Wala namang tayo

Naranasan nyo na bang magmahal ng isang tao na kahit na anong gawin nyo ay hindi kayo pipiliin kagaya ng paulit-ulit na pagpili nyo sa kanya?

Hindi lang isa, hindi lang dalawa, kundi tatlo. Tatlong beses.

Nasabi sa akin dati ng teacher ko sa Philippine Literature, ang tawag daw sa unang pagkakamali ay “ignorance” kasi kaya daw tayo nagkamali ay dahil hindi pa natin alam. Ang tawag naman sa pangalawang beses na pagkakamali sa kaparehas dahilan ay “negligence” kasi nangyari na sa iyo ng isang beses- pero siguro dahil hindi ka nagfofocus o pabaya ka o ginusto mo naman talaga, nangyari ulit sa iyo. At ang ikatlongbeses na pagkakamali sa kaparehas na dahilan, ang tawag daw dun ay “stupidity” dahilnangyari na sa iyo ng dalawang beses pero hindi ka pa rin natuto, hindi ka pa rin nadala.

Pero sa totoo lang, hindi katangahan ang piliin at mahalin sya. Kung may nagawa man akong katangahan yun ay yung hinayaan ko na mawala sya.

Maikli lang ang tulang ito. Kasing ikli ng pagmamahal na minsan nyang ipinangako.

“Mamahalin kita hanggang dulo.”
Yan ang mga katagang binitawan mo,
Na mamahalin mo ako hanggang dulo.
Mahal ko, nandito na tayo sa dulo.
Ang isip ko ay gulong-gulo,
Hindi ko alam ang gagawin ko,
Hindi ko alam kung saan ako tutungo.
Kung mananatili ba ako dito sa lugar na pinag-iwanan mo,
Maghihintay hanggang sa muling pagbabalik mo.
O kung susundan ka sa kung nasaan ka man mahal ko,
Patutunayan at ipaglalaban ang pagmamahal ko para sa iyo.
O magsisimula ko na ring ihakbang ang mga paang ito palayo,
Sa lugar kung saan matatagpuan ang ala-ala ng ating pagkaguho.
Pagmamahalan na walang hanggan.
Naririto tayo ngayon sa hangganan.
Hangganan ng pagmamahalan at paalam.
Mahal, hindi na ba muling mapagbibigyan?
Pinagsamahan ay kailangan ba talagang wakasan?
Mga pangako at pangarap sa isa’t isa’y tuluyan na bang kakalimutan?
Hindi na ba kayang mahalin ang mga kapintasan?
Hindi na ba kayang patawarin ang nakaraan?
At muling suungin ang landas ng ating pagmamahalan.
Mahal, hawakan mong muli ang aking mga kamay.
Sabihin mong hinding-hindi mo na ako muling bibitawan.
Mahal, ako ay iyong muling hagkan.
Maramdaman ang iyong pagmamahal sa init ng iyong katawan.
Mahal, mahalin mo akong muli,
Mahalin mo akong muli,
Na parang ito na ang huli.
Titiisin ko ang mga sakit,
Kahit na paulit-ulit.
Mga mata ay aking ipipikit
Sa lahat ng dusa at pait
Huwag mo lang ako iwan ulit.
At huwag muling masambit-sambit
Ang mga katagang,
“Mahal kita subalit… paalam na.”


BGM: Walang hanggan - Quest

Spoken Word Poetry

Mahal kita, paalam na.

Magluluto pa rin ako ng para sa dalawa
Dahil hanggang ngayon ay patuloy pa rin akong umaasa
Umaasa na makakasabay ka ulit kumain sa iisang lamesa
Kumakain ng masaya at may ngiti sa iyong mga mata
Mga mata na dati ako ang tala
Mga mata na ako lang ang nakikita

Magluluto pa rin ako ng para sa dalawa
Mga pagkain na masarap sa iyong panlasa
Mga pagkaing nagbabalik ng iyong mga alaala
Alaala noong tayong dalawa pa ay magkasama
Kumakain ng masaya

Hanggang sa isang umaga
Lumamig na ang hinain ko sa lamesa
Subalit wala ka pa
Pinaligpit na ang mga pagkain sa lamesa
Saka lang pumasok sa aking isipan
Na oo nga pala… wala ka na.

At ngayon, na nagluto nanaman ako ng para sa dalawa
Naaalala kita
Kumain ka na kaya?
Pinagluluto ka rin ba nya?
Masaya ka ba sa kanya?
Kumakain rin ba kayo ng magkasama,
Masaya, na para bang walang pinoproblema.
Pinagsasandok ka rin ba nya?
Alam nya ba yung paborito mong kainin?
Pinipilit ka rin ba nyang ubusin ang iyong kinakain? 
Matapos kumain, binibili ka ba nya nung paborito mong chichirya?
Mas magana kaba kumain kapag sya ang iyong kasama?
Sinusubuan ka rin ba nya kapag wala kang gana?

Hindi ko pa rin ginagalaw ang pagkain ko sa lamesa
Kasi umaasa pa rin ako na babalik ka
Uupo ka sa tapat ko at ikaw ang unang kukuha

At magluluto pa rin ako ng para sa dalawa
Dahil umaasa pa rin ako na babalik ka.


BGM: Dating tayo - Tj Monterde

Magluluto pa rin ako ng para sa dalawa

Loving-someone-who-doesn’t-love-you-back-is-like-reaching-for-a-star Mixtape

Monsters - Timeflies ft. Katie Sky
I hate U, I love U - Gnash ft. Olivia O'brien
Little do you know - Alex & Sierra
IDFC - Blackbear
Can't lose what you never had - Westlife
Just so you know - Jesse McCartney
Treat you better - Shawn Mendez
Give me love - Ed Sheeran
So far away - Mary Lambert
Maybe - King

Oplan Mixtape

Loving-someone-who-doesn’t-love-you-back-is-like-reaching-for-a-star Mixtape

Hindi pa ako nagkakape pero ang lakas na ng kabog ng aking dibdib sa kaba.
Sapagkat alam mo na, na ako ay may nililihim na pagsinta.
Ngayong alam mo na ang aking nadarama,
Mapapansin na rin kaya ako ng iyong mga mata?

Mga mata na sana ako nalang yung unang nakita
Unang nagpakita sa iyo ng nadarama
Mapapansin kaya? Mahahalin rin kaya?
Pero kahit ano pa man, sana ako nalang yung nauna.

Sana ako nalang yung una na sa iyo ay nag-alaga
Hindi ko man maibibigay ang lahat ng oras ko sa iyo
Pero nakakasigurado ako na may nakalaang oras na para lang sa’yo
Sana ako nalang yung unang nagmahal sa iyo
Mapapagod man ako pero ang pagmamahal mo ang magsisilbing panggatong para magliyab ang relasyong mayroon tayo.

Hindi man ako ang nauna, ako naman yung ngayon.
Hindi ko sasayangin ang pagkakataon
Na ipakita at ipadama sa iyo ang intensyon
Pagmamahal na hindi lang bibilang ng maraming taon
Kundi mananatili nang pang habang panahon

Hindi man ako yung maging huli
Pagmamahal sayo ay hindi ko itatanggi
Mamahalin ka nang walang pag-aatubili
Magmamahal ka nang walang pagsisisi

Hindi man ako yung maging huli
Marami mang dahilan kumbakit hindi ako ang dapat piliin
Iparamdam ko nalang sa iyo yung dahilan kumbakit at
Bibigyan nalang kita ng dahilan para manatili sa akin
At sisiguraduhin kong iyon ay dahil sa pagmamahal.

Ngayon na batid mo na ang tunay kong nadarama
Walang ng dahilan para magtago pa
Walang ng dahilan para itanggi pa
Oo, mahal kita… matagal na. 

Music: Para sa akin - MDS Band

Mahal kita, matagal na.

“Loving you is worth all the time  we borrowed”

Ang sabi mo ay hahanapin mo lang ang sarili mo
Kung hanggang saan pa ang mararating mo
Kung hanggang saan pa ang magagawa mo
Hindi ko akalain na mahahanap mo ang sarili mo
Sa katauhan ng ibang tao
Pumayag ako na tahakin mo ang landas na gusto mo
Kasi sabi mo na kakayanin natin ‘to
Na kailangan nating magkalayo para pareho tayong mas lumago
Pumayag ako sa desisyon mo
Kasi hindi ko kayang pumatak ang luhang ngumingilid sa mga mata mo
Noong gabing kinausap mo ako tungkol dito
Tungkol dito, sa pagpapasya mong paglayo
Tungkol dito, sa pagpapasya mo na kailanma’y hindi ko ginusto
Pero nakinig ako sayo
Naniwala ako sayo
Na kung para talaga tayo ay muli tayong magtatagpo
At hanggang ngayon ay naghihintay ako.
Sukdulan ang sakit na nararamdaman ko
Dahil ibang kamay na ang hawak mo
Iba na ang kasama mo sa mga pangarap mo
Iba na ang laman ng mga panaginip mo
At nandito pa rin ako
Mag-isang nasasaktan habang sinasaksihan ang pag-iisang dibdib nyo
Tila lahat sa akin ay gumuguho
Ang sabi mo mo mahal mo ako
Ang sabi mo hindi mo ako sasaktan
Ang sabi mo hindi mo ako iiwan
Ang sabi mo maghihintay tayo
Ang sabi mo makakaya natin ‘to
Ang sabi mo tayo pa rin hanggang  dulo
Ang sabi mo hahanapin mo lang ang sarili mo
Pero nahanap mo na ito sa tabi ng isang tao…
Na hindi ako.
At kailanma’y hindi na magiging ako.
Gusto ko lang malaman mo
Na ikaw ang pinakamagandang nangyari sa buhay ko
Ang pinagsamahan natin ang pinakamasayang nangyari sa buhay ko
Walang kahit anumang makakapantay
Sa pagmamahalan nating minsang pinagsaluhan
Walang kahit sinuman ang makakapalit sayo dito
Sa puso ko
Maghihintay pa rin ako
Maghihintay pa rin ako hanggang sa susunod na buhay
Kung saan ang kwento naman natin ang mananalo
Na ang istorya ay matatapos sa ating kwento
Sa tayo.

Music: Borrowed - Jensen and the Flips

Loving you is worth all the time we borrowed

I do not own the music. Songs in this mixtape belongs to their rightful owners. This is made for personal and entertainment purposes.

Love hurts Mixtape

I do not own the music. Songs in this mixtape belongs to their rightful owners. This is made for personal and entertainment purposes.

Forevermore (Side A) Saxophone - Jemmy Villarde
It might be you (Stephen Bishop) Saxophone - Raphael Stefano
Versace on the Floor (Bruno Mars) Saxophone - Bryan Thompson
Ikaw (Yeng Constantino) Saxophone - Emmanuelle Avance
All my life (KC & Jojo) Saxopphone - Jamal Riley
Ikaw (Yeng Constantino) Violin - Jan Neland Cubuguas
I look to you (Whitney Houston) Violin - Damien Escobar
Your love (Jim Brickman) Piano - James B. Ruiz-Thompson
Everytime we touch (Cascada) Piano - Neutful
A thousand years (Christina Perri) Piano-Cello - The Piano Guys
All my life (America) Guitar
Bluestone Alley - Congfei Wei

My Wedding Mixtape

Pinipigilan ang sariling humabi ng mga salita
Sapagkat ayaw na kitang buhayin pa sa mga tula
Kakalimutan na, na parang isang piyesang minsang ipinarinig sa madla.
Kung saan hindi ka na maaalala sa kahit na anong letra
Tama ka
Tama na
Ititigil na ang paghihintay sa pag-asang babalik ka pa
Tutuldukan na ang mga pangarap na mamahalin mo ako ulit
Kagaya sa kung paano unang dumampi ang labi mo sa akin
Gigisingin na ang sarili sa mga panaginip na yakap-yakap kita
Masaya, at hindi na nangangailangan ng iba.
Tatakpan na ang mga tenga mula sa mga salita mong paulit-ulit kong naririnig
Na nagsasabing, “Ano ka ba… hindi ako kagaya nila. Hindi ako mawawala.”
Hindi na paniniwalain ang sarili na naririyan ka pa
Na may tatanggap at magmamahal pa
Hindi na hahayaang muling masugat sa patawad mong sinundan ng paalam
Wag kang mag-alala sapagkat hindi magdaramdam ang puso ko
Sa mga pangako mong binitawan na hindi na kailanman matutupad
At hinding hindi na hahayaan ang sariling muling sambitin na mahal na mahal pa rin kita
Subalit hindi sadya na nakasulat nanaman ng tulang ikaw ang paksa
Kagaya ng hindi sadyang pag-alala sa mga ala-alang binuo nating dalawa
Kagaya ng hindi sadyang pagluha dahil sa pangungulilang nadarama
Pipigilan na ang sarili na sumulat pa
Dahil ayaw na kitang buhayin
Sa aking mga tula
Tatahan na
Tatahan na sa pagtangis ang aking mga mata
Mga mata na dati, ikaw lang ang nakikita
Ikaw lang ang gustong makita
Mga matang nagdilim simula nung nawala ka
Ipipikit ko na sila
Ipapahinga mula sa pagluha
Ihahanda sa mga susunod at bagong kabanata na makikita
Sa pagkaubos ng tinta ng aking pluma
Nawa’y unti-unti na ring mawawala ang nadarama
At hindi na masundan pa ng isa pang linya,
Na susundan pa ulit ng isa pa
Hanggang sa maging isa nanamang tula
Tama ka
Tama na

BGM: Untitled - Bamboo

Hindi Ka Na Bubuhayin Pa Sa Mga Tula

Makulimlim ang kalangitan
Malamig ang panahon at
Pabugso-bugso ang pag-ulan
Sa gabi'y walang bituing nasisilayan
Maski ang buwan ay natatakpan ng kaulapan
May mga nagsasayawang kidlat sa 'di kalayuan
Paano ko nga ba ito makakalimutan?
Ganito ang panahon noon tayo'y nagmahalan
Milya-milya man ang ating pagitan
Subalit hindi ito naging hadlang
Ilang bagyo na rin ang nagdaan
Ilang pag-apaw ng ilog na rin ang inantabayanan
Nanatili, at kapwa tayo lumaban

Ilang taon na rin ang lumipas
Noong hinarap natin ang galit ng laot
At tuluyan kang inilayo sa akin ng mga alon
Sobrang layo'y hindi ka na matanaw
Dahan-dahang nilamon ng tubig-alat
Hinila sa kailaliman
Walang liwanag na nasisilayan
Naubusan na ng hininga't tuluyang nawalan ng malay

Nagising na lang na wala na ang lahat
Wala na ang mga pangarap
Lahat ng mga plano ay naglaho
Hindi malaman kung saan tutungo
Ni hindi na kilala maging ang sarili

Natagpuan na lang ang sarili na nag-iisa
Walang tigil sa pagpatak ang mga luha
Hindi na mabaybay ang daan pauwi
Sinubukang humiyaw ngunit tila walang nakakarinig
Ilang beses sinuong ang laot sa pag-asang muli kang masusumpungan
Subalit tinutulak lang ng mga alon pabalik sa pangpang

At ngayo'y hinaharap at pilit tinatanggap
Ang ating kapalarang nagwakas sa isang iglap.

Ang hirap kalimutan
ni Nem Sy
BGM: If you (Instrumental)

Ang hirap kalimutan

Hantungan - a failed LDR

https://soundcloud.com/blogngpanda-sounds

Sounds of Imperfection

Popular tracks