محمد منير

اغنية ومين يهمة من فلم دكان شحاتة

كرهـتك قد ما ضحكتى على شقايا

كرهــتك قد ما امى تحب رؤيـايـا

و قد رعشة ايدى وانا بكتب

أول قصيده أكتبهالك

 

آخر قصيده أكتبهالك

و آخر قصه فى كتابك

و آخر كلب فى كلابك

و آخر طيف يبات الليل على بابك

 

دا انا اللى كسّرت السهر

و رَقَصْت ويا الليل و رَقَّصت القمر

 

أنا اللى فَضّيت بِكر نجمه فى السما بَكّيت نجوم

و طلقت ايدى فى صدر نسمه اتلخبطت بين الغيوم

أنا الجخ و سامعه عنى و عارفه انى كل يوم

كنت قبلك ويا واحده و يمكن ويا اتنين فى يوم

 

تكسرينى؟! ... لا يا عينى

انتى واحده من ألوف

و ياما وانا عايش هشوف

انتى مجموعة قصايد بالمحبه بتبتدى

وهى دى

آخر قصيده أكتبهالك

و كان بودى اسمعهالك

 

نبرة الحزن فى كلامى مش ندم

ما أنا خدت منك كل حاجه وسبتلك حبة ألم

أنا خدت منك كل شئ

و فضلت قدامك برئ

 

كل ما فى الأمر إنى لسه ماشبعتش خيانه

تعرفى يا نانا الخيانه؟

مش خيانه تحبى غيرى .. يا خى حبى غيرى

همشى مع واحده تشوفيها و زى ما هغير انتى غيرى

مش خيانه

 

بس تبقى خيانه عظمى

يوم ما يبقى الحب كلمه

يوم ما تبقِى م البدايه

حاطه للقصه نهايه

 

يا ترى لساكى فاكره؟

فاكره يوم ما رميتى قلبى بنظرتك

قلبى اتجرح

كان فرح

أنا لسه فاكر.. كان فرح

كانت الرقاصه بتزِفّلِى حُبك

قلت احبك يمكن الحب يداوينى

وادى ادينى

 

بكره اليوم اللى شفتك

بكره الشارع بكره الليل اللى ضمك

بكره القمره اللى بتفكرنى بيكى

و بكره اسمى اكمنه اسمك

 

بكره انى ابتسم.. حتى اترسم

حتى اتدفن

بكره البحر اللى زغزغ صدرك السقعان فى حضنه

جيتى حضنى

حتى حضنى بكرهه لما اتّسعلك

بكره الشعر اللى خللانى ابقى نعلك

بكره القلب اللى سابلك صولجانه و بكرهك

واللى زانك طول سنين جه الليلادى و شوهك

 

لا انتى ناعسه ولا انتى عبله ولا انتى شملوله الخجوله

اتكسر جوايه صوتك واتكسر جواكى عمر

بس عمرك هو عمرى

كان بودى أسيب فى قلبك ميت أتون من طين و جمر

بس قلبك هو شعرى

 

بكرهك ياللى ابتسامتك فرحتنى

و مرجحتنى و زحزحتنى و كبرت الله اكبر

من كلامك من غرامك من عينيكى السودا ليل

قلبك المكسور بيعلن لانتصارى ميت دليل

 

و انتصارى مال على ودانى وهمسلى

قاللى "أوزوَلد" البرئ ما بقاش برئ

قاللى إن "سيزيف" دا زيف

و ان قولة آه بتطلع م الصعايده فين و فين

قاللى أنساكى فى مساكى

و اما اشوف قلبك عساكى تفوقى من وجع البنات

قالى بالرغم انه عارف انى حبيتك.. هجيتك

و انه شافك كاتبه اسمى بخط نونو تحت بيتك

قاللى شافك ع المرايه بتكشفى صدرك لصدرى

قاللى صبرك.. يا دى صبرى

 

اياك فاكرنى من حجر

اللى قاسَى فى حب نانا لو حجر...كان انفجر

 

كنا زى اتنين فى صحرا

ما فى ناس ما فى عيب مافى خوف ما فى بكره

كنا خيل وليل و مهره

كنا سكر و كنا فجر و كنا سهره

كنا نتواعد بكلمه و كنا نتصالح بنظره

 

كنا لما تسافرى أو اسافر يصير الليل مالوش آخر

أكن عيونك النعسانه مجافيينك

و أكلم نفسى طول الليل و أقول فينك

و كان قلبى بوسع البحر..لملم موجُه فى سفينك

و نفس البحر دلوقتى لعنلك ميت سلسفينك

لا عاد موجه بيهواكى و حتى نجومه فى سماكى

رموكى بعد ما رماكى و كانوا فى ليلة زفّينك

 

و كانو يناموا فوق مريلتك الكحلى

ينقولك هدومك يوم ما نكون هنتقابل

أنا و نانا فى طول أيامنا ما كنا بنتقابل

ما كل الناس عتتقابل

احنا كنا..

احنا كنا..

والله ناسى كيف ما كنا ..بس كنا

 

يمكن الحلم اتقتل بس الجبل

لو هده ريح أو حتى مال برضك جبل

و انا مش جبل من طين وقش

ولا عضمى هش

إن كان على القلب اللى حبك آخره نعش

و انصِبله بدل الخمسه ألف و يبقى مات ولا اتخدعش

 

كنتي كيف السّبيه بيّه

و كنت ليكى عبد طايع

صرت ورقه و حبر ضايع

وقت فات ولا جابش عايد

مش بقولك.. انتى مجموعة قصايد

 

لمى ورقاتك خلاص الحبر جف

و احكى للجيل اللى طالع بكره يضحك

قولى لابنك فيه زمان واد عقله خف

اوعَى لتصيدك بِنَيّه و زى فرحه يولّى فرحَك

 

شيلى عمرك باللى فيه

خدت منك كام قصيده سامحى فيهم

حق كُرسيين معسل مش حكايه

خدت من عمرك بُكايه

و ابتسامتى سيبتهالك

يكفى إنى لسه مالك نفسى و بخبى البُكا

شوفى شاعر غيرى يوصفلك جمالك

 

أما ع القلم اللى فى ايدى

شاريه من دكان صعيدى

راسه ألفين دومه نَيّه لانسى حبك من أساسه

عشتى طبعا فى الصعيد و عرفتى ناسه

 

يبقى أسهل شى عليا

أنسى حبك و انسى حالك

وانى اقول ع القصيده ديا

آخر قصيده أكتبهالك

هشام الجخ - آخر قصيدة أكتبهالك


مش باقي مني غير شوية ضيّ في عينيَّ 
أنا هادّيهُملك و امشي بصبري في الملكوت 
يمكن في نورهم تلمحي خطوة 
تفرق معاكِ بين الحياة و الموت

مش باقي مني غير شوية قوّة في إرادتي
حاسبي عليهم و انتِ بتخطّي

مش باقي مني غير شوية ضيّ في عينيَّأنا مش عايزهم 
لو كنت يوم ه المحك و إنتِ بتوطّي 
في معركة مافيهاش 
و لا طيارات و لا جيش 
و انتِ ف طابور العيش 
بتبوسي إيد الزمنينوّلك لقمة 
من حقك المشروع

مش باقي مني غير شهقة ف نفس مقطوع
و أنا صوتي مش مسموع 
يا حلمنا الموجوع 
من المرور ممنوع 
و أنا صوتي مش مسموع
يا حلمنا الموجوع 
من المرور ممنوع
مستني لما يمر 
موكب سلاطينك

و مش باقي مني غير شوية كفر بشروقك
على شوية رحمة من طينك 
على شوية صبر من دينك

مش باقي مني غير شوية لحم في كتافي 
بلاش يتبعتروا في البحر 
و مش باقي مني غير شوية لحم في كتافي
بلاش يتحرقوا في قطر الصعيد في العيد 
بلاش لكلب الصيد تناوليهم 
خدي اللي باقي من الأمل فيهم 
و ابني لي من عضمهم 
في كل حارة مقام 
و زوريني مرة وحيدة 
لو كل ألفين عام 
ألم الجراح يتلمّ : 
و مش باقي مني غير شوية دمّ 
متلوثين بالهَمّ.. مُرين و فيهم سِمّ
مش باقي مني غير شوية دم 
ما أقدرشِ أسقيك مواجعهم 
و برضه ما أقدرشِ أرميكِ و أبيعهم 
يمكن في مرة تعوزي تطلبيني شهيد
هاحتاج يوميها الدم 
هاحتاج يوميها الدم .. يمضي على شْهادتي

احمد سعد _ مش باقي مني غير شوية دم

بهاء سلطان - احمد سعد - عشان بحبك انا

السجن عشّش فى قلبي
وماشي فى شوارعك

نفس اللى باعني وخدعني
بالرخيص بايعك
هشيل حمولي أنا!
ولا هشيل حملِك!
ما عدت أملك شئ
فيكي ولا فيّـا!

أهديكِ عمرى وحِسي وجوارحي
أهديكِ جرحي
هو اللى باقي فى دنيتى
لما خِلِص فرْحي

مش باقى منى غير شوية ضيْ
وعنيا مش قادرة تلمحنى
فى وحدتى محْنِي

مش باقي منى غير
شوية حب جارحنّي

السجن .. أحمد سعد من فيلم دكان شحاته

نفسي أنام.. فينِك؟
يا أمُّ الرُّمُوش عنقريبْ
(العنقريب سرير يصنعه أهل النوبة من الجريد)
ماتدمّعيش عينِك
الفرْح جاي عن قريبْ
*
إزاي بتتحمّل؟!
أنساها.. وتجيني
أسقي بنات الدنيا إلاّها
وأمّا العطش يكويني ألقاها..
هيّ اللي تسقيني
تهديني يوم وردة
أدِّيها لفلانة
تجري على حضني..
أحكيلها عن (نانا)
إزاي بتتحمّل؟!
غمْز البنات
وأوعر من غمزهم ردِّي
جايّاني ملهوفة.. ما تلاقي غير صدِّي
أحزن في أحضانها.. وأفرح هناك وحدِي
يا أمُّ القليب اتخلَق.. ماعرِفْش غير يِدِّي
يا أمُّ الفؤاد وَلّاد ماعرِفْش غير يعشَقْ
الصبر عدّى وزادْ
يا قلبها المتقادْ
ما عرِفت يوم تزهَقْ
كانت بتلبس لي أجمل فساتينهَا
ترمي ف صحارِيّا أفتن بساتينهَا
تِدْمع رياحينْهَا
ولا قلبي يوم يشفَقْ
وإزاي بتتحمّل؟
كُتر الكلام عني بحكاوي وأنا غايبْ
“الليلة كان سهرانْ”
“الليلة كان سكرانْ”
“الليلة كان عاشق.. والليلة كان دايبْ”
يا أمُّ الرموش طايْشَة
وأمُّ العيون لَامّة
حضنِك ماحيساعنيش
أنا بَلْوِتي طامّة
أربع سنين يا هوى.. مِلْكِيّتي عامّة
كل البنات اتلبّنوا بيَّ وتفُّوني
ورسموني خروف معلوف
وسمعوا قصايدي وابتسموا
وصحيُم بدري يوم العيد.. ودبحوني
بقالي ييجي أربع سنين مسمار في غيط شواكيشْ
دَقُّوا على راسي لكن ماثبّتونيشْ
يوم ألتقي مَرْسَى
وسنين ياخدني الطيشْ
كل الألَم فيَّ
ولا قادر اتألّمْ
وبتصعبي عليَّ
ومش باقدر أتكلّمْ
أنا نفسي بس أفهمْ
كلّ البلاوي ديَّ..
إزّاي مابعّدوكيشْ؟
سامحيني لمّا أغلَط
وأنا تاني رايح أغلط..
لاجْلٍ تسامحيني
أحلى ما في التوَهان.. أوّل ما باجي أوصلْ
وأحلى ما في الأحزان إنِّك تضمّيني
يا مسكّناني ضلوعْ
جواكي راحْ وبَراحْ
ماباينلهاشي رجوعْ
شكلي حاموت سوّاحْ
كان نفسي فيكي زمان
أيّاميها كان لي قلبْ
كانت الحياة خضرا
النخلة والبقرة
والقلب طين أبيض بينام على القرآنْ
وبيصحى وقت الحَلْبْ
أياميها كان لي قلبْ
إيه اللي قلَب النور ضلْمة ولِيل راسي؟
وإشمعنى فوق راسي
يحلا العذاب والقَلْبْ؟
وإشمعنى سابوا الناس بقلوب خَضَار وعَمَارْ..
وف قلبي نِزْلوا سَلْب؟
أنا أوّل اللي اتصلَبْ.. بس التاريخ كدّابْ
مافهمش معنى الصلْبْ
ركعوا البنات ليَّ واتَّنُّوا قدّامي
وف حفل إعدامي ضحكوا وقالوا: كلبْ!
إنتي اللي دمّعتي
جمّعتي جسماني من مملكِة (أوزوريس)
ويا ريت ما جمّعتي!
طب كنتي سبتيني..
أدخل هنا غزوة.. وأعمل هنا هُدْنَة
وما دمت أنا ميت.. إيه تِفْرِق الدفْنَة؟
ما البحر راح يسبَقْ
لو مهما جدّفْنَا
إنتي اللي بتعاندي
عشمانة في الجنة.. والجنة مش ليَّ
إزاي بتتحمل لوم الصحاب فِيَّ؟
على إيه غرامك بِيَّ؟
ده التبن من تحتِيه باقي الماعُون مَيّة
تضحك على قولهم وتبصّ في الساعة
وتقول: زمانه صِحِي
زيدي كمان نورِك يا أمُّ الجبين الضَّحِي
جَنّنِي صوت حزنِك.. إياكي يوم تفرحِي
لا الفرحة تسرقنا
لا أنا حِمل مهرِك ودهبِكْ
ولا جايْ معايْ عاجِكْ
ولا حِمل توب من حريرِكْ
ولا ماسَة من تاجِكْ
ده أنا بالكتير حاجِجْ
من وسط حُجّاجِكْ
جيت لك في شهر حرام.. فماتهدريش دمّي
ماتقرّبيش مني.. مانتيش كِفَا همِّي
وَلِّي لِحُجّاجِك يا أمُّ الجبين عرفاتْ
حبِّك كَمَا الصلوات.. والقِبلة مش يَمِّي
يا معلِّماني الهوى
ومسَكِّنة التباريحْ
حبك نخيل طارحْ
مايهزّهوش الريحْ
أرمي الحجَرْ جارِحْ
تنزِل رُطَبْ مجاريحْ
إزاي بتتكسّر أشواكي جوّاكي؟
أبكي على صدرِكْ
ألقى البُكا تفاريحْ
إزاي بتتغير دنيايا جوايا؟
أوّل ما أكون جنبِك
وإزّاي يجيلِك صبر تنشّفِي بُكايا..
والذنب مش ذنبِك؟
أنا الأعمى
جفاني الحبّ ونسيته على إيدين اللي تتسمّى ما تتسمّى
قطَعْ راسي على خوَانَة.. ولا كَبَّر ولا سمّى
ولا سابْني أموت مستورْ
ولمّ عليَّ ميت لمّة
وذنبك إيه بَقِيةِ السِّكة تقْضيهَا بعجوز أعمى؟
أنا اللي الناس بتخشاني: هوا ومنظرْ!
هموم الدنيا خاشاني.. وباتمنظرْ
وعايش عيشة خَشّاني.. وباتغندرْ
وباتلَكْلِك في حضن الليل سُكّيتي
عواصفي.. فوق حدود وصْفِي
وبابِك صعب يتحمّل عواصف.. مهما سَكّيتي
أنا المدبوحْ
ولما تقول لي: “حبيتَكْ”
باحسّ دماغي واكلاني
إردّ بإيه على بنيّة في كل كيانها شايلاني
أنا المجرم وأنا القاسي
وأنا اللي نسيتها ميت مرة ما نِسْيِتْني
ومِشْيِتها في دروب مُرّة ما ملّتني
وداسِتْ ع الطريق حافية.. وسلّتني
وصِحْيِتْ بدري وقت الفَجْر.. صلّتني
أرد بإيه؟
وقلبها سابها في متاهة
قليل الأصل غَيَّاها
وقلبي التاني قسّاني
وقلّ بأصله ويّاها
غرامِك يا أمُّ طيف مَخْمَلْ
بيتجمَّلْ
ويفرش صدري بالعنبر وبالمحمَلْ
أنا المعشوق يا كل العاشقين: غِيروا!
تحبّوا.. شيء جميل طبعًا
لكن تتحبوا.. ده الأجملْ
حبيبتي أحلى من شعري
وأحلى م الحروف كُمَّلْ
ولا بتُهجُر ولا بتغدُر
ولا باظْلِمْهَا تتمَلْمَلْ
لكنّي في حيرتي باستغرَبْ
أنا إزاي مش باغنّي لها؟
وهيّ إزاي بتتحمّل؟!

هشام الجخ - ايزيس

هشام الجخ - نانا

هشام الجخ - مشهد وفاة والدة هشام الجخ - من قصيدة شكلك مصلتش العشاء

ياسين التهامى - الحب منك اليك - تتر نهاية مسلسل مولانا العاشق - MP3

أغاني فيلم كف القمر
كارمن سليمان واحمد اسماعيل
دقوا البيبان
اوعى زمانا يخونا
بتبني مستقبلك
يا طوبة حمرا

أغاني فيلم كف القمر كاملة

مش باقي مني -احمد سعد- من فيلم دكان شحاته

اه و اه و يا فرحة قلبي كنت طير وصبحت مركبي
بجناحين و حملت حبايبي 

هشام الجخ - مشهد وفاة والدة هشام الجخ - من قصيدة شكلك مصلتش العشاء

Bebo Mahmoud

Recent comments

محمد ربيع دولسيكا

محمدكمال مبروك

Mohamed Rady

Eslam Mostafa

Related tracks