شعر نبطي

تجرح حبيبك وتقول مدري at قصايد

حمد البريدي خذني فديتك

بدر بن عبد المحسن _ من رجعك

و عشقت صوتك ضحكتك وجهك رضاك - و غدت جهاتي بالمحبة جهاتك
غصباً عليك أستاهلك و أتحداك - لأني الوحيد الي فهم منتهاتك
غرامك أغناني من الناس و أغناك - عن كل شخصاً معجباً في صفاتك
لبيك لبى أطلالتك من محياك - جوريك في خدك يغازل شفاتك
تعبت أدور شوفتك قبل لألقاك - و جيتك و روحي قبل لأجيك جاتك
روحي تحبك قبل لا أحب لاماك - و لاماك حببني أكون بحياتك
فديت كبدك يا هوى الحب مغلاك - أرسم على كف الحنين أمنياتك
وينك تباطيتك و شوقي تباطاك - شوقي حياه و شوق لا غبت ماتك
ضم الضلوع الي تعبها محاتاك - و حب العيون الي تموت بغلاتك
أكبر فخر للأرض لا دجت بخطاك - و أكبر فخر للحب أني غناتك
حظ الهوى تتنفسة في حناياك - و حظ العطور الي تلامس عباتك
أنا ضماي العشق و الماي دجلاك - و النيل نيلك و الأماني فراتك
ما صرت أهيم بشوق و أحب لولاك - تحب روحي قبل أحبك و جاتك
ما ودي أحبك عشان أكسب رضاك - ودي أكون أجمل حدث في حياتك

حمد البريدي - ودي أكون أجمل حدث في حياتك

رافقتك السلامه - حمد البريدي

حمد البريدي : اخسرتني

إيه واللـه أغليك يامجـنون وأحبـك
وشلون ماغليك وأنا أفطرك وأصومك


فكر بجورالعذاب وخاف من ربك
يالظالم اللي يشوف الغبن مظلومك


أرجع لمدحك وأنا في نيتي سبك
قربت للهلوسه يالعنبو يومك


أهيم في عالمك وأضيع وأسهبك
لغاية أني قعدت أفصل أهدومك


أفصل اللبس معجبني ويعجبك
كنه يقول الله يلومه من يلومك


من كان مغرور في حسنه يأدبك
يضيع مع طلتك ويصيرمنجومك


حلفت لأشعل قصيدي فيك وأشبك
وقبل أحترق فيك تمطر فوقي غيومك


متى تجمل هبوب الشوق وتهبك
ويسوقك الولف لي وتعلن قدومك


ببطي وأنا أرواك وأظمأ منك وأصبك
وأشربك وأظماك لكن خذ بمعلومك


أني تبلشت في جرحك وفي طبك
ياهوه حكم ضميرك وأصح من نومك


أرحم خفوق رضخة للذنب وأذنبك
ضاعت علومه مثل ماضاعت علومك


يالبـى قلبك ولبـى قلب من حبك
تدري بحاجه عسى يومي قبل يومك

عبدالعزيز الفراج - إي والله أغليك يا مجنون و أحبك

 ياللي على درب المفارق تولم - بانت على درب المفارق ملامحك
من يوم قمت تمرني ﻿ ما تسلم - ما عاد يهم اخسرك او اني اربحك
مادام ماني ظالمك لا تظَلّم - لا تذمني في ظهري وانا في ظهرك امدحك
عرفت باني كنت فيك اتحلم - عرفت ذنبي , ذنبي اني اصارحك
اللي بقلبك طلعه لا تألم - اذبح كلامٍ حافظٍ قبل يذبحك
عجزت فيك اعلمك ما تعلم - انصحك واعلمك ما كاني انصحك
يا اخي لامني جرحتك تكلم - لا تشيلها بقلبك وانا ما اقصد اجرحك

أحمد المجاحمة - ما أقصد أجرحك

بالله لا ضقـت لا تسألـنـي شلـونـك
بقول طيّب لـو إنـي مانـي بـ. طيّـب

وبالله لا ضاق صـدرك وإختلـف لونـك
أحذف همومـك علـيّ وخلّـك قريّـب

حرام هـذا السهـر يستوطـن جفونـك
نام بضلوعي وأنـا مانـي بـ. متغيّـب

وإسهر بنومك وخـل ظنونـي ظنونـك
ولا ظـن بظنونـي ان إظنونـك تخيّـب

من كثر ما أحتاج لك وأغليك وأصونـك
 تسعة عشر عام عمري لكن مشيّب !

وعلى كثر ما بكت عيني مـن طعونـك
أخترت فرقـا الهنـا وأخترتـك حبيّـب

ما قلت لاجيـت تطعنـي علـى هونـك
أجيك فازع علي مانـي بـ. متسيّـب !!

وتضم صـدر الجفـا وأخايـل مزونـك
ولاهمنـي عـاذل ونمـام ومعـيّـب !!

تدري بـ. عبدالعزيـز برحمـة عيونـك
يهابـه الغيـر لكـن عنـدك مهيّـب 

وتدري ليا قلت لي في ضيقـي شلونـك
لو فاقد أغلا إخواني قلت لـك طيـب 

طالبك لاشـان وقتـي دونـي ودونـك
لاقلت رح للهجـر لا تقـول لـي طيّـب

عبدالعزيز السبيّل - بالله لا ضقت لا تسألني شلونك


قد عطيتك وأنـت ماضنـك لئيـم
والنصيـحـه لليالي تذكـره

لاتحرك جرحـي الماضـي الأليـم ..
ولاتحسب أن طول بعـدك طهـره

كل جرح يهـون يالجـرح القديـم ..
وكل شي قد مضـى معـك أذكـره

جرحي وذكـراك والليـل البهيـم
حـزت فـؤادي بمثـل المنشـره

العذول غراب وأنا أكبـر غشيـم ..
والجروح الماء وطاريـك حجـره

والزمان أكرم من الحـظ الكريـم ..
لأفتحلي بـاب صوبـك سكـره

وحبك اللي لاطرى لي رحت أهيـم .
قمت أحسب أصغر كلامك وأكبـره

ليتنـي عـاد الهـوا تـوه فطيـم
أنعذلـت لعاذلـي بـس خـيـره

مالقيت من الوفـاء يـا أول نديـم .
كون صدق الحزن وجهه وظهـره

عقب رمح الشوق في وجه الصميم ..
سيف هجرك في قفاه وشف ثـره

وأنت شكلك تحسب أنـي فـي نعيـم ..
لنـي أخبـي صوابـي وأستـره

لايغـرك حلـم رجــال حلـيـم
مهون اللي مـن سكوتـه فجـره

ولاتحسب الجفن من دمعه عقيـم
يستحي منك والى أقفيـت أنثـره

ولايغرك وأن بدا جسمـي سليـم ..
والله أن جسمي سـوار المقبـره

والله أن أمر من ضحـك الغريـم ..
شوف حقي بين أياديـه أشكـره

والله أن أحر مـن دمـع اليتيـم
دمعة الرجـال مـن فرقـا مـره

محمد بن فطيس - قد عطيتك و أنت ماضنك لئيم

يالعقاب اللي على المشراف وسع لي ...ترانـي
........ضايق (ن) من عاما الأول وأدهله قبلك ...وأدله 
يوم ربي قد كساك بريش وش لك في ...مكانـي
.........ماتخاف مـن العقوبـــه يـــــــــوم تاتيـه ...وتحلــــــــه 
دام لك جنحـان وش تبقـي بمشـراف البيانـي
.........خل مشراف الفقير اللي بـلا جنحـان ...خلــــــــه 
ذا مكاني يوم رمح الغدر من حـره ...زوانـي
............ما لختالي علـي حجـه وأنـا سلـه ...ودلـــــــــــه 
وهو على ماقيل شماعـة همومـي ...لابلانـي
......صاحب(ن) ياكل يديه وهو على مذهب ...وملـه
وهو ملاذي عقب خالقنا جميع الى ...ضوانـي
...........ضيقـة فالصـدر ولا جاتنـي للدمـع ...خلـــــــــه 
لابديته ماحسد راع التـرف وأهـل ...المبانـي
...........يحسبون أن فرقهم واضـح علـي وأقـول ... لله 
سجة في راس مشرافي وأنا أغطرف ...الاغاني
..........والله أنها في عيوني عن ميـة فنـدق ...وفلــــــــه
فيه أحس أني على احسن حال وأني شخص ثاني
.........وأتحلل مـن حــــرام الهـم لاجيتـــــه ... وأحلـــــــه 
وذا مكاني عقب ماصبري على كبدي ...كوانـي
.........والله أن كني عقب فرقاه بيـن كفـوف ...ملــــــــه
واحد(ن) زله حشاي ومسكنه بيـن ...المحانـي
..........مسكنه بين المحانـي والحشـا والصدر...زلـــــــــــــه
قلتها له قبل لا وقتي علـى الشعـر... يحدانـــي
...........خايف مالله يتمـم وأعـرف أن فـلان ...علــــــــه
قال خل أشكوكك اللي تتـرك الـراوي ظمانـي
...........مايصيبك فـي جبينـك مـن خلقـك الله تشلــــــه
قلت ذا والله بلاي وأشوف وش مدة ...زمانـي
...........لايكون اللي كتب لي فارقه من غيـر ...زلـــــه 
لا تضيـق مـن التشـاؤم واحتمـالات الأنانـي
..........خايف(ن) أشرب بعد كاس النصر كاس المذلــــه 
قال وش تبغي بحكي الحزن والدنيـا ...فهانـي
.......... لاتعيشنا زمـان الحـزن قبـل يحـل ...حلــــــــــــه
قلت ماتدري وأنـا الـداري بعاقبـة ...التمانـي
.......... غير عاهدني وريحني وأشـل الحـزن ...كلـــــــــه 
قال شفت الموت لو بيدي ماهو كفو ...لخذانـي
..........بس لاتشره علي لو لبسونـي غصـب ...حلــــــه 
قلت اجل وأنا وفاي من الجدي حتى ...اليمانـي
.........مرتضـــــي غيـــــرك ولاأظنـه ولاظنـي ...لابــــالله 
قال أجل سلم على روحك وأنا كلـي ...تهانـي
..........يوم عرسك والله إن أهـل مجدولـي ...وأفلــــــه 
وراحت سنين التلاقي مشيهـا مشـي الثوانـي
...........مادرى عن حبنـا إلا ظـل محبوبـه ...وظلـــــــه 
غير حول يالعقاب وخـل مشرافـي ...ترانـي
.........ضايق(ن) من عاما الأول وأدهله قبلك ...وأدلــــه 
قلتها ماقصدي أنـه يقـال صـح الله ...لسانـي
............قلتهـا لعيــــون مـن سبـب كتابتهـــــــا ...لعـلــــــــه

محمد بن فطيس - يالعقاب

والله عادي لو تخون

بس قلي انت وينك ؟

انت وينك مابقى فيني مكان الاّ سألني عنك

وينك ؟

ادوّر لك من

البارح واناديلك

حبيبي ولا سمعت الاّ صدى غيابك

وجيت اسأل

وميض عيون قنديلك

غيابك ليه ؟ يعني هانوا احبابك ؟

بـ سامح بس

قلي كيف اعديلك ؟

خطاك اللي مورّدني على اعتابك

وأبسقيك

السحاب البكر واهديلك

كلامٍ مات ب شفاهي على بابك ؟

مفارق بس

لا غرقت مناديلك

تلاقيني مع جرحي على اهدابك

بذمتك ماهو حرام

كل يوم اتريّق غيابك واروح

وكل صبح اتنفّسه من غير روح

وكل غصن يطيّر اشواقي جروح

بين (ظْ)لْـ وبين (ظَ)لّـ

(ظْ)لْـ زولٍ ما يبين الاّ على وجه التراب

و

(ظَ)لّـ دربٍ كل ما امشي سكته يصرخ غياب

وضعت من بيني وبينك

لين دثرني الهيام

بين اكون او ما اكون

والله عادي لوتخون

بس قلي انت وينك ؟!

محمد بن ساقان - و الله عادي لو تخون بس قلي أنت وينك

خلها بالقلب وانسى لاتفكر..
دام شي راح لاتحسب حسابــــه 

لو هقـــــــيت بيوم أن بالك تعكـر..
هي كذا الدنيا ماهي دايـم طلابه 

بس لاتنسى بعد هـذي تذكر..
 مايطيق الجرح من ذاق الإصابه 

مثل صدمات الرفيق إليا تــــــــنكر 
 خابت الهقوى وخابـ اللي هقى به 

البخيل اللي قفل بابه وسكــر..
ما أظن أن الكريم يطق بابه 

ومن جهل فرق المؤنث.. والمذكر
لاتحرى منه مضمون الإجـــــــابه 

ومن يسوا به جميل ولاتشـــكر..
مايعرفـ المرجله حضرة جنابه 

وأنـت ياللي جامع(ن) بالملح سكر
ضعتـ مابين التــــناقض والتـــشابه

لانظرتك قلت نور الصبح بَكَــر
كيف جاء ؟؟ مدري لكن الله جابهـ 

المـــــهم أبيك تنسى لا تفكــر
دام شي راح لاتحسب حسابه

عبد الكريم الجباري الشمري - خلها بالقلب و أنسى لا تفكر

تركي العتيبي - مجروح و تشكي لك على قلب مجروح

كلنا عشاق لكن كل واحد له حكايه 
ولما تجمعنا الأماكن تأخذك مني المرايا 
أوعد عيوني بشمسك 
وتوعدي نفسك بنفسك
ما ملك عقلك وحسك 
لا أنـــا ولا سوايــــا

أعطي ظهرك للمرايا وشوفي غيرك
أظهري من ليل كحلك 
ومن اساورك وحريرك 
إفتحي الشباك مره وشوفي الناس والشوارع 
وش كثرهــا ها الغربه مره 
للي وسط الزحمه ضــايع

أوعد عيوني بشمسك 
وتوعدي نفسك بنفسك 
ما ملك عقلك وحسك 
لا أنــا ولا سوايـــــا

كلنا عشاق لكن كلنا نحبك نحبك
وانتي جرحك فيا ساكن 
وأنا همي برا قلبك 
أمشي لو نصف المسافة 
وقفي بينك وبيني 
وش تبي بهذي المرايا 
إنتي اجمل وسط عيني
أوعد عيوني بشمسك 
وتوعدي نفسك بنفسك 
ما ملك عقلك وحسك 
لا أنــا ولا سوايـــــا
كلنا عشاق وكل واحد له حكايه

بدر بن عبد المحسن - كلنا عشاق لكن كل عاشق له حكاية

قالوا سألتي عني سألتي .. 
وأنا ما أدري ويني ضايع ياعيني .. 
ما أدرى وش اللي ذكرك .. 
مقطع شعر في دفترك .. 
والإ الكلام عن صاحبك .. 
وأنت عقدتي حاجبك .. 
قلتي كلام كله كذب .. 
وليه أتصلتي عنى سألتي ؟ 
آخر لقانا في الخريف
تذكري الثوب الخفيف
والبرد يوم خفتى علي من البرد
وأمطار الخريف ..
ومرت سنة يمكن سنين
ويني أنا ووين السنين ؟
قلتي كلام كله كذب
ليه أتصلتي عني سألتي ..
صوتك طيور مهاجره ..
مرت في قلبي مسافره ..
والحب لو طال الغياب أول مداك وآخره .. 
غيبي سنه وألا سنين ..
با أجيك أنا وألا تجين ..
وأنا ما أدري ويني ضايع ياعيني .. 
ما أدرى وش اللي ذكرك .. 
مقطع شعر في دفترك .. 
والإ الكلام عن صاحبك .. 
وأنت عقدتي حاجبك ..
قلتي كلام كله كذب .. 
وليه أتصلتي عنى سألتي ؟ 

بدر بن عبد المحسن - ليه أتصلتي

صباح الخير ياخير الصباح ونوره الفتان
صباح خدودك الي تغري النسمه على التعطير
صباح الوردتين الناديه والتوت والرمان
صباح انفاسك الي تطلق عنان الغناء للطير
صباح رموشك الكسلاء صباح الناظر النعسان
صباح ما احتضن وجهك اجل ماهو صباح الخير
ان شفتني ضعت فيك الحق علي بدري
اخشى من الغي لايستوطن افكاري
والله ماصبر فؤادي على صدري
الا نسانيس تذكارك وتذكاري
ادري وتدري وكل جروحنا تدري
ان الزمن عن هوانا ماهو بداري
لاتحسب اني على المجافاة صامل 
لا والذي ارسى مراقيب حبك 
حتى ولو لاحظت سوء التعامل
مايعكس الي لك بقلبي وربك
انا اذا حبيت ماحب اجامل
يعني اذا اخطيت يمكن اسبك
وانا اذا سبيت ماهو تحامل
لكن قالو من يسبك يحبك
انشهد ان القلوب عيون
ماهي عن الشوق نعسانه
قلبي على طاري بحمدون 
يبكي وينهز وجدانه
مفتون ياصاحبي مفتون
واسال نسايم برمانه
من قال راعي الهوى مجنون
اقول صح الله لسانه
مالي بشوف الناس دامك غناتي
وان كان مابه صدق ياجعلي اعثر
والله احبك مثل حبي لذاتي
وشوقي على يدك يتلملم وينثر 
اقبل تحياتي وكل امنياتي
يامن اليا قلو الاصاحيب تكثر 
وشكرا على جلب الحياه لحياتي
وعفوا على حبي وتستاهل اكثر

سعيد بن مانع - صباح الخير

سافر وأخذ قلبي معك وين مارحت - أخذه معك في غيبتك وش ابيبه

يمكن معك يرتاح لاشافك أرتحت - يمكن يجيبك لي ولا تجيبه

أما أنا لا رحت معذور لاطحت - يا كبرها فرقا حبيب لحبيبه

من فوق تقلب غيبتك دنيتي تحت - عندي غيابك هم و أكبر مصيبه

غلاك شوفه داخلي منحت نحت - قطعت قلبي كل ما أطريت غيبه

مليون ضيقه إن جيت عن خاطري زحت - أرجع فديت الليل يوم تحكي به

لله أدعي كل ما أمسيت و أصبحت - أجعل نصيبي و أجمعه مع نصيبه

شفني قبل لا تروح من ضيقتي بحت - و أهديت لك غالي بشيمة و طيبه

قلبي يبيك أخذة معك وين ما رحت - لكن أمانه لا رخصته تجيبه

ثامر شبيب - سافر و خذ قلبي معك وين ما رحت

أسبوع مر ولا وصل منك مرسال - ياقو قلبك كيف تقاطعني أسبوع! 
الجوع كافر و أنت ماترحم الحال - وأنا عليك من الوله ميت جوع
يالي غيابك صعب يطري على البال - تركتني ضايق وحاير ومفجوع
ماكني إلا شايب فاقد عيال - وماكنك إلا محرم حق مشروع
يفوع لك قلبي ليا مر الأطلال - ياليت مالي قلب يشتاق ويفوع
حسبي عليك شلون قطعت الأمال - باموت لاصار الأمل فيك مقطوع
ياصاحبي ماكل نزال رحال - أنت الحيا من وين مارحت متبوع
نسياني لزول بالاعماق يختال - أصعب على صاحبك من حبة الكوع
لو الثمن في شوفتك عمر رجال - كان الثمن من يوم ماغبت مدفوع
ولو القدر ماتم قوله ليا قال - ماضاق صدر ولا أنحنى راس مرفوع
ياصاحبي عشقتني فعل وخصال - وأنا عشقتك شعر وإحساس وطبوع
وشلون تتركني كذا لا أشهب الــلال - وقدام عيني تجف ينبوع ينبوع
وأنا عشانك جيت والغيم همال - أسيل الوديان وأداحم جموع
ماردني عنك سواليف عذال - تزعل علي ربوع وتقدر ربوع
كان المهم أعيشك جنون و وصال - ويكون لي كلمه ولي راي مسموع
واليوم ضاقت بي من الجال للجال - فرقاك تقصم ظهر وتحز وتلوع
لوجيت شفت الحال ماسرك الحال - في غيبتك ضايق وحاير ومفجوع
هذا غياب أسبوع وشلون لو طال - طالبك لايطول غيابك عن اسبوع

محمد جارالله السهلي - أسبوع مر ولا وصل منك مرسال

سافري وأنسي معاك الموادع والسلام - وأفرحي وانتي من الحزن في عينك شدو
ماهو بوقت المعاتب ولا وقت الملام - حتى لو حالي بعد غيبتك حالت عدو
والله أني ليلة موادعك عييت أنام - والعرب حسو بحزني وضاقو وانشدو 
ليتك معودني أنك تسافر كل عام - كان ربعي يوم سولفت معهم ما أنقدو
عذري أستيعابه أصغر من عقول الأنام - وأنت عذرك قابلينه لو أعداك أشهدو
للغلا عمراً مسمى وللغصن أنصرام - والوصل بالقلب بيته مثل بيت السدو
أعرفك لا أقبلت بك ساعة الوصل قلت الحظ قام - يابعد من حاولوا ياصلونك وأقعدو 
أعرفك وأعرف مباديك يامسك الختام - وتعرفين الي لخيله على البيدا عدو 
جيت لك من يوم طيري على واديك حام - وسقت لك عذب القصايد لأجل عينك هدو
ماحسبت حساب هرجت قليلين الرحام - رغم تفسير القصايد وتأويل البدو
ياكثر ما أفضل الصمت لا طال الكلام - وفوق هذا يوم صديت وأقفيت احقدو

شعر نبطي

brdi