caj mwngz va hai va reuq

haemh luenz gou youh loq raen mwngz
ndiu hwnj daeuj raemx da youh roengz
ngeix daengz ngoenz de riengz mwngz dox mbek
mbouq rox ngoenz lawz caengh dauq raen

go reux youh hai va daengz fawh ndaem naz
mbouj miz mwngz buenx gou gangj vah
gou mwngh rongh nduen youh mwngz ndau ndeiq
da nuengx ngoengz lawz mwngz ndaej ma

mwngz naeuz ciuh neix raeuz mbouj dox mbek
guh doih caeux gen bae ndaem naz
mwngz naeuz ciuh neix cawz gou mbouj haq
guh lawz ok bae liux mbouj rox ma

gou youq ranz caj mwngx va hai va reuq
ndaw sim miz vah gangj mbouj liux
dah nuengx ngoenz neix mwngz youq ciuq lawz
daeg beix caj mwngz ma ranz guh gya

caj mwngz va hai va reuq

Zuimeidahua

va haeuxyangz hai

haemh lwenz rumz baet bya baih laeng daeuj
roeg raeu roeg gyaeuj meuz heuh sang sang
yah meh youq gwnz mbonq ninz mbouj ndaek nwr
ndaw sim gyenz lwg lan youq baih gyae
mbouj rox miz gij maz saeh yaek daeuj
roeg raeu roeg gyaeuj meuz heuh mbouj daengx
ranz rongh hwnj daeuj bae cam mo
goeng mo naeuz ndaw ranz miz dox gaiq uq

gyaeuj mou baiq coj gyaeuj gaeq baiq roen, bauj haeuj ok sim onj
ndingq laeuj ndingq caz daeuj baiq baed, bauj roek cuk ciengx baenz

sam gaiq sam vuengz ceiq, seiq gaiq seiq vuengz caux
gaenx guh caengh miz gwn, gik lai cix dai auq
sam gaiq sam vuengz ceiq, seiq gaiq seiq vuengz caux
ranz neix ranz vunz ndei, gveij gvaiq gaej laeg daeuj nauh

*sam gaiq sam vuengz ceiq, seiq gaiq seiq vuengz caux
haeux san fan gvaq bae, gwn imq liux gag deuz
sam gaiq sam vuengz ceiq, seiq gaiq seiq vuengz caux
lwg lan youq baih gyae, daengz cieng dauq ranz yawj meh nwr

blambin