១. ទួលថ្នឹងនៅឆ្ងាយ ឆ្ងាយដាច់អាល័យ កោះមានរស្មីលើភពភារី កោះស្នេហ៍គាប់គុណ មហាគង្គា ធម្មជាតិឆើតឆាយសោភា មាសមាក៏ពិរោះល្បី ។

២. ចិត្តអើយសែននឹក ទូលថ្នឹងដែលឃ្លាត ពិដោររសជាតិដ៏ស្រស់ប្រិមប្រិយ ទួលថ្នឹងភពស្នេហ៍ ថែខ្ញុំរាល់ថ្ងៃ ហាក់ដូចឃើញនៅថ្មីៗ ដូចដៃធ្លាប់បីត្រកង ។

បន្ទរ. អនុស្សាវរីយ៍ ដែលចារគ្រប់នាទី អប់ក្លិនពិសេសកន្លង ថ្វីត្បិតទួលថ្នឹងជាប់ក្នុងរបង តែដួងចិត្តនៅតែប៉ង ចាំចងគ្មានថ្ងៃណាភ្លេច ។

៣. ព្រាត់ហើយជួបវិញទួលថ្នឹងស្នេហា ទួលថ្នឹងមេត្តារូបខ្ញុំជានិច្ច ខ្ញុំព្រាត់ក៏ព្រោះតែភារកិច្ច ពេលណាជោគជ័យសម្រេច វិលជួបទួលថ្នឹងវិញហើយ ។

(ភ្លេង, ប្រុសច្រៀងសាឡើងវិញ)

ទូលថ្នឹង - កុយ សារឹម & មាស សុផា

តើមានបទណា​ ឲ្យបងនឹកអូន - ឱក សុគន្ធកញ្ញា

១. ចង់ក្រសោប ស្ទុះឱបអូនឥលូវ សម្លឹងយូរៗទៅ ឃើញពៅល្អដូចផ្កា រីកសែនស្រស់ សម្ផស្សដូចទេពកញ្ញា ភ្នែកមុតធ្លុះចិន្តា ថ្ងៃណាបានកៀកកើយ ។

២. ច័ន្ទភ្លឺហើយ នៅឡើយមិនស្មើអូន រស្មីស្រស់ស្រទន់ គួរគន់មិនឈប់ឡើយ ពេលជួបជួន វិញ្ញាណភ្លឹកភ្លាំងអស់ហើយ ចង់សួរឲ្យអូនឆ្លើយ កម្មអ្ហើយ ស្តីមិនរួច ។

បន្ទរ. នេះហើយ គឺជាមន្តស្នេហ៍ នឹករឹតទ្វេរ រឹតតែគួចស្នេហ៍ គ្មានពេលភ្លេច ចិត្តបំណង ប៉ងនៅជាប់ជានិច្ច ទន្ទេញគ្មានភ្លេចៗ ចាំតែរូបស្រី ។

៣. បងប្តេជ្ញា ប្រាថ្នាតែអូនមួយ អូនអ្ហើយអូនកុំព្រួយ កុំព្រួយណាចរណៃ ស្លាប់ឬរស់ បងស្មោះលុះគ្រាក្សិណក្ស័យ បងមិនភ្លេចទេថ្លៃ រូបស្រីជាដួងចិត្តបង ។

(ភ្លេង, បន្ទរ, ៣)

រូបស្រីជាដួងចិត្តបង

១. បោចផ្កាម្រះព្រៅ បាចទៅក្នុងខ្យល់ រសាត់ទៅដល់ខ្នងភ្នំក្រពើ ភ្នំរំសាយសក់ហាក់គ្មានអើពើ យើងឈរពីលើ គន់មើលល្អាងអណ្តូងប្រេង ។

២. ចូលល្អាងតែងខ្លួន ពួនចាក់គម្ពីរ អារុណនារីវត្តដូនជីក្មេង ល្អាងល្ខោនគួកទ្រូងរង់តាំងគ្រឿងភ្លេង យើងបាយហើយគេង ស្តាប់ភ្លេងក្នុងល្អាងផ្កាស្លា ។

បន្ទរ. អូនចាំទាំងអស់ អនុស្សាវរិយ៍ កាលយើងទាំងពីរក្រេបរសស្នេហា ឥលូវបាត់ឈឹង ឃើញតែថ្មដារ ឯល្អាងផ្កាស្លាក្លាយជាមរណៈ ។

៣. ពន្លកម្រះព្រៅ ដុះឡើងវិញហើយ បាត់តែត្រាណត្រើយ ទ្រូងអូនអួលអាក់ ផ្នូរមួយយើងសាងទុកស្លាប់ពីរនាក់ នៅតែប្រឡាក់ ស្នាមឆ្លាក់ឈ្មោះអូននិងបង ។

(ភ្លេង, បន្ទរ, ៣) នៅតែប្រឡាក់ ស្នាមឆ្លាក់ឈ្មោះអូននិងបង...

បោចផ្កាម្រះព្រៅ - រស់ សេរីសុទ្ធា

១. ច័ន្ទអើយ រះសែនល្អម៉្លេះទេ ប៉ុន្តែមាសមេអ្នកនៅ សែនឆ្ងាយ ថ្ងៃណា បាននែបនិត្យកាយ បើនៅឆ្ងាយ ឈោងមិនដល់ ។

២. ខ្ពស់អើយ អើយសែនខ្ពស់ម៉្លេះណា​ ពន្លឺភ្លឺថ្លាគួរឲ្យចាប់ចិត្ត បើសិន ខ្ញុំជាគូពិត នាំដួងចិត្ត ខ្ញុំទៅជាមួយផង​ ។

បន្ទរ. តើអ្នកដឹងទេ ខ្ញុំលួចស្នេហ៍យូរហើយ ម្តេចឡើយ បានជា អ្នករះធ្វើព្រងើយ ច័ន្ទអើយ សូមមេត្តាខ្ញុំផង ស្នេហ៍ស្នង ស្ងាត់សូន្យឈឹង ហេតុអ្វី បានថ្លៃឆ្មើងម៉្លេះទេ អាងតែអ្នកល្អលើសគេ ក្នុងលោក ទុកឲ្យ ខ្ញុំនៅសោយសោក បំភ្លឺលោក ទុកឲ្យខ្ញុំក្រៀមក្រំ ។

(ភ្លេង, ច្រៀងសាឡើងវិញ)

លួចស្នេហ៍ដួងច័ន្ទ - រស់ សេរីសុទ្ធា

១. ស្អែកឡើង បងលា ឱ! ពុំងារ អូននៅឲ្យបានសុខា បងឃ្លាត ឃ្លាតតែកាយា ទុកចិន្តាថ្នាក់ថ្នមស្នេហា រាល់ពេលយប់ថ្ងៃ ។

២. ស្អែកនេះ បងលាទៅ ឱ! ស្រីពៅ ចិត្តបងនៅតែភក្តី កុំស្មាន ថាបងមានថ្មី ក្នុងលោកិយ៍មានតែរូបស្រី ជាត្រួយសង្ខារ ។

បន្ទរ. បងទៅដើម្បីរស្មី ជីវិត ស្លាប់រស់ ក៏បងមិនគិត ឡើយណា ស្វែងរក សេចក្តីសុខា ឲ្យមានខ្លឹមសារ ជីវិតស្នេហា ទៅអនាគត ។

៣. កុំយំ ណាចរណៃ ឱ! ថ្លើមថ្លៃ គូសង្សារសែនកម្សត់ បងវិល វិញតាមកំណត់ ព្រេងមិនព្រាត់ មួយឆ្នាំប្រាកដជាបងវិលវិញ ។

(ភ្លេង, បន្ទរ, ៣)

បែកគ្នាមួយឆ្នាំ - ស៊ិន ស៊ីសាមុត

១. ចាបមាសស្រែកយំ សុំទ្រនំថ្មីអើយ ក្បែរបង្អួចស្រីដែលថ្លៃទាញបិទ ចាបយំពីព្រឹកដល់យប់ងងឹតអើយ យំអង្វរចិត្តសុំមើលភក្ត្រា ។

២. ចាបមាសស្រែកយំ ទុំដើមវល្លិ៍ពេជអើយ ប្រឹងយំបំភ្លេចរឿងទុក្ខខ្លោចផ្សារ យំអង្វរស្រីសុំក្តីស្នេហាអើយ សូមម្ចាស់ចិន្តា មេត្តាប្រណី ។

បន្ទរ. សំនៀងចាបមាសយំដាស់ចិត្តម៉ុម ចាបមាសខំយំ សុំស្នេហ៍ភក្តី អូននៅក្នុងម្លប់បាំងបាត់រូបស្រី សូមពៅស្រដី ឆ្លើយប្រាប់បងផងអើយ ។

៣. កាលយំពីព្រឹក យំនឹករូបពៅអើយ យំពេលយប់ជ្រៅទួញហៅអន្ទង ចាបមាសស្រែកយំ ទុំសួររកបង្គងអើយ ស្រែកយំផ្តោះផ្តង លើដើមវល្លិ៍ពេជ ។

(ភ្លេង, បន្ទរ, ៣) 

សំនៀងចាបមាស - ស៊ិន ស៊ីសាមុត

១. កូលាបបាត់ដំបងអើយ បងមកវិញហើយណាថ្លៃ ឱ! កូលាបដែលបងស្រម៉ៃ តើថ្លៃនៅទីណាអូន?

២. បងត្រឡប់មករកពៅ ដប់ឆ្នាំផុតទៅហើយស្ងួន អន្ទះសារចង់ជួបមុខអូន តើអូនល្អយ៉ាងណាទៅស្រី?

បន្ទរ. បងលឺតែគេប្រាប់ថា ស្រស់ជីវ៉ាអូនល្អឥតបី អូននាងល្អជាងផ្កាចំប៉ី សៀមរាបទៀតថ្លៃ តើមែនឬទេ?

៣. បើសិនរៀមមានវាសនា បានជួបបុប្ផា ម្ចាស់ស្នេហ៍ បងនឹងខំស្រោចទឹកថ្នមថែ ឲ្យម្ចាស់ស្នេហ៍ ស្គាល់តែសុខសាន្ត ។

(ភ្លេង, បន្ទរ, ៣)

កូលាបបាត់ដំបង - ស៊ិន ស៊ីសាមុត

១. មហាសង្ក្រានច្រានឆ្នាំមួយទៅ ទ្រូងសែនហ្មងសៅ នឹកព្រួយក្រែងពៅឆាប់ភ្លេចរឿងដើម រឿងបាត់ដំបងចងទងដង្ហើម កាលជួបស្រីឆ្នើម រដូវសន្សើមផ្ការីកស្គុសស្គាយ ។

២. អូនដើររើសគ្រុំក្នុងស្ទឹងសង្កែ ភ័ក្ត្រដូចដួងខែ ថ្ពាល់ខួចមាសស្នេហ៍នេត្រាពណ្ណរាយ ហត្ថាខ្ចីល្ហក់សក់ខ្មៅរំសាយ បងគន់មិនណាយ ក្លិនខ្លួនឆោមឆាយរាយសំណាញ់ស្នេហ៍ ។  

បន្ទរ. វិចិត្រករអើយ កុំបាច់គូរអី នៅក្នុងលោកីយ៍ស្រីល្អគ្មានទេ មានតែរំដួលដងស្ទឹងសង្កែ ដែលខ្ញុំលួចស្នេហ៍ ទោះរយខួបខែក៏នៅចាំចង ។

៣. ឥឡូវរដូវផ្ការីកវិលវិញ ទ្រូងសែនទោម្នេញព្យុះកម្មបក់ដេញបាត់ផ្កាមួយទង ត្រីក្រឹមអូនស្លាប់នៅក្នុងដបបង លិខិតនួនល្អង បងទុកទ្រាប់ខ្នង ដេកស្លាប់ក្នុងផ្នូរ ។

(ភ្លេង, បន្ទរ. ៣)

រំដួលដងស្ទឹងសង្កែ - ស៊ិន​ ស៊ីសាមុត

សុបិនឃើញបង - រស់ សេរីសុទ្ធា

១. យប់មិញភ្លៀងធំខ្ញុំយំទល់ភ្លឺ នឹកឡើងអួលឈឺ ព្រោះលឺសូរផ្គរដើមឆ្នាំ ផ្គរបរប៉ៃលិននិន្ទាជេរខ្ញុំ ថាម្តេចចិត្តខ្ញុំ ហ៊ានរៀបការចោលគូចាស់ ។

២. រោងការមុខផ្ទះចាស់ៗសង់ហើយ ឱ! ផ្គរលាន់អើយឈប់ដៀលថាខ្ញុំផ្តេសផ្តាស ការពិតខ្ញុំស្មោះនឹងសង្សារណាស់ តែរឿងប្តូរផ្លាស់ ក្រឡាស់មកពីចាស់ទុំ ។

បន្ទរ. សូមព្រះអង្គខ្មៅ នៅបរយីខាមេត្តាសណ្តោសទោសខ្ញុំ កុំថា ខ្ញុំក្បត់ ពីសង្សារខ្ញុំ រឿងធំព្រោះព្រហ្មលិខិត ។

៣. ព្យុះអើយបោកបក់រោងការចោលទៅ កុំឲ្យអាស្រូវញាតិផៅចោទខ្ញុំក្បត់ចិត្ត ប៉ៃលិនអូរតងសូមបងអាណិត ខ្ញុំការមែនពិត តែចិត្តនៅស្មោះរយជាតិ ។

(ភ្លេង, បន្ទរ, ៣)

ផ្គរលាន់ប៉ៃលិន - រស់ សេរីសុទ្ធា

តើថ្ងៃណាបងវិលវិញ - រស់ សេរីសុទ្ធា

បទ សមី្តចុងក្រោយ - ច្រៀងដោយ អ្នកស្រី ហួយ មាស

១. សម្តីចុងក្រោយ ប្រុសឆ្លើយប្រាប់ខ្ញុំ ភ័ក្ត្រអ្នកក្រៀមក្រំអោយខ្ញុំខ្លោចផ្សារ ប្រុសឃ្លាតចេញទៅ អូននៅឯកា ឱ! ប្រុសស្នេហាកន្លង ។

២. សម្តីចុងក្រោយ ខ្ញុំគ្មានស្បើយទុក្ខ ប្រាស់ចាកក្តីសុខ ព្រោះឃ្លាតបំណង ដួងចិត្តចង់ផ្សង សូមប្រុសឆ្លើយឆ្លង សួរថានួនល្អង មេត្រី ។

បន្ទរ. នេះឬទណ្ឌកម្ម លោកា សញ្ញាទេវតា ចារទុក បំបែកពង្រាត់ គូជីវិតស្រី កម្មអ្វី ផលអ្វី លោកា ។

៣. សម្តីចុងក្រោយ ដង្ហោយហៅស្នេហ៍ ចិត្តអូនគ្មានប្រែ ពីប្រុសស្នេហា ប្រុសឃ្លាតចេញទៅ សល់តែទុក្ខា អស់ឱ! ស្នេហា ខ្ញុំអើយ ។

(ភ្លេង=>ច្រៀងសាឡើងវិញ)

សមី្តចុងក្រោយ - ហួយ មាស

១. បងដើរមាត់ស្ទឹងលឺជ្រឹងពួនយំ ឆ្លងដល់ជំរុំចម្ការក្រូចស្រី ម្លិះរួតប្រឹងរីកទទួលកវី ប្លែកតែរូបស្រីមិនឃើញភ័ក្ត្រា ។

២. អូនដើរបេះក្រូចបងលួចមើលម៉ុម ចម្ការស្រីធំជាច្រើនហិកតា សាវម៉ាវចេញផ្លែសង្កែចេញផ្កា ដូចណាត់ចិន្តាឲ្យជួបកវី ។

បន្ទរ. តោវត្តតាមឹមគ្រហ៊ឹមដាក់ខ្ញុំ ការពាររូបម៉ុមក្រពុំពេញវ័យ អូនចុះងូតទឹកលើស្ពានបោះថ្មី បងភ្លឹកស្មារតីព្រោះស្រីល្អណាស់ ។

៣. រឿងបាត់ដំបងចងចិត្តខ្ញុំហើយ ស្ទឹងសង្កែអើយកុំហូរបញ្ច្រាស់ សូមលោកមេបាមីងមាក្មេងចាស់ ជួយប្រណីខ្លះដល់កវីផង ។

(ភ្លេង, បន្ទរ, ៣)

បាត់ដំបងបណ្តូលចិត្ត

១. ស្នេហ៍ ជាអតីតទៅហើយ តើហេតុម្តេចឡើយ យប់នេះខ្ញុំនឹកគេ គេងយល់សប្តិឃើញគេក្បែរ លួងលោមប្រលោមថែ ដូចកាលគេនៅស្នេហ៍ខ្ញុំ ។

២. ពេល នេះគេមានគូគេ ខ្ញុំក៏ដឹងដែរ ហើយច្បាស់នៅក្នុងអារម្មណ៍ ចំណែកខ្ញុំក៏មានគូខ្ញុំ ម្តេចចិត្តលួចនឹកបន្លំ ក្បត់ចិត្តមនុស្សកំពុងក្បែរ ។

បន្ទរ. ទេវតា សូមជួយប្រាប់ផង រឿងហួសកន្លង ដាស់ខ្ញុំនឹកវិញធ្វើអ្វី វេលាបែក រំលងយូរឆ្នាំខែថ្ងៃ នឹកវិញបានប្រយោជន៍អ្វី ត្រឹមឲ្យហឫទ័យគ្រាំគ្រា ។

៣. យប់ ស្អែកកុំដូចយប់នេះ នឹកគេយ៉ាងនេះ នាំឲ្យចិត្តគ្រាំវេទនា ចង់ ជួបក៏អស់វេលា ទោះបីលួចនឹកគ្នា ក៏មិនដូចគ្រាដំបូង ។

(ភ្លេង, បន្ទរ, ៣)

ទោះនឹកក៏ពេលជួប - មាស​ សុខសោភា

១. ម្ចាស់ត្បូងកណ្តៀងច្រៀងថាស្ម័គ្រ អូនចង់ឃើញភ័ក្ត្រអ្នករាល់ពេល យប់ថ្ងៃ ឲ្យម្ចាស់កណ្តៀងច្រៀងលួងលោម ចិត្តស្រី សម្លេងភក្តីបរតាំងស៊ូ ។

២. អូនជាកូលាបដុះក្បែរភ្នំ ក្រែងមិនសក្តិសមប្រុសទទួល ជាគូ តែចិត្តអូនវិញដូចច័ន្ទនិង រាហ៊ូ តែឃើញយូរៗ សែនសៅហ្មង ។

បន្ទរ. ឱ! ម្ចាស់ចម្រៀង សម្តីឯក សូមជួយរំលែកចិត្តអូនផង នឹកណាស់ខ្វល់ណាស់ព្រោះតែបង កម្មអ្វីមកចងពៀរច្នេះណា ។

៣. អូនជាអ្នកទោសដួងចិត្តបង កាមទេពចាប់ចងហើយវាយដំឱរ៉ា ទឹកភ្នែកម្នាក់ឯង គេងហើយសួរចិត្តថា ខ្ញុំមានវាសនាបានបងទេ ។

(ភ្លេង, បន្ទរ, ៣)

ម្ចាស់ត្បូងកណ្តៀង - រស់ សេរីសុទ្ធា

១. ចាបមាសស្រែកយំទំលើបង្គង ក្នុងទ្រុងនួនល្អង ចងក្បែរបង្អួច ទទះស្លាបហើរតែហើរមិនរួច ដួងចិត្តលាក់លួចគួចស្នេហ៍ម្ចាស់ស្រី ។

២. វាចាចាបមាសបើម្ចាស់ក្រមុំ ចាបមាសស្រែកសុំ យំទារចំណី លាជលាយទឹកឃ្មុំម៉ុមដាក់ភាជន៍ថ្មី បញ្ចុកផ្ទាល់ដៃឲ្យចាបស្លាប់ចិត្ត ។

បន្ទរ. ទឹកឃ្មុំផ្អែមឆ្ងាញ់ចាញ់សម្ផស្សស្ងួន ចាបចង់បានខ្លួន ស្ងួនមករួមរឹត ចាបយំអង្វរឲ្យស្រីអាណិត ហ៊ានប្តូរជីវិត ត្បិតចិត្តប្រាថ្នា ។

៣. បើចាបអភ័ព្វស្លាប់ក្នុងទ្រុងស្រី សុំចាបភក្តីនៅក្នុងហត្ថា បើចាបនៅរស់ព្រោះចិត្តមេត្តា ចាបមានវាសនារស់ក្បែរទ្រូងអូន ។

(ភ្លេង, បន្ទរ, ៣)

ចាបមាស - ស៊ិន ស៊ីសាមុត

១. ម្សិលមិញនរណានិយាយភរបង គឺស្រស់នួនល្អងភរបងណាអូន បងឈរហាលភ្លៀងមុខស្រពោន ចាំអូន បាត់សូន្យមិនឃើញសោះ ។

២. ម្សិលមិញបងចាំលុះលង់រាត្រី ស្រាប់តែឃើញស្រីបណ្តើរគេផ្សេង ឃើញភ្លាមបងក៏ស្រក់ទឹកភ្នែកឯង ចំបែង ព្រោះភ្លៀងវង្វេងមេឃ ។

បន្ទរ. ម្សិលមិញៗចាំមួយជីវិត ម្សិលមិញឈឺចិត្តស្រីក្បត់ស្នេហា ថ្ងៃនេះជួបអូនស្រាប់តែអូនថា ស្មាលាពីបង ព្រោះអូនមានថ្មីហើយ ។

៣. ថ្ងៃមុនស្រឡាញ់រូបបងធ្វើអ្វី ថ្ងៃមុនម្តេចស្រីហ៊ានស្បថនឹងបង ម្សិលមិញអូនស្រាយស្នេហ៍ពីចំណង ចិត្តបងរៀងហើយ ស្នេហ៍ដូចរូបអូន ។

(ភ្លេង, បន្ទរ, ៣)


ភ្លៀងវង្វេងមេឃ - ស៊ិន ស៊ីសាមុត

១. ដៃឱបខ្នើយ តែចិត្តយំនឹកបង យំរាល់ដង ព្រោះនឹកបងខ្លាំងពេក ដឹងរួចហើយ ថាពួកយើងបែក កែវភ្នែកស្រីនៅចំណាំ ។

២. ធ្លាប់ហៅឈ្មោះ រួចស្និទ្ធស្នាលនឹងគ្នា តែវេលាឲ្យស្នេហ៍ប្រេះស្រាំ បងឲ្យអូន ភ្លេចមិនឲ្យរង់ចាំ ព្រោះអារម្មណ៍បងមានថ្មីហើយ ។

បន្ទរ. មានតែពេលគេងលក់ទើបអាចភ្លេចបង ភ្លេចនៅរឿងរ៉ាវកន្លង ដែលអូនធ្លាប់ចងក្រង ជាមួយត្រាណត្រើយ តែពេលបើកភ្នែកពេលណា គឺគិតមិនអាចភ្លេចឡើយ ទឹកភ្នែកក៏ធ្លោយហូរមក ចង់ណាត់ចង់ជួបប្រាប់ថានឹកបងណាស់ តែអារម្មណ៍ខំទប់ខ្លាំង មិនឲ្យបងឃើញការឈឺចាប់ស្រី បន់ឲ្យតែមានពេលយប់ មិនចង់ឲ្យមានពេលថ្ងៃ អ្វីៗ ព្រោះស្រីនៅនឹកបង ។

(ភ្លេង, ១, ២, បន្ទរ២ដង) បន់ឲ្យមានតែពេលយប់ បានគេងលក់ភ្លេចប្រុសថ្លៃ បើកភ្នែក នឹកថ្លៃឈឺចាប់ណាស់....

ពេលគេងលក់ទើបអាចភ្លេចបង - មាស សុខសោភា

១. ស្តាយចិត្តណាស់ ដែលស្មោះប៉ះមនុស្សដូចបង ស្តាយចិត្តដែលឲ្យកន្លង ស្នេហ៍បងខ្លាំងហួសជ្រុល ស្នាមញញឹមបងក៏ឲ្យ ការឈឺចាប់បងក៏ផ្តល់ ស្គាល់គ្រប់ជ្រុងល្បិចកល ពីមនុស្សដូចបង ។

២. អូនស្លូតពេក បងក្លាយជាមនុស្សបានចិត្ត មិនធ្លាប់កាចដាក់វរមិត្រ តែងទុកមុខរាល់ដង ញ៉ាមបានក្បត់រឹតបំពាន ពូកែឌឺគឺជាបង យកអ្នកថ្មី ក្រោយខ្នង ទុកជាសង្សារ ។

បន្ទរ. មានឱកាស អូននឹងទះកំផ្លៀងបង ទះឲ្យដឹងពីស្រីឈឺចាប់ប៉ុណ្ណា បងឈឺមុខមិនជាអ្វី តែស្រីឈឺ ក្នុងឱរ៉ា ចង់ទះឲ្យបងដឹងថា នេះជាអូន ។

៣. ស្តាយអារម្មណ៍ ប៉ិនទ្រាំកាលបងផ្តើមក្បត់ បើកាចច្បាស់ជាអាចឃាត់ គំរាមបងខ្លាចខ្លះ តែដល់ពេល បែកទៅហើយ ហើយលទ្ធផលក៏ឃើញច្បាស់ អូនឈឺចាប់ខ្លាំងណាស់ ពេលបងចេញទៅ ។

(ភ្លេង, បន្ទរ) ចង់ទះឲ្យបងដឹងពេលនេះថា អូនស្អប់បងខ្លាំង

មានឱកាសអូននឹងទះកំផ្លៀងបង - មាស សុខសោភា

១. ទីក្រុងឆើតឆាយ តែស្តាយកូនរស់ឯកា មាតាបិតា សុខទុក្ខយ៉ាងណានៅផ្ទះ សម្លឹងទៅផ្លូវ យើងនៅឆ្ងាយគ្នាខ្លាំងណាស់ ពេលមេឃមានភ្លៀងរន្ទះ កូនយំនឹកផ្ទះកក់ក្តៅ ។

២. កាយនៅទីក្រុង អារម្មណ៍កូននៅឯស្រុក ស្រមៃបានក្បែរម៉ែពុក ស្រណោះម៉ែធ្លាប់ ស្រែកហៅ នៅលឺរងំ ពាក្យពេចន៍ពុកខ្ញុំប្រដៅ យើងធ្វើស្រែក្រោមថ្ងៃក្តៅ តែរស់នៅសប្បាយចិត្ត ។

បន្ទរ. នឹកផ្ទះណាស់ បទចាស់ស្តាប់ហូរទឹកភ្នែក ពុកអើយម៉ែអើយកូនបែក រៀនស្គាល់អ្វីជា ជីវិត​ ឱបក្តីស្រមៃនៅឆ្ងាយ មិនមែននៅជិត តែធ្វើឲ្យកូនចេះគិត គំនិតមិនដូចពីក្មេង ។

៣. ទោះរស់នៅឆ្ងាយ ចិត្តកាយកូននៅដដែល ទោះគ្មានអ្នកណាមើលថែ ក៏កូនអាចថែ ខ្លួនឯង ពុកម៉ែកុំព្រួយ ថ្ងៃមួយគង់ផុតចំបែង រាល់ថ្ងៃកូនប្រាប់ខ្លួនឯង ជីវិតត្រូវតែតស៊ូ ។

(ភ្លេង, បន្ទរ, ៣)

នឹកផ្ទះ - ឱក សុគន្ធកញ្ញា

១. បែកយ៉ាងណា ក៏អូនពេញចិត្តរង់ចាំ ព្រមស៊ូទ្រាំ នៅរង់ចាំមិនអាចភ្លេចស្នេហ៍ ទោះពេលនេះ បងកំពុងមានគេនៅក្បែរ ក៏ចិត្តស្នេហ៍ អូនមិនអាចបំភ្លេចបង ។

២. ចង់គិតអ្វី បងគិតបន្តទៀតចុះ អូនអ្នកស្មោះសូមត្រឹមនឹករឿងកន្លង មុនពេលគេង ត្រឹមលួចរំលឹក ឈ្មោះស្នេហ៍ស្នង ក្នុងបំណង នៅតែផ្សង មិនព្រមបញ្ឈប់ ។

បន្ទរ. នឹកមនុស្សម្នាក់ដែលកំពុងមានអ្នកថ្មី ទាំងអ្វីៗ រឿងខ្ញុំនិងគេត្រូវបានបញ្ចប់ តែក្តីស្នេហ៍ ដល់ពេលនេះខ្ញុំ នៅមិនស្អប់ ចង់ឃើញគេ ឈានជើងត្រលប់មកស្នេហ៍ខ្ញុំវិញ គេប្រាប់ថា កុំឲ្យខ្ញុំចាំធ្វើអ្វី ព្រោះភក្តី គេឲ្យអ្នកថ្មីទើបស្រឡាញ់ ខ្ញុំឈឺចាប់ តើទទួលបានអ្វី មកវិញ គឺស្រឡាញ់ដែលឡំដោយទឹកភ្នែក ។

(ភ្លេង, ២, បន្ទរ២ដង)

នឹកមនុស្សម្នាក់ដែលកំពុងមានអ្នកថ្មី - សុគន្ធ នីសា

១. អ្នកណាថា បែកស្នេហ៍ហើយចិត្តបាននៅស្ងប់ ទោះបីខំបន្លប់ ស្ងប់តែមួយគ្រា អនុស្សាចាក់ជ្រៅ ព្រោះតែមនុស្សធ្លាប់ស្រឡាញ់គ្នា រងទុក្ខវេទនាដឹងតែម្នាក់ឯង ។

២. មិនបន្ទោស ថាបងជាអ្នកខុសឡើយណា គ្មានចេតនា ចោទថាបងមានអ្នកផ្សេង តែប្រឹងធ្វើខ្លួនឲ្យល្អ អ្វីៗអូនអ្នកដឹងខ្លួនឯង តែក៏លែងហួងហែង សុខចិត្តចេញឈប់ក្បែរ ។

បន្ទរ. ធ្វើខ្លួនឲ្យរវល់ដើម្បីបំភ្លេចបង ព្រោះដឹងខ្លួននៅស្ងៀមពិបាកនឹងភ្លេចស្នេហ៍ គិតការងារអ្វីឲ្យតែភ្លេចមាសមេ ដឹងទេពិបាកខ្លាំងណាស់ ធ្វើខ្លួនឲ្យរវល់បន្លប់ការឈឺចាប់ ព្រោះដឹងថាក្នុងចិត្តនេះ មិនងាយនឹងប្តូរផ្លាស់ ស្រឡាញ់បងគឺអូនដឹងខ្លួនឯងច្បាស់ គឺគង់តែនឹងមានថ្ងៃបែក ។

(ភ្លេង, ២, បន្ទរ ២ដង) ធ្វើខ្លួនឲ្យរវល់ដើម្បីភ្លេចបង ជាវិធីជួយឲ្យអូនស្ងប់

ធ្វើខ្លួនអោយរវល់ដើម្បីភ្លេចបង - សុគន្ធ នីសា

១. ទោះអូនព្យាយាមអង្វរ បងមិនស្តាប់ ទោះរៀបរាប់រហូតដល់ស្លាប់ ក៏គ្មានប្រយោជន៍ ស្នេហាអូនជាតិនេះជួបរឿងព្រាត់ គេបានកំណត់ទុក រួចស្រាប់ហើយ ។

២. ទោះយំដល់លេចផែនដី ក៏គ្មានថ្ងៃ លេចបេះដូងថ្លៃឲ្យត្រឡប់មក រកអូនវិញឡើយ ស្នេហ៍ចំមនុស្ស ចិត្តដែលគ្មានស្តាយក្រោយ ចម្លើយមិនស្របសំណួរ ។ 

បន្ទរ. ហេតុអ្វីខ្ញុំស្រឡាញ់គេ បើសិនពេលឈឺចាប់វែងយ៉ាងហ្នឹង ហេតុអ្វីក្តីសង្ឃឹម ខ្ញុំត្រូវឲ្យទៅគែ តើក្តីស្នេហាស្មោះមានរឺទេ បើសិនខ្ញុំភ្លេចគេ មានថ្មី ហេតុអ្វីត្រូវហូរទឹកភ្នែក បើសិនស្អែកនៅមានស្នាមញញឹម ហេតុអ្វីខ្ញុំរំពឹងចាំតែមនុស្សម្នាក់នេះ រឺបេះដូងអូន ស្គាល់តែបងម្នាក់ ទឹកភ្នែកធ្លាក់ស្រក់ហូរឥតស្បើយ ។

៣. ខុសទេបើធ្វើមិនបាន នៅស្រឡាញ់ ខុសខ្លាំងទេ ដែលអូននៅត្រូវការបងនៅក្បែរ ខុសរឺទេបើស្រីត្រូវការស្នេហ៍ ត្រូវការអ្នកថែនោះ គឺជាបង ។

(ច្រៀងលេខ ២, បន្ទរ)

ធ្លាប់សាកចិត្តខ្លួនឯង ធ្លាប់រៀនបំភ្លេចបង តែបំភ្លេចមិនបាន មិនចង់បង្ខំចិត្ត រង់ចាំស្នេហាថ្មី រង់ចាំថ្ងៃភ្លេចបង ចាំបេះដូងប្តូរពណ៌ ទ្រាំកំដរចិត្តឈឺ (ច្រៀង បន្ទរ) រឺបេះដូងអូន ស្គាល់តែបងម្នាក់ ទឹកភ្នែកធ្លាក់ស្រក់ហូរឥតស្បើយ

ខុសខ្លាំងមែនទេដែលអូននៅស្រឡាញ់បង - ឱក សុគន្ធកញ្ញា

១. សូមប្រាប់អូនផង ថាបងស្រឡាញ់គេហើយ ឈឺចាប់ណាស់បងអើយ តើឲ្យអូនធ្វើយ៉ាងណា មនុស្សខ្លួនស្រឡាញ់ ត្រូវឃ្លាតពីឱរ៉ា ព្រោះអស់ចិត្តស្នេហា សន្យាក៏ភ្លេចលែងចាំ ។

២. ធ្លាប់ស្និទ្ធស្នាលមិនដែលឃ្លាត ទ្រូងចង្អៀតពេលផ្លាស់ប្រែ គេប្តូរចិត្តលែងនៅថែ ដូចគ្រាមុន ឈឺមិនហ៊ានបន្ទោសគេ គេមានសិទ្ធប្តូរបេះដូង យំម្នាក់ឯងរៀបចំខ្លួន ចាំប្រេះឆា ។

៣. សូមប្រាប់អូនផង ថាបងស្រឡាញ់គេហើយ អូននឹងទៅឲ្យឆ្ងាយ កុំឲ្យបងខ្វល់ចិន្តា ទើបតែជួបគេ បងក៏លង់ស្នេហា អូនស្មោះអស់ខ្លឹមសារ ក្លាយជាមនុស្សក្រៅចិត្តបង ។

បន្ទរ. អូនដឹងអូនយល់ ទោះបងមិនបានរ៉ាយរ៉ាប់ ទ្រាំឈឺចាប់ ចាំស្តាប់បងស្រាយការពិត បងមិនប្រាប់អូន ព្រោះស្ងួនខ្លាចអូនខូចចិត្ត តែសល់ត្រឹមភាពអាណិត មានន័យអ្វី ។

(ភ្លេង, បន្ទរ) ហូ...

៤. ស្រឡាញ់គេចុះ សូមប្រុសកុំខ្វល់ពីអូន បើជាបំណងស្ងួន អូនក៏ពេញចិត្តបែកគ្នា បើបងសុខហើយ កុំខ្វល់អូនឈឺផ្សារ អូនអាចធ្វើចិន្តា រង់ចាំវេលាភ្លេចបង... អូនសូមជួនពរ ឲ្យបងសមបំណង រឿងកន្លង ស្នេហ៍យើងបំភ្លេចចុះពៅ ។

ប្រាប់អូនផងថាបងស្រឡាញ់គេហើយ - មាស សុខសោភា

១. Hello បងសំឡាញ់ តែងស្តីពេលជួបបងកាលណា ឥលូវម្ចាស់ស្នេហា ត្រូវឈឺចាប់ហើយ គឺជាកំហុសអូន ធ្វើឲ្យបងឈឺចាប់ឥតស្បើយ អូនមិនសាកសមឡើយ ធ្វើខុសលើថ្លៃ ។

២. ចង់ត្រឡប់ណាស់ដែរ ក៏ប៉ុន្តែត្រឡប់មិនបាន រឿងដែលមិននឹកស្មាន គឺអូនមានថ្មី ពេលដែលនឹកឃើញបង តែងតែលួចខលទៅរកថ្លៃ លឺ Ring Ring Tune ប្រាប់ន័យ បងនៅស្មោះ ។

បន្ទរ. ស្តាប់ Ring Ring Tune បង ទឹកភ្នែកអូនក៏ហូរស្រក់ចុះ ចម្រៀងន័យស្មោះ របស់ប្រុសពៅ ទោះអូនខុសប៉ុណ្ណា ក៏បងចាត់ទុកថាអូនត្រូវ ហើយទាមទាររស់នៅ ក្បែរអូនថ្ងៃមួយ ស្តាប់ Ring Ring Tune បង បេះដូងអូនអាណិតបងណាស់ ហើយចង់ឲ្យបងផ្លាស់ ឈប់គិតឈប់ព្រួយ នៅលើផែនដីនេះ មិនមែនមានតែរូបអូនមួយ កាត់ចិត្តហើយឈប់ព្រួយ អូនជ្រុលខុសហើយ ។

(ភ្លេង, ២, បន្ទរ) កាត់ចិត្តហើយឈប់ព្រួយ អូនជ្រុលខុសហើយ

ស្តាប់ Ring Ring Tuneបង អូនស្រក់ទឹកភ្នែក - មាស​ សុខសោភា

១. ស្ទឹង ហ៊ឺ...ស្នេហា ធ្លាប់ស្បថសច្ចាថាមិនព្រាត់គ្នា ម្តេចឡើយ វេរារមកផ្តន្ទា ឲ្យយើង បែកគ្នាបាន ។

២. ស្ទឹង ហ៊ឺ...ជីវិត សូមអ្នកជួយចាំជាសាក្សី ថាខ្ញុំ សែននឹក នឹកប្រុសថ្លៃ នឹកគ្មានថ្ងៃ បំភ្លេចឡើយ ។

បន្ទរ. អ្ហូ៎! ទឹកហូរលាច្រាំង ហូរនាំ ទាំងក្តីប្រាថ្នា អូនចាំ ទ្រនំវាសនា ដែលអូនចារ លើបង្គងកម្ម ។

៣. ស្ទឹង ហ៊ឺ...ទឹកភ្នែក អូនយំស្រែករកបងរាល់ថ្ងៃ ស្ទឹងខៀវថ្លាយង់ ចាំងរស្មី ថ្ងៃលិច មានន័យ យើង ព្រាត់គ្នា ។

(ភ្លេង, បន្ទរ, ៣)

Bophea Chance3

Popular tracks