Пісьменнік і журналіст Сяргей Дубавец распачынае падкаст "Літаратурныя зацемкі" спецыяльна для сайта Bellit.info. 

У першым выпуску з назвай "Анталёгія "Вільня" аўтар расказвае пра вобраз "крывіцкай мекі" ў беларускай літаратуры.

Падкаст даступны ў звыклым аўдыяфармаце, а таксама ў тэкставай версіі.

Літаратурныя зацемкі. Выпуск 1. Анталёгія «Вільня»

Пісьменнік і журналіст Сяргей Дубавец у новым выпуску падкаста працягвае апавядаць пра Вільню і ейнае месца на беларускай літаратурнай мапе. Гэтым разам пра пачатак Вільні, пра месца гэтага горада ў вершах Янкі Купалы, Змітрака Бядулі, Францішка Аляхновіча ды іншых.

Літаратурныя зацемкі. Выпуск 2. Анталёгія «Вільня» (частка 2)

Пісьменнік і журналіст Сяргей Дубавец у падкаст-праекце спецыяльна для сайта Bellit.info працягвае апавядаць пра Вільню, гэтым разам пра ейнае месца ў творчасці Алеся Гаруна, Наталлі Арсенневай, Максіма Танка.

Літаратурныя зацемкі. Выпуск 3. Анталёгія «Вільня». Незвычайная вечарынка

У чацвёртым выпуску спецыяльнага падкаст-праекта для Bellit.info "Літаратурныя зацемкі" Сяргей Дубавец расказвае пра віленскую беларушчыну, якая ніколі не была савецкай. Героі гэтага эпізода - Уладзімір Жылка, Міхась Машара, Антон Луцкевіч, Янка Купала і іншыя пісьменнікі і пісьменніцы.

Літаратурныя зацемкі. Выпуск 4. Анталёгія «Вільня». Несавецкая беларушчына

Журналіст і пісьменнік Сяргей Дубавец у чарговым выпуску падкаста "Літаратурныя зацемкі" расказвае пра кнігу Алеся Пашкевіча "Цясляр волі", што прысвечаная жыццю і творчасці Алеся Гаруна.

Выпуск 5. Цясьляр лёсу. Кніга пра Алеся Гаруна

У чарговым выпуску падкаст-праекта “Літаратурныя зацемкі” пісьменнік і журналіст Сяргей Дубавец дзеліцца ўражаннямі ад прачытання новай кнігі Барыса Пятровіча "Цнота на потым", якая пабачыла свет у красавіку ў выдавецтве фонда "Камунікат".

Выпуск 7. Барыс Пятровіч. Цнота на потым

У новым выпуску падкаста "Літаратурныя зацемкі" пісьменнік і журналіст Сяргей Дубавец расказвае пра рускамоўны раман Паўла Анціпава "Куда-нибудь приезжать что-нибудь делать и уезжать", які паспеў атрымаў неадназначныя ацэнкі чытачоў і крытыкаў.

"Паказальныя Анціпаўскія мучэньні з тым, ці пісьменьнік ён, адбываюцца ў кнізе паралельна з нацыянальнай самаідэнтыфікацыяй аўтара...".

Гэтая кніга пра тое, як герой знаходзіць свой стары тэлефон, а ў ім — смскі з мінулага жыцця. Пра каханне, пры тое, як жыць (у тым ліку на 2 баксы ў дзень), ці можна зарабіць літаратурай і навошта хадзіць на Плошчу — 375 старонак вакол 15 кароткіх паведамленняў.

Кніга выйшла ў выдавецтве "Мяне няма" ў 2025 годзе.

Выпуск 8. Куды і навошта ездзіць Павел Анціпаў

Сяргей Дубавец у новым выпуску “Літаратурных зацемак”, падкаст-праекта спецыяльна для Bellit.info, дзеліцца ўражаннямі ад прачытання новага рамана Югасі Каляды "Перамена месцаў", які нядаўна выйшаў у выдавецтве "Пфляўмбаўм".

"Выклікаюць павагу кнігі, якія захапляюць літаральна. Дзясятак першых старонак, і адарвацца ўжо немагчыма. Дынамічны сюжэт, насычаная мова, выразныя партрэты герояў і іх пазнавальныя перажываньні… ".

Выпуск 9. Перамена месцаў Югасі Каляды

Сяргей Дубавец у новым выпуску “Літаратурных зацемак”, падкаст-праекта спецыяльна для Bellit.info, апавядае пра кнігу ўспамінаў Мельхіёра Ваньковіча "Шчанячыя гады" і следам за аўтарам разважае пра сялян і "паноў" на самым зыходзе эпохі апошніх у першай палове ХХ ст.

Выпуск 10. Шчанячыя гады. Мэльхіёр Ваньковіч

Сяргей Дубавец у новым выпуску “Літаратурных зацемак”, падкаст-праекта спецыяльна для Bellit.info, дзеліцца ўражаннямі ад прачытання трэцяга выпуску альманаха "Апостраф". 

Развагі пра паэзію Андрэя Хадановіча і Анатоля Івашчанкі, пра дэбют Лесі Стэфаніі-Міхалевіч, пра лёс забытых герояў, мастацкую прозу Валера Гапеева, дзённікі Барыса Пятровіча ды многае іншае.

Выпуск 11. Трэці нумар альманаху "Апостраф"

Сяргей Дубавец у новым выпуску “Літаратурных зацемак”, падкаст-праекта спецыяльна для Bellit.info, расказвае пра досвед чытання новага рамана Сашы Філіпенкі "Слон". Што насамрэч увасабляюць сланы ў кнізе, дзе межы чалавечага прыстасавальніцтва і страхаў, ці парушыць аўтар правілы сваёй літаратурнай гульні?

Выпуск 13. Саша Філіпенка "Слон"

Сяргей Дубавец у межах падкаста "Літаратурныя зацемкі" дзеліцца ўражаннямі ад прачытання ў беларускім перакладзе Сабіны Брыло раману Гінтараса Граяўскаса "Гісторыі пра адважнага рыцара Тэнксалота і дракона містэра Кайндлі", які выйшаў у новым выдавецтве Surma. Алегарычнная казка для дарослых пра годнасць, сяброўства, выбар між "біць альбо не біць" і пошукі свайго дракона.

Выпуск 14. Гінтарас Граяўскаc. Гісторыі пра адважнага рыцара Тэнксалота і дракона містэра Кайндлі

Сяргей Дубавец у адмысловым падкасце “Літаратурныя зацемкі” разважае пра руіны і былую ціхмяную беларускую веліч пасля прачытання новай кнігі Андрэя Горвата "Дом" (Вільня, 2025). Ці можна вярнуць да жыцця разбуранае і занядбанае больш за 100 гадоў таму? Што выйдзе з гэтай спробы?

Выпуск 15. Андрэй Горват. Дом

Сяргей Дубавец у спецыяльным падкасце "Літаратурныя зацемкі" разглядае кнігу Альгерда Бахарэвіча "Плошча Перамогі" (Vesna Books, 2023). Аўтар падкасту прачытаў твор пра праўду і хлусню як раман пра наш час, адлюстраваны ў алегорыях.

Выпуск 16. Альгерд Бахарэвіч. Плошча Перамогі

Спецыяльна для Bellit.info ў аўтарскім падкасце “Літаратурныя зацемкі” Сяргей Дубавец пасля прачытання зборніка Усевалада Сцебуракі "Беларускія зоркі" (2024) разбіраецца, якім паэтам ёсць аўтар. У кнізе паўстае паэт-маршалак, жыццялюб, чый празрысты і дакладны верш перадусім дзеліцца з чытачом эмоцыямі і дзівіць трапнымі сэнсамі.

Выпуск 17. Усевалад  Сцебурака. Беларускія зоркі

У новым выпуску аўтарскага падкасту “Літаратурныя зацемкі” Сяргей Дубавец рэфлесуе пасля прачытання кнігі "Горад на гары" — анталогіі літоўскай паэзіі ў беларускіх перакладах, што пабачыла свет сёлета. Адкуль радасць і бязрадаснасць у вершах, ці перадае літоўская паэзія эстафету беларускай, ці магчымы сёння дыялог між літаратурамі?

Выпуск 18. Горад на гары. Анталёгія літоўскай паэзіі

Новы выпуск аўтарскага падкасту “Літаратурныя зацемкі” Сяргея Дубаўца прысвечаны выданню альбома "Экспэдыцыя Вацлава Ластоўскага 1928 году", які выйшаў у выдавецтве Skaryna Press у 2024 годзе. 

Ці сапраўды Вацлаў Ластоўскі ёсць Дэміургам беларускага адраджэння, а краязнаўства стала адным з галоўных штуршкоў да фармавання нацыі?

Выпуск 19. Альбом забытай экспедыцыі

Новы выпуск падкасту “Літаратурныя зацемкі” Сяргея Дубаўца прысвечаны развагам вакол кнігі Адама Глобуса "Наш сусед Караткевіч". Геній, легенда, п'яніца, вечны падлетак ці проста дзядзька Валодзя? Менавіта такім розным малюе аўтар класіка беларускай літаратуры, з любоўю ствараючы міф "Уладзімір Караткевіч".

Выпуск 20. Адам Глобус. Наш сусед Караткевіч

Сяргей Дубавец у новым выпуск падкасту “Літаратурныя зацемкі” дзеліцца сваім досведам працы ў журы прэміі імя Карласа Шэрмана, якой ганаруюцца найлепшыя перакладныя кнігі. Развагі ў аўтарскім падкасце — суб'ектыўнае меркаванне цікаўнага чытача, які шукае асабіста для сябе літаратурныя адкрыцці.

Выпуск 21. Незвычайныя адкрыцці на прэміі Шэрмана

У новым выпуску падкасту “Літаратурныя зацемкі” Сяргей Дубавец рэфлексуе па прачытанні кнігі Аляксея Правалоцкага "Цягнік да Познаня". Ці сапраўды перад чытачом — зборнік эсэ? І ці ўдалося нейкім магічным чынам аўтару, апавядаючы пра польскія мясціны і перадусім Варшаву, напісаць менскую кнігу?

Выпуск 22. Аляксей Правалоцкі. Цягнік да Познаня

У новым выпуску падкасту “Літаратурныя зацемкі” Сяргей Дубавец дзеліцца ўражаннямі ад прачытання першых дзвюх частак гістарычнага рамана літоўскай пісьменніцы Крысціны Сабаляўскайце "Silva rerum" у перакладзе Сяргея Шупы. Жарсці, псіхалагізм, сюжэтныя павароты, Вільня як адзін з галоўных герояў і гісторыі людзей ажыўляюць сухую абрэвіятуру ВКЛ.

Выпуск 23. Крысціна Сабаляўскайце. Silva rerum. Частка 1

Чарговы выпуск падкасту “Літаратурныя зацемкі” Сяргея Дубаўца — гэта працяг папярэдняга з развагамі пра гістарычны раман літоўскай пісьменніцы Крысціны Сабаляўскайце “Silva rerum” у перакладзе Сяргея Шупы. Гэтым разам у фокусе сучасная мова, выразная неідэалагізаванасць твору, крытычнае і нават халоднае стаўленне да традыцыйнай культуры ды трывожныя чаканні з'яўлення Расеі ў наступных дзвюх кнігах тэтралогіі.

Выпуск 24. Silva rerum. Крысціна Сабаляўскайце. Частка 2

У новым выпуску аўтарскага падкасту "Літаратурныя зацемкі" Сяргей Дубавец дзеліцца развагамі пасля прачытання свежага нумара альманаха "Апостраф", які пабачыў свет у лістападзе. З чаго пачынаў Васіль Быкаў, "чыстая паэзія" Аксаны Данільчык, зварот да антычнасці ў паэме Галчыньскага ў перакладзе Хадановіча і важнасць кантэксту пры чытанні польскамоўных тэкстаў 19 стагоддзя.

Выпуск 25. Чацвёрты выпуск альманаха "Апостраф"

У чарговым выпуску аўтарскага падкасту “Літаратурныя зацемкі” Сяргей Дубавец рэфлексуе па прачытанні 900-старонкавай аўтабіяграфіі Макса Шчура "Спроба экспэрымэнтальнага канструяваньня сябе". 

Ці сапраўды касцяком кнігі выступае сэкс, як на асобе пісьменніка адбілася працяглая гісторыя эміграцыі і ці здолеў бы нехта іншы напісаць вывераную зрокам празаіка спрынтарскую паэму ўласнага жыцця.

Выпуск 26. Макс Шчур. Спроба эксперыментальнага канструявання сябе

У новым выпуску падкасту "Літаратурныя зацемкі" Сяргей Дубавец разбіраецца ў прыродзе смеху па прачытанні беларускага перакладу твора французскага набеліста Анры Бэргсона "Смех. Эсэ пра значэнне камічнага". Ці можа быць смех спагадлівым і добрым, наколькі ён з'ява індывідуальная, ці дастаткова камічнага ў беларускай літаратуры?

Выпуск 27. Анры Бэргсон. Смех. Эсэ пра значэнне камічнага

Падкасты і аўдыяматэрыялы ад bellit.info, сайта які расказвае ўсё пра літаратуру

bellit.info

Popular tracks