ترانيم اطفال

فكر يلا معايا ضرورى.WMA

كل الشمس ما تطلع كان فيه أعمى دايماً يرفع
 قلبه و يطلب إنه يفتح يلقى يسوع

كان صاحبه عكازه كان النور أجمل أحلامه
كان شايل جواه أحزانه و كان مستني يسوع

كان الأعمي يوماتي يستعطى و ينادي
كان الأعمي يوماتي يوماتي يستعطى و ينادي
ساعدوني يا ولادي ساعدوا فقير محتاج (2)

كان واحد يديله و واحد تاني يسيبه (2)
و واحد ياخد إيده و كتير كانوا ينسوه (2)

بس يسوع لما رآه قلبه إتحنن ليه و شفاه (2)
مد إيديه الاتنين و إداه ... نور لعيونه

و بقى صاحبنا يوماتي بيسبح و ينادي
و بقى صاحبنا يوماتي يوماتي بيسبح و ينادي
شكراً ليك يا إلهي شكراً ليك يا يسوع (2)

(كل الشمس ماتطلع بقى للأعمى عينين و فتح
يشكر اسم الله و يسبح و يصير ويا يسوع

ويا يسوع يوماتي لا بيستعطى و لا بينادي
مجد الله نور لي حياتي شكرا ليك يا يسوع)2

REL_Kids_قصاقيص

كان الأعمى

ياللا هنلعب ياللا ياللا هنحسب بالأرقام (2)
ياللا هنلعب لعبة جميلة ياللا هنلعب يالأرقام (2)

1- واحد زائد واحد طبعًا راح يعملوا صليب
متعلق على صدرك جوه في قلبى و قلبك
لما تنام وتقوم وف أكلك فوق جرحك هيطيب

2- واحد جنبه واحد يبقوا إتنين أصحاب ماشيين
بيقولوا ف ترنيمة فى طريقهم لكنيسة
يبقى يسوع هو تالتهم وفى إيده ماسكين

3- واحد ناقص واحد يبقى الخير جواك موجود
طمعك أو حلفانك كسلك ولا خصامك
لو تطرحهم برة حياتك يفضل بس يسوع

يلا هنلعب

(واحد أبيض واحد أسود واحد عكس التانى تمام
واحد إبن النور والتانى قلبه عنيد بيحب المال)2

1- (كان فيه واحد أصله كبير كان غنى قوى وفلوسه كتير
و واحد تانى إسمه لعازر كان غلبان قوى قوى وفقير)2

(الغنى كان بيحب فلوسه ولعازر بيحب الله)2

(لكن بعد ما عاشوا زمانهم خسر الغنى خيرات الله
ولعازر من بعد أتعابه فاز بيسوع فاز بسماه)2

2- (مرة يسوع كان فى الهيكل دخلت واحدة فقيرة عليه
شايلة معاها كيس عطاياها كان وياها يادوب فلسين)2

(ودخل واحد غنى للهيكل كان وياه من الفضة كيسين)2

(الغنى أعطى من فضلاته كيس بشماله وكيس بيمينه
ادت هى من أعوازها رغم حاجتها للفلسين)2

3- (مرة واحد فكر يبنى بيت ويخليه أجمل بيت
جه على حبة رمل وحط أول طوبة و أول حيط)2

(و واحد جاره فكر يبنى جه ع الصخر وحط البيت)2

(وفى يوم هب الريح شديد هد حيطان بيت الرمل
أما الجار الشاطر كان كان يحميه بيت الصخر)2

+ واحد حط البيت ع الرمل والتانى ثبته فوق الصخر
واحدة ادت من أعوازها والغنى من فضلاته اداه
واحد كان بيحب فلوسه ولعازر بيحب الله
واحد أبيض واحد أسود ... واحد عكس التانى تمام

واحد أبيض واحد أسود

(قطتي مشمشه ناو ناو ناو ناو ناو
قبل ما تاكل أكلها هم هم هم هم هم)2

( قبل ما تلعب لعبها ... قبل ما تعمل شغلها)2
(دايمًا تشكر ربها ناو ناو ناو ناو ناو)2

قطتي مشمشة

كان فى الجب نمور ووحوش وأسد كان جعان
كان بيلف يدور ويدور كان م الجوع غضبان

(كان صوته بيزعق ويثور ... ادونى غزالة او ثور)2

كان الجب مكان بيخوف بشر كان ولا نسور
وبدا الاسد الصاحى يشمشم كان فى فريسة عليها الدور

(شمال يمين)2
كان صوت الحراس جايين شمال يمين شمال
بالخطوة كانوا محازيين شمال يمين شمال
كان صوت الحراس جايين ... بالخطوة كانوا محازيين

قدام باب الجب اصطفوا وفى لحظة كانوا ثابتين
ووقف جندى فى ايده عريضة عن واحد من المساجين

"السجين دانيال: لقد خالفت اوامر مولانا الملك وسجدت لالهك 
لذلك فقد حكم علينا مولانا الملك بالموت فى جب الاسود
نفذوا الحكم"

(دانيال دانيال انسان بيحب الله فيه روح وحياة من قلب الله البار)2

(واتقدم دانيال بإيمان وسط وحوش الجب
اتقدم ومعاه يد الله وسط أسود الجب)2

والله بيد عظيم هدى الأسود وحماه
سبح إليه دانيال لما القدير نجاه

(دانيال دانيال انسان بيحب الله فيه روح وحياة من قلب الله البار)2

(ومع الشجعان صار اسمه راح قدم نفسه وجسمه)2
الله علشانه اتقدم وغلب كل الأسود

(إديني قوة دانيال الجسور ... قوة عظيمة تغلب النمور)2
قوة ... عظيمة ... (تغلب النمور)3

دانيال

- القرار -
( زي الشعار ومش زي الفريسي
أنا قلبي اختار أكون زي العشار)2

1- وقف العشار في الصف أخير خجلان يترجى وبقلب كسير (2)
وصرخ بإيمان وبصوته ينادي ارحمني ياربي أنا العشار الخاطي

2- أما الفريسي وف أول صف متكبر كان واقف يهتف (2)
شكراً يا إلهي إني مش جاني ولا زي التاني ولا زي العشار الخاطي

3- الله بمحبة سمع العشار وكتب له نصيبه ويا الأبرار (2)
أما الفريسي راح صوته وضاع مين يوضع نفسه يفوز زي العشار

زي العشار

إحنا جنود ويسوعنا قائدنا وبنسلك فى طريق النور 
وخطاوى رجليه سكتنا خطوة بخطوة وراها طابور 

راية مجده هى رايتنا(2) راية غالب مش مغلوب 
راية غالب غالب غالب مش مغلوب 

إحنا جنود ويسوعنا معانا بيعدى بينا البحور 
لو فرعون بجيوشه ورانا هايعدينا لأرض النور 
أصل قائدنا (3) هو يسوع 

أحنا جنود ويسوعنا الهنا مهما يكون السور مغرور 
راح تدخل لاريحا رايتنا مما يكون شكل السور 
أصل قائدنا (3) هو يسوع

احنا جنود

1- الله وصاني لما أدي المحتاج
صاحبي كان أو جاري مايشوفنيش الناس
الله وصاني وحده يشوف أسراري
وماتعرفش يميني كام راح تدي شمالي

2- الله وصاني إني ماكنش مرائي
وأما أجي أصوم بالزيت أدهن راسي
الله وصاني لما أجي أصلي
أقفل بابي واقدم كل مشاعري وحبي

3- الله وصاني إني أحب عدوي
وأسامح من قلبي حتى اللي بيبغضني
الله وصاني أسامح أخويا وصاحبي
وأفضل أسامح أسامح قد الله ما سامحني

الله وصاني

كان مرة في واحد مسافر لبعيد 
قابله لصوص سرقوه و سابوه وحيد
بين ميت او حي متألم و جريح
مين يقدر يساعده و يمد له اية؟؟

مر الكاهن عليه مر اللاوي عليه
ولا واحد فيهم قال ده قريبي و أداويه
ولا واحد فيهم فكر لجراحه يشفيه

وسامري صالح كان مسافر شاف
المجروح و شاله بكل حنان
راح ضمد جراحه و اداله الأمان
رغم انه كان غريب ساعده و دواه

السامري الصالح

حته حاجة حلوة أد البندقة
قلت لروحي أخدها وأكلها كلها
بس ضميري قاللي إنها مش بتاعتي
والوصية تقول "لا تسرق يا صاحبي"
لالالالالالا لا تسرق يا صاحبي
أد البندقة، لكن مش بتاعتي

حتة حاجه حلوه

- القرار -
(قصاقيص قصاقيص قصاقيص)2
قصاقيص دي حكاوي جميلة كان حكهلنا يسوع يلا تعال و كون ويانا
هات اصحابك يحكوا معانا قصاقيص نتعلم فيها ان الهنا يسوع

1- يلا تعال يلا تعال نط النط يلا تعال
رحلة عجيبة من غير شنطة 
نلعب ممكن نضحك ممكن ويا تالتنا يسوع
و ف قصقوصة يفتح اعمي و يشوف نور من بعد العتمة
و خروف تايه يرجع تاني لأصحابة الخرفان

2- و اما يونان ف بطن الحوت و اما يونان
و العشار باجمل صوت
لما ينادي ارحمني يا ربي ارحمني يا ملكي يسوع
او دانيال في جب اسود او خاطي في مرة يعود 
يلقي ابوه فاتح احضانة يلقي ابوه يسوع

قصاقيص

عايز أتعلم أسمع صوتك

دي مغامرة جامدة جوا حكاية

١. في وسط العشا قام، وقال طلعوا رجليكوا قدام
أنا هاغسلهم وأعلمكم، تكونوا زيي بالتمام
نزل عند الأقدام، شوفوا مين السيد والخدام
رب المجد بنفسه نازل، يغسل الرجلين كمان

- القرار -
٠ (غسل رجلينا، إحنا التلاميذ، وهو معلمنا وإلهنا العظيم)٢

٢. إذا كنت وأنا المعلم، رضيت أغسل رجليكم
انتوا كمان مفروض عليكوا، تغسلوا رجلين بعضيكم
بتواضع إخدموا بعض، طول ما انتم عايشين في الأرض
ده مفيش عبد أعظم من سيده، ولا سيد يقسى على عبيده

__________________________________________
يو ١٣: ٤-٥، ١٢-١٦

٤ قَامَ عَنِ الْعَشَاءِ، وَخَلَعَ ثِيَابَهُ، وَأَخَذَ مِنْشَفَةً وَاتَّزَرَ بِهَا،
٥ ثُمَّ صَبَّ مَاءً فِي مِغْسَل، وَابْتَدَأَ يَغْسِلُ أَرْجُلَ التَّلاَمِيذِ وَيَمْسَحُهَا بِالْمِنْشَفَةِ الَّتِي كَانَ مُتَّزِرًا بِهَا.

١٢ فَلَمَّا كَانَ قَدْ غَسَلَ أَرْجُلَهُمْ وَأَخَذَ ثِيَابَهُ وَاتَّكَأَ أَيْضًا، قَالَ لَهُمْ: «أَتَفْهَمُونَ مَا قَدْ صَنَعْتُ بِكُمْ؟
١٣ أَنْتُمْ تَدْعُونَنِي مُعَلِّمًا وَسَيِّدًا، وَحَسَنًا تَقُولُونَ، لأَنِّي أَنَا كَذلِكَ.
١٤ فَإِنْ كُنْتُ وَأَنَا السَّيِّدُ وَالْمُعَلِّمُ قَدْ غَسَلْتُ أَرْجُلَكُمْ، فَأَنْتُمْ يَجِبُ عَلَيْكُمْ أَنْ يَغْسِلَ بَعْضُكُمْ أَرْجُلَ بَعْضٍ،
١٥ لأَنِّي أَعْطَيْتُكُمْ مِثَالاً، حَتَّى كَمَا صَنَعْتُ أَنَا بِكُمْ تَصْنَعُونَ أَنْتُمْ أَيْضًا.
١٦ اَلْحَقَّ الْحَقَّ أَقُولُ لَكُمْ: إِنَّهُ لَيْسَ عَبْدٌ أَعْظَمَ مِنْ سَيِّدِهِ، وَلاَ رَسُولٌ أَعْظَمَ مِنْ مُرْسِلِهِ.
__________________________________________
ترنيمة غسل رجلينا
كلمات وألحان: صفوت ناجي
توزيع موسيقي: محب صفا
Dream Studio
إنتاج: دار الكتاب المقدس
bit.ly/ghasal_reglena
__________________________________________

في وسط العشا قام - غسل رجلينا إحنا التلاميذ

تليفون السما

ارادة الله 😍كاملة... صالحه ..... مرضيه❤🙏

دانيال

bengineer

Recent comments

Ghada Maher 7

Ghada Maher 7

Related tracks