ياسر المناوهلي - لا حياة لمن تنادي

اذا الشمس غرقت في بحر الغمام
ومدت على الدنيا موجة ظلام
وغاب البصر في العيون والبصاير
وتاه الطريق في الخطوط والدواير
يا ثاير يا﻿ داير
يا ابو المفهومية
مافيش لك دليل
غير عيون الكلام

الشيخ إمام | إذا الشمس غرقت - مريم صالح

صوفيه صادق -انا الشعب - احمد فؤاد نجم و الشيخ امام

في العام ,1968 كتب أحمد فؤاد نجم «جيفارا مات» تحيّة للثائر الأممي وقد غنّاها الشيخ إمام . اليوم ، في ذكرى رحيل «المناضل المثال»، يعيد ملحق «شباب» نشر القصيدة تحيّة لـ«نجم» وهو يصارع الموت. وهو أيضاً ثائر ومناضل.. على طريقته


جيفارا مات.. جيفارا مات
آخر خبر في الراديوهات
وفي الكنايس والجوامع
وفي الحواري والشوارع
وع القهاوي وع البارات
جيفارا مات.. جيفارا مات
واتمدّ حبل الدردشة والتعليقات
مات المناضل المثال
يا ميت خسارة ع الرجال
مات الجدع فوق مدفعه جوّا الغابات
جسّد نضاله بمصرعه ومن سكات
لا طبالين يفرقعوا ولا إعلانات
ما رأيكم دام عزكم يا أنتيكات
يا غرقانين
في المأكولات والملبوسات
يا دفيانين ومولّعين الدفايات
يا محفلطين يا ملمعين
يا جيمسينات
يا بتوع نضال آخر زمن في العوامات
ما رأيكم دام عزكم.. جيفارا مات
لا طنطنة ولا شنشنة
وإعلانات واستعلامات
عيني عليه ساعة القضا
من غير رفاق تودعه
يطلع أنينه يزعق ولا مين يسمعه
يمكن صرخ من الألم
من لسعة النار في الحشا
يمكن ضحك أو ابتسم
أو ارتعش أو انتشى
يمكن لفظ آخر نفس
كلمة وداع لأجل الجياع
يمكن وصية للي حاضنين
القضية في الصراع
صور كثير ملّو الخيال
وألف مليون احتمال
لكن أكيد ولا جدال
جيفارا مات موتة رجال
يا شغالين ومحرومين
يا مسلسلين رجلين وراس
خلاص خلاص مالكوش خلاص
غير بالبنادق والرصاص
ده منطق العصر السعيد
عصر الزنوج والأمريكان
الكلمة للنار والحديد
والعدل أخرس أو جبان
صرخة جيفارا يا عبيد
في أي موطن أو مكان
ما فيش بديل ما فيش مناص
يا تجهزوا جيش الخلاص
يا تقولوا ع العالم خلاص.

الشيخ امام - جيفارا مات - كاملة بجودة عالية | Sheikh Emam - Guevara Matt 1968 HD

موسيقى و هندسه صوتيه : رفيق عدلى

Recorded and mixes at One Take Studio

هيحزّموك زي الجنيه ف الأستك
هيسيبولك الفُتات
و يبيعولك الأمل ف الإعلانات
و الهجرة لبلاد البلاستيك
و ف خطبة الجمعة عن الجنة
و قُولِة استنى.. فات الكتير هانت خلاص
لحد ما خيل الحكومة..
يدوسه عَجَل الميكروباص
النظام العالمي بيقتل
أوقات كتير ..
من غير رصاص
الهوا ..
هيحَصّل المَيّة اللي بقت ماركات
تعددية تعني.. تعدد الشركات
حرية تعني حق فتح القفص ..
على الناس اللي ملهاش باب
الأخطبوط الرأسمالي اتساب
على الناس اللي ملهاش حظ
على الناس اللي ملهاش فرص
حياتك 
مهمة لبياعين الحلم 
وفاتك
مهمة لبياعين القُرَص
حسابك حتى في قبرك مهم
رخصة الجنة مهمة لبياعين الرُخَص
و لبياعين الدين 
و لبياعين الآخرة اللي هتنصف المساكين
"العالم بيتطوّر"
يمشي إسم مسرحية..
أما الحقيقة المضحكة المُبكيّة..
العصاية اللي بتوقّف و بتدوّر..
بتمشي..
من إيد صحاب الجنة..
لصباع صحاب البندقية..
لجيوب صحاب البنك...
دم الغلابة بيتحرق ف التانك...
شامم ريحتهم و انتا بتفوّل...
الغرب هيموّل..
إعمار ِبيار النفط..
لضمان زيادة منسوبات الشفط...
و ضمان بقائك عبد متسوّل...
يا زميل الكوكب المنكوب..
رَكب الحضارة ماشي بالمقلوب...
يا زميل المنطقة المنكوبة...
رَكب الحضارة كان لازم له ركوبة...
العالم بيتطوّر...
و انتا شمعة بتتحرق علشان ..
برج التجارة ينوّر..
..العصاية هي هي و شكلها بيتحول
العالم بيتغوّل
و انتا واقف ف وش الطيارات بالطوبة.. هتعيش حمار و تموت حمار...
أخرك تحس بإنتصار لما...
بتولّع الأعلام..
و تدوس على صورة إصحاب الدولار و القرار بالجزمة..
القناة ..في نشرة الأخبار.. 
هيقولوا عنك فوضوي و قاتل..
نفس القناة وقت اللزوم ..
هتطلّعك مقتول و بتناضل..
فيه ناس كتيرة أكل عيشها الأزمة..
و ده عيبه..
إن هذا العالم صوته من جيبه.
و مفيش حقيقة صعب تتأوّل..
و دي ناس تعرف تبيع الآه
زي ما بتعرف تبيع اللأ 
الميديا بائع حق...
متجول..
بشرى لابناء العالم التالت م العالم الأول
بشري لابناء العالم الهمجي
م العالم الإنسان
العالم الحر اللي ما بيضربش ف المليان
بس بيجوّع بلاد لحد الموت
القاتل الشيك المحترف
أبو طلق من غير صوت
فيه الجيوش ما بقوش
لابسين هدوم ميري
و الطيارات ما بقتش بتوزع منشورات اليأس
و البنوك مش هيسيبوك تتحبس ...بالعكس
النهارده حاطط إعلانات ع التاكس
علشان عليه أقساط
بكره تتعلق على هدومك 
زي اللعيبة ف الماتشات
عالم جديد 
هتخشه بمزاجك قبل ما نزُقّك
الكهنة فيه لابسين بدل و كرافتات
هيأكِّلوك الحقيقة بمعلقة ف بقك 
و كسر حُقّك ياللي مش عايز
عالم ديمقراطي رأسمالي سعيد
الشركة فيه اقوى من الاوطان
غضبان ؟...أكيد غضبان
مربوط ف ساقية و بتجري في مكانك
مسجون و مش عارف وش سجّانك
عايز تخبّط كوبايات الحبس ع القضبان لكن هتعمل إيه ...معذور
أمريكا عملت سجن من غير سور
أمريكا رابطة الناس ف بعضيهم
أمريكا رابطة الناس و مربطّاك بيهم
تدّن في مالطا قد ما هتدّن
أمريكا هتفضل بتحب البشر جدا...
و بتعمل جِميل فيهم..
فيها الخير يا هل ترى
ولّا فيها فلوس؟
أمريكا فيها الحلم
و بلادنا فيها كابوس
الناس تخاف
امريكا تحميهم
الناس تجوع
امريكا تديهم
تِكسي بالإيد اليمين اللاجئين 
بعد ما إيديها الشمال تعرّيهم
شركة بتهِدّ البلاد
و شركة تبنيهم
شركة بتبيع السلاح
و شركة بتطبطب على اللي يموت
العالم بيتقسّم دول
العالم بيتقسّم بيوت
العالم بيتقسم لبني آدم
و لبنكنوت
مكتوب على شهود البلاد الممسوحين بأستيكة
أنتَ حر
ما لم تضر
أمريكا

Mostafa Ibrahim
https://www.facebook.com/mostafa.ibrahim?fref=ts
Rafik Adly
https://www.facebook.com/pages/Rafik-Adly-Works/105834799486969?ref=notif&notif_t=page_user_activity
OneTake Studio
https://www.facebook.com/pages/Onetake-Studio/627330647334095

البنكنوت(بموسيقى) - مصطفى إبراهيم

من حفلة ساقية الصاوي 
الرائعه دينا الوديدي تغني في حضرة ضل محبوبي 

في حضرة ضل محبوبي - دينا الوديدي مشروع النيل

هو التراك ده طويل ؟ ولا التراك طوّل!

احمد الطحان لـ زينب + موسيقي

هاكم وهاكن جديد مساهماتنا الشخصية في رحاب الساوند كلاود

يقول مظفر النواب في قصيدته: وتريات ليليلة

في تلك الساعة من شهوات الليل
وعصافير الشوك تفلى الأنثى بحنين
صنعتني أمي من عسل الليل بأزهار التين
تركتني فوق تراب البستان الدافئ
يحرسني حجر أخضر
وحلمت هناك بسكين
وتحرك في شفتي سحاق السكر
أين تركت نداماك حبيبي
عبروا جسر السكر وماتوا الواحد بعد الآخر
وبقيت أحدق في الخمرة وحدي
وغمست يدي وبصمت على القلب سأسكر
أسكر ...
أسكر ... أسكر ... أسكر ...
فالعالم مملؤ بالليل
فكيف تعاتبني فأتوب
هل تاب النورس من ثقل جناحيه المكسورين
وهل تاب الطيب الفاغم في رفع امرأة خاطئة فأتوب
هل تاب الخالق من خمر الخلق
ومسح كفيه الخالقتين لكل الأوزار الحلوة في الأرض
فتلك ذنوب
تعال لبستان السر أريك الرب على أصغر برعم ورد
يتضوع من قدميه الطيب
قدماه ملوثتان بشوق ركوب الخيل
وتاء التأنيث على خفيه تذوب
ما دام هنالك ليل ذئب
فالخمرة مأواي
وهذا الجسد الشبقي غريب



الشكر الجليل للصديق معتصم خليل على تصميم الصورة الخاصة بالمزج

أعمال مزج سابقة : https://soundcloud.com/mahmoud-walid-1/sets/xxkt9hkglryn

التسجيلات المستخدمة بالترتيب: 
0:00  Lullaby – Low
00:30  Dhafer Youssef - ivresse divine
01:20  الليل أقبل والوجودُ سكونُ – الشيخ محمد عمران
02:45  Dhafer Youssef – birds canticum birds requiem suite
02:55  أنتَ أنتَ الحمى وأنتَ الأمان – الشيخ سيد النقشبندي
05:35 Dhafer Youssef – soul rewind
05:45 يا لطيف – أحمد جلمام
07:40 Dhafer Youssef – un soupir eternel
07:48 قد زاد فيكَ من الغرام تلهفي – المعتصم بالله العسلي
09:55 والله ما طلعت شمسٌ ولا غربت – أحمد حويلي
12:05 Dhafer Youssef - ascetic-mood
12:45 ابتهال دعوة المظلوم – الشيخ ناصر الدين طوبار
15:45 Dhafer Youssef - ivresse divine
15:50 جميلُ العفو منكَ هو الضياءُ – الشيخ محمد عمران

ما ضَلّ صاحبكُم وما غوى - مزج

Révolution - mp3

هادي بلاد الحكرة

عبدالرحمن الأبنودي.. -أذكروني لما تصطادني الأيادي

Révolution - mp3

BR section Sousse NorD

Recent comments

Bondok Kadry

Related tracks