كيف السبيل الي الرحيل _ -- _ من اجمل ما كتب ابراهيم فرج(MP3_70K).mp3

كم كنت أهبل غبي _ اسلام حجاجي

النص دة عنكم - اميرة البيلي | Amira El Bialy

عمرو حسن خلينا صحاب

عمرو حسن قصيدة قالتلي بحبك - Amr Hassan

مِن شوية 
شافها قُدامُه وكان هو هو 
بس هى مكنِتش هى 
هو : 
مِتعود منين ما يهزه الشوق 
يسأل عليها بكُل صحوبيه "
مُمثل بارِع فى أداء دور النساى 
قدر يقنِعها بإن مكنش فى شئ بينهُم 
و بالنسبالُه 
لسه شايفها حبيبتُه وزوجتُه وأم عياله 
وحياتُه وبيتُه وكُل الجاى .
هَل يقدر حد فى هذا الكون 
يرَجع قِطعه مِن البَسكوت دابِت فى الشاى ! 
هو كمان دايما يسأل 
أنا هَمشى إزاى !
أنا دوبت خلاص ومَليش لَمة
وإن حتى قدِرتوا تصَفونى 
هيروح فى الشاى شَكلى ولونى 
ساعتها يا إما هتِرمونى 
يا هنشف جَمب الكوبايه 
كُل النهايات فى أخرها الموت ’’
الحُب ملوش فى الوسطيه
يا إما كابوس قاسى وقاتِل 
يا إما الفَرحه الأبديه ..
.. 
فى حجات بتِحصل مِش سَليمة 
الإدين دى أرق من إنها تِعمل جَريمة 
أو تإذى حد 
عنيها أجمل من انها تَحمِل سِكة وداع 
أو قسوة النظره بفراق بجد 
كان حُضنها فى عز الليالى الشوك 
بيطرح كُل أنواع العطور والورد 
هى
أخر قصيدة شِعر حقيقية 
أول حورية تزور بِقاع الأرض  ..
معمرهاش إشتكت مِن ظُلم إهمالى 
معمرهاش ملت من غيبتى بالأيام 
من عينى تِعرف كُل أحوالى 
بدون ما يبقى فى بينا حتى كلام 
من يومها مُختلفه .. بسيطه وحنينه 
أروحلها بكارثه .. أرجع بقول هينه  
طول عُمرى من كِلمة " كامل " 
حد برئ 
و كنت معاها بحس إن أنا مِش ناقص شئ 
كُل الحجات الحِلوة فى حضورها  
مقدرش طِب القلب 
يمحيلى جرح قديم 
وكان فى مقدورها ..
فِكرةِِ إنى أنساها مثلا 
فِكره مرفوضه وغَبية
بالتمام كما جِدر شجرة 
هى بقى مغروسة فيا 
مهما طُرق الحفر تِكتر 
أو يطورا مِنّها 
برده مِش مُمكن هتِقدر 
تِمحى شجرة بجِدرها
فيا مِنها مهما قالوا 
ماتلوموش قَلبى إللى شافها 
خدها بالحُضن فى خياله 
متلوموش عينى إللى رافضة 
لو لمره تشوف بديلها 
متلوموش قَلمى إللى لِسه 
فى القصايد بيحايلها 
..
 لما شوفت عنيه / حن قلبى إليه / وإنشغلت عليه / كل ده كان ليه !
,,
يمكن عشان 
مليش نصيب فى نعمة النسيان 
أو إن حُبك مِش مُجرد حُب عابر 
وهيتنسى ببعدُه 
كان إيه جزاء قلبى لما صدق وعدُه
وفرشلك الطُرقات بنور قايد 
إديتى فُرصة لورق يقطعنى فى قصايد !
إديتى فُرصة للشِتا على قلبى يتطاول 
كشر فى وِشى بحِزم قام قايل 
هتشتريها إزاى وإنت فى كبينة البيع ! 
لِم اللى فاضِل وأهجر الموقِع 
إخلى المكان قبل ما تِبدأ ضرب 
وإقتنع إن الخسارة
أسرع طريقة تنهى بيها الحَرب .
..
بدل الفُراق والحُزن 
كان أولى نِتقابِل ونحِلها بالحُضن 
إدينى بس ميعاد ف الأمر يستاهل 
هدم القلوب مِش شئ 
هيعدى بالساهِل 
من يومنا وإحنا شِراع واخدنا نفس الريح 
ف إزاى هنِتفرق 
أظن لازِم قوى نِوصل لحَل مُريح 
يا إما راح نِغرق ..
خلينا نِتقابِل وكأنها الأولى 
عن نفسى أسِف وإن كُنت مغلطتش 
وإنتى متعتذريش عن غلطه معمولة 
إمحى إللى فات مِن بُكره هتلاقى 
كُل العُقد يا حبيبتى محلولة.
..
جايلك وقاصِد أفكرِك 
أنا لِسه أهو بستنظرك 
والدَليل 
حاولت كتير أحارب نظرتك بالبُعد 
وكُل مرة بموت قتيل 
سكنانى يا بنية .. كما ضِلع مِن جِسمى 
الفرح ميزورنيش .. غير لما تِبتِسمى 
أنا كُنت طير واخد .. عالهِجره والتِرحال 
نزلت فوق بُرجك .. ف إتهد بيا الحال 
من يومها وجناحى .. ما شق طَرف سحاب 
سجنانى كيف فيكى .. من غير قفص ولا باب 
ملكتى قلبى إزاى دا عُمره ما إتمَلِك 
بسهوله قام بانلِك  
كُل إللى عاش يخفيه 
سبتيه يقربلك 
وده برده من خيرك 
ف كملى خيرك لحد ما تتميه 
أو سيبى نَص أحكيه 
لا ينتهى بفراق
خلينى أقول مثلا إن إحنا مُختلفين 
وفى يوم من الأيام هلاقيكى رجعالى 
أجرى على حُضنك بكل لهفه وشوق 
ف تِفردى دراعِك وتقولى تعالالى 
.....

أخر شوية أمل / محمد سعد

عمرو حسن 
لأمي 
مطلع البدايات 
وأول ما نما ف الذات 
لأمي وحدها بالذات 
شجر طارح عياط مالح وعزف نايات
؛
ــــــــــــــــــــــــ

**
أقول أمي 
يحركني الحنين لحنين 
وتسحبني السنين لحاجات 
ايدين دافيه ف ليل بارد 
عيون دافيه وبال شارد 
ما هي الوالدة والوالد 
وهي الضل والعتبات 

كبرت كتير واخدتني الحياه منها
واخدتني الليالي الحالكه والحكايات 
باعيش وحدي لكن أمي 
خيال بيمُر ، دُعا بيسُر 
اغيب عنها واقول انا حر 
أطارد وهمي وغيابي ف ادوق المُر 
تقول : طيش الشباب بيغُر
عتابها يقول لي ايه بيفيد وايه بيضُر
أنا وامي 
ما بيننا تاريخ من العِتابات 

أبات بردان ف بيت واسع 
حنين لاسع
فضا شاسع 
لا حد يقول لي قوم أوضتك 
ولا فيه ايدين تغطيني من البرد اللي حواليا
أنام بالساعه ف ايديا وبهدومي اللي جاي بيها 
بقيت ألقى الهموم تكتر ف اعدّيها 
تعبت يا أمي أيامي بقيت تتعاد 
كبرت يا أمي بقا عندي حاجات أكتر أغطيها 
؛
بقيت بارمي الحاجات ع الأرض 
وبانسى يوماتي اسقي الورد 
باسيب الحاجه ف التلاجه بالاسبوع 
وباشبع / لما اموت م الجوع 
وبدلت الفرح بدموع 
صبحلى تاريخ مع الأيام 
ومش حاسس هدوء وسلام 
هنا أعداء / هناك كوابيس
هنا أشواق / هناك متاريس
هنا وهناك وانا بدونك 
غيطان غربة وليل أزمات 

- وحشتيني وانا اسف على الغيابات -

- مافيش انسان بيختار الغياب بايديه 
أنا ابنك وانتي عارفاني وعجناني وخبزاني 
وعارفه ابنك اذا يبعد بيبعد ليه 
- بلغني انك بقيت بتحب ، وانا عارفاك اذا حبيت ، يزيدك يابني ويصونك ويديك العيال والبيت ، واشيل منك ولاد شبهك مايستغنوش كما استغنيت
- انا استغنى ! وهو يا أمي فيه مغني بيهرب عمره م المغنى ؟! ، انا لو كان ف ايدي قرار ، اكون جنبك ف ليل ونهار واعوض كل احضانك ، ابدل كل احزانك واكون ايدك واكون رجلك اكون والدك واكون نجلك واعيش ضلك بكل ثبات ، لولاش بس الحياه سارقة ، وعين الامنيات زرقا ، ماكنتش عمري خليتك ، مافيش ف الدنيا دي انسان يحبك كيف ما حبيتك ، ولا حسوا بسلام وأمان كإحساسي وانا ف بيتك 
- انا عارفه وروحي معاك ، وعارفه انك عبيط لك قلب ، بتدي الناس ومابتطلبش ، تبات ف الظلم وماتظلمش ، أكيد القاهرة القاسيه خدت منك وخٍلّيت بيك ، يحنن يابني قلب الناس معاك وعليك ، ويكفيك شر بني ادم بيحسد أي خير ف ايديك 

وحشتيني ياست الكل 
يا عود الفل
وحشني دعاكي في الأيام يقويني
دوا الكحة وماتدخنش
وتقٍّل وانت ف الشارع 
وخد بالك ماتستهرش
وسيبها لربنا يابني وماتفكرش 
وحشني الأكل وانا راجع 
وصوت عمران 
وقعدتنا ف ليل رمضان 
ودمعك وانتي بتعدّي غياب أحباب 
يا أجمل صوت وأوسع باب 
يا ايد م المستحيل تتساب 
وفتحة قلب ع السموات 

وحشتيني وانا اسف
على كل اللي دونك فات 

لأمي وحدها بالذات
،

#لأمي 
مطلع البدايات

لأمي مطلع البدايات ...كلمات الشاعر / عمرو حسن .. أداء صوتي / أحمد سمري

Adham Nabulsi - T2abbalni

أنا مش كداب عمرو حسن

عمروحسن الدفتر

نعمة وجودك _ عمرو حسن

Adham Nabulsi - T2abbalni

Brabbit Ops

Related tracks