كلمات و القاء : بلال أحمد 
https://www.facebook.com/belal.essa.146
موسيقى : اندرو عاطف 
https://www.facebook.com/androw.mories?hc_location=timeline

الكلمات : 

نسياني اه لكن فكرها
حبتها اه وجايز احب غيرها
بس القلب يدق مره وبعديها يسكت كتير
العمر تعيشه لحظه
ف حد ادتله قلبك وقلبه هوه ليك فقير
يعني ان قلبك يدفي حد ويتحرق
فتكتم جوه نفسك م الفراق فتتخنق
فتحاول تخرج بره نفسك وتنسا ذاتك
وتعيش وحيد بين الآهات
فصعب حد يمس قلبك
وانته قلبك ناقصه حته م اللي فات
كام واحد قرر يحب
بعديها قلبه عاش ف مات
كام واحد ضحك ف ليل على جمله كانت
( الحب يصنع معجزات )
كام دمعه فارقة عنيك
على حد ادتله عمرك
وكام سؤال جوابه يكون ياريت
وكام مالك فتبكي عشان حبيت
ف اديت ...
احكيلي فضفض قولي ليه 
بتحب ديما تمشي ف سكه مبتنتهيش
وتحب حد وتفضل معاه
وهوه قلبه قرر من غيرك يعيش
وانته فاكره ...... وهوه باعك
وانته حابه وهو حابب وداعك
احكيلي ليه بتحب الليل اوي 
مع انه مخبي اوجاعك
وليه الذكرى رافضه تنطوي لجل متساعك
احكيلي واتكلم كتير .. اوعا تسكت
انا مش هنهي القصيده وجايز اثبت
ان الشعر عمره ميوصف حب ولو سنين
وان القلم مهما يكتب
عمره ميجسد حنين
وانك الف شخص قرروا يقروا القصيده
بقلب مركون من زمن
ف مجرد انه سقف او قلبه دق
داق الوجع او حس بشجن
اوعا تبكي على حد باعك
امشي الطريق واه ممكن تفتكرها
انساها لازم ....وانسا غيرها
صارح قلبك وعيش وياه
واختزل الايام ف خيرها


نسياني اه - بلال عيسى

سمعتيلها غُلبت اصالح في روحي قبل كده ؟! - من فيلم فيلا 69 لأيتن أمين

كلمات والقاء العبد لله 
تراك المزيكا ولا اعرف مين صاحبه جايبه من على اليوت يوب =D 
وده  البروفايل بتاعي ع الفيس تشرفني متابعتكم ليا 
https://www.facebook.com/belal.essa.146
لو عجبكم التراك ريبوست عشان يوصل لعدد اكبر هيفرق مع التراك 
رأيكوا يهمني جداا .. شكرا مقدما 

ودي الكلمات : 

بيان هام : 
اليكم آخر هزلايه
دومه مؤبد ف سجونهم
ثوارنا قال بتخنهم !
وبتحرض على خطف الدوله
ازاي هتيجي يا خونا
ده انتوا واخدينها مقاوله
ودومه عشان ناطق حق
مفيش ف الحُكم مداوله
دي جريمه جنحه وجنايا
شوفتوش آخر هزلايه ؟!
اليكم آخر تِسلايه 
حندوقه بيحفر ف قنايه 
ولامم حوليه الهيصه
يا فرحي يانا ويا هنايا
دي فكره صعبه وعويصه
مليانه يا شعبنا بمزايا
حندوقه بيحفر ف قنايه
وتنهال قنايتنا بجوانبها
حندوقه جاتله الفكرايه
انا رأيي نكتِّم ونسيبها
اليكم آخر كُفتايه
تصبيره للشعب الكادح
وخميره للدوله العاجزه
هيشرف اعلامنا الزيطه
وعليكم يا شعب المَزَّه
تتسلطن تخرج م الحفله
متكيف من فرط  اللزه
هنياً والله هنيات 
يا بلدنا يا اخر حورات 
هنيا والله هنيات 
يا بلدنا يا آخر مزجات 
كام عيان حواليكم
هيصدق اصل اللعبايه ؟!
اليكم آخر تسلايه
بننعي الشعب وبنواسي
ونحُط شرايط ومقاسي
ع الشاشه وعلى كل القنوات
فكروني لو كنت انا ناسي
مزيد من تالي القرارات
بننعي ل موت اول جُندي
وتاني وتالت ع الجبهه
ونطبطب على والده بشندي
ونصهين ونفك الزهقه
ونحبكها حبه ب دراما 
رومانسيه بشوية شفقه
ملوخيه وطبخه خيبانه
نسيت يا حندوقه الشهقه
وان كنت ياعم صحيح صادق
متقبض عليهم قال حقه ؟!
وان كنت صحيح انا مش شايف
سبوني مكمل ف عمايا
اليكم آخر كدبايه
مصانع وبضائع مينا
ملاحه سياحه ف مرينا
والاشيه معدن حولينا
وشبابنا آخر مزجايه
اليكم آخر ضحكايه
عن مصر وعن ثورتها الزين
عن الدوله الحره المدنيه
عن الدم المتسدد دين
يوماتي نظير الحريه
عن النور والعيش والغاز
وغيابهم الدايم ف الدفتر
عن حاكم مدني ف برواز
اسما لكن مش اكتر 
والهم يا بلدي بيتنكر
ويتوغل ديما جوايا
الهم يوماتي بيتكرر
وانا لسه مكمل ف دوايا
رافض اكمل ف عمايا
اليكم آخر تسلايه


بيان هام ll

كلمات : بلال عيسى 
https://www.facebook.com/belal.essa.146
غناء : ياسمين 


سلامات - ياسمين

كلماتي والقائي 
ده تراك المزيكا : https://www.youtube.com/watch?v=0NR-9pgz0Pc

ودي الكلمات : 
الليله رأيت كروان مجروح 
من جرحه يجود ب انين ويبوح
ويقول اسرار مساكين ل الليل
وان باح الليل لو مرَّه ينوح 
والليل للسر بطبعه كتوم 
الليل ونَّاس للناس بيدوم

 *     *      * 
ويئن الليل ولا يطلع صوت 
يسمع من ناس ويداوي ف ناس
والناس ف الليل بتلاقي خلاص
من حيره وهمّ وغيره ولوم 
والليل ولا عُمره بينسى وحيد
الليل ورا ليل عمَّال بيعيد
ف الذكرى ويملا كاسات الجرح
لا نديم ولا حد بيسمع حال 
وان قولنا قوال هيطول الشرح
والليله عليها كمان بيزيد
كروان من جرحه بينده فرح
م العله يقول ف الليل حواديت 
ويداري الجرح بصوت الحان
والليل لو طال ينحال حوانيت
بتبيع ل الناس م الهوى اشجان
والدمع ف جوف الليل توابيت
بتداري الناس ف خباه احزان 
ويطوف ف الليل وحشاه مساكين
ع الحال ده يبات الليل ازمان

*   *     *

الليله رأيت كروان وبحقق
ف جوف الليل والشوف ممنوع 
لقيتها عنيَّا وراسمه خيال 
ف شعاع النور م الخوف بدموع



كروان الليل - بلال عيسى

طائر علي الطريق - كمال بكير

موسيقى فيلم طائر على الطريق - كمال بكير

محمود النجار

قد ايه بحب اسكندريه ، ديما ترجعني لورا _ موسيقى فيلم الرغبه _ كمال بكير

worod

موسيقى فيلم الثأر _ كمال بكير

sunandmoon51

موسيقى فيلم سواق الاوتوبيس _ كمال بكير

Hassan Shokeir

موسيقى فيلم موعد على العشاء _ كمال بكير

كـمال بـكيـر - مـوسيقـي فـيلـم  - خـرج ولـم يـعـد

موسيقى فيلم خرج ولم يعد _ كمال بكير

من فيلم طائر على الطريق 
سيناريو وحوار :- بشير الديك
موسيقى :- كمال بكير 
اخراج :- محمد خان

Bebo Essa

Popular tracks