This was originally a poem turn into a rock piece by Michael Yap. Here are the original words to it:

Words: Bubuy Balangue
Arrangement: Michael Yap

Naalingpungatan sa kanti,
ng mga pangungusap.
Umalingawngaw sa isipang,
hirap pa sa pagkurap.

Nakakapaso sa mata,
maanghang sa dila.
Bumabakas ang pait,
ng bawat salita.

Maganit ang pagguhit,
humahabol paibaba.
Walang patumana ang pusong,
bumubuntung hininga.

Lalamunang naninikip,
sa paghinga'y kinakapos.
Mga salitang matatalim,
sumusugat, tumatagos.

Lumulubog ang bubog,
kumakayas sa kalamnan.
Humihiwa, bumabaon,
hanggang sa kaibuturan.

Tinitiis ang hapdi,
ng bawat talata.
Makaalpas lamang sa sakit.
naghihintay magmanhid.

Matalim (BF Studio)

Words: Bubuy Balangue
Vocals and Arrangement: Eric Go

Sabi nila, may isa, sa bawat isa. 
Mayroon nga ba?
 
Isang kahulma ng iyong kaluluwa.
Isa sa pag-iisip at pakiramdam.
Ang kulang, kinukumpleto.
 
Ngunit sabi din ng iba, buo ka na.
Simula't sapul nga ba?
Kung ganon, bakit nalungkot si Adan?
 
Sabi nila, ito'y nakasulat.
Maaring hindi. Maaring oo.
Maaring may nakalaan ang tadhana.
Nakalutang sa hangin, wala pang uuwian.
 
Naghihintay para sa iyo.
Naghihintay na hanapin mo.
O hanapin ka.

Sabi Nila (Originally Katuwang)

This is an original collaboration between Eric Go and myself. I wrote the words, Eric wrote the melody and arranged it. I sang the demo. This track was written for my soulmate. This track is formerly entitled Katuwang. The other track was a demo sun by Eric Go. 