Спорт сонирхогч бүхэнд зориулан бэлтгэх Behind the Sport подкастын анхны дугаараа Олимпийн наадмын сайн дурын ажилтнаар хэрхэн сонгогдох талаар ярилцлаа.
Рио 2016 оны Зуны олимпийн наадам, Пёнчаны 2018 оны Өвлийн олимп, 2020оны Лозанны Залуучуудын өвлийн олимпийн наадам дээр тус тус ажиллаж байсан, Токио 2020 зуны олимпийн наадам дээр ажиллах Ө.Энхцацрал, Э.Гуамарал нартай ярилцлаа. 
Тэд хэрхэн сонгон шалгаруулалтанд бэлтгэж, олимпийн наадам дээр ажиллаж байсан туршлагаа хуваалцсан байгаа.

Ep#1: Хэрхэн Олимпийн наадамд сайн дурын ажилтнаар ажиллах вэ?

Шинэхэн дугаартаа бид волейболын спортоор Япон болон Солонгос улсын оюутны лигт тоглодог Б.Баярсайхан, Г.Хандсүрэн нарыг урьсан юм.  Тэдний волейболын спорттой холбогдсон түүх, мэргэжлийн тэр дундаа олон улсын түвшинд хэрхэн суралцаж, хичээллэх болсон тухай сонирхолтой сэдвүүдийн хүрээнд ярилцсныг хүлээн авч сонсоно уу

Ep#2: Г.Хандсүрэн, Б.Баярсайхан -Япон & Солонгосын оюутны лигийн тоглогчид

Сайн байцгаана уу?
Бид энэ удаагийн дугаартаа Монголын Электрон Спортын Холбооны ерөнхий нарийн бичгийн дарга А.Амаржаргалыг урьж, Монголдоо хамгийн олон тамирчинтай гэгддэг E-спортын тухай ярилцлаа.

1:50-07:30 Дотоодын болон олон улсын тэмцээн, уралдаануудын эргэн тойронд
8:20-11:30 ОУОХ-ны залуу сэтгүүлч хөтөлбөрийн тухай
11:50-12:57  Монголын Е-спортод үзүүлж буй Ковид-19-ийн нөлөө
13:20-16:22  Е-спорт спортын төрөл мөн үү? Үндсэн төрлүүд
16:50-22:25 Мэргэжлийн тамирчин болон сонирхогчдын ялгаа, бэлтгэлжилт ба боломжууд
25:20-33:05 Ивээн тэтгэгчид, холбооны менежмент, хамтын ажиллагаа
33:16-38:19 Е-спортын онцлог,давуу талуудаас

Ep#3: А.Амаржаргал Монголын Электрон Спортын Холбооны ерөнхий нарийн бичгийн дарга

Сайн байцгаана уу?   
Ээлжит дугаараа бид хүрээлэн буй орчны асуудлуудыг хөндөж ярилцдаг, “ногоон” подкаст Sustainable Mongol-той хамтран бэлтгэлээ. Энэхүү подкастаас ОУОХ (Олон Улсын Олимпийн Хороо) өөрсдийн боловсруулсан тогтвортой хөгжлийн 18 зорилтуудыг үйл ажиллагааныхаа хүрээнд болон Олимпийн наадмуудад хэрхэн тусгаж ажиллаж буйг, мөн энэхүү үзэл санааг спортоор дамжуулан олон нийтэд түгээх боломжуудын талаар ярилцсныг хүлээн авч сонсоно уу.

Ep#4: Олимп ба Тогтвортой хөгжил

Шинэ 7 хоногт ээлжит подкастаараа уулзаж буйдаа баяртай байна. Дугаарын зочноор Олон Улсын Олимпийн Хорооны “Эмэгтэйчүүд ба Спорт” комиссын гишүүнээр 2015-2019 оны хооронд сонгогдон ажиллаж байсан П.Тунгалаг эгч маань оролцож, спорт дахь эмэгтэйчүүдийн оролцоо болон тулгамдаж буй асуудлууд зэрэг сэдвүүдийг хөндөж ярилцлаа. Үргэлж биднийг дэмжиж байдаг та бүхэндээ баярлалаа. Бас share хийхээ мартав аа! 😊

Ep5: Women In Sport П.Тунгалаг (ОУОХ “Эмэгтэйчүүд ба Спорт” комиссын гишүүн 2015-2019)

A bi-weekly podcast featuring interviews with the professionals of the sports industry in Mongolia

Behind The Sport podcast