بشرى عجبان

الدم اللي ع الحيطان
والشوارع والببان
واللي غرق المكان

والمقطع والجريح

والعسكري اللي غايب
والظابط اللي سايب
والمجرم اللي جايب
دليل فكره الصحيح

الدم اللي ع الإيدين
فالشفايف فالعينين
ع الخدود .. ع الجبين
والتواطؤ الصريح

واللي عتم واللي نافق
واللي كبّر واللي كافيء
واللي ساكت والموافق
على ترسنة وتسليح

الدم ده أخواتي
واصحابي وبناتي
وحِياتِي و.. حَياتْي
لأصرخ وآئن وأصيح

هتفجروا الأجساد ؟
هتعيطوا الأولاد ؟
وتفكروا ده جهاد ؟
يا ضمير غبي وكسيح

تبقى البلد بلدي
والدم من عندي
ولسه بتعاندي
يا حكومة التصاريح

يا قتلة الأحلام
يا حملة الألغام
يا تقولوا ده الإسلام
يا تقدموا التصحيح

الدم ده غالي
وصوتي مش عالي
أوعدكو يا عيالي
يجي يسوع ويزيح

ولا هتبطلوا شعارات
وخلاص وطنكم مات
خليكوا في الهيافات
والفتوة والتسطيح

الدم نار قايدة
وروح : مفيش فايدة
ومصافحة ومعايدة
ومشرحة وتشريح

فيه ناس بتشتمنا
وقاصدة تقسمنا
وتصلي تحرمنا
بس الصلاة تسبيح

الدم ده بخورنا
بنصلي تنصرنا
الريح هتعصرنا
سكت بقى أنت الريح

وأخواتنا دول جاهلين
عرفهم تبقى ميييين
وسامحهم يا أمين
وقوم المجاريح

الدم على البيوت
وبتاع 30 تابوت
وطفلة مش بتموت
فدا دم المسيح
_____________________
غناء/ بيشوي مجدي / جورج انور

الدم ... للشاعر /بشري عجبان .. من الحان /سمير عياد

متستعمنيش...الشاعر د_ بشرى عجبان.mp3

المجد لله في الاعالي وعلى الارض السلام وبالناس المسرة

الواو بشرى عجبان

قصيده ست البنات لـ د/بشري عجبان 
اداء : باسم ناجي

set elbanat - bassem nagy

بشرى عجبان صرخة عاطفتى

د بشرى عجبان

2011 بشرى عجبان - قصيدة اشهدوا عن شهداء كنيسة القديسين

قصيدة الواو د. بشرى عجبان - الفرق بين الكنيسه و المجتمع واو

كلمات د.بشرى عجبان
ألحان مينا مكرم
غناء : مينا مكرم ، نجوان رفعت
توزيع وهندسة صوت د.رأفت موريس

بحبك يامصر

د. بشرى عجبان -الحنين للذكرايات

بشرى عجبان

Beshoy Shoukery