النضج ولادة ثانية ، والولادة بتحمل معها أوجاعها ، مع فرق ، هون الإنسان نفسه بمارس ولادة نفسه ، لازم يموت فيه اشي حتى ينولد فيه اشي جديد .
أوجاع ، وصراعات ، وبحث عن الشخصية الموزّعة بين الماضي والحاضر وصورة المستقبل . وطبعا  بتتعقد المشاكل لمّا بكون الإنسان ذكي ، معرفته أكبر من حاجته ، وأكبر حتّى من ظروفه .
هون ، ممكن لفترة ، يبطّل يميّز بالضّبط بين الواقع وبين الوهم حتّى بين الحلم اللي بنطلق من الواقع وبين الوهم اللي بكون بديل عن الواقع ، هون الأفكار بتتعالى على الواقع وبتحاول إنها تشكله ضمن قوالبها المسبقة .
بس الواقع بقاوم ، بقاوم، وفي الأخير بفرض شروطه .
-	يعني نستسلم للواقع ؟
-	لا أبدا . أبدا . بس لازم نفهم شروطه ونتفاعل معها حتّى نغير ونتغير .

التغريبة الفلسطينية - النضج ولادة ثانية

-	غريب! عمرك ما حكيت معي بهالطريقة! قصدي ..
-	أنا بالفعل بسيط . يمكن لإني عشت أكثر منك في القرية ، ووعيت عالبلاد .
الريفي ، إذا ما افسدتهوش الكتب، بظل مخلص للحقيقة البسيطة المباشرة ، مهما كانت عميقة . التعقيد مكياج ، إدعاء ، انتفاخ ثقافي كذّاب ، بدل إنه الشخص بحمل هم صورته كمثقف أكثر من هم الثقافة نفسها !
هون ، الشكل بسبق الوظيفة إذا بدي استخدم مصطلحاتك .

التغريبة الفلسطينية - التعقيد انتفاخ كاذب

"الموسيقى تعبر عن الذي لا يحكى و عن الذي يستحيل الصمت عنه"

Bayan Z Maksab

Popular tracks