اليوم انكسر ظهري و قلت حيلتي و شمت بي عدوي

اصدار مجانينك باسم ( ابا الفضل

Sounds from Sunday night

قصيدة انا عوفك ياعلي
لشاعر إيهاب المالكي

اني اعوفك ياعلي بس بشروط
 الكه واحد الينخه مجاب
 


كون نايم ليله بفراش الرسول
 وكون قاتل مرحب وشالعله باب
 



وكون من مات النبي ومابيعوه
 مايجر اسلاحه ويسوي انقلاب
 



وكون من ايصير امير المؤمنين
 مو براتب يشتغل بس للثواب
 




وكون شاغل كرسي مو مشغول بيه
 مو مخلينه بس يملي النصاب
 



ياعلي شتستاهل الكالك بديل
 يكدر ايرد الشمس وقت الغياب
 



انته سر القوى عد المسلمين
 بغيرك انظل اعزل ابين الذيب
 



ياترف لمن تجي اكبال الضعيف
 عكس سيفك من يمر فوك الرقاب
 



الله من انطه اليحبونك جنان
 لازم انطه المايحبونك عذاب 




انته محد صورك تطعم يتيم
 ولاجرايد نشرتك تجسي الثياب
 



منو اليعرف بيك من تنطي الفقير
 الله يدري وجفك ويدري النقاب
 



البيه اتراب وظال وماجايسته ايد
 يعني محد رايده وبي شيه عاب
 



وانته يابو اتراب عكس الفكره هاي
 سر محبتك يكمن بهذ التراب
 



منو مثلك حتى رأيك عنده عين
 وجانو ايلقبونها بعين الصواب
 



الحاربك ماقاري صفحه من الكتاب
 وجا اسوالك لو قاري الكتاب
 



انته بالمحراب من تهوى وتطيح
 باجر اترد توكف بيوم الحساب
 



وما نتيهك واضحه اوصاف اكيد
 زايرينك وانعرف لون القباب
 



وحتى اذا تيهنه هم نسئل عليك
 ماكو غير حيدر وصاحب مصاب
 
________
 
تحياتي لكم__________________

اقصيدة... انا اعوفك ياعلي ... لشاعر إيهاب المالكي

كلمات لقصيده

يابو الحسنين ترجعني ذليله وخاطري مكسور
ماتدري انا الدنيا ودوراتي تفت صخور
اجي لك ياعلي وتقول لا تتعرضي حالي
تكسر خاطري والله لخلي خاطرك مكسور

ودوراتي اذا دارات عليكم ياعلي بتشوف
ودوراتي اذا دارت عليكم ياعلي بتشوف
الزهره بروعها وانت بالحبل مكتوف آآآآه 
الى المسجد يودونك وراسك ياعلي مكشوف
واعليك كل الناس ياحيدر سيفها مشهور
تقول
والمنبر لخلي اعليه يصعد فاجر وكذاب
يفتي بالشريعة زور ويعصر زوجتك بالباب
وباشفي القلب منك بضربة وسطة المحراب
بفرض الصلاة والصوم ضجه بوسط الدور

وأما الحسن باسمه وبقطع مهجة افاده
وباخليه يتلوى ياحيدر بمحضر أولاده
وإذا شالوا تابوته بنو هاشم عالعاده
ياما تشوف بالنشاب على ذاك العزيز يدور

وأما العزيز حسين ذاك تجيكم علومه
لخلي منزله النير بصحنه تصرخ البومه
تقول
بطرده عن وطن جده وبروي كربلا دمومه
بلا تكفين ياحيدر ولا غسلِ ولا كافور

وأما العزيزه ذيك ياحيدر الدايم اتشمها
بنص الليل تزورها جدها والبتوله امها
لخلي ايزيد بالمجلس على المنبر يشتمها
بيده راس واليها وكاسات الخمور اتدور

يعني بيده راس الحسين
وتدري ويش يسوي فيه يامؤمن
يضربه بقضيب
أسال حال قلب زينب اشلون
تقول ..
راسك ياخويا يوم شفته
تلعب عصا ايزيد اعلى شفته
انا ذاك الوقت وجهي لطمته
صديت له بلهفة وندهته
شلت يمينك يالضربته

بعد تقول ...
أنا امشيت درب الما مشيته
وقتال اخويا مرافقيته
من قلة الوالي نخيته
شتم والدي وأنكر وصيته

تقول ..
وتتفرج وتتصدق الوادم علينا
وعطايا الخلق كلها من ايدينا
ماخاب والله اللي يرتجينا
يظل كل سنه يروح ويجينا
ياوسفه اعلى دهر الخان بينا
اخونا انقتل واحنا انسبينا

ذا الك يامؤمن من الزهراء
تقول ...
دهري رماني بالرزايا بكل غالي
وشتت أولادي ...
دهري رماني بالرزايا بكل غالي
وشتت أولادي عن ايميني وعن شمالي
ولا أشوف ساعه من الحزن مرتاح بالي
وأعظم عليا لو نعى الناعي على حسين
بعد بعد بعد
لا تحسبولي للرضا في طوس ماجيت
ولا الى بغداد مارحت وتعنيت
كلهم عليهم نوحت والجيب شقيت
واعظم عليا لو نعى الناعي على حسين
تنادي واعظم مصاب اللي دهش يالخلق بالي
أي مصاب مولاتي
واعظم مصاب اللي دهش يالخلق بالي
ونغص علي عيشتي وكدر احوالي
الك قلب تسمع ؟
اللي مشت لشام حسره بغير والي
مشت وخلت جثة الوالي رمية 

للملا علي بن فايز يرحمه الله

نعي الشيخ محمد الراشد>>> أنا الدنيا

جنها زينب هاي بت حامي الدخيل
بس عجيبه نشوفها بليه أهل
كون اخت عباس تركب عالهزيل
يعني ياستار عباس انجتل
هيه زينب هاي عالناقة اوتميل
ومن تميل الريح تسندها بخجل
بيها هيبة حيدرة وزعل الجفيل
وبيها صبر حسين لاح ويا الزعل
والعجيبة اشلون يحديها الغريب
وانا اعرف زينب باطباع الجفل
وجنه راس احسين ذاك أعلى الرمح
وهذا ياسيف الذبح خير العمل
وين سبع القنطرة وسبع الجفوف
اشصبر الراس اعله رمح ومانزل
ابعينه من شاف الشمر سوطه يلوح
ابمتن زينب جيف عباس احتمل
يعني هاي أم الخدر زينب أقول
يعني ايس لاخدرها ولاأهل
يعني لاجفالها يلوح الجفوف
ولاأبو الحملات من صاحت حمل
يعني ضلت بين جتال الحسين
وبين سلاب الربا بحضن الفشل
بس على اعناد الوكت وشما يدور
ماتهبط راسها اربات الفحل
هيه زينب مايغيرها المصاب
ان جان عالناقه واذا فوق الجبل




aLmA3eEn

Popular tracks