بقيت أحسن؟ أحسن ليه ولمين / أفراح القبه

هذه المزيكا غير متاحة في بلدك 
هذه الحبيبة لن تُنير قلبك 
وهذا الكون هايفرفط جناح أملك 
وهذا الطريق هايكسر عظام قدمك 
فمتمشيهوش..
كل سعيك يا صديقي 
هايروح فاشوش 
وإن كنت حالم بالسعادة 
وإن بكرة يوم جميل 
وإنه مهما جف فرحك 
هايبل ريقك سلسبيل 
أرجو إنك يا صاحبي
تصحى.. 
هذه الحياة مش ليك 
انت موجود يا صديقي 
عشان الدنيا تهد فيك
ومهما زورك يتنبح 
ماحدش راح يحس بيك 
ياسطا الناس ماتت 
وماحدش حس بيهم 
لما حتى ريحتهم فاحت 
انا شُفت 
أرواحهم جوا جتتهم المتحللة 
مش عارفين يطلعوا
شُفت الرعب مشوه وشوشهم 
وكأنه كان أخر شعور 
يحسوا بيه قبل مايموتوا 
وكبتهم فمعرفوش يدمعوا 
انا شفت مرة الناس 
بيسربوا الاحساس برا 
ارواحهم 
واقفين صفوف للخوف 
فيدور ويدبحهم 
انا شفت كل الناس عبيد لدباحهم 
بيسلموه النصل لاجل يدبحهم

غير متأقلم

للنور الذي ظهر وسط بقع الظلام الموحشة وبِحُبهُ أعاد الحياة لقلبي مرة أُخرى..🌌

سما..⚜||مزيج

كلٌ منا سيأتي يوم ليكون أباً و حينها تأكد أن تمتلك رخصة الأبوة
لأجل أحلامٍ تهدم و دموعٍ تجري
هذا المزيج أهديه لصديقةٍ ألهمتني حينما تناقشنا  قبل أيام عن أن الشخص مجبرٌ على التأقلم و التعايش حتى مع أقرب المحيطين له "أهله" 
فكرت في الأجيال القادمة ... هل هم أيضاً سيتعايشون معنا
أم سنحدث فرق ؟

مزيج <<رُخصة الأبوة>>

النص لصديقتي/ حنين طارق 

المزيكا:
Listen to Una.Calle.Nos.Separa.Pera.Classics by اللامكترث on #SoundCloud
https://soundcloud.app.goo.gl/kqTGq 

يُنصح بعده بالاستماع للتراك دا:
Listen to حنينك حنيني by مسـافة on #SoundCloud
https://soundcloud.com/vavoll/dyezpnvp3hdl?ref=clipboard&p=a&c=0&si=f5df27c155bb4cff89ad6af65c174c31&utm_source=clipboard&utm_medium=text&utm_campaign=social_sharing

كم أنت جميل للغاية!

مجرد رسالة صوتية

ابقى ع طول

(Voice Record - Hena maysara)| Oh Money

"تعالى نعيش"

قصيدة من ديوان "دواير"

تعالى نعيش
كما الخفافيش
ننام رجلينا مقلوبة
يجوز حيواتنا تتشقلب
فَ تِتعدّل
تعالى نطير كمان مره
يجوز الجو يتبدّل
ونستكشف حاجات تانيه
تعالى نطير كمان مره
لمدة عُمر
أو ثانية
زي الألوان
مالهوش آخر
الكون مش محدود بالأسوار
وخيالك مستوطن فاخر
الكون شاسع
لو كان بيضيق
تعالى نعيش
كما الصناديق
بنقفل ع اللي بيقَفّل
في جرح خفيف لسبب ما
ونِقفل عَ اللي بيغفّل
عن الأخطاء
بدون معاناه
في وقت مكانش وقت سماح
مكانش مباح
تعالى نعيش
كما الأشباح
بنظهر وقت نوم الخلق
ومبنتشافش
كأننا منّهم توبنا
يخاف الكل من توبنا
ولو تُبنى
بيوتهم من رصاص
منخافش
بنسكن في عقول الكل
منعرفش البكا والذل
ولا نسمع عن المحنة
تعالى نعيش
كما كوننا
كما كنّا
كما إحنا
شباب عواجيز
تعالى نعيش
كما البراويز
بنتعلق بأحلامنا
وثابتين فوق حيطان الشوق
وتايهين جوا أنغامنا
تعالى نعيش
في أفلامنا
كما الأبطال
لا يكسر جرينا أعطال
ولا نبكي
على الأطلال
نعدي بحلمنا م البر
حتى البحر
للأدغال
تعالى نعيش
كما الشلال
ميكسرناش هبوب الريح
ولا الأيام
ولا التجريح
ولا توقفنا أحزاننا
ولا نهتم بالماضي
ولا الآتي
ولا التواريخ
تعالى نعيش
على المريخ
نسيب الكل والموكب
نزور كوكب
ورا كوكب
نجدد كل يوم أجواء
ونخلق كل يوم قصة
تعالى نعيش
كما الرقصة
إيقاع
إيقاع
ورا إيقاع
تعالى نعيش في جوف الحلم
ونرمي حزننا في القاع

مجرد رسالة صوتية

الينا علي

Recent comments

وفاء سعد

Moumen Eldeep

shorouk_wardart

Shemo A Mohamed

Related tracks