بكل سعادة انتهاء قصيدة وحشتينى للأبد

في الليل.. والناس نيام ...والكل في حاله سارح
 مر عليا الكلام مسموم وحزين وجارح
الست ساعتها غنت ف الراديو لسه فاكر
والنحله النايمه طنت لما صحيوا العساكر
وعساكري ليل دماغي في خناق هيجيبوا داغي 
 !! والشوق عمال يلاغي والقلب ضعيف ولكن 
في الليل.. والناس نيام كله في حالة سارح
عدى عليا الكلام مسموم وحزين وجارح
الست ساعتها غنت ف الراديو لسه فاكر
والنحله النايمه طنت لما صحيوا العساكر
وعساكري ليل دماغي في خناق هيجيبوا داغي
والليل عمال يلاغي والقلب ضعيف ولكن

اكتب عن وصف قلمى ولا عن بعد ناسى ولا عن حب خدني
وشاغلني وهو ناسي 
الصبح منامه فارقه خلاه هجر السراير
والقلب هيامه سارقه والعقل نشيط وفايق انا لما كتبت شعري ووصفت الوحشه ليكي
رخصت بنفسي سعري املأ شعري يراضيكي ولقيت ولا شعري نافع ولا قلبي بيت اويكي عمال ادفع وأدافع 
عن حقي الشخصي فيكي 
مش عارف اقول كرهتك مش عارف اقول ناسيكي كملتك الف مرة منقصتش الا بيكي
النور شقشق ولالاة والحالة تضر حاله 
والهم اللي في فؤادي واصل لله تعالي
هو العالم بامري وبفعلي طول سنيني
هو العارف بأنى كاتم في الليل انيني
كان نفسي تحسي بيا كان غرضي تفهميني تمحي الحزن اللي فيا تتراضي وتراضيني 
وادي الحزن اللي اخدته والجرح اللي اعتمدته بيقول قلبي بإرادته بطلتي توحشيني 💔
انا!! انا ياما سعيت في حبك
وعملت بكرا شادر وانتي كل مرة تيجي زي اللوادر بتهدي عليا املي
وتحلي بشكل عملي كنتي بتجيبي اجلي وانا اقول تمام وحاضر
خبطتي فتحت بابي عمري ما قفلته مرة 
جرحك فوق استيعابي والموجه تملي حارة 
العمر في وهمه عدي والعدة تجر عدة
اله جاهزة ومعدة عشان تقتل عتابي
انا جاي من الشعب عادي وانتي بنت الاكابر ساكنه قرب المعادي ساكن قرب المقابر 
حولت الغلطه فيكي وعملتي عليا حاكم وبقيت عايش بقيت عايش
لوحدي مترمي في المحاكم 
الغلطه تملي عندي الجرح تملي ليا 
عايش في الشوق بلاكم بضرب وبتيجي فيا العمر بيجري قطرة والشطر بيجر شطرة 
وشتايا في عيدي مطروا ولا واحد حس بيا 
انا من ساعه ميلادي وانا بحكي القصه ديه هو كان حب هي مبقاش حابب وديني
بطلتي توحشيني 💔 من اول حد قالي أنى موهم وغافل  ولاخر شخص مالي ولقاني عنيد وقافل
وانا ماسك طوب رجايه وبدور طحن في رحايا واتاري الشوق عصايا والضرب شديد وحافل
كان عقلي يقول غثوني والقلب يقول تمهل 
الدمع يصيد عيوني والخد يقول مؤهل
كنت ارفع ظنى فيكي وامسح بالحب تحته قلبك عور براحتة قلبك خبط براحته
وانا كنت وحيد محاير بين قطم الشئ ونحته
 والزرع دا اه فلاحته والباب دا اه فتحته مش بس قبلت قلبك وكمان برئت ساحتة
انا في العالم بحاله ما فيه واحد حب قدي عشمان في سلام مؤجل عشمان في حديد مصدي الكلمه سخيفه عدي
المركب شاردة هدي الدنيا ضبابي لندن وشايفها سويسرا وردي ملكتك نص ارضي جرفت سنين في طيني
بطلتي توحشيني 💔 الحب يعز صاحبه الحب يزيد مقامه ويبان في عينه وصامته وشكله ونوع سلامه
ويبان على كل حركه ويكون فعله وكلامه وانتي لو جيك منك كان بان في سنين ما بنا الزين ينهض ويمشي 
 والشين يعرف مقامه انا نادر باقي عمري ل اللي هتصوني بعدك عمرك ما وفيتى عمري ما خلفت وعدي عمرك ما وفيتي وعدك بكرا يقابلني خلي وانتي هتموتي واحدك
 وانا ببدا صفحه بيضا صفحه واسعه وعريضه مشتاق لحياه جديدة وبنت هتصون هوايا كان لازم اعيش عذابك عشان اعمل بدايه وادي ختام الحكايه  مريت مريت مرو
سنوات عمري اللي كرو عمر الاشوق ما سروه فاروا بأوجاع وفروا 
وداروا الاحباب وضروه باروا ساعه ما بروه عيروا بهموم وعروه غاروا ساعة ما غروا احلي الاحساس امره اوفي الاحساس اشرة ابرد احساس احره
جارة وببط جرة نزفوا الدمعات وخروا واليوم صحي واستقر 
فخلعتك من روتيني بطلتي توحشيني 💔

كلمات قصيدة بطلتى توحشينى الاصلية ..بكل سعادة انتهاء قصيدة وحشتينى للأبد

Ahmed Kamel - Sendbad  راب نغمة أحمد كامل - سندباد 2016

Ahmed Kamel -  راب نغمة أحمد كامل - سندباد 2016

Hamada Helal - Garalna Eh - من فيلم حسن وبقلظ حمادة هلال - جرالنا إيه

تعرفي ياخلود 
ونوفمبر واقف ع الأبواب 
والواحد بيدوّر على ذنب مناسب 
قبل الشتوية ماتعمل ف القلب سحابه 
والواحد بيقسّم نفسه بما يرضي الله ع الخوف واللمة الكدابه
وبيدفع فواتير الأيام اللي ماعشهاش 
بقى عندي يقين ان اللي بيهرب طول عمره بحاجه عملها
بيعيش طول عمره يكفّر ف حاجات معملهاش 
وانا عندك اهو 
انسان مخدوع 
بيبص على الحواديت من خُرم الباب 
وبيمشي برجله تجاه الحزن المجاني 
كل ما يخرج من جرح قديم / يدخل تاني
تعرفي ياخلود 
من سبعه نوفمبر الفين واربعتاشر 
وانا بلعب مع اطفال لسه ماحصلوش 
وبنام على كتف ما بلمسهوش 
من يوم سبعه نوفمبر 
وانا باخرِج فيلم بدون بطلة
وبوارب بيت البيت علشان 
يدخل ابويا واحكيله الحاصل من يومها
انما ياخلود 
وكأن رصاصة من الأيام الفايته 
عدت جنبي ودخلت ف الوقت 
لا انا عارف احدد مصدرها 
ولا حد مصدق احساسي 

أيام بتمر 
شبه الميّه ف ايد الأحداث 
وانا مش أكتر من مانيكان ف الفيلم الهزلي اللي اسمه الناس 
زي الساذج
باتأكد من قفل الترباس والباب مفتوح 
زي المصدوم بيصُب الشاي على كف إيديه 
وبيشرب كوبايته الفاضيه
جرى ايه ياخلود 
هو انا كل ما ابطّل اعيّط ،، اضحك بدموع ؟
ايه يانوفمبر !  انا كل ما اقولك على حاجة يطلع ( خالد حماد ) عارف ؟
آدي المزيكا اللي بسببك خرجت ع الناس سرب مواجع
الليل واجع 
والذكرى كمنجه مابتسمّيش 
انما تعرف 
العين اللي ماتبكيش بالليل كافرة 
والرجل اللي ماتمشيش للشوق أولى ماتمشيش

قال ( سآوي إلي جبلٍ يعصمنى من الحزن )
بس الطوفان لم البكا من كل زوج اتنين
ادي نوفمبر 
احساس بالدفا بيعاشر أيامنا الباردة 
وكأن عنيكي اللحن اللي بليغ حمدي خبّاه م الناس واداه لوردة
وحدهم الشتويين فاهمين قصدي تماماً 
اسألوا شبابيك ورا منها النور 
ومشاعر عايشة ف ضهر السور 
مناديل مبلولة غياب وعتاب 
عشرات الفناجين اللي اتقلبوا لأصحاب 
ملعون اللي اتسحّب من غير مايقول  
ولحد الان بصمة ايده معلّمه ع الباب 
وآهين يا الليل 
وآهين 
هتاخدنا لفين ؟ 
مرة نوفبر / مر نوفمبر ، التاء مربوطة ف رقبة مين ؟؟
وكإن رسايل البحر السر 
اللي داوود كان حابسه بقاله سنين 
يحيي ماقررش يعيش نورا
لكن طلعتله من الأيام زي العفريت 
عدت قدامه بشمسية ف مطرة لياليه 
اكتشفت سره اللي مخبيه 
فتحت روحه ف حضنها بالليل 
مابقاش بيتهته ويّاها 
وانا يحيي اللي بينسى وجوده 
انما مش عارف ينساها 

انا نفسي اكون مطرح آمن لشعوب شبهي 
بترد الباب من غير ماتقول 
كان فيه واحد مابقاش موجود 
انا عندي أموت ولا إني اشوف النظرة اللي ف عينك ياخلود 
وانتي بتتأملى وشك ف الشاي 
وتشوفي حضارتك بتعيّط على ايد محتل
نبهتك مرة زمان منك
قُلت ان مافيش علاقات بتدوم جرح وخلّ
انما ده نوفمبر ياحبيبتي 
الشمسيّات عمرها ماهتقدر ع المطرة لو جت من تحت 
وانا شكلي سرحت 
فكّرت البوح هيريحني 
واديني دوشتك بسكاتي
فرجتك على فيلم حياتي ف قعدة ساعتين 
النور كلها حبه ويطلع 
وانا وانتي هنصبح عكس السير
كل نوفمبر واحنا غلابة 
بنحّن ونتعكز ع الغير 
بنشوف القشه تنجيّ غريق 
وبنمشي ف كل مكان وطريق 
ونقول بالليل " تصبح على خير " 
كل نوفمبر وانا وانتي بنؤمن بالأبراج 
وبنتشائم مع كل تلات 
وبنتشارك ف الأغنيات
نعمل قدام الساقية نايات 
ونبص لبعض ومانغنيش 
بكره نوفمبر ييجي حنيّن 
ونكون مع ناس تانية ماتأذيش
يمكن في حاجات عايشة وبتموت 
ننده لحاجات بتموت ف تعيش 
،،
يمكن ياخلود

أكتوبر 2019 L عمرو حسن - مرة واحد نوفمبر  Amr Hassan - Mara Wa7d November

أكتوبر 2019 L عمرو حسن - من يومين شوفتك معاه  Amr Hassan - Mn Youmen Shoftk M3ah

ماحبِتش غيرها 
برغم السنين اللي فاتت عليا 
بيفضل حنين مني ليها ف عنيا 
وتفضل كإن البنات بعد منها 
نسخ باهتة منها 
وكل الشموس اللي تبعت غيابها 
بتنعي انسحابها 
كإن الشوارع عجين لما مرت 
فنحتت اثرها 
وحفظت كلامها وخوفها وهزارها 
ومشيت جماعه مامشيتش مفرد 
عشان غاب معاها مِساها ونهارها
بتسألني عنها برودة ايديا 
ورعشة سلامي 
ويسألني عنها سكوتي وكلامي 
وحتى كلاب الشوارع بتسأل
وجندي الإشارة 
ويسألني قلبي وكلبي ومرايتي 
وتسألني ساعتي ف معاد الزيارة 
بتوحشني زي العيال ف المدارس لعين امهاتهم 
وتوحشني زي ارتباط الملابس بايد شماعاتهم 
وسايباني زي اللي ماتوا وفضلوا بيمشوا ف حياتهم
تشم القلوب كل يوم زهر فايح 
وتتبقى وردة ويفضل عبيرها 

ماحبتش غيرها 
وليها مكانه مخليّه قلبي بيسلك دروبها  
خدتني لدرجة تخليني اشوف المزايا ف عيوبها 
وصوتها 
وايه زي صوتها 
نزول المطر فوق خشب بيت قديم 
نعومة نجاة وبحة حليم 
وضحكتها تشبه دخول النسيم 
على ارض طالها الخريف من زمن 
ف يوم ما اتقابلنا 
ماكنتش باشوف الحياه ليها معنى 
وحسيت كإني عارفها لزمن 
كإن النصيب كان بعَدنا وجمعنا
وسددت تمنه وقبضت التمن
بسلم عليها كإني سايبها ف غربة ورجعت 
وسكتت ف لحظتها لكن سِمعت 
وغمضت عيني عشان املى روحي
قمر غاب ف ليلكم ونوّر سطوحي
وصالحتني كل السنين اللي فاتت
مجرد ماعدّت 
وقفنا ف مكاننا وخطاوينا مدِّت 
وفجأة انفجر سيل طويل م الأغاني 
كل ده كان ليه 
ياللي بتسأل عن الحياة 
بعيد عنك 
وسيرة الحب 
كبر الغرام 
بهواك 
حيرت قلبي معاك 
وقولت هاقدر ايوم انساك
وكل ما انساها افتكرها 
ماحبتش غيرها 

ماحستش عمري باحساس مشابه تجاه أي واحدة
كإن الغرام اللي مكتوبلي كامل 
خرج غصب عني وعلى دفعه واحدة 
كبر فيا معنى 
وصار بيننا لعنه 
بدأت معانا ف يوم ما اجتمعنا
وانا كنت اصغر سنين من كده 
ماكنتش مأمِّن ليغدر زماني  
وعايش مآمن وواقف مكاني 
وشارد ف لون الحياة البرتقاني 
وتارِك بيبان الغياب مفتوحين 
ففاجئتني ضربة على غفله مني 
وسلمت راية ف أول كمين
وفاتت سنين 
واديني كإن اللقا من ثواني
لكني بقيت للأسف حد تاني 
خانتني الظروف واتسجنت ف غيابها 
ولسّاني ايد ع الاكر عند بابها
وبعد اما كنا شباب ف البداية 
كبرنا سنين جوه شرح الروايه 
واصبح مابيننا جبال من جليد 
بلادها بعيد 
وارضي ملاها الحداد والحديد 
وتجاعيدي مرت شقوق الغيطان جوه طمي الوريد 
وأصبحت اكبر 
وأصبحت اعدي الطريق ف الإشارة 
باتقل هدومي وبلبس كوفيّه 
واحس بجروحكوا واوجاعكوا فيّا 
وأصبحت اعقل 
واهدى وأتقل 
وهي كمان حاجه انطفت 
وعاشت ظروف متعبه واختفِت 
لكن لسه نفس الصبيه الجميله 
وصاحبة ليالي الغرام الطويلة 
ولسه عيون ممكنه مستحيله 
وست البنات كلهن ف عنيا 
ومهما ايدين ناعمه مسكت ايديا 
ومهما عيوني ثبتتني ف مكاني 
هتفضل رجولتي وطفولتي عشانها 
مايملاش مكانها ف يوم حد تاني 
ولا واحدة تربط مصيري بمصيرها 
ماحبتش غيرها 

ومايأسش ابداً 
ولو حتى قالوا الحكايه ف اخرها 
ولو صوت صحابي ف وداني محاصرني 
ولو طول غيابها خانقني وعاصرني 
ولو حتى عدت سنين تانية بيننا 
هاقول انه وارد 
وجايز وممكن 
وامنّي خيالي باجمل نهاية 
وهي معايا 
وجايه تعوضني لحظة بكاها بلحظة بكايا
وراجعة بكل الورود اللي دبلت 
والاقيها قبلت تكمل معايا 
ولو ساعه واحدة 
ولو حتى نظرة 
هاحس اني مرة مشيت وانتصرت 
واني جنيت قد لما انتظرت 
فسايب مساحة ف بيتي لخيالها 
وسايب مساحة ف قلبي لعيالها
وسايب اوضتنا ترتبها هي 
وسايب مخدة زيادة وكوفيه 
ومختار اضاءة تلائم عنيها 
وعامل حسابي عليا وعليها 
واقول بكره اجمل وهاقدر وهاكسب 
رهاني ف حاجات كان خيالي خسرها 

ماحبِتش وافخر بكونها ف حياتي 
واني ف حياتي ماحبتش غيرها

عمرو حسن ماحبِتش غيرها - بالكلمات

تأليف وغناء : احمد الصاوى 
هندسة صوتية وغناء : مصطفى تيتو

نقطة بيضه - N2TA BIDA

عوروك بورد و شوك و رمولك سم فكلمه حلوه

✪✪ ﮼احمد،ماهر،اسد،الرافدين✪✪

Popular tracks