الكلمات .. 
رساله وجتلي في جوابها ..
بخط ايديها فآستغربت ..
طب ازاي قادرة تكتبلي 
وفراقنا مش مجرد وقت
فتحت الورقه وقريتها ..
فكان مكتوبلى كـ الاتي 
واحشني ياقلبي والله 
ونفسي بجد إني اجي
وبسمع كل دعواتك ..
وتنهيتك في عز اللمه وعياطك
بشوفك كل يوم تنده 
عليا في كل أوقاتك ..
واحشني ياروح قلبي
يا أبو الضحكة الي بتبسطني
وغصبآا عني ياحبيبي
ده حكم الله ولا بيدي
مشيت وبقيت بعيده عنك
لكنك عارفنى بحبك ..
رسآلتي دي تاكدلك 
برغم الموت .. بفتكرك
بلاش ياحبيبي ولا مره
اشوفك تاني مش مبسوط
ماكل الناس اكييد لازم
هيجي عليها يوم وتموت
وحب وعيش وشوف واحدة تشغلك
انا والله مش هزعل ..
دانا فرحي تكون فرحان
وتلقى بديل يكون أجمل
انا مش عايشه في الدنيا
عشان تصوني بوفائك
اكيد راح ابقي غيرانه 
لكن لو كنت عيشالك ..
انا دلوقت في دنيا تانيه
ولكن حبي متغيرش
ومش بنساك ولا ثانية
صحيح انا فاكرة اشكيلك
واعاتبك بردو واحكيلك
علي العصافير ليه مخاصمهم
وحارمهم من هزارك ليه ..
لاعبهم زي أيامى ..
دي حاجة يعني من ريحتي
وعروستي زمنها زعلانه
خدها فـ حضنك
ولعبى وكل دباديبى ..
وصوري بلاش تبلهم ..
بدمع العين يغالي عليا
ولو عاوز تفرحنى ..
اضحك وبص في عنيا
ومانديلى اكيد وياك
منا عارفه دانا حفظاك
وزرع البيت اكيد عجزز
والله كإني لسه معاك
يابختي بجد علي حبك
اسفه والله 
مكنش قصدي جرحك 
بالله عليك ياحبيبي
بلاش دمعك كل ما تفتكرني
ولو بتعزني بجد 
بلاش تعاند في الدنيا 
وتوقف كله من أجلي
دانا عوزاك تشوف وحده
تحبك حتي لو ربعى
تجبها معاك عشان اشوفها
واوصيها وانا فـ قبري
اكيد مش راح تغير مني
تغير ازاي وانا غايبه ؟
ولكن نفسي اشوفها فـ يوم
ده لو ينفع ولو حابه
وصونها بلاش تزعلها
عاملها كأإن انا مكانها
ولو ينفع ولو ترضي
يكون أسمي لطفلتها !
سلام ياحبيبى انا ماشيه
وهكتبلك كمان مده ..
جوابي خلاص معادش كلام
اشوفك بعد عمر طويل
تسكن معايا في الجنة
بس انته بس قول امين
----- 
https://www.facebook.com/bta3.el43r.AS

قصيدة رساله .. أحمد سعيد

ديما مقتنع بإن الي يطلع من القلب يدخل القلب .. عشان كده بكتب ديما من قلبي
#بتاع_الشعر

a7med.Saeed "بتاع الشعر"

Popular tracks