១. រសៀលគងព្រៃ សូរសម្លេងរៃយំឆ្លើយរងំ ឯភ្នំធំៗ សម្លេងរៃយំលឺសូររវើយ ។

២. ឱ! សត្វរៃអើយ រៃចេញយំឆ្លើយរដូវរីងរាំង រៃយំប្រណាំង រ៉ែៗពេញខ្លាំងតាមមែកព្រឹក្សា ។

បន្ទរ. ឱ! សត្វរៃពេលល្ងាច រៃហើយយំស្រែកផ្តាំព្រះសូរិយា ដែលឆ្លងផុតភ្នំសុមេរ៉ា ធម្មជាតិនានា ប្រែភ័ក្ត្រស្រពោនអាល័យ ។

(ភ្លេង, ច្រៀងសាឡើងវិញ)

សត្វរៃពេលល្ងាច - រស់ សេរីសុទ្ធា

១. ដួងនេត្រា មានវាចាថានៅអាល័យ ពេលដែលរៀមត្រូវឃ្លាតឆ្ងាយ នៅនឹកស្រណោះនឹកស្តាយ ឥតណាយ ឥតបែកឥតបែរ ។

២. ដួងនេត្រា មានវាចាថានៅតែស្នេហ៍ ស្នេហ៍ដោយស្មោះឥតគេចកែ ចិត្តមួយដែលបងខំថែ ទុកអោយតែអូនម្នាក់ ។

បន្ទរ. កែវភ្នែកដ៏ស្រស់អើយ ភ្នែកនេះហើយចិត្តរៀមជំពាក់ នៅពេលបងនិន្ទ្រា ស្រម៉ៃឃើញភ័ក្ត្រ វរល័ក្ខណ៍ដែលធ្លាប់ ញញឹមប្រិមប្រិយ ។

៣. ដួងនេត្រា សង្ឃឹមថាជួបគ្នាជាថ្មី ចិត្តរៀមនៅតែស្នេហ៍ស្រី ស្នេហ៍ធំ ដូចភពផែនដី គ្មានអ្វីមកបំបែកបាន ។

(ភ្លេង, បន្ទរ, ៣)

ដួងនេត្រា - ស៊ិន ស៊ីសាមុត

នឹកបងជានិច្ច

ទំនួញទ្រខ្មែរ

វាសនាចំការសំរោង

ចំប៉ីសៀមរាប

ចំប៉ាបាត់ដំបង

១. ទឹកដីកោះកុងដងទង់អៅវ៉ៅ សមុទ្រក្នុងក្រៅវាលអាវយាយសែន ខ្ញុំអ្នកនេសាទជីវិតបត់បែន រស់នៅផ្ញើប្រាណ លើផ្ទៃជលសា ។

២. រសៀលគងភ្នំទូករៀបចេញហើយ ទ្រូងបងពុំស្បើយព្រោះនឹកពុំងារ បងស្រឡាញ់ណាស់ ប្តូរស្លាប់នឹងគ្នា ឥលូវពុំងាររៀបការគូថ្មី ។ 

បន្ទរ. ស្រណោះផាហ៊ុម ម៉ុមចងដៃបង ទុកជាចំណងស្នេហាភក្តី ក្លិនមិនទាន់បាត់ បាត់តែរូបស្រី អោយបងស្រមៃ រាល់ថ្ងៃទន្ទេញ ។

៣. សមុទ្រសែនធំមើលពុំឃើញត្រើយ តែមិនស្មើឡើយនឹងចិត្តស្រឡាញ់ នឹកឡើងកាលណាឱរ៉ាសែនខ្នាញ់ មិនគួរបើចាញ់ ស្រីផិតស្រីក្បត់ ។

(ភ្លេង==>បន្ទរ==>៣)

ជីវិតអ្នកនេសាទ - ស៊ិន​ ស៊ីសាមុត

បុប្ផាតែមួយ

យំអស់ទឹកភ្នែក

១. អូន នឹកបងខ្លាំងណាស់ តើពេលនេះ អ្នកកំពុងធ្វើអ្វី​ ស្តាប់បទចម្រៀង ឲ្យអូននឹកដល់ចរណៃ វាចារប្រាប់ស្រី ចង់នៅក្បែរ ។

២. មេឃ ស្រទុំខៀវខ្ចី សូរតន្ត្រី ប្រគុំបំពេរ ផ្លូវវែងអន្លាយ ឆោមឆាយអ្នកចាំបានទេ ចម្រៀងសុំស្នេហ៍ ស្តាប់ជាមួយគ្នា ។

បន្ទរ. អូនសែននឹក នឹកបងណាស់ ម្ចាស់ស្នេហ៍ នឹក អូនទេ ជីវ៉ា គ្មានរូបបង ចម្រៀងគ្មានខ្លឹមសារ អូនខ្លោចផ្សារ អាណិតខ្លួន ។

៣. វិល វិញមក ម្ចាស់ចិត្ត មួយជីវិត គិតទៅតែស្ងួន មានតែបងមួយ ជួយរំដោះទុកស្នេហ៍អូន ផ្កាលែងស្រពោន លុះបងវិលវិញ ។

(ភ្លេង, ច្រៀងសាឡើងវិញ) មានតែបងមួយ ជួយរំដោះទុកស្នេហ៍អូន ផ្កាលែងស្រពោន លុះត្រាបងវិល...វិញ

នឹក

១. ឱ! រលកកំពង់សោម ហែលរំលងឆ្នេរខ្សាច់ ហើយកាត់ចិត្តមិនដាច់ រាល់ថ្ងៃនឹកឃើញជានិច្ច អ្នកណាបបួលបំភ្លេច មិនព្រមទេ ។

២. ឱ! ខ្យល់ថ្ងូររងំ ដូចសត្វឃ្មុំក្រេបផ្កា ហើយសព្វសត្វបក្សីបក្សា ច្រៀងផ្តាំព្រះសូរិយា នឹកឃើញតែអនុស្សា កំពង់សោម ។

ហា...... ហា..... ហា..... ហា.... (ភ្លេង) ហា...... ហា..... ហា..... ហា.... (ច្រៀងសាឡើងវិញ) ហា...... ហា..... ហា..... ហា....

កំពង់សោមដែលខ្ញុំនឹក

១. រាល់យំ អូនគេង គេងចំបែងម្នាក់ឯង ដោយសារក្តីស្នេហា នឹកហើយ នឹកទៀត ទ្រូងចង្អៀតៗខ្វល់ខ្វាយក្នុងឱរ៉ា នៅក្រោមច័ន្ទថ្លា អាណោចចិន្តា ព្រោះតែ ខ្ញុំឃ្លាតឆ្ងាយពីស្នេហ៍ ឃ្លាតពីស្នេហ៍ នៅសល់តែ សល់តែអនុស្សាវរិយ៍ ។

២. មើលដុំ ពពក រត់ទៅជ្រកៗ ក្រោមពន្លឺចន្ទ្រា នាំឲ្យ ងងឹត រស្មីអ័ព្ទយប់ស្ងាត់ ដួងចិត្តខ្ញុំកំព្រា នាំឲ្យចិត្តខ្ញុំ រិតរណ្តំ ក្រៀមក្រំៗម៉្លេះទេ មើលទៅដួងខែ ក៏បាត់រស្មី ឥតន័យ ទេខ្ញុំ ។

(ភ្លេង)

៣. នឹកនៅ តែនឹក នៅតែនឹក យប់ព្រឹកនឹកជាប់ក្នុងចិន្តា រសាប់រសល់ ឱរ៉ាខ្វល់ វិលវល់ រីងរៃខ្លោចផ្សារ ឱរ៉ាចំបែង ខ្វល់តែឯង តែម្នាក់ឯង កណ្តាលយប់ស្ងាត់ ស្នេហ៍ខ្ញុំរលត់ សល់តែវិបត្តិ ដួងចិត្ត កំព្រា ស្នេហ៍ខ្ញុំរលត់ សល់តែវិបត្តិ ដួងចិត្ត កំព្រា ។

នឹកហើយនឹកទៀត

បទ អូននៅតែស្រឡាញ់បងជានិច្ច - ច្រៀងដោយ អ្នកស្រី រស់ សេរីសុទ្ធា

១. តាំងពី ផ្តាច់ការទាក់ទងនឹងបងមក ចិត្តមានក្តីអផ្សុកយ៉ាងខ្លាំង ក្នុងមួយជីវិត អូនអីក៏លំបាកម៉្លេះ ហេតុអ្វី បានជាបងមិនយល់ផង ។

២. ថ្ងៃក្រោយបើសិនព្រាត់ ព្រាត់ពីអូនទៅ នឹងមានក្តីអផ្សុកយ៉ាងណា ខ្យល់រដូវ ជាដួងចិត្តរបស់អូន បានបែកពីអូនហើយអ្នកថ្លៃ (ពីរដង) ។

ពោល. ពេលអ្នកព្រាត់ទៅ ពាលពៅចំបែង តែឯងឯកា មានតែហ្វូងតារា ជួយរំលែកទុក្ខ ខ្ញុំផង ។

៣. ថ្ងៃក្រោយបើសិន រងទុក្ខវេទនា ចិត្តកំព្រាចំបែងម៉្លេះទេ ព្រួយចិត្តមួយ ឃ្លាតចាកពីហឫទ័យស្រីទៅ គ្មានសង្ឃឹមនៅ ថាត្រឡប់វិញ ។

៤. អូននៅតែស្រឡាញ់ ស្រឡាញ់បងជានិច្ច ចិត្តឥតគេចកែពីប្រុសស្នេហ៍ ចំណែកអូន អូនទុកដំបៅជាប់ទ័យា ច្រើនពន្ធនានឹងថ្លែងបានឡើយ ។

អូននៅតែស្រលាញ់បងជានិច្ច - រស់ សេរីសុទ្ធា

១. ម៉ោង៤ទៀបភ្លឺលឺពព្លាក់យំ លលកខ្មោចទំយំទារព្រលឹង ខ្លែងស្រាកមៀមគូកយំយាមមាត់បឹង អូនគេងសញ្ជឹង ប្រឹងទប់ស្មារតី ។

២. ផ្ទៃមេឃស្រឡះប្រែចាកពពក ទីទុយហើរជ្រកហើររកចំណី ព្រៃធំភ្នំខ្ពស់ស្មៅលាស់ត្រួយខ្ចី ចិត្តអូនអាល័យ ថ្ងៃយើងជួបគ្នា ។

បន្ទរ. ជួបហើយប្រែព្រាត់ ព្រាត់មួយជីវិត ព្រាត់ខានជួបជិតព្រាត់ព្រោះកម្មពៀរ​ ព្រាត់គ្នាជាតិនេះ ព្រោះគ្មានវេរា ជាតិក្រោយជួបគ្នា ក្នុងនាមភក្តី ។

៣. អូនរស់ទូលទុកព្រោះបាត់មុខបង រស់ខ្វះបង្គងទ្រនំនិស្ស័យ រូបរស់មែនពិតចិត្តឥតតម្លៃ មានឈ្មោះជាស្រី ជួបតែរឿងកម្ម ។

(ភ្លេង, បន្ទរ, ៣)

ព្រាត់មួយជីវិត

១. ថ្វី...បើជើងមេឃនៅឆ្ងាយ សព្វសត្វទាំងគូទាំងឡាយ សប្បាយឆ្លងវេហារ ខុសអ្វីមនុស្សឈ្លោះតាមតែគ្នា ចងកម្មចងពៀរវេរា ចិន្តាសាមាន្យម៉្លេះណា ។

២. គេង...ទៅ គេងទៅពៅព្រលឹង ជាតិហ្នឹងអភ័ព្វមែនហើយ តែ កុំអស់សង្ឃឹមឡើយ លឺទេខ្យល់បក់រំភើយ សត្វឆ្លើយជួយលួងលោមយើង ។

បន្ទរ. បើសាងអំពើល្អ អំពើល្អសងវិញមិនខាន ខំសាងកុសល គឺសាងសុខសាន្ត ឈ្នះចិត្តសាមាន្យ ក្នុងថ្ងៃមួយ ។

​៣. បើ...យើងនៅមានសង្ខារ គឺយើងនៅមានវាសនា ជីវ៉ាកុំអស់សង្ឃឹម មេឃស្រឡះក្រោយភ្លៀងរលឹម ខ្លាចអ្វីមិនហ៊ានញញឹម សង្ឃឹមថ្ងៃមួយ មិនខាន ។

(ភ្លេង, បន្ទរ, ៣)

សង្ឃឹមថ្ងៃមួយ

១. ចន្ទ្រារះឆ្ងាយៗពេកក្រៃ ជំនោររាត្រីរៃយំថ្ងួចថ្ងូរ នឹកដល់រៀមរ៉ា ទឹកភ្នែកអូនហូរ អាសូរស្នាមស្នេហ៍ រសាត់ទៅសែនឆ្ងាយ ។

២. ចន្ទ្រារះខ្ពស់ៗសន្លឹម ចិត្តអស់ សង្ឃឹមគេងនឹកសោកស្តាយ ស្រណោះសម្តី ភក្ត្រាឆោមឆាយ ពេលនេះឃ្លាតឆ្ងាយៗពីបេះដូង ។

បន្ទរ. ជំនោរបក់បោក រៃយំថ្ងួចថ្ងូរ អាសូរបេះដូង គ្រាំគ្រា ពពករសាត់ បាំងបាត់ចន្ទ្រា អូននៅកំព្រា​ ឯកា​ អាហា ឱ! ស្នេហ៍ ខ្ញុំអើយនៅទីណា អូននឹក រៀមរ៉ា ខ្លាំងណាស់ នឹកខ្លាំងណាស់ ។

(ភ្លេង)  ជំនោរបក់បោក រៃយំថ្ងួចថ្ងូរ អាសូរបេះដូង គ្រាំគ្រា ពពករសាត់ បាំងបាត់ចន្ទ្រា អូននៅកំព្រា​ ឯកា​ អាហា ហា....ស្នេហ៍អើយនៅទីណា អូននឹក រៀមរ៉ា ខ្លាំងណាស់ នឹកខ្លាំងណាស់ ។

អូននឹក នឹកបង

១. រូបបងជាអ្នកធ្វើឲ្យខ្ញុំយំ យំហើយយំទៀត ព្រោះបងពិឃាតចិត្តខ្ញុំដែលស្រឡាញ់បង អស់មួយជីវិតចិត្តខ្ញុំត្រូវខូច ព្រោះក្តីស្មោះត្រង់ ដែលបងបែរខ្នង ដោយឥតប្រណី ។

២. រឿងដែលខ្ញុំចង់បំភ្លេចទៅហើយ ម្តេចឡើយរំលឹក ធ្វើឲ្យកំរើកនូវក្តីវិបត្តិជាថ្មី ខ្ញុំបានសច្ចា ថារស់ម្នាក់ឯង ក្នុងភពឥតន័យ ដើម្បីបំភ្លេចរឿងចាស់ចោលចេញ ។

បន្ទរ. ព្រោះខ្ញុំទម្លាប់រស់តែម្នាក់ឯង ទោះជារស់ទាំងចំបែង ក៏ខ្ញុំមិនអាចវិលវិញ ថ្ងៃនេះ គ្មានទេរឿងពីម្សិលមិញ ដែលធ្វើឲ្យចិត្តពោរពេញ កើតក្តីទោម្នេញគ្មានស្រាន្ត ។

៣. ដឹងទេថាបងបានធ្វើអ្វីខ្លះ ចំពោះរូបខ្ញុំ នៅក្នុងជំរំកម្សត់នៃស្នេហ៍ខកខាន រឺមួយបង ឃើញតែកំហុសខ្ញុំ ស្រេចតែចិត្តស្មាន បានជាធ្វើបាប ខ្ញុំគ្មានប្រណី ។

បងជាអ្នកធ្វើឲ្យខ្ញុំយំ

១. អូនស្លូតណាស់ដូចជាដូនជី ប្រុសឆោមឆវី បងម្តេចក៏ដាច់ចិត្តចោលអូន មេត្តារឺទេ ផ្កាដែលស្រពោន វិលវិញណាស្ងួន បងជាក្បូនជីវិតអូនហើយ ។

២. អូនរង់ចាំរង់ចាំតែផ្លូវ ចាំច្រើនរដូវ បងបាត់ទៅបាត់ទៅសូន្យឈឹង អូនគ្មានធ្វើអ្វីខុសសោះព្រលឹង ម្តេចក៏បងខឹង ខឹងរឿងអ្វីស្រដីប្រាប់ផង ។

បន្ទរ. បើគ្មានបងអូនរស់ម្តេចទៅ ខ្មាស់ណាស់គេហៅ ឈ្មោះស្រីប្តីលែង អូនមិនចេះឱបទ្រូងប្រុសផ្សេង ស៊ូរស់ម្នាក់ឯង បួសជាដូនជី ។

៣. បើមិនឃើញបងវិលវិញទេ រៀងហើយក្តីស្នេហ៍ អូនត្រូវតែកោរសក់សាងផ្នួស អូនយកធម៌អាទិ៍ ផ្សារចិត្តរបួស លាប្រុសថ្លើមខ្មៅ អោយគេហៅអូនដូនជីវិញ ។

(ភ្លេង==>៣)

វិលវិញណាស្ងួន - រស់ សេរីសុទ្ធា

១. ផ្ទៃមេឃឡើងពណ៌ ស្រអាប់ខ្យល់ត្រជាក់រហ៊ឹម យើងជិតបែកគ្នា យើងបែកគ្នាហើយ នៅឆ្ងាយពីគ្នា បេះដូងប្រេះឆា ទឹកភ្នែកសស្រាក់ គ្មានថ្ងៃជួបគ្នាទៀតទេ ជួបទៀតទេ អូនបន់ស្រន់សូមអោយបង កុំទៅណាឆ្ងាយពីអូន ។

២. មានតែទុក្ខខ្លោចផ្សារ ក្តីផ្អែមល្ហែម អស់ហើយណា ស្វាមីភរិយានៅឆ្ងាយពីគ្នា ដាច់សោះសូន្យ រដូវផ្ការីកផ្ការោយផុតទៅ ពេលវេលាកាន់តែឆាប់ កាន់តែជ្រៅ អូនបន់ស្រន់សូមអោយបង កុំទៅណាឆ្ងាយពីអូន ។

៣. ផ្ទៃសមុទ្រធំល្វឹងល្វើយ ស៊ីផ្លេ កប៉ាល់ដង្ហោយ តឿនបងអោយឆ្ងាយ អោយបងឆ្ងាយចេញពីទ្រូងអូន ស្នេហាស្មោះសែនអាឡោះអាល័យ ពាក្យពេចន៍ច្រើនក្រៃ តែស្រី ផ្តាំមួយម៉ាត់ អូនបន់ស្រន់សូមអោយបង កុំទៅណាឆ្ងាយពីអូន​ ។

៤. ខំញញឹមទាំងទឹកភ្នែក តឹងទ្រូងស្ទើរបែក បងកុំអល់អែក ខំថែខ្លួនថែប្រាណសុខសាន្តអើយ គេងពីព្រលប់ ក្រោកពីព្រលឹម គេងត្រូវពាក់អាវហើយត្រូវ ដណ្តប់ភួយ អូនបន់ស្រន់សូមអោយបង កុំទៅណាឆ្ងាយពីអូន ។

៥. បងមិនក្បត់ចិត្តនឹងអូន អូនក៏មិនក្បត់បងដែរ ពាក្យដែលស្បថស្បែ ពីថ្ងៃមុនអូន នៅចាំទាំងអស់ កូនយើងនៅតូច ឳពុកព្រាត់ទៅ តើអោយវារស់នៅ ទីពឹងអ្វី អូនបន់ស្រន់សូមអោយបង កុំទៅណាឆ្ងាយពីអូន ។

៦. ទឹកភ្នែកក៏សស្រាក់ វាយោបក់រសាត់ រូបបងក៏បាត់ បេះដូងអូនព្រាត់ឆ្ងាយពីបងហើយ ខ្ញុំសួរសមុទ្រក៏គ្មានចម្លើយ ស្រែកសួរទៅមេឃ មេឃក៏ មិនព្រមឆ្លើយ អូនបន់ស្រន់សូមអោយបង កុំទៅណាឆ្ងាយពីអូន ។

ចំរៀងលាគ្នា - រស់ សេរីសុទ្ធា

១. ព្រែកឯងនៅឆ្ងាយ ឃើញដាច់អាល័យ អនុស្សាវរិយ៍ជាប់ដោយរុក្ខជាតិ ធ្វើម្តេចនឹងបាន ឃើញព្រែកឯងទៀត ពិតមែនតែខ្លួនខ្ញុំឃ្លាត តែចិត្តនៅគួចទៅ ។

២. ធម្មជាតិញញឹម ដែលធ្លាប់រាក់ទាក់ ឥលូវប្រែភ័ក្ត្រទៅជាសត្រូវ អនុស្សាវរិយ៍ជាប់នៅ ដោយផ្លូវ គិតថាពីថ្ងៃនេះទៅ លែងឃើញព្រែកឯងទៀតហើយ ។

បន្ទរ. អនុស្សាវរិយ៍ ដែលជាប់គ្រប់ទី ហាក់ដូចឃើញគ្រាថ្មីៗ ដើមឈើធំៗ មានម្លប់ត្រឈៃ លឺតែសម្លេងរៃ យំថ្លែងក្តីអស់សង្ឃឹម ។

៣. គូព្រេងដែលខ្ញុំ គិតថាមិនព្រាត់ ឥលូវរលត់ទាំងរូបប៉ប្រិម ធ្វើម្តេចនឹងបានជួបក្តីសង្ឃឹម បើទុកជាខ្ញុំញញឹម ក៏មិនស្រស់ដូចគ្រាដើម ។

(ភ្លេង, ៣) 

Bophea Chance

Popular tracks