الأرض (دمت كربلاء) - باسم الكربلائي

رايح حَبيبي | باسم الكربلائي

قرآن الغرام

الفصول الأربعة
من إصدار مات الماء


الفصول الأربعة

انا المسموم يازهراء باسم الكربلائي

للتواصل معنا تابعونا عبر:-
Facebook: www.facebook.com/AhbabAlmlabasm 
Twitter : https://twitter.com/AhbabAlmlabasm
Instagram : http://instagram.com/ahbabalmlabasm 
Snapchat : AhbabAlmlabasm
Telegram : https://telegram.me/ahbabalmlabasm

مو عليله - الحاج باسم الكربلائي

أبلغك سلامي

زينب لفت يم حسين

إلهي باسمـــك الأعظـــــم وأســـــراره
للرادود: باسم الكربلائي
والشاعر: جابر الكاظمي
 
 
إلهي .. إلهي باسمك الأعظم وأسراره ..
إلهي .. إلهي رد غريب الدار لدياره ..
يا رب مو بس بنيني .. أريد الكل تجيني
========
 
مشى بعيس* النبوة صفوة الله .. محامل عن وطنها
حسين الوحي وأهل البيت وياه .. قرائين بضعنها
مشوا واستسلمِت للويل والآه .. قضت روحي بحزنها
قلت ما عندي غير الباري أنخاه .. بدُعا الأم لإبنها
 
نخيتك .. نخيتك نخوة أم مكسورة الخاطر ..
دعيتك .. دعيتك دعوة الـ فقدت ضوا الناظر ..
 
قبل ما تعمى عيني .. أريد الكل تجيني
 
إلهي .. إلهي باسمك الأعظم وأسراره ..
إلهي .. إلهي رد غريب الدار لدياره ..
يا رب مو بس بنيني .. أريد الكل تجيني
========
 
فلا خاب الـ يلوذ ويعتصم بيك .. ودخل حصنك يأمّن
بفضل أسماءك الحسنى أناديك .. الـ عرف حقهن يثمن
القدوس السلام الملك أدريك .. المؤمن والمهيمن
بمناجاة الدمع أنحب وأناديك .. دمع للهم يبرهن
 
حسرتي .. حسرتي وونتي على حسين وعياله ..
دمعتي .. دمعتي تجري لمّن أذكر أطفاله ..
 
سبب دمعي وحنيني .. أريد الكل تجيني
 
إلهي .. إلهي باسمك الأعظم وأسراره ..
إلهي .. إلهي رد غريب الدار لدياره ..
يا رب مو بس بنيني .. أريد الكل تجيني
========
 
الودود الباعث الباسط يا قيوم .. يا باطن يا ظاهر
يا رزاق ارزقني الصبر دوم .. واجعل قلبي صابر
يا قهار أعيش بقهر وهموم .. قدوم حسين أناطر
يا جبار اجبر خاطري اليوم .. صعب كسر الخواطر
 
نياحي .. نياحي على العزيز الـ مشى وخلاني ..
جراحي .. جراحي تراكمن واحد على الثاني ..
 
أريد أقطع ونيني .. أريد الكل تجيني
 
إلهي .. إلهي باسمك الأعظم وأسراره ..
إلهي .. إلهي رد غريب الدار لدياره ..
يا رب مو بس بنيني .. أريد الكل تجيني
========
 
المعيد الولي الوهاب المُقدّم .. العظيم القوي الرافع
يا حي يا عليم بحالي تعلم .. وانته الغني النافع
سميع وتستمع صرخات بالهم .. أصيح وجفني دامع
بصير انته وتشوف أمواج من دم .. تفجر هالمصارع
 
خيالي .. خيالي يرسم الأجساد مرمية ..
ليالي .. ليالي أسهر وأتنطر الجية ..
 
وشملهم يعتنيني .. أريد الكل تجيني
 
إلهي .. إلهي باسمك الأعظم وأسراره ..
إلهي .. إلهي رد غريب الدار لدياره ..
يا رب مو بس بنيني .. أريد الكل تجيني
========
 
الحسيب المبدي والغفار انته .. يا من للكون باري
حفيظ وتدري بالهم الـ حملته .. حزينة ودمعي جاري
حبيب الزهرا بدموعي انتظرته .. جزع مني انتظاري
إلهي ولوعة الليل الـ سهرته .. مثل لوعة نهاري
 
أعاين .. أعاين بالشمس ريحانة الهادي ..
وأقارن .. وأقارن هالكواكب أذكر أولادي ..
 
صحت يا مسهريني .. أريد الكل تجيني
 
إلهي .. إلهي باسمك الأعظم وأسراره ..
إلهي .. إلهي رد غريب الدار لدياره ..
يا رب مو بس بنيني .. أريد الكل تجيني
========
 
المجيب الوارث الخالق الرحمن .. إلك أرفع إيديّا
احفظ عترة الهادي يا ديان .. من شر البلية
نذر أنذر إذا رجعوا للأوطان .. نذر واجب عليّا
أزرعنـّه ورد وأمليه ريحان .. طريق الغاضرية
 
شجوني .. شجوني على الـ مشوا قلبي تمناهم ..
يجوني .. يجوني وقبل موتي أقعد وياهم ..
 
يا ربي وقبل حيني .. أريد الكل تجيني
 
إلهي .. إلهي باسمك الأعظم وأسراره ..
إلهي .. إلهي رد غريب الدار لدياره ..
يا رب مو بس بنيني .. أريد الكل تجيني
========

 
بـ عيس*: العيس هي الإبل البيض التي يخالط بياضها شـُقرة.


قرآن الغرام

bassemlovers

Recent comments

حسين علي

طير الصاف

وسام عبدالامير

Mahmood

Related tracks