الحان وأداء : الموسيقار الراحل محمد جواد 
كلمات الاُغنية الاولى : هادي الشربتي
كلمات الاُغنية الثانية : عبد الواحد معله النجفي
.. 
مِثّل روجّات الِمشّرَح
تَرِّف ضِحكاتَك وأحلى
وأَلذّ من الهَوى العُذّري
وأَعزّ من العُمُر وَأَغلى
يا نَفّحه مِن فَجُّر آذار
يا فِلعَة گُمَّر نيّسان
يا أحلى سالفه زغيّره
سمعتها بِالعُمُر كِلّه

ألِّف دَمعّه جَرَّت مِنّي على خدوّدي
وَلا دَمعّه جَرَت مِنكُم على موّدي
عَليّكُم ما تَعَديّت وَلا فَد ذَنِّب سَويّت
هِجَرتوني يَحيّف وذِّبَل عودي

مثل روجات المشرح | الف دمعه - محمد جواد اموري

الحان واداء : الموسيقار الراحل محمد جواد اموري
الكلمات :
.. 
أَتَدرِي لِمَاذا يُصَبِحُ الديكُ صَائِحَاً
يُردِدُ لَحنَ النَوح في غُرَّة الفَجرِ
يُنادِي لَقَد مَرَت مِن العُمرِ لَيلَةٌ
وَهَا أنتَ لَمْ تَشعُر بِهَا وَلا تَدرِ

- عمر الخيام
..
صِحت ياليّل وشحصلِّت باليل
أبچي والدَمِّع لَلهدِم باليل
مثل مَجنون أهيّم عليّك باليل
حَرام إن چّان نوم يِمُر عَليّه

- مجهول

موال اتدري لماذا | صحت ياليل - محمد جواد اموري

ألحان وأداء : الموسيقار الراحل محمد جواد اموري
كلمات : طارق ياسين 
-
مَرّات أَفرَّح مِن صَحيّح
ومَرّات أَحزَّن مِن صَحيّح

مَرّات أَدُّگ روحي على بابَك
ومَرّات أَسَليّها بغيّابَك

مَرّات أعوفَك أستريح
يگولون لو جَتَك الريّح 
سِد بَاب دارَك وإِستريّح

سَدِيّت بَاب الدار ناحَّت
ورَيَّحِت روحي ومَستَراحَت
ثاري السِبَب مو سِبَب رِيّح
الريّح مَتعَطِل حَجَّر
لا تِمنَّع اليّمشي بسَفَّر
مِن يّسلِك الدَرّب الصَحيّح
يگولون لو جَتَك الرِيّح
سِد بَاب دارَك وإِستريّح

موال واغنية | مرات افرح من صحيح - محمد جواد اموري

ألحان وأداء : الموسيقار الراحل محمد جواد اموري
كلمات : عبد الأمير عيسى

أمّل حُبَّك مِلأ روحي أَماني كبّار
رحت بعيّد مَع نجمّه وگُمَّر وأَفكّار
مِن نوّر الأَمّل گَلّبي نِتَّج أَحلاّم
كُل الدنيا گالت لي تعال إختّار

غُفَّت عَيّني عَلى صورة هَوّى غاليّ
تِراوّتلي بعزّ الفَرحَّه أَماليّ
خُفِّت أَصحى مِن الغَفوَه 
وَآلاگي فَرّحتي الحِلوَه
مُجَرَّد صورَه في باليّ


امل حبك - محمد جواد اموري

ألحان وأداء : الموسيقار الراحل محمد جواد اموري
كلمات الموال : زامل سعيد فتاح
كلمات الاُغنية : علي العضب
-
يا عَيّني عَليّمَن ربيّه
وَلا جَيَّه بَعّد مِنهُم وَلا گَعدّات گَمريّه
وَلا بَيّدَر هوّانا يعوّد يوم ونِگعِد بفيّه
وَلا ضِحّكه وَلا شَبّگه وَلا رِيّه تحضِّن رِيّه
وَلا بَيّدَر هوّانا يعوّد يوم ونِگعِد بفيّه
يا عَيّن الشاطيّ والمُعّبار هال وهدّم چاليّه
أنا مو گِتلِّچ نزيّزَه الگّاع بَرّدي الزَرِّع مو عَمبَّر
أنا مو گِتلِّچ غيّوم الگَيّظ چَذّابَه وَلا تُمطُّر
بَعّد يا عوّينتي عليّمن نعِّد ليّالي ونسهَّر
وِلِّچ جِزّانَه الرَيّل والمّاطور بشطّوط الهَجُّر حَدَّر
-
ما چَنّك هَذّاك إنتَ وَلا چَنّه رُبّينَه سنيّن
وَلا چَنّه گضيّنه سنيّن مامِش لا رِحِت لا جاي
يَالمّسگِي بسواجي عضّاي يَاللي خَضّرِت بِالروح
وَلا چَنّك رُبيّت ورَيّعِت بِالروح

لا ما ليّ عَتّب وَيّاك شو ضّاع التَعّب بِهّواك
كُلّ عتابيّ وَيّ عُمُرّي يَريّت الگَلُّب بَس ينسّاك
وينسّى ذِكرَّك وطَرّواك يَاللي خَضَّرِت بِالروح
وَلا چَنّك رُبيّت ورَيّعِت بِالروح

چِنِّت مسعّد وأسوّلف بيّك كُل لَيّل السَهَّر لو مَرّ
چِنِّت أتأمَلّك دنيا وگُمَّر عَالدنّيا لو گَمَّر
وأَرسّمَك طَيّف يَالغيّمه وتُمُّر بالصَيّف
يَريّت الگَلُّب بَس ينسّاك وينّسى ذِكّرَك وطَرّواك 
وأنسى مسّاهِرِي وَيّاك يَاللي خَضَّرِت بِالروح 
وَلا چَنّك رُبيّت ورَيّعِت بِالروح

يا عيني عليمن ربيه | ما جنك هذاك انت - محمد جواد اموري

ألحان وأداء : الموسيقار الراحل محمد جواد اموري
كلمات : ناظم السماوي
-
يا حريمه يا حريمه
يا حريمه إنباگت الچلمات من فوگ الشفايف
يا حريمه سنينك العشرين ما مرها العشگ 
والعشگ خايف يا حريمه
يا حريمه يا حريمه يا حريمه

آخ لا ولك لا لا على بختك 
ماني سالوفه صرت بين الطوايف
يا حريمه يا حريمه

يا زلف يتغاوه ويا الليل بأطراف الگصيبه
هاك روحي الما غفت والطيف ما مره حبيبه
هاك عمري الما تعطب وانت عطابه ولهيبه
هاك جرحي الما تعطب وانت عطابه ولهيبه
هاك عمري الضاگ حنظل وانت برحي
يا حريمه الشوگ مر بوحشه تايه يا حريمه
يا حريمه يا حريمه يا حريمه

يا عضد ياللي شتالك عايش بفي النخل
يا ثلج وفراگ طبعك يا طبع كلك زعل
وآنا ووعودك صفيت بلايا وعدك
وآنا دمعات الحزن شاتلها ظليت على خدك
وآنا سچة ودرب سواني زماني يا حريمه
يا حريمه يا حريمه يا حريمه

يا حريمه - محمد جواد اموري

ألحان وأداء : الموسيقار الراحل محمد جواد اموري
كلمات الموال : كريم العراقي + 
تعديل نص الموال محمد جواد اموري
كلمات الاُغنية : عقيل لافي
-
وصل مكتوب يحبابي منهلي
قريته وهَلّ دمع عيني منهلي
يادنيا انتِ الحرمتيني منهلي
وسكنت الغرب من غصباً عليه
تموتين بالغربه ياروحي

لا يا هلي كلش صعب تحرموني من دنياكم
تخلوني ما بين الغرب اتعذب بفرگاكم
لا يا هلي وشنهو الذنب اللي جنيته بعمري
حتى انحرم من گربكم واتعب واحير بأمري
مادريتوا شيمر بالگلب لو يسمع بطرواكم

لا يا هلي وادري شجرى لحظة غضب مو عن قصد
لكن عليّ طال الزعل واصبح جحيم بهالبعد
ليليه يسئلني الگلب يمكن نسوني وما ارد
يمشّط جفوني الدمع ليليه من ذكراكم

موال من اهلي | لا يا هلي - محمد جواد اموري

ألحان وأداء : الموسيقار الراحل محمد جواد اموري
كلمات الموال : عريان السيد خلف
كلمات الأغنية : سعد صبحي السماوي
-
واضح بعد ما يحتاج تتعذّر
من نشفت الشفّه ولونها تغيّر
من ثلج البيديك يصلّ صليل وداع
والحچي السلس بلسانك تعثّر
من ظلمة عيونك والشمس رمحين
من رجفة چفوفك والبرد بالگيظ
علامة گلب صاح لصاحبه تنكّر
يا مثني الخواصر والحمول ثگال
وإحمولك عفه اعلى الخصر تتبطّر
يا حايل ثمر من الجدم للراس
وكل حايل ثمر معذور من يغتَر
يا كنز الوصف سبحان من سوّاك
وخلالي الظبي على النمر يتنمّر
تسگيني بكرم وتلومني من اسكَر
من تدلع غنج عندك عذر مقبول
رمانك لحگ والزيج ما ينزر
"والله واضح بعد ما يحتاج تتعذر"
-
داده يا طير ضيّعني نصيبي
انا يا طير ضيّعني نصيبي
حرت لاني لهلي ولاني لحبيبي
بويه لاني لهلي ولاني لحبيبي
حرت ما بين انسى وبين الاگيك
واحن مره ومرات احن ليك
واطير ويا الهوى لو يمر طاريك
واضمّك ماي من اعطش حبيبي

انا بگلبي الحنين يفيض نهرين
والك اشتاگ شوگ الطّيف للعين
يالحبك دوا وفرحة هلالين
حبيبي شّما تصد انت حبيبي
ياعيني شّما تصد انت حبيبي

مر مرة حلم بالروح يهواي
وانا بلياك وردة مفارگه الماي
هويّتك گمر لو غيّمت دنياي
تهل فرحه وهلاهل يا حبيبي

واضح بعد ما يحتاج تتعذر | انا يا طير - محمد جواد اموري

جلسة غناء وحوار داخل حسن وطالب القره غولي

ألحان وأداء : الموسيقار الراحل محمد جواد اموري
كلمات الموال الاول : عمر الخيام
كلمات الموال الثاني : مجهول
-
إِلهِي قُلْ لِي مَنْ خَلا مِنْ خَطِيئَةٍ
وَكَيْفَ تُرَى عَاشَ الْبَرِيءُ مِنَ الذَّنْبِ
إِذَا كُنْتَ تُجْزِي الذَّنْبَ مِنِّي بِمِثْلِهِ
فَمَا الْفَرْقُ مَا بَيْنِي وَبَينَكَ يَا رَبِّي
-
أنا واحد وإلي عدوان مايه
وإلي ناظر يهلّ الدمع مايه
إذا باچر حبيبي الصُبح مايه
العصر ما يلحَگ الطارش عليّه

الهي قل لي - محمد جواد اموري

كلمات وألحان وأداء : الموسيقار الراحل محمد جواد اموري
-
داده مو راحت علينا
من راح نكبر من يجينا
داده شمعات الهوى گصار
ونخاف يطفن لو سهينا
نظراتنا تشرح شما صار
عنكم وعنا وعن حچينا
حبنا طفل ما بين الضلوع
خايف نضيعه ببين إيدينا

داده المن اشكي المن
والجرح بالگلب خزن
داده بس ياهو الحچه وياي
ودلاني واوصف للهوى دواي
چا شفت دربي ودوريته
ونسيت روحي وما نسيته
تدرون العمر ضاعن سنينه
سكتاتنا عمت علينا

"ولچ داده مو راحت علينا" 

داده مو راحت علينا "عود" - محمد جواد اموري

يُدير هذه الجلسة
الأستاذ رشيد محمد علي 
سُجلت هذه الأمسية في تسعينات القرن الماضي
في نقابة الفنانين في بابل
نقلاً عن ناقلها حسين مسلم
-
ألحان وأداء جميع الأغاني : 
الموسيقار الراحل محمد جواد اموري
شعراء الأغاني والمواويل بالترتيب :
زامل سعيد فتاح - ياعيني عليمن ربيه
علي العضب - ما جنك هذاك انت
-
قيس بن الملوح - أما عاهدتني يا قلب
محمد جواد اموري - حرت ما بين ليلى وبين عطار
محمد جواد اموري - سهم عينج
جودت التميمي - نوبه شمالي الهوى
-
محمد جواد اموري - رادوا يدكني الوكت
كامل العامري - جاوبني تدري الوكت
-
تراث مجهول - بأبي رشا متنكرا متوحشا
تراث مجهول - بله يا نسيم الصبا
تراث مجهول - بويه عيوني
زامل سعيد فتاح - عد وانا اعد
علي الهنداوي - داده حسن
-
محمد جواد اموري - تغير الحال
محمد جواد اموري - خلينا نشوفك
-
عريان السيد خلف - لا تجينا
مظفر النواب - مرينا بيكم حمد
-
زامل سعيد فتاح - وداعة الله

امسية الفنان محمد جواد اموري في بابل نادرة

أداء : صلاح عبد الغفور
ألحان : فاروق هلال
كلمات الموال :

من صغر سني همت بيك وتعبّت وياك
عودك بدمي سگيته والگلب يرعاك
كل يوم راعي إلك خنت العهود شجاك
حسّبت بيك الوفا ما چنت اظن تخون
-
كلمات الأغنية:

كلمن يحنّ، لهله وآنا إلك حنيت
كلمن يودّ، لهله وآنا إلك وديت
يابو الوفا يا حلو مرني بحلاتك شوگ
مرني عطش وآنا إلك غيمة مطر زخيّت

غنّيت إلك غنوه ومواويل
واشتاگ إلك ليل وقناديل
وانت ولا مره تمر طيف
يا حيف تعبي وياك يا حيف
ياما گلت انت حبيبي
حسبالي من فزّزني شوگك ردّيت

كلمن يحن لهله - صلاح عبد الغفور

أداء : صلاح عبد الغفور
ألحان : فاروق هلال
كلمات الموال : جبّوري النجار
كلمات الاُغنية : سالم خالص
-
اگدّر اصبر الگلب ذكرك إذا عني
گربك عليه ضرر يا مالكي عني
يكفي عذاب وسهر روح ابتعد عني
ما اكرهك والنبي لكن اريد انساك
-
ردت انساك 
تاليها نسيت الناس كلها 
وما گدرت انساك
تالي وياك 
احسّ اعضاي كلها تموت
واجفلّ من يمر طرواك
من طاري الهجر انهار
وبروحي تشبّ النار
وعيوني مزنها تسيل
بس گلبي يظل سالم
من حيّث الگلب وياك

ما اگدر الف نوبه
افكّر انسى ايامك
واثاريني افكّر بيك
اتمرمر الف توبه
تبتها وثاري عن هجرك
واسلّي رويحتي بطاريّك
شأصبّر صعب واظلم
يوم الما اشوفك بيه
يا من بالعمر افديه
لا تغتّر مو بيدي
ولو بيدي لو أنّ تذوب
ما اگلك يولفي شبيك
گلبي البيك متولّع
على الاخلاص متطبّع
لو عندي گلب انساك
بس ويايه متخاصم
وليل نهار لافي وياك

لو تدري حياتي هموم
چنت اتسلّى بالدمّعات 
لكن جفّت عيوني
انتهى صبري عشت مظلوم
والوادم على الحسرات
على الونّه يحسدوني
شغلت فكري
نسيت اسمي
واريد الناس تنسى اسمي
احب باسمك ينادوني
الهوى العُذري سرّى بدمي
هواك الحاكم بأمره
حلم مشدود بجفوني
اخلاصي والوفا يحرسه
شلون اگدر بعد انسى
بيا صوره ابتعد وانساك
گلبي وياك متفاهم
متعاهد عهد وياك

ردت انساك - صلاح عبد الغفور

اُغنية الفنان : قحطان العطار
أداء الفنان : نوفل عبد الجليل
ألحان : محسن فرحان
كلمات : جبار الغزي
-
تگلي افرح أنا گلبي الما فرح بالعيد
يمتى بالحزن يفرح، وتريد افرح
-
يگولون غنّي بفرح وآنا الهموم غنّاي
بهيمه زرعوني ومشوا وعزّوا عليه المّاي
نوبه أنطفي نوبه اشبّ تايه بنص الدرب
أنا تايه واخذّني الهوى لا رايح ولا جاي
ويگولون غنّي بفرح

بدولاب فرّني الوكت وخميت الولايات
والغربه صاروا هلي وخلّاني الشمّات
ما بين شوگ وصبر خلصن سنين العمر
ويگولون غنّي بفرح

اشعل خطوط العتب وانثرها ويا الريح
وانسى محاچي العشگ يابو شعر تسريح
والعمر شمعه انطفت كل السوالف گضت
ويگولون غنّي بفرح


يكولون غني بفرح - نوفل عبد الجليل

لقاء مسجل نادر مع الموسيقار الراحل محمد جواد اموري في برنامج مو بعيدين عام 31 آذار 2006

لقاء مع الموسيقار محمد جواد اموري

مزج لاثنين من أعظم الموسيقيين
على هذا الكوكب
الأستاذ الموسيقار الراحل محمد جواد أموري
والأستاذ الموسيقار الراحل طالب القره غولي
هذا المزج تم تجميعه وصياغته 
على نمط قصصي
أسماء الأغاني والمواويل بالترتيب
مع أسماء الشعراء :
حرت مدري شجبر ششد شدهن - مجهول
على يا جسر - كريم العراقي
يا روحي چذاب الهوى - زامل سعيد فتاح
حسبالي سهلة - مجهول
مرة وحدة - زهير الدجيلي
مكتوب اشوفك من بعيد - فائق عبد الجليل
تكبر فرحتي بعيني - زامل سعيد فتاح
مرات اطلب منك تنسى - سلمان غالي
روحي ولا تگلها شبيچ - مظفر النواب
من شاف بدر بغصن مثلك ترف - مجهول
افز بالليل نص الليل - هادي جواد الشربتي
چذاب دولبني الوكت - زامل سعيد فتاح
عرفتك لا بعد ما انخدع بيك - ناظم عبدالله
هذا آنا وهذاك انت - زامل سعيد فتاح 
انت انت - فائق عبد الجليل
آنا وانت يسولفون الناس بينا - كاظم الرويعي 
سهم عينچ بلب احشاي ما رد - محمد جواد أموري
نوبة شمالي الهوى - جودت التميمي
يا حبيبي بس الك وحدك گلتها - زامل سعيد فتاح 
يا حبيبي هل جفاك النوم مثلي - جعفر الأديب
راجعين باجر نشد رحالنا - طالب القره غولي
رديت وجدامي تخط - هادي العكايشي
لا تشتكي من الظمأ - مجهول
مرات افرح من صحيح - طارق ياسين
وداعًا يا حزن - طاهر سلمان
الدنيا ما تسوى حزن - مجهول


تساؤلات وأجوبة | محمد جواد أموري وطالب القره غولي

أَما آنَ لِلْرَسمِ أَنْ يَتبعثَرا
أَرَاكَ أَلِفتَ ألاّ تَكونَ مُقفَّرا

- مقتدى 

مقتدى

Popular tracks