الله علي التصويرالبلاغي الوقيع البليغ

شعر

خبِّئْ قصــــــائدَكَ القديمـــــــــةَ كلَّها

واكتبْ لمصـــــــرَ اليومَ شِعــرا مِثلَــــــها

 

لا صمتَ بعدَ اليـــــومِ يفرِضُ خوفَهُ

فاكتبْ ســــلاما نيلَ مصــرَ وأهــــلَهــــــا

 

عينـــاكِ أجمــــلُ طفلتينِ تقـــــــررانِ

بأنّ هذا الخـــــــــوفَ ماضٍ وانتــــهى

 

ويداك فدانان عشقٍ طارحٍ

ما زال وجهُكِ في سَماهُ مُؤَلَّها

 

كانتْ تداعبُنـــا الشـــــــوارعُ بالبرودةِ

والسقيــــــعِ ولـــــم نفسَّـــرْ وقتَهـــــــا

 

كنــا ندفِّــئ بعضَنـــــا في بعضِنــــا

ونراكِ تـبـتـسـمـيـــن ننســـى بَـــــرْدَهـــا

 

وإذا غضِبنـــا كشَّفــتْ عن وجهِهــا

وحيــــاؤُنا يــــأبى يدنِّــــسُ وجهَــهــــــــا

 

لا تتــركيهـــم يخبـــروكِ بأنـنـــــي

متمـــــردٌ خــــــــــــانَ الأمــــانـةَ أو سَها

 

إني أعيذكِ أن تكوني كالتي

نقضتْ على عَجَلٍ وجهلٍ غَزْلَها

 

لا تتبعي زمنَ الرُوَيْبضةِ الذي

فقدتْ على يده الحقائقُ شكلَها

 

لا تتــركيهـــم يخبـــــروك بأننــــي

أصبحـــتُ شيئاً تافهــــاً ومُـــــــوَجَّــــــها

 

فأنا ابنُ بطنِكِ وابنُ بطنِــكِ مَنْ أَرادَ

ومَــــنْ أقـــــالَ ومن أقــــرَّ ومن نَـــهَى

 

صمتَتْ فلــــولُ الخــائفيــنَ بِجُبْنِهِم

وجُمُــــــوعُ مَنْ عَشِقُــــــوكِ قــــالتْ قَوْلَها

هشام الجخ - مشهد رأسي من ميدان التحرير

الثوره فين صباح نظيف يا معلمين صباح شريف سؤال خفيف الثوره فين ؟؟ الثوره في جيوب العساكر ولا عزاء للكتيانين الثوره قامت امته طيب؟؟ حد فاكر يوم لتلات ؟؟؟ طيب حد فاكر اسم حد اتصاب ولسه عايش او حتي مات ؟؟ طيب حد عارف اد ايه اللي اتعموا ؟؟ طيب حد فاكر اسم وحده من اللي ماتوا من البنات ؟؟ طيب حد فاكر الغاز والعياط حد فاكر نومنا ادام المجمع علي البلاط حدد فاكر اللي ماتوا في اللجان واللي ماتوا في الانفلات حد فاكر اي حاجه من اللي فات حد عارف هما ودوا الثوره فين الثوه فين ؟؟ لو سمحت الثوره فين ؟؟ الثوره ويّاك يا ابني عمي عندك يا ابويا عندك يا امي معاك يا كابتن كانت هنا ما شفتهاش شبهنا ولابسه زيينا ما لمحتهاش الثوره اهي ايوه صح الثوره اهي بس لابسه الميري ليه هي لابسه الميري ليه؟؟ الثوره لابسه الميري ليه؟؟ قطعولها لبسها ولبسوها الميري ليه هم العسكر خطفوا الثوره ولا يكونش الثوره دي عوره ومخبيها الشيخ اباري ولا يكونش الشيخ اباري هو وشله الجيش النوره متفقين يتقاسموا في داري ولا يكونش كمان الثوره تبع التجنيد الاجباري فيه حد يأتمن العساكر طيب يا ابني زاكر ما قالولنا ثوره وبرده ركبوها العساكر والعساكر لما مات العسكري برده ركبوها العساكر والعساكر لما اقتلوا العسكري وسط العساكر برده ركبوها العساكر واللي فاكر ان ثوره مصر قامت فانتهي حكم العساكر مش مزاكر والعيب لا علي العساكر ولا علي اللي بيعبدوهم ولا علي المغيبين العيب عليكي يا ثوره المؤدبين فمتسأليش الثوره فين الثوره في جيوب العساكر ولا عزاء للكتيانيين الثوره في ايدين اللي بيبيحوا الدياسه وبيقولوا دين الثوره ناسها متمرمغين في الطين الثوره قاطفين وردها الثوره هاتكين عرضها الثوره احنا معاها والعساكر ضدها الثوره لو بتحبها رجعها من ايد الغجر والسفاحين الثوره قام بيها الشباب الطيبين وحصد كراسيها اللي كانوا منفضين ومأنتخين واللي ماشيين بالجزم جوا روسنا من سنين اغبياء والغَبي عند بعض الناس هوايه وموهبه حطوا راسهم بين سنان العقربه وبالاماني وبالامل مستنين متغيبين مش طيبين متغيبين اه يا بلد تدي الفرص لحورتجي اه يا بلد فيكي الشهيد بقي بلطجي والسفيه عامل مناضل ثورجي والثورجي بيقولوا عنه مستفيد واونطجي وبيحكمك حبة عجايز عيانين جاوبيني قولي الثوره فين اه يا بلد عاشقه اللي داسك اه يا بلد ملعوب في جدرك وفي اساسك ناسيه اللي كان بيموت ووطي علي ارضك وباسك بتبيعنا !!1 وبتحضني في كلاب يا طيبه بيقتلونا يا طيبه ده اخرهم يبقوا دواسه لمداسك احنا حُراسِك يا طيبه احنا ناسك ناسيه خالد ناسيه مينا ناسيه بسيوني وبنونه ومصطفي وسالي وحسين اخيِه يا طيبه !! ؟؟طب فاكره مين يا طيبه قولي فاكره مين يا عالم هو ذنب !! هو ذنب اني بالحريه بحلم هو ذنب لما ادافع عن كرامتي ذنب اقول للي حاكم ارضننا مش هنقبل فينا تظلم ذنب اقول للي للي هاتك عرضنا انت مجرم هي ناس بتموت وناس بتحكم هي ناس تتعمي وناس بالعُمي تتحكم وناس بالدم تتغطي وناس بالدم تتوضا ونااس للقبله بتصلي وناس للمجلسين تحرم وناس بتموت عشان غيرها وناس كسلانه تترحم يارب يا اللي من عباد احكم احكٌم يارب اخويا مات واخويا التاني بيقولي يا كافر ياللي مش مسلم واختي عرّاها اليهود قصدك الجنود واخويا في عرضها اتكلم واخويا بيتعمي وبيشوف واخويا بيرتعش من الخوف شايفنا وشايف الظالم ولكنه كفيف اخويا اعمي اخويا ابكم اه يا بلد فيكي الشهيد مجرم نثور مسكين اناديلك نجيب احلامنها ونجيلك وفي رقابنا بنحنيلك وبرده قافنا يتعلم بسيطه هاثور تاني وهاتعلم وهاربط جرحي واتألم هاثور تاني واموت تاني وهافرد روحي ليكي طريق وعضمي مرتبها وسلم بسيطه هالم في جوفي احباطي هاقطّع كل ابياتي وهاكتب ليكي شعر جديد بدمي يا طيبه علي الحيطه بسيطه هاكمل ولو ايدي في رجلي وفي رقبتي بالف كلبش مربوطه هاكمل ولو اعمي ولو محبوس ولو هادوسني كل مدرعات ابليس تدوس ولو فوق راسي الف سلاح ولو كل اللي فيكي رخيص ولو ما فضلش غير انتي وسجّانك وكل خسيس وانا لوحدي هكمّل ولو وحدي هكمّل اتعمي اتصاب امووت وتفضلي علي راسي محطوطه بسيطه وبعد ما اموت امانه يا مصر تتعافي وشوفي النور علي كتافي وفوقي يا طيبة الطيبه بلاش طيبه وقولي للعبيد تخرس ولولادك تقوم تحرس وطول ما فيكي المخلصين هتبقي عارفه الثوره فين

حد فاكر الثورة فين !؟

قصيدة الثوره فين!!!!!!.. بصوت الشاعر محمد سعيد المصري

يا اسرائيل

عطشان ياصبايا دلوني على السبيل 

المية بتجري في حوشي
والإيد أقصر م القيد 
راحوا الأحباب ولاجوشي
وانا لسة في توب العيد 
والقهر يهد الحيل 
عطشان ياصبايا دلوني على السبيل 

عطشان وسؤالي ماليني
ولامتى يابلدي تعاني
باتهجّى اللي على جبيني 
بس الزنازين مانعاني 
والليل في الغربة طويل 
عطشان ياصبايا دلوني على السبيل 

عطشان والأرض سواقي
والسكة حديد وديابة 
والقمرة الـ عشقها دائي 
داست فوقها الدبابة 
والدم سرح ع النيل 
عطشان ياصبايا دلوني على السبيل 

اسمك مكتوب ياجنيدي
في كشوف المنع الأمني
باخبز زادك ياوليدي
العسكر عكروا سمني
والدار ضجت بالخيل
عطشان ياصبايا دلوني على السبيل

شايفك ياصباح متداري
ماتخافشي , الليل روّاح
الغول عيرة وأسواري
على كف الريح ياصباح 
والثورة في طبع السيل 

عطشان ياصبايا ... والثورة فرات وسبيل
 
كلمات المبدع محمد الصنهاوي 
وألحان حامد موسي 

عطشان ياصبايا  .. رشيد غلام

بين الناس  الشاعر ربعاوي

ابتهال والقلب شاكي عليل

عشقت وعشقى يفوق الجنون  # الشيخ محمد الصاوى

أصل الحياه للعلم
مفهاش حاجات ببلاش
وعشان ماتصبح فيلم
وأصلا عشان تتعاش
كادر الحياه المشحون
فرح والم وشجون
لازم يكون بيلف
لازم يكون بيدور
يتقل عليك ويخف
ويعشّمك بالنور
ف نهاية المشوار
ونا قلبي لف و دار
ميت ألف ليل ونهار
نفسه ف فرحه كادوه
وحلاوه من غير نار
ومّا الزمن تعبه
قصقص شريط الفيلم
وخَد كادر كان عاجبه
وقرر يعيش ف الحلم
و الحلم كان كامل
جدا تمام خالص
ولجل الكمال لله
كل الحاجات جواه
لكن في شيء ناقص
فاضي بشكل غريب

‫قصيدة مافهاش حاجات ببلاش - مصطفى إبراهيم‬‎

تفرانيل مصطفى ابراهيم

نشيد سوف نبقى هنا بصوت اسلام رشاد

سوف نبقى هنا (اسلام رشاد).

 -------------(م)-------------- 
ماسبيرو أخطر م الرصاص و القصر
ملّى عنيك بالدم...قبل الطلوع قدام
ما تسيبش جيشك تِقسمه الأعلام
مش كل مين جنبك....جواه بيهتف مصر
 
--------------(ا)---------------
الوقفة جنب النار ..بتقلل الدخان
- إهتف هتاف إبن المكان و الظرف
- إضرب بعزمك ... أو ما تضربشى
إرجع بضهرك ... أو ما تهربشى
إمسك عصاية ثورتك م الطرف
التاريخ ضمن الغنايم ..و بيكتبه الكسبان
 
 
 
--------------(ن)--------------
نقى دايما طوب صغير حدفتك توصل بعيد
نفترق ساعة المطاردات ..أربعات
نشّن الباراشوت ناحية الصف العريض
نجرى فجأة.. نردّ فجأة.. نص قوتنا المفاجأة
ندّم اللى يعورك........و إقطعله إيد
 
--------------(ي)--------------
يؤتَى الحِذر من مكمنُه
يأتِى الغبى باللص ثم يحلّفه
يؤتَى الهتاف... رَّجاً بممن يَهتِفه
- يؤتَى الجدع... قلبا بمما إتجَدعنُه
 
--------------(ف)--------------
فّرق ما بين....الجرأة و القلب الحديد... و الرمى جوا التهلكة
فتش بإيد ع المستفيد ..و بإيد عن الصاحب الجدع
فتح اذا الناس غمضت....غمض إذا نظرك خدع
فرّغ عياطك ع الصحاب... دم و خميرة... مش بكا
 
--------------(س)--------------
 
سمى الحاجات دى بإسمها...الكدب... و الخوف... و الخيانة
سجادة المسامير... تتحط ع الناصية ...غطّيها بالدخان ..ولّع قصادها كاوتش
سد الطريق لورا علشان ما تترددش
سيب باب لجيشهم يهربوا منه
سلّم رايات الحلم لحد من سِنُّه
سلّم قراركوا لأكتر كفّ عرقانة
 
--------------(ت)--------------
تبّت يدا من ساب رفاق المعركة بطولهم
تمن القضية اللى اندفع مبقاش يجوز يرجع
تتعب تبص ف عين.. إصحابك الطايرة....شوف مين من الآخر دفع....لو زيهم... إدفع
تلت الرصاص نحو العدو... .تلتينه للخاين..الطعنة جاية من هنا مش من هناك
تعب النهاردة غير تعب بكرة....الوقت مش دايما معاك.
تحتك فيه ناس عاوزة الأمل...مش عاوزه؟... سيبهولهم
 
--------------( و )--------------
وسّع الجبهة لو إنتوا كتير... و .ضّيقها لو إنتوا أقل
ولع شماريخ وسطكوا اول ما تلقى الرتم قل
وقّع لمض كل العواميد اللى كاشفة ناحيتك
وّدى الإعاشة قبل ما تدوق لقمتك
وجّب مع السكان و أهل المنطقة...حتى لو فاهمين غلط...فيه ناس كتير متلخبطة ...إكسب عدد ....و إكسب غطا
وزع عيونك فوق و تحت....و خاف من اللى يصورك
وطّى و عينك باصّة فوق ع الطوب و إلا يعوّرك
وقّف إذا سحبوك على شارع طويل
وفّر بديل
وافق على الهدنة إذا سحبوا الكلاب...لو سابوا خليك انتا آخر حد ساب
واحد بيفرق ف العدد جدا
- و عشان كده.... أول ما تلقى إن الصفوف ناقصاك -
 وسع مكانك... للى جاى وراك


https://www.facebook.com/Mostfa.Ibrahim


موسيقى و هندسة صوتية : رفيق عدلى
تم التسجيل بأستوديو بداية 
شكر خاص لأحمد العايدى 



المانيفستو - مصطفى إبراهيم



أنا لزق اتشال خمسين مرة
من فوق خمسين نوتة وكشكول
وإتساب في الهوا عريان برة
ف نشف .. مبقاش يلزق على طول
- هو انت تطول ؟
قاللي الدرويش
مش عايز أطول .. أنا عايز أعيش
-إنتا اللي فهمت الزهد بلاء
إزاي هزهد في حاجات معييش ؟
-ياحمار دي فضيلة الاستغناء
وانا كنت استغنيت بمزاجي ؟
أنا اسمي يئست ومستغنتش
إيه الزهد ف إني أمّا آجي
أشتري مابَجبيبش عشان ملقتش ؟
فيه فرق مابين صبر العاجز
علشان مبقاش حاجة في إيده
وبين واحد أصلاً مش عايز
غير زي ما بس يعوز سيده
صدّقني أنا زاهد بالصدفة .. أو من غير قصد
أنا طاير آه .. لكن علشان مش لاقي الأرض
صدقني أنا كان نفسي أتعلّق .. في حاجات ياما
وأعيش إحساس إن أنا فعلاً من غيرها هموت
أنا عارف اعيش
من غير ما احتاج إني أقرا الوقت
من غير ولا واحد .. م اللي أنا أعرفهم دلوقت
أنا أعرف اعيش من غير اسمي
أو سنتوف برّة حدود جسمي
ومن غير السلسلة والمفاتيح
ومن غير ولا واحد من أهلي
ومن غير سارة
ومن غير البنت اللي أنا نفسي أجيب منها ولاد
ومن غير فيزا البنك الأهلي
وهشوف من غير النضّارة
عايز هَوا بس .. وميّة .. وزاد
كل يومين .. بَكْبَر وارمي حاجات
واكتشف إن أنا كان ممكن أعيش
من غيرهم أصلاً م الأول
معرفش بقى اليأس اتحوّل
وقلب على زُهد ..
ولا ده جين صوفي من الأول مش محتاج جهد ؟

علّيت صوتي وقلتله ماترد
الدرويش أصلاً مش موجود
الجامع فاضي ومِتغيّر
فيه عيل شبهي ونا صغير
شايل بلطة وبيهد عمود
مش عارف احرّك رجليّا
ةمش عارف أصرّخله يبطل
صوت دف بيعلى وبيقرب
دقات ورا بعض
وعمود الجامع بيشقق
وبيعمل أصوات زي الرعد
العيل بيسرّع أكتر
زي المسعور
أكتر أكتر أكتر أكتر
في نور ضارب في عنيّا
وألوان بتدور
كل اللي أعرفهم حواليّا
السقف خلاص كله بيتهد
فجأة مفيش في الجامع ولا حد
وبحسس على وشي كويس
وبشوف الدم
وببص لفوق
السما باينة منورة جداً
ومفيش عصافير
فيه ناس واقفين
شايلين في حاجات
ناس غيرهم شايلين بني آدمين
فيه ناس منهم شبه العِيلة
ومفيش غيري من غير شيلة
ف محدش عارف غيري يطير
أنا عمّال أترقّى وأطلع
السبورة عمالة تضيع
على مد الشوف .. أنا شايف بيت
و بتمتم بكلام مش واضح
فيه صوت بيقول (على فين رايح ؟)
ف بشاور .. ف يقوللي (لوحدك ؟)
ف أضحك وأشاور حواليّا
لولا إني لوحدي ..
ماكنتش جيت


المولوية | مصطفى إبراهيم

قديم

كل داه كان ليه

اخر شمعة - فى العشرينات - حلقة 1 
مع هاجر العثمانى 
مونتاج و هندسة صوت : ابراهيم سيد

https://www.facebook.com/HajerElOsmany.EG
https://www.instagram.com/hajer_elosmaney20/
https://www.facebook.com/Creative-Sounds-110508631286505

آخر شمعة - فى العشرينات حلقة 1

إنّا لله وإنّا إليه راجعون
فقدت الأمة عَلمًا من أعلام الدعوة والتعليم، وشمسًا من شموس المحبة والرحمة، وبابًا واسعًا من ابواب الإحسان والبِر، وهي أُمُّنا العالمة الجليلة والداعية إلى الله تعالى بِحالها وقالِها الشيخة عبلة الكحلاوي عن عمر ناهز الخامسة والسبعين

قصيدة الثوره فين!!!!!!.. بصوت الشاعر محمد سعيد المصري

Ahmed Abdelaziz (أبوعبيَه)

Recent comments

mariam

elkrdawy

Related tracks