ناصردين الطفّار - ناي 
انتاج موسيقي : جواد نوفل "مونما
مشاركة صوتية "مقدمّة الأخبار" دانا مهاجر
تصميم الصورة : محمد السعودي



حققت قواتنا الباسلة انجازاً نوعياً جديداً في مستعمرة حمص ، حيث تمّ القضاء على الطفلة ناي ، بعد معركة شرسة امتدّت حتّى صباح اليوم الجمعة .. مزيد من التفاصيل من ساحة المعركة مع مراسلنا المأجور تضليل اعلامي ، تضليل ... تضليل

بحمص خلقت ناي من الطفولة ارهابية
منّا طفلة زغيرة هاي مندسّة قطريّة
مش عم تبكي لأ بدها قوّة دولية لتعلّما الحكي يعني الكذب
- بالمختصر -
مش سوريّة ناي هويّتها مزوّرة
بوها اسرائيلي مسقط راسا انقرة
اللهاية اللي بتمها مغطّسة ببترول
يوم الخلقت ورتّوها بالعراق حقول
صح شكلا بنت لكن هيي مخرّب
هيي و عم تدبدب للقاعدة بتقرّب
زغيرة بعدا يعني الله مدري شوّي
و مع هيك يخي تأكّد انّو ناي طائفيّة ..

اعزائنا المستمعين نعتذر عن عدم الدقّة في ما ورد في المقطع الأوّل فهو يندرج في اطار غسيل الدماغ الذي يمارسه اعلامنا العربيّ دوماً لتحويل الضحيّة الى وحش كاسر .. ناصردين ، الهواء لك .

بحمص خلقت ناي من الطفولة يتّموها
قتلو أبوها جنود شكّوا انّو حرّ
اني حرّة اوّل كلمة ناي نطقتها
كتبتها عكرتونة هيلكوبتر حرقتها
لعبتها سمّتها حطّين
و فستانا بعلم فلسطين
قتل خوها الأسد قتل اختا التكفير
و راحت ناي بين جرين حريّة و تحرير
حلمت تكبر و تصير محامية لامعة
طحن حلما جنازير دبابة ممانعة
كل الدني يخي اتفقّت عناي
كلّو نهش لحما دمّا ارخص من الماي
توحّد سيف الحاكم و الكافر عرقبتها
خبّت ثورتها بالقصير دفنتها

كان هذا كلّ شيء حتّى الساعة..نشكر لكم حسن المتابعة و الى اللقاء

Naserdayn L Touffar - Nay (PROD. MUNMA)

Bu Nasser Touffar for the first time with @DJLETHALSKILLZ : DI, 2022
ضيّ | ٢٠٢٢

Written and performed by Bu Nasser Touffar
https://linktr.ee/bunasser

Produced, scratching by Dj Lethal Skillz 
https://emanate.live/djlethalskillz

Bu Nasser Touffar X Dj Lethal Skillz - Di | ضيّ

الراس :

هوية مكسورة قبل العرعور بكتير
خلايا بتنقسم تكاثر بكتيري
وينك يا عروبتي بالصحرا صرتي سراب كل ما قرب بتطيري؟
بمصر صرتي عقاب عزند سلاح ميري
جاري بالبناية عم يسألني وين أميري؟ بالضاحية أو بالبيرة؟
انتماءك للبلد أصلا عأي أساس؟ 
المدينة ولا الطائفة ولا الطبقة ولا الكاس؟
سلاحك من بندر سلطان أو بندر عباس؟
دولة مين؟ شاطرة عصواريخ الحشاشين؟ 
وعلوكي وعيد عم يوزعوا نياشين؟
لبنان اثنين معلومات ومخابرات
وزيد اثنين دعارة ومخدرات
في عيادات للتجميل بس لترقيع البلد خلصوا المستحضرات
موت سريري بالذاكرة عم نهلوس
في عتمة بخنق واضواء بتفونس
مهر بكرا غالي والحرية عم تعنس
غمض غمس بدم أخوك لقمة
يا بتلبس من الوانهم يا بلبسوك تهمة
عائشة وزينب، حرب حقوق المرأة شكلها
خارج الكوكب، حروف لغات الماضي حقلها
بآمن بالثورة حربك ما بتعنيني
لا حرية بتجيب ولا بترجع بصواريخك فلسطيني
فهمت ليش عمرت السفينة؟

الردة:
الأرزة بلها اشرب ميتها دم
قلي مين نحنا بجملة كلنا للعلم؟
اجمعوا نجوم العلمين اقعدوا بفندق بخمسة
وضوءي فكري والعلم نجس لمسة

ناصر دين الطفار:

غراضي من اليمونة و دفتري من الشام و ركبت معي السردة عالعلم بلبنان
ابيض مفهومة هاي بتعني كوكايين، اخضر خلط الدولار بالبنزين
احمر الفوق يعني نبيد عموايد مشايخ واللي تحت دم مؤمنين
كلنا للوطن بس الوطن للبطون عم نتعايش ارز و افيون قطعة من السما بس مفخوت الاوزون متل فخت الاصلاح بدولاب ميشال عون
ركز، الفرق بين تماني و اربعطعش متل الفرق بين العهر و بين الفحش
الارزة بلا و شراب ميّتا دم قبل الخمسة مولانا بعد السبعة بيشمّ
بي بيأمّو بيسمّ ناس بتزحف من هم و بيسب الكفار
يخي يا بو الطقم و سيجار ياللي بتتقروص من كلمة طفار لما بعت انتصار الثوار ببازار اليسار انقسم بين البار و بشار
علبونا بعلب ربطونا بعقد بنجونا بخرافة
باسم الدين او باسم الحداثة باسم فلسطين او باسم النجاسة
بين الجزمة و الافعى ربطت الخبز مع الذل شو نفعا ؟
بدي قلك قراري
بلدنا عبارة عن شبكة مجاري، لحافظ، عوجّو الحضاري بشخ بسوليدير بنص الوسخ التجاري.. و الارزة بلّا

Naserdayn Touffar & el Rass- Loubnen 2 (Prod. Munma)

كلمات و أداء ناصردين الطفّار
انتاج موسيقي : مونما

الكلمات

انت مغلط اذا مفكر انو جهنم بعد الموت ، اني عرفت جهنم اول يوم خدت نفس
اول كلمة قلتا "بدي" تاني كلمة "البدكن ياه" يمّا غمّة بالقطيع يا أمّا بتندعس
الجنة يبن عمي ما بتجي من رياضة قوم و قعدة الجنة بسمة بوج فقير بإيدو تنكة ايفيس
جهنم للي جاعت بنتو ركع و صلى
 الجنة للي سرق اكل حاكم و طعما
كل ما اجو الشحادين عالسيارة علي الصوت علي قزازك و اكتب عالفيسبوك الله للفقير
الله يبن عمي محاصر باليرموك ، قلي ضب لسانك لا كلاب الملك يرموك
الله ولد يبن عمي مع ولاد درعا ، بزواريب جبل محسن عم يتوقى القناص
شوفو صوب بعلبك موجود بكل ضيعة ، عالرصيف مع شغيلة الفاعل عالبحصاص
طافر بسهول ما بتتسعر بالمال مبدل اهله بسلاح و جاره باحتلال
شاف بعينو النبي شيت خاوى نبي بقانا مات، بعدا ببالو دولة سمت اشرف حرب مغامرة، عادت عملت ثورة اشرف شعب مؤامرة
الله منو بجامع فخم الله بالمخيم، فلاح بسهل القاع و بحلب عايش بالرعب
طفل بعرسال استشهد طلعت روحه بعيتا الشعب
الله عنده حقوق ولو ما عنده صواريخ صوته من صوات صريخ اسرى التعذيب
دم الحق ما بينجمع مع الجامع معه مصالح مع القلك قوس معك يوم القبض قلك صالح ، الله ما في عنده حزب ولا تيار سلفي
الله بري من كل دين حق المرا منو في
لما تصلي للرب لا تتوجه صوب الكعبة الله عاف آل سعود بوجهن لبس جعبة
الله ناس بلحما الحي صوب القدس مجمعة عم ترعب لدورية ملالات مدرعة 
بالبحرين بدوار اللؤلؤة
و بمصر ضد الكل بميدان التحرير
بسورية عم ينقصف منو بقصر الامير آمن ، آمن ..

ما بدي موت بانفجار صدفة للاقيك
ولا بدي ذلي بهالدني يعطيني عندك جنة
يا رب
لو بجهنم صفيت .. جهنم للي جاهر باللي بقلبه ، جنّة .



براءة - ناصردين الطفّار (موسيقى مونما)

Official Video on YouTube: 
https://www.youtube.com/watch?v=DTLTO_bvlEE

Music Production @ILLADIB
Mastering @NourYamm

الكلمات: 

جاي جاك يستكشفنا
هالمرّة بباكباك مش جاي يقصفنا
نفس الشوكة والسكّين القصقص فيهن السكّان الأصليين استعمالن يعرّفنا
بلاد سايبة هاي يعرّص قد ما بدّه جاك
 شو بتقلّه إذا أندرو جاكسون جدّه جاك
لمّا كان يقصّ أنوف يسلخ جلد يعطي ألوف 
للبيجبله فروة راس طفل هندي جاك
Liberté, égalité, fraternité
اه
وجربوع الأزرق تاريخن ما بيحكي فيه
كتب تاريخه وبعظمته حشا روسنا
 ومدابح ناميبيا منشالة من دروسنا
نحن بغال بدنا يسوسنا أحفاد ليوبولد التاني ولوثار فون تروثا
JUMP JIM CROW
لندهن وجّك خرا نزرع بزلاعيمك موسنا

Uncle JACK
welcome back to the Middle East
تعا تمشّى بشوارعنا عنّا 
check your list

تعا تصوّر مع قرود 
Beauty and the Beast
كلنا بالحبّ هنود
Come take the risk

سقف الحريّة عالي قد ما فيه تحته عبيد 
مش أوكران نحن بربر مناكل بالأيد
رح ناخد تيبس من هولندا برواجيد 
من استراليا كيف الآبوريجينال بالأسيد نبيد 
هيت ذا رود جاك وصلت القوافل 
بدّن نفط عنّا همّص وفلافل
النا أبو غريب غوانتانامو وفلسطين 
الهن أمريتسار الهن عيد الشكر السافل
بكندا خطف ولاد عالكنايس هسّ 
غسل دماغن قتل نصّن اغتصاب النصّ
عالم أوّل ومتمدّن شوف شو ناعم دسّ 
Pay the cost to be the boss 
you're just a slave to us
الله مكلفه يطوّرنا يشلّحنا يصوّرنا
بالحكمة ينوّرلنا خطانا بالجدري يطعمنا
بمغارة يولّعنا متل أولاد رياح متل قانا

Uncle Jack
welcome back to the Middle East
تعا تمشّى بشوارعنا عنّا 
check your list
تعا تصوّر مع قرود 
Beauty and the Beast
كلنا بالحبّ هنود
Come take the risk

كلّ العالم جورج فلويد وإنتو شرطة
إنتو سوط جلد سود انتو البلطة
إنتو الرأسمال إنتو المال إنتو السلطة ورّطونا بأسد إنتو أسود إنتو الورطة
KKK Got Talent
جامع وكنيسة ديلان روف برينتون تارنت
والكيوت البيحبنا عخرانا مش كإنّه رفاهيته من ورانا مش
كإنّه سيوف جدّه القصّت روس صحاب 
الأرض عم تعطيه القوّة يكزدر بسمانا
والأيورة هاو البيرفضولنا الفيزا معتقل العقيلة لإيطاليا ومتل بيزا
وتاريخن مش بعيد حضارة البلجيك النشروها يقصّ الأيد 
بعده بقفص أوتا بينغا السعيد
مش نحن ملوّنين لا
انتو اللي بيض

Bu Nasser Touffar - SAFARI (Prod. ILLADIB)

Official Music Video : https://www.youtube.com/watch?v=sIsb07AWRzo

ACID 2022
Written & Performed by Bu Nasser Touffar
Produced by @DjLethalSkillz
Mixing & Mastering @Beatlalipos
Rec. @ILLADIB
Artwork by Azeezon

Bu Nasser Touffar X Dj Lethal Skillz – ACID

أنباء هامّة - موسيقى جواد نوفل(مونما)
كلمات و أداء : بو ناصر الطفّار و مازن السيّد "الراس"
من ألبوم الرأس و مونما : "آدم داروين و البطريق" 
الالبوم الكامل على : http://elrass-munma.bandcamp.com/releases

الثورة مو عالشاشة / الثورة عالطريق
الصورة من أعمال بانكسي

أنباء هامّة- ناصردين الطفّار و الرّاس

Kumbara 2023
Lyric Video: https://youtu.be/Q6pQQi6Ku9o

Written and performed by Bu Nasser Touffar
https://www.instagram.com/el_bunasser/

Production, Mixing, Mastering: Beatlalipos
https://www.instagram.com/beatlalipos/

Artwork: Joe A. Abi Younes
https://www.instagram.com/itsjounis/

Lyric Video: Aziz Jabi
https://www.instagram.com/azizjabi/

Kumbara (Prod. Beatlalipos)

بو ناصر في : تتليت 
موسيقى : مونما
تصميم الصورة :محمد سعودي

مين ضلّ حدّك لمّا عزت قلّي قلّي عقلي لما شفت قلّة مين عليك دق باب ؟ (4)

إيقاع المونما يبن عمّي الصوت علّي
 خلّي يشفى هالقلب من كل علّة
 ضل دلّ سبّ كبّ حجار علّي
 عيشتي و عيشتك لجهنم قلبها
 بكّى عيون العالم و حرق قلبها
 كل هالتماثيل واجب قلبها
 و واجب يبكي البكّاك الدمعة دم
 و خلّى العمر كلّه يمشي زود دم ع دم
 من تحت الارض يخي طلع دم عدم
 كل أفعى ببطن الشعب كبّت سمّا
 و كل من نزع سهرة عيلة طيبة سمّا
 ناصردين الإشيا بأسمائها سمّا
 و ما بعمره حب الشهرة للكلام فضّى
 و لا بعمرا الروح انباعت كرامة حشيش و فضّة
 سيرة انّي اخلص خلص فضّا
 و تسمّع راب و عتاب
 و زتّ عالظلمنا يوم لوم و عتاب
 ما بدّي قصور صدور بيوت و عتاب
 بدي كون حرّ عرصيف شارع فرعي
 بغنّي عن الجيرة و العشرة بكلام فرعي
 بكون حرّ عرصيف شارع خالي
 لا تقلّي الحزب أمك هاك الكلب منّو خالي .

مين ضلّ حدّك لمّا عزت قلّي قلّي عقلي لما شفت قلّة مين عليك دق باب ؟ (4)

مين ضلّو حدّك ؟
 و مين طرّى حدّك ؟
 و مين لمّا وقعت قال خلصت هون حدّك ؟
 مين ضلّو ماضي ؟
 و مين نسي ماضي ؟
 و مين عرفت مأخّر إنو لعدوّك ماضي ؟
 مين مالو مال ؟
 و مين عنده عزّة نفس لكن ما لو مال ؟
 و مين استقرش حتّى حكيه صار مال و مال و مال و مال ؟
 مين إبن طايفة ؟
 و مين لمّا بتبزق بوجهو بيقول طايفة ؟
 مين باع دين؟
 بالهرمل إلي أخوة مهما كانو باعدين
 مرّة العيشة بين حيطان زرقا مرّة
 مرّة بس طلاع و شوف الدني برّا مرّة
 و شوف كيف الافتراضي فيه يكون جدّي
 و خلّي الثورة تضرب من وسط طهران و جدّة
 و هدّي خوك ان وقع قدّام العدوّ نهار
 و انهر كلّ من ركع قدّام العدوّ و انهار
 نحنا كتاب الكذب ما روانا
 و نهر الخمر اللي بالجنة ما روانا
 بالقانون ممنوع تتليت ماروانا
 و اللي تلّى الدم ديه عالرئاسة متلّت .

مين ضلّ حدّك لمّا عزت قلّي قلّي عقلي لما شفت قلّة مين عليك دق باب ؟ (4)


ناصردين الطفّار - تتليت - موسيقى مونما

Ephemeral

Ephemeral (feat. Maisan Hamdan, AL Cobra, Nour Yamm, OD, Jamul, Nuj, Ebaa Monther, Subbar & ILLADIB)

KUMBARA

KUMBARA (feat. Beatlalipos)

SAFARI

SAFARI (feat. ILLADIB)

ACID

ACID (feat. DJ Lethal Skillz)

El Manifesto

El Manifesto (feat. ILLADIB)

Al Mat’hani

Al Mat’hani (Metal) [feat. Brunzar, Eztse & Anthony Maksoudian]

بيروت خنقتنا

بو ناصر :في حي مطمور بين اوتيلين عين السايح ما بتشوفه، كل اوتيل الاسهم فيه موزعة بين عدوّين و في جحاش عم تدبّح بعضا كرامة نفس العدوّين العمى !! و بتقلّي خنقة ؟ و بتقلّي زنقة ؟ ولا شوف وجوه الناس مصبّرة منتظرة شنقا شوف عيون مهما اتضحكت بقلبا حرقة شوف الحكي عن الخنقة، منين ببلّش ؟ أم دايرة عالبيوت و أب مفلّس ؟ أو عن كره صار بين عيوني مشلّش ؟ عن رئيس حركة حرمان ملياردير، عن الدعارة الحلال عنها الشرع مطنش عن غسان المخبر قبل الضهر، الضهر نايم، بعد الضهر عنده عن ثورتنا صف حكي سيارة فيها قواد و فيها شراميط تهرس ولد يعني هيدا مشهد مضحكة عن الدركي الملاحق طيزين النسوان عن مجند ما اتجند للبدلة اتجند للضمان عن علي عايف الله بس السيف برقبته تخرج توظّف سكّير ناطر سفرته ضواحي عم تكبر عواصم عم بتزم عشياطين بالعمايم او عن جاري و كبرته ؟ عن دكان احترق دينا انكتب برماده كارفور كان حسن فيها مستور هلق عالشارع بيدور حول لقمته، بيروت خيبته عمر سقف فسد عنه جاره بعدا بيوم هدّوا السقف و الفسد عنّو زاره ! عن القاتل داعش و هو رب الدعوشة، عن شغيل لأنه سوري مات دعوسة عهوا من باطون جامع حرامية كون بس انكل سم بطل شيطان تخاوى مع قم المصيبة جمعتنا كتف ع كتف حطتنا، جينا ناخد نفس بس بيروت خنقتنا

وتر :
محبوس بلا حيطان , بحدود , قال استضافة 
المحروس قال الموضوع زمن و قصتي نافدة , قصدي حارب 
بين الخلاف و الخلافة شتّان , في مين بيلعب بالناس من فوق بلا ما يربطا بخيطان ...
الضغط نشأ من كم حاجز عالطريق انخلق , حاج ينشأ حنكنا بالحق , البحر بنشف الريق , دبق , غيم , سياسة عالافطار , حزب حركة جمعيات إعمار , مع حرب عالطفّار , في سجن للاحرار و أوجاعنا نفسها , لبنان بتحكي بيروت خرسا , كرهني و قول شعرة من طيز الخنزير مكسب ...
كم جهة نراعي راعية , لتراعونا ..
كم مرة سمعت من غرب كيف العرب باعونا ...
ف ليه ما اتدخل و الارض وحدة .. بيروت مية مدينة , بين الضاحية و المخيم للاشرفية عم نحبي ...
لافتات حظر تجول 
لا تخاف لو كنت تهديد ..
مات ناس اختلاف رأي و الصحافة شغلها بالتأويل ....
انا مخلوق لاتنفس و بيروت خنقتنا ..
بإيد مين بقدر اتمسك و الحدود حبستنا !!!
بجثة مين اتمسّك اذا الشيوخ بتتحارب بنفس الحارة , ملتن الن , النا ميلتنا .. لو متنا كان احسن هيك بيروت لامتنا , بيروت لامّتنا , بيروت سفينة طلعنا على متنا , صواتن عمتنا سياساتن قسّمت 
بتفرج عالسما من محلي بشوفها كيف تكسرت ...
بناء حاد الزوايا , الدرك ضد الجيش , حملات منع تعاطي بس التاجر ساكن عند حبيش ..
لكرة بلاحقونا و منصير مادة دسمة للإعلام ... و يللي مات إعدام ظلم لاختلاف الوان بالأعلام غير ...
بهالمدينة في زياد للشعب , فيزياء للوقت .. 
فيز لدخول بواب الصمت ...
فيز لما تكون عادل ..
فيز لتعرف تكذب ..
فيز لتنتمي لحركة او لحزب و انت المكسب ...
محظّة للتناقض بين الفرق بين وسخ وزير نضافة و عامل نضافة بيرسم عالحاوية الوزير ساقط ...
ف ليه لضلني ساكت .. بيروت خيبتنا من يوم يللي كنت كائن حي ب حيّ بالشام ساكن ..

قد ما تحبّا لبيروت بعدا بتكرهك قد ما تركض ببيروت بعدك مطرحك قد ما طعجت لسانك حتى الفيها يفهموك أخد كسرة لسانك صار بوك ما عم يفهمك.....

بو ناصر: 
حرشا قلعك بحرا نسي العشرة و قلعك لو فيها حتى شوف السما بتمنعك منع التجول بالليل عالفقير فقط ما المطرقة اللي بتكسر فيها خشب ايدا خشب " مهما غير البربارة معروف المجرم سمير جحش لو بيطير بعد الموت رح يتقمّص شبيح زغير بيصير " علي شفط رمل البحر، شفط البشر سهل و اللي بالع كسارات ما بيعيبه بلع وحل بيروت اللي بتحضن امركاني و اوروبية بالجميزة رح بتضلا تصد بوابا بوجّك، و تشوفك عطل.

بيروت خنقتنا - ناصردين الطفّار و الوتر

ATM (feat. DJ Lethal Skillz & La Gale)

من موقع مذنب بحكي معك كوني جبتك الأناني أني طمعت إسمع كلمة يبي بتم بيكاغي
هيدا البيت مو لإلنا فما تبقى فيه
بوك العتّال خرّيج ما تخجل فيه
بمدرستك اصحى توقف عالنشيد الوطني المسروق بعصن و غنّي بطل الريف
أوّل قبض جيب كتاب التاني فرد يبي، أتخن منطق قدّام دكّة فرد غبي
إصحى تصدق البقلّك العدوّ بس إسرائيل منّا دولة بكلّ واحد إسرائيل
إذا الظالم إبن عمّك كون للغريب سند كوني بشوف حالي فيك إنت ناصر
جيب مال يبي بس حتى تصرفه، تعرّف عالغني يبي بس حتى تسرقه
إصحى تعطي ضهرك للي خلق بتمو الدهب بالكيماوي علفو و إنت نضيف إبن الأرض ضل
و البيشوف بعين وحدة شوفه بالخمسين و اللي بيرفع صوته عليك خرسه ليوم الدين
إبن الدولة إبن كلب لحتى يثبت العكس
كل مظلومة أمك أختك مو بس بالهوية العرض .. يبي

أمك ما عملتك بس قبلك عملت بوك تعلم منها تشوف بلا عيون تعلم كيف بكلمة فيك تهد السور كيف بشعرة تتهدى وتطوف كيف الخوف تعوف كيف تخلي الصفر الوف
مين قال يبي اول مرة ووين كان؟
قبل ما تصير عنا هون بوك مين كان؟
كل حزب مقبرة للفكر لا تنتسب
كل نايب مدعسة للإجر لا تنتخب
و الفينيقي اصله لما تشوفه قلّه أصلي محمد درة فصلي خالد أكر جدي احمد قصير
خاطر متل ابن خاطر يبي عمرك قصير
كل ما يقسى الدرب دخّن و طير
يبي

لا تمسح صبابيط حى توصل، قص اجرين
ابن العين ما في عنده بس عينتين، اتنين
بين الأمر والنصيحة نقي
اشتغل حتى تربح لا يشنقك معاش شهري
يا بتكون تور من اولتك يا بتنطح عبكير هون اسطبل بقر يبي ما في كبير
تعلم تكره اللي بيكرهك، اللي عل يمين بيضربك
ضيعو بين كفوف اليسار واليمين
يبي .


الأغنية صدرت ضمن ميكستايب "كلاسلكي"، إنتاج أخوك الوتر
2015 - ناصردين الطفّار

يبي - بو ناصر الطفّار - موسيقى وتر

خير الشغب . ناصردين الطفّار و السيّدر درويش
إنتاج : Hello Psychaleppo
تسجيل  الرّاس - 2015
Artwork :Hello Psychaleppo

كلمات "خير الشغب" :

لا تنوشل أو تفتكر خبرية موت الملك كذب
مشّي الزجل لنحتفل نترقوَص عنشيد الحزب
بكي من فرح، كلبك سرح، نام بفلا مات الذئب
صار فيك تقول مات أخي، الناضل عالدرب و ما ضلّ
فيك تبادر تنتخي، الضالل للأبد ما ضلّ
فيك تلبّق ألوانك صار فيك تفرجينا سنانك
فيك تقول أني إلى أني معي أني مني فدا صرماية حدا
بطّلت الكلمة تربطا، فيك الجزمة ترفضا
فيك تقول أني مع أني ضدّ و يلعن كلّ شي و كل حدا
ناطر هالتراك من سنين، دروبش و ناصر دين، عموسيقى مريضة نزفّ الخبر لحلب و حمص و العين

ثورة على النفس
بس الذليل إذا أكل الشمس بيضلّ تايه
حيّ على الشعب
حيّ على خير الشغب
بآية عالغضب
الحق شرق على شعر البلد اللي فرد
على صرخة ما في للأبد
حيّ على النّاس
مدد
ثورة على النفس
بس الذليل إذا أكل الشمس بيضلّ تايه
حيّ على الشعب
حيّ على خير الشغب
بآية عالغضب
الحق شرق على شعر البلد اللي فرد
على صرخة ما في للأبد
حيّ على النّاس
مدد مدد مدد مدد.

خير الشغب - بو ناصر الطفّار و الدرويش Prod. Hello Psychaleppo

إنتاج الراس. 2015


خنقوك جوّعوك غرّبوك، قوم
تفّهوك ضربوك حبسوك، قوم
همّشوكي سعّروكي ربّطوكي، قومي
ضريبة دم هيدي مش ضريبة للحكومة.

ناصردين الطفّار - بو ناصر

هوّي الصيت للخندق بس الفعل للي فوق واللي فوق أمروك إنك تهرب من حدود و تلاحقنا ببيروت تكون عبد و مأمور
عبد و مأمور عأنفاسك ما بتمون يمكن يأمروك تقتل خوك يقبضوا ملايين ويسرقوا ملايين بنت النايب بدا حبوب إبن الظابط هيرويين
و الحيط عالحيط
فوق في نجوم غرقانة بالوسخ و تحت في عقول مقفلة بمعاش
بدلتك و رتبتك و سلاحك مو الك، طيب قلي يبن عمي هاي روحك مو الك؟ عيد مين بدا تروح؟ اللي بيترقى عدمك و بحياتو مو مجروح؟
حامي الوطن مسعور لصهيون حطّوه ناطور بسوليدير حامل أخمس عامل أخمَس طابور
نفّذ ثمّ اعترض
عمالة ما بتصيب الجيش الا بأعلى الرتب ما الخبرة هيي السبب و انت قناني عم تنضرب
كل ما زادوا النجوم يبن عمي زاد الطمع كل ما ينقتل زحاف بدلة ظابط صارت ألمع
مين قدامك مين وراك؟ المشنوق من الفقر أو مخنوق من خراه؟
المفلوق من طاووق أو تسميم صدور عراة؟
طائفي بمولوتوف يا إما ثائر سلمي؟
غاز مسيل دموع، بشوطا أو بعطيها "حل علمي" ؟
خنقوك جوّعوك غرّبوك، قوم
تفّهوك ضربوك حبسوك، قوم
همّشوكي سعّروكي ربّطوكي، قومي
ضريبة دم هاي مش ضريبة للحكومة.

الراس

عروف مع مين عم تحكي
سيكارك بدنا ندخنه بيضل صوتك واطي قد ما تتخنه نشاز قد ما تلحنه راسي بارد قد ما تورمه تسخنه
منعمل فحص البول بس هني اللي تحتن شخّوا
بصلتي مش محروقة فبيصير الغاز صديقي
طرابلسي بالساحة قصير مش أسير أنا مش متنكّر أنا مش متل تحريتك ساعتك تك تك تكّت تك تك تكّت بينت معادنن لمّا دروعن انحكّت و ركابنا ما سكّت ما رح تقدر تسكّت
مبسوطين مكيفين بالمي مبوردين كونو عنّا مقطوعين من المي من الضو ولو
ما في ريحة بسوليدير ما في زبالة بسوليدير هيي الزبالة سوليدير هيي زبالة سوليدير
و العمامة مش لالله اذا حبلا بإيد الغير
اللي حرر الأراضي عم يستعبد البشر و اللي صب ابريق الشاي نزل فينا بالعصاي لما انحشر فشر
سنة شو و شيعة مين مان؟ اللي وحد الاله ما بيقسم الانسان
لا سعودية و لا ايران نحنا و الزبل جيران
لا عونية و لا قوات نحنا المسيح عالخشب عم بنفيق الأموات نحن البيت و اهل البيت نحنا النار و صبّو الزيت عن الطائفة انشقّيت
عن الطايفة انشقّيت

ناصر دين الطفار و الراس - نحن والزبل جيران

الرّاس و بو ناصر الطفّار - بين العصا و السكّين
2015

الكلمات :

بو ناصر:

رح نضل عقلبك مهما هاش علينا كلبك مهما دفعت ضربت بعتت مخبرين
خود
نصيحة بجمل خود بالك ضب مالك
إجوك المندسين صاروا قبالك يبن البنك
شدّ حالك يا ارقى نوع انقى عرق بروتيلي بيحرق طقمك و الكوفية بتحرق شالك
شم
ريحة عرق متل صيتك
شواحيط تدعس نيتك مظلوميتك
السم
الكنت تحطه شربه

و اتذكر "روحوا العبوا"
شوف اللعب شوف الشغب بس يلم سميعة نعيم
ايام النعيم ولت
اجوا النور ليطقوا بقصرك صور
ينتقموا من الدعس عليهن يوم بزمور الخطر
بإيدي سيف وين ما شوف راسمال بقصّو
كلب دولة سرق نص دمي و بنك نصو
اجو المندسين قالوا عملوا عالحيطان طسّوا تسقط
طسّوا تسقط
طسّوا تسقط

الراس:

كنا نوقف عالرصيف تمرق المواكب تشلح فتافيت
فهمنا الصبر ما بيفيد عرفنا اخد القرار
قمنا نزلنا عالطريق صارت تهرب المواكب نرميها بحجار
كنا نخاف من التدعيس صرنا نجبلن كوابيس
فراغ البلد اكيد اكبر من منصب رئيس
فراغ بحجم مواطن يا مسافر يا تعيس
فراغ بحجم وطن كونه الوطن حجم عائلي
بيتزا طاولة حوار بحجم العطل بالنوايا
بحجم الامن بين النجمة والسرايا
بحجم الفرق بين النجمة والسرايا
وبواب مستشفى وخيام انسرق سقفها
وجيبة بلا قاع 
بحجم الخوف بالنخاع كسرناه بس الحاجز حاجز مانه هدف
والنصر تنظيم تخطيط ومانه صدف
فبدي سجل موقف ولا بدي حقق مكسب؟
تحاسب لازم احسب ما بقا بيكفي اكتب
ما بقا بيكفي اعتب
ما بقا بيكفي قله طلعت ريحته
لما صار شكل إصلاحه انه يعدل بتسريحته

بو ناصر الطفّار و الرّاس- بين العصا و السكّين - إنتاج الرّاس

جلّاد ، كلمات و أداء بو ناصر و المحراك
إنتاج موسيقي : الوتر الجندي المجهول
تسجيل : الراس
الصورة : أحمد طرابلسي
الكلمات : 
 
من يوم الكنت إحمل فرد مي إقبضا و عصبي يشد
إتخيل حالي حامل مدفع كل ما حملت جفت
كل ما طير شفت بإيدي برسم فرد، شفت ؟
صفّر صوت الإنفجار كل ما سمعت جرس
انطر يوم العيد تياب جديدة و فرد خرز
الطريقة النقي فيها صورة فيلم احضره
تهديدي لكل ولد عذّب بدي اقبره
خلي امه تدبحه و تسحب روحه
و تدبح طير الحمام حتى ينام الولد
بالأحلام شفنا السيف قبل الرقة و حلب
منعرف حرملة و الشمر ما منعرف عبد المطلب
في عنف فالش؟  و في داعش؟ و في صف قلعطة بالدين بالمدارس
جيل ربي انو الحبس للبيناقش
مدرسة و مستشفى مقابيل خمسن جامع
حوثي لادن و مقتدى، في نون
نون النسوة والنصارى نون النصرة النصيرية نون النفط نون نوافل نون نكاح النية
بعيني كل بنات العالم، بنتي بوئدا
ما الشرف اغلى منها، عالبلّوعة بشخطا
لما تعيب
أني الملك خود الرضا
أني الملك أني. سماع سماع
أني الملك أني. ركاع ركاع
أني الملك أني. سماع سماع

مجرد مجرد من حق مدني مخيم مطوق بعسكر ببدل اميركاني التكليح علني
مجرد مجرد من حق مدني مخيم مطوق بعسكر ببدل اميركاني التكليح علني
 محروقة كروتة مكاتب الفصائل بحر سلاح جوا
بتعرف بعدما تغرق بالدم تسبح
 انا ناقل هون الصورة اللي ما بتعجبك
 لالله بهمني كل واحد مني بموت على أتفه سبب
 اطلع بلا وراق ثبوتية وعيش لتعدّ تهم 
إخلع رب قضيتك إن لسا بحنظلة خريطة الوان العلم 
احنا بس جوكر بإيد الدول
 تحت اسم رعايا منضل ننباع بمبنى الامم 
 بكل ذكرى تأسيس فصيل على أساس بخدم ارضي منطلع 
وبنفس الوقت منسمع قمم قمم 
ما مندرك مين بهالحالة الغنم للرتب في اسم هون 
التعامل معنا لا لون لا دين لا طائفة لا مناطقية 
ّهون السبب يعني  لاننا فلسـ... هاي هي


جلّاد - بو ناصر الطفّار و محراك - إنتاج وتر

المطحنة – Prod. by El Rass 
اللوحة : "عصفور الحريّة " للفنّان وسام الجزائري

: الكلمات
عضام الرقبة لمّا ما تخلّيك تشوف وراك، اكسرا
إذا ربحك بخسارة أيد اليمين، عادي اخسرا
إذا سند ضهرك رمح إصحا تتكي عليه
ولا تبكي عليه إن مات الكان روحك آسرا
صح الله واحد، ابليس كمان
و ما ركّع سمّوه شيطان
لعبة إعلام هي من زمان
تفّاح مسمّ ليه بجنّة كان ؟
هيداك المرض، مجهول
ما غلبه المال، خافوه
ما لقوا تفسير، عبدوه
والموت
كيف بتهدّد فيه إذا الموت حقّ عالكلّ ؟
كيف بدعي الناس تثور و بكلّ نفس الي في ذلّ ؟
ليش خايف إنطحن من وحش بإيدي بغذّيه ؟
خايف انطعن من خاين و ببيتي بلفّيه

كتبت كتير  كبّيت
كبتت كتير و بكيت
كسرت كتير و لفّيت
كلّه كان عبث
كتبت كتير  كبّيت
كبتت كتير و بكيت
كسرت كتير و لفّيت
كلّه كان عبث

كبتت كتير و بكيت
كسرت كتير و لفيت
كتبت كتير و كبيت 
كلّه كان عبث
كتبت كتير كبيت
كتبت كتير و كبيت
كسرت كتير ولفيت

كلّ ما نام ببيتي ليلة في طفل بشارع بيموت
كلّ ما بوس أمّي أم بتبوس التابوت
كل ما سكّر بابي في بيت عم ينقصف
كلّ ما خنق صدر عاري للقناص هدف
بنبسط بالشتي و في خيام بيجرفا السيل
بتمشى بالشمس و ناس الشمس براسا ويل
كل ما فيق  بتزيد المجازر وحدة
كل ما احلم شوف بنتي، بنت فوق جثة بوها تحدي
عندي حلم ؟ قال إيه
في عيلة حلما رغيف
عندي وجع راس و روس طفال تسن السيف
جواتي تافه، قلي الله راضي
عمر الظلم بعمر الدني واللي تاعب روحك عادي
طافر ساكت عم يتجسس
يبزق بوجهي كل ما ظالم عم يتنفس
طافر، عنده الحق ما في لبس
جلّادك جلدك يا ناصر و عضامك حيطان الحبس.. قلّي.



المطحنة - بو ناصر الطفّار / إنتاج الرّاس

بو ناصر الطفّار: ربّ القلق
2017
إنتاج موسيقي: بو كلثوم
تسجيل: الراس
الكلمات:

"يا بو ناصر واعذاب العين من شي تشوفه"
لا تنتظر من البو والبوبو إلّا القلق
ولا تتوقّع صفّ حكي بل جواز حلق
وين يو؟ 
هيدا حرص ولّا حسد؟
محتار شوف فيك معارض عرص ولّا أسد؟
وين يو؟
ولك يا بوبو بس بقا
عشرين سنة شغل جحاش شبع ربك شقا
صرت من خيالي مشخشخب
مسرسب بين اربع حيطان مكركب
عمّ الحبّ لما الفيسبوك زاد القلب
بكرا بتقتل بعدا بتفقس فقسة حسّ بالذنب
منيح؟
بالحراك كم شبّيح
لبس توب الدرك لما الدرك يستريح
منيح؟
هالتراك مش ربيح
إذا عندك زيح أحمر باجري بمجي مية زيح
وين يو؟
نقلق راحتك يا رايق
الما ربّته الدني رح يتربّى بالحرايق

بيروت ما بتخنقنا، نحنا منخنق بعض / مشنوق ما بيشنقنا، نحنا منشنق بعض

طير كان طاير كلّ فكره منّو وحيد
إذا امه بعيدة تلمّه هون بتلمّه مية أيد
بس هوى
ما لاقى حوله الا هوا
والهوا هون وسخ مهما غش غريب وغوا
الصاب الطير بينسى الطير بس الطير لا
نحنا بدل أخد العبرة منحيي الذكرى
تاره بيتاخد عمهل
حررنا الارض من الصهيوني ليحتلّا الجهل
هلا ومرحب بالعمامة
يا رايح صوب القدس عالغوطة وصل سلامي
طير حلّق، بلا جوانخ خنّق، والصيّاد المخّ كلنا الطير علّق
العجز شلّك الوعي، وضاع حلّك، غطّ كلّ الطير لَ صار الطير كلّك
منيح؟
هالتراك مش ربّيح
الثورة صارت دولة حتّى الدولة تستريح

بيروت ما بتخنقنا، نحنا منخنق بعض / مشنوق ما بيشنقنا، نحنا منشنق بعض
" ويش أسوي يا بو ناصر عيني اللي غربلتني"

بو ناصر الطافر - ربّ القلق Prod. By Bu kolthoum

"Wlla La'a" Jundimajhul Feat Bu Nasser
Album: "El-Mahatta L'oula" By Jundi Majhul - 2017
produced by: @jundimajhulwatar
Mixing : Hello Psychaleppo 
Mastered : Yahia Tello 
Artwork : Mohammad Saudi

جندي مجهول مع بو ناصر: ولّا لا / البوم المحطة الأولى WALLA LA

نشيد الطفّار من البوم صحاب الأرض 

الطفّار المحرومين بوجّ الظلم مسلّحين ، الرمز ملحم قاسم و التحيّة للباقيين منتشرين بفلسطين كتائب عز الدين الطفار معروفين مناضلين جبّارين

العراق وطن واحد شعب موحّد مقاتلين . آسيا حقول الرز المزارعين . افريقيا صحاب الارض مشردين . اوروبا غضب شارع مغتربين مهمشين . ضواحي امريكا مالكوم اكس لوثر كينغ كل السود اللي بالهود و حتى البيض المنضمّين . اللاتينية بكوبا غيفارا الارجنتين

ما منستسلم ما منسامح ما منصالح للمحتل ما منفاوض ما منهادن ما رح نسكت للعدوّ

بالسكين او بالحجر بالفرد كلاشينكوف قذايف ار بي جي او قنينة مولوتوف

المقاومين الاحرار بوج جيوش المأمورين

هودي كلن طفّار مش ببعلبك مدفونين . طفار و منتصرين وين ما كانو منتصرين

هودي كلن طفّار مش ببعلبك مدفونين

 

طافر / ابن بعلبك ما بيموت طافر / مش ببعلبك مدفونين

 

خرج الطافر من جسدي من روحي من قلبي المحمرّ سماءً

أتقنه وشما على صمتي انزعه من شوقي رداءً

هل يبقى للحرّ سلاحٌ إن أدمى اللون انامله ؟ و كتاب بالحقّ تشرّع

هل يقوى الدمع ان ينساه ؟

احمل بندقيتك واطفر فالرمل قد وهجت رؤياه

يبين السمّ من النَزعِ فالآخر كالأول حتماً .. و يردّد أطفالٌ لم يُلَدوا

ط ف ر

ط ف ر

 

طافر كل مقاوم كل مقاتل كل فدائي كل فقير طافر كل محروم بكل الارض كل فلاح كل شغيل مستغل طافر كل من وقف ضد الظلم بطل قاوم احتلال

كافر كل من حرم او سكت عن حرمان كافر كل من سلم او سعى للسلام

طفار من البقاع و الأنبار والجليل بنت جبيل مرجحين غزة بوادي الحجير

البيموّت من جوع متل البيموّت برصاص اللي بيحرم حتى الموت متل البيطخ ب قناص بنص الراس رصاص الشرف صلخ مش عشوائي انعرف

اسرائيل منّا دولة بكل دولة اسرائيل

بكل حكم عم يعتدل عم بيروح يحضر قمم مع ملوك مع شيوخ عم بيفوت بصفقات مع يهود يقتل شعب بدو حقوق طافر

كل مقاوم كل مقاتل كل فدائي وكل فقير

 

طافر / ابن بعلبك ما بيموت طافر / ابن بعلبك ما بيموت طافر / ابن بعلبك ما بيموت

2 نشيد الطفار - طافر - بالإشتراك مع عبد الرحمن جاسم

شو عمي مطولين لنمشي
يلا عمي عمهلك لنطلعلنا راكبين بعد
..شو بطلع فاضيي
طب عليلنا هالصوت من عندك الله
آه
الصوت الصوت..
من مدينة الشهدا مبلش طريق القدس ، خزان المقاومة بدمنا اللي تحول ثورة جياع و مستضغفين بوج الدولة حرمتنا منعتنا نزرع لنحصد تحرير و حرية قتلتنا ما سكتنا ردينا التار تهمونا تهمة شرف سمونا تجار تعاطي بحليب ولادنا الصغار نزلوا من بطن امهم حاملين الرشاشات ازرع احصد كسّر لفّ رانج كلاشين و فيميه و مطرح ما بيحلالك صف
تحضر لبلشلك من اول الطريق بعرفك على بقاعنا و تاريخنا العريق عندك لحدود شتورة كله مش محسوب بتضلك ماشي دغري بتوصل لنص السهل
طريق جديد مزفت عجنابه بيوت الاهل و اشجار بتنقي حتى الهو ا جُبنا و جدعان ما بيعيشوا سو انصيحة مني لكل الما بيتحمل يدور من هون و يرجع احسن ما يفل محمل لانو نحن قطعنا زحلة صارت خطيرة الرحلة حواجز عسكرية نقاط تفتيش مراكز فاضية ما فيها جيش اسباب معروفة من هيديك المرة علقتهم مع بيت جعفر اكيدة كانت مرة او قبلها بيت زعيتر حمية و المقداد علوه ناصرالدين المصري و مش رح زيد طبيعة صخرية و الاصل فلاح تحية للبيحترموا المزارع الفلاح من اهل اللبوة العين بعلبِك و بريتال حربتا حرتعلا الهرمل كلها رجال معروفين بالكرم النخوة و الرجولة رانجاتهم المفيمة بتمشي بلا نمر الاخمس المواعين معليلي نعيم صفات طريق العودة بتختصر
ازرع احصد كسّر لفّ رانج كلاشين و فيميه و مطرح ما بيحلالك صف
يا ابن عمي يا ابن عمي
انت بس انتظر لننتقم لتنعدم انت بس انتظر لف بكفن في رجال عم بتضوي الدنيا و تعيش بعتم احلام بسيطة بقبر الفقر عم تندفن حكم مستغني عن ناس استغنت عن حكم عفن حكم عبقاع يعيش بعدم بعلبك بقلبك طفّار تقاتل طفر
ببلد منتظر مرض مُعدي مُنتظَر و التاريخ مليان شواهد عشيرة شعب جبار
قارن كم في جندي و كم بقاعي بخط النار تذكر نهر البارد شو بيشبه جسر المطار
حي السلم مار مخايل و تذكر بجرود عكارتذكر حملة عالطفار قوّادا عميل ركن
بلا جامعة احتلينا الجامعات نحن الما في عنا سوليدير ولا بارات
عنا رغم الفقر بيضل الكرم منصان والفان معيش بيتين و للتالت جايب ضمان
و دمار حامي عمالة نظام انتبه لحد هلق كم في عسكري عميل
انتبه لحد هلق جيشك كم روّح قتيل منموت بعيون مفتوحة منتظرة وطن شوف الفرد حتى بجنب جثة مخوفن كلاب بوليسية كلاب بيكتب التاريخ كتاب اخمس دستور bkc
ناس بتزرع وفا ضد وفا انعرض انطلب ناس بتزرع شرف ضد شرف بالمال انضرب و ضد دستور حول بلد لماخور حول سهل ارض بور والاديان و طوائف جور
جرّب زور مدينة محاطة بسور و بيوت ما بتشوف نور ما بيقطع حيطان قصور جيل عم يكبر بين جثث بيلعب بكلاشين رجال عم تضوي الدنيا تعيش بعتم نظام عميل عم بيموت و ببعلبك الدفن شتلة من البقاع بتسوى الف جنة عدن ابن بعلبك ما قتل و ما سرق الا اللازم ينقتل و ينسرق و ابنك ما حرق الا اللازم بنحرق
هو الوحيد اخترق نظام بيسرق تعب بيسرق عرق
ولك صف
ازرع احصد كسّر لفّ رانج كلاشين و فيميه و مطرح ما بيحلالك صف

3 مدينة الشهدا

طفّار صحاب الأرض ايه يابن عمّي جعفر ناصردين

نزلوا الطفّار وصلوا عوسط بيروت
عالكروش عالبدلات عالشركات عالبنوك
عسوّاح عمطاعم الدعارة بالعواصم السياحة بتقتل ناس عتعمير هدّ بيوت
عحاخام بعقال منكّر حتّى يفوت عهوا من باطون جامع حرامية كون أنكل سمّ مصّ الدمّ تلوّن مية لون
تعدّد جنسيات و معاليك عم بتشمّ
والتحرّي عم بيحرّي عم بيخرّب بيوت البشر
إنجاع الشعب ياكل حكّاموا ما ياكل حجر
نصب إحتيال قبض حقّ الإغتيال عقانون قوي علينا مدعوس من السوليدير
فتفت نظامن لمّا فات بلعبة موت مات بريال الإنتخابات لليهود السندات
للخلجان أميركان أوروبية و روسيات
بسترباكس كوستا كوكاكولا مولانا ما في مطرح للفقير بوسخ وسط الغنى
متل ما بلعتوها لبيروت رح تبلعكن متل ما حرمتونا بالبقاع رح نحرمكن
ماشي
عم بتهدّد الطفّار حبّس شعبة معاليك
روح حبّس صبّاط للعدوّ مدّ الأيد روح حبّس العمّر بنى قصور بدم عبيد
يطلع يتلف رزق الناس حتّى يورّد كوكايين
تعيش و تترحم تتذكّر بيروت سوليدير
بدّا تموت حتّى نعيش بدّا تطفي حتى نطسّ
هاي مش شرم شيخ اللص هاي مدينة منوّرة
هاي للروي البدها قصّ
شو بتترك لليهود بس تخاف من غنيّة
بس تخاف من غنية ولا شو بتترك لليهود آه؟
ناصردين جعفر

هيدا البلد هيد الشغل هيد الحكي ماشي
هيد النصب هاي السرقة هيد الكفر ماشي
من عتم بيوت الناس شعشع وسط بيروت
عالوسخ التجاري إبن بعلبك ما بيفوت
هيدا البلد هيد الشغل هيد الحكي ماشي
هيد النصب هاي السرقة هيد الكفر ماشي
من عتم بيوت الناس شعشع وسط بيروت
عالوسخ اللتجاري إبن بعلبك ما بيفوت إبن بعلبك ما بيموت إبن بعلبك ما بيموت

الطريق نزول
من الهرمل عابيروت
من فوق بتشوف علب كبريت مركّبين عن الجسر غرفة نوم ما في حرمة للبيوت
الإضاءة موزّعة بين مناطق شعبية و أحياء للطفّار بالمدينة مهدّدين
محاصرين وسط
و محاصَرين بوسخ تجاري ببيروت متحدين
هودي بنوكي مش لإلنا أمّن حق التابوت
مجتمع مقسّم طبقات حتى بس تموت
مفكّر كل من مات بيندفن ببيروت؟؟؟
ماللي احتلّوا القدس نفسن هنّي احتلّوا البلد بشركاتن بالمطاعم باللي لبّس قبّة جامع من كتر كفروا دهب
عمّر بار الحيط الحيط محلّ صرامي بدل البيت
بعد إحتلال البلد بلّط نصّ البحر
النورماندي من عنّا لقبرص صارت جسر
عمارك ما بتساعوا الأرض علي بعد طلوع
بالسما بساط الريح صوت الفقش الطقش الرقص
مع طلوع الفجر أعلى من صوت الأدان
وهيدالجايي ليستثمر موسم سلم و صيف
قللّي شو كان عامل لمّا كانت هالأم كامل عم بتوزّع هدايا ممضيّة بخط اليد
عالضاحية لبعلبك كل الجهات جنوب
والشركة عم تتوسع تحقق بالأرباح بتأجر بتبيع بتحالف مع خليجي بتتحوّل عالمية برعاية أميركان
عم يحموها الأبطال تحريّة موزّعين مسعّرين بزواريب ممنوع عليها تفوت
مفكّر إبن بعلبك بدّو يسكت عالحرمان؟
ما حدا ناطر منكن حقّ بيتاخد بالقوّة
بكرا الثورة يابن عمّي تقتل كل كلاب العصر
تطرد كل ملوك القصر
تدمّر شركة سوليدير
ترجّع كل حقوق الشعب لأصحاب الأرض
يابن عمّي من الهرمل عا بيروت ضوّي سوليدير و عتّم عالناس بيوت
يابن عمّي

6 الوسخ التجاري

Bu Nasser - Aneej - 2019
Produced by Bu Kolthoum
Artwork By Mira Abou Malhab.
Recorded in "Radyo Modyan" Istanbul

Bu Nasser Touffar - Aneej Prod. By Bu Kolthoum

Bu Nasser Touffar : Hexaphobia - 2019
Music Production: Hello Psychaleppo

For the official video: https://www.youtube.com/watch?v=oIMREtsNRdo

Bu Nasser Touffar - Hexaphobia (Prod. By Hello Psychaleppo)

كلمات و أداء : ناصردين الطفار (العين/بعلبك( و الرأس (طرابلس)
موسيقى و انتاج : وَتَر "من لتلتة" ( دمشق)

هيد الحكي عن العودة ما بيمشي الا مع مازة و يافا ما بتحرر الا اذا السوشي طازة والثوار يسارية مع حرية ما بيحكو عن قضية الا بوجود الالمازة والصبية شو بتحب ناجي العلي بالعلامة حنظلة بارم ضهرو صوب بزازا
منجل وشاكوش صارو شمسية وحمامة بيضا علمانية لكن بأمر العمامة والتاريخ أحمر بالدم والدوشكا صار لونو زهر مع الهبر بالاونيسكو
قلّي كيف اليسار صار ديمقراطي مموّل من اوروبا حتى يضل صوتو واطي
يخي رد اليسار من اللي سرقو هاللي بعرق من جبينك عم يكسر كاس عرقو..طريق الثورة ما بيوصل اذا كان المشي على عضام اللي مرقو
هيبة الوطن حقا خمسين للدرك مشحّر بينحبس مجرم يحكم و ينترك
هيد البلد اللي بيقولو عنو جنة الله كيس زبالة تحت صورة فهد بساحة الله
بطرابلس، الكانت الناهي بالدولة انأمرت انهبت من ناهب الدولة
بعلبك الشهامة والزلم عم تغطي بشادور المجاعة والظلم
و صيدا ام و أب التحرير شوهت صورتها لحية الاسير
و بيروت سقى الله عزمانا صارت صورة دكرة عالغلاف بروتانا
يخي، هيد المخ اللبناني خود عنو فكرة صوب الجبل والتبانة وتذكر
ضعيف النفس كيف فكر
لما بوس دين دعا عليها تتكسر يخي
ناصر دين ما بيبوس ، أيد وحدة ما بتزقف لكن فيها تقوّس
كل زعيم كل خوان كل نصاب لص
من العين الببعلبك للقلب البطرابلس

من العين الببعلبك للقلب البطرابلس
جينا بوج كل زعيم كل نصاب لص
بيروت خيمتنا قالوا الموهومين
بيروت خيبتنا الراس و ناصردين

من بعلبك لطرابلس شمال واحد جرد واحد وجع صامت عالجرح عاضد
يا خال اللي قسمنا حفيد سايكس وبيكو هني قسموا الحدود هو بالداخل شريكهم
مجرم عتمه دم هو الوحش براسين لفته باسم الدين وبدلته باسم الأمان بس تنيناتن وين؟
مش صيغة مثنى لبنان كل شي تقسموه اثنين
فكرك فقر الشيعي بيجير غير فقر السني؟ المعدة الفاضية ما بتسأل عن الطائفة قبل ما تغني
بطرابلس حدائق السعودية باطون وبالهرمل دعم ايران ما بيعبي بطون
بالضنية فتافيت اقطاع وحق الفلاح انباع وبالبقاع الحق ضاع تحت عباية مقاوم
ثابت على الأرض بس عكل الباقي بيساوم الله ومستقبلنا والأمل ما الهم احزاب وشرف الشهادة ما بينتقل بالأنساب
والعلماني سقط منه العلم صار آني
غنوا لفلسطين لبسوا كوفيات زهرية شغل الصين
وعاظ سلاطين اسألوا علي الوردي كل عمامة شغل برا ما بتداريلي بردي
كل رصاصة من فقير عفقير برقبة غني واللي صاروا احرار وجباهم ما بتنحني
هني كانوا مخبرين حزب البعث بالمدينة يوقفوا ملثمين عالحواجز الحزينة
تاريخنا مزور بانصاف رجال الدين مسور
بخاف انسى حد آثار افكاري بتصور الراس دور، عمنحاول نتطور
أنا مع ثورة سوريا ومش بصفة محسن بس ولاد الحولة عميلعبوا مع ولاد جبل محسن والتبانة والهرمل غزة اسيوط
اكاد اقسم سلفية المذهبين وسلفية بني علمان شاي وقهوة بالديوان بدهم يانا عندهم غلمان
جذر الكلمة اصلي يعني الأصولي وصولي واللي بده يقطف الخير ما بيزرع الخصومة
علي شعيب يا خال كان يداوم بالتبانة واستشهد ببيروت برصاص الامن اللبناني اللي خانك يا علي صار وزير فتح طرقات بحكومة اخدت من المقاومة بركات
واللي جوع أسير محرر عمل الأسير محرر
كل محتكر صهيوني لديني أو لديوني لحياتي او للموت كل محتكر صهيوني

بيروت خيبتنا - ناصردين الطفّار و الرّاس، انتاج وتر

Bu Nasser Touffar : TAR - 2020
Music Production : @HelloPsychaleppo

Lyric Video:
https://www.youtube.com/watch?v=CLmtwDSzei4

Bu Nasser Touffar - TAR (Prod. Hello Psychaleppo)

أداء: ناصردين الطفار وبو كلثوم
إنتاج: وتر
غرافيك : محمد سعودي

لا تتطلّع صوب السمَا، اللي فوقك قتيل
اتطلّع صوب الأرض هيدا وقت الرَحيل


-بو كلثوم :
عصايه خشب كيس قماش لينهد حيلنا 
قصة ألف ليله و ليله عنّا ألف ويلا و ويلا 
خارج بلاد العرب ولا ألف خيمه و خيمه 
الإنتقام عقيم قص السحليه بتبدل ديلا 
روحي أكبر من جسدي فتروك مسافه
اخترت ديق الحفره لما اعرفت قديش مفهوم الذل واسع
لملم خدّون عن المخدّه بآخر الحرف لعبة شدّه ..
لعبة شدّو للحبل و ان انقطع بتروح الشّده 
روحي رافضه حبس الجسد في شي ناقص
لا تتمنى ايكون دمنا بترول لأن بيحبوا الفائض
نرد بسبع نقاط سود عمين الدور ؟؟
مو شرط اتكون الثوره بلا قرون و ان كانت أنثى الثور
بالزور أو بالرضى لح منغادر 
إن كان من عباب فراش أو برصاص قناص عإيد غادر
تارك مقطعي مكرر عنفس المسجله 
عم راقب عزرائيل ناطرني لخلص آخر سجده ......
يلّا تنام يلّا تنام لادبحلك سياسه و باب 
له ! يا "كرشو" لا تخاف عم بضحك عالشعب لينام
بينط و بيقول "هيهات" !!
و سنير الموقف ترقع !!
قالوا اللي بيرحل بقذيفه ما بيسمع صوت المدفع
-ناصردّين :
جيرة عضام السبقني عالموت ارحم مية مرة من جيرة اسرائيل
ارحم من ثورة بتعطيها العيون بتعطيك حساب جاري بمصرف قطرائيل
ارحم من اللي حلل المتعة و حرم عليك تكسر صلا
حرّم عليك تزرع ارضك حشيش و حلل عليك تضرب مرا
احلى ما بالكفن يبن عمي انو بلا جياب احلى ما بالقبر انو بلا بواب
ما بدها باسبور روحك تقطع الحدود مهما تكبر البيوت بس تموت عالتابوت
آل سعود منهن يقرف الموت عطر قبورن ذكّرني بكرنتينا بيروت
هونيك ما فيك عين تدمع
هونيك ما فيك كذب تسمع
عشرة الدود تحت الارض يبن عمي ارحم مية مرة من عشرة العبيد
هونيك ما في عطش لينروى ولا بتفيق مخنوق عم تدوّر عهوا
لا بتنطر معاشك من شركة ولا مصرف ولا بيرميك ابن عمك بس تأفلس
لا بدك الارم حتى يفيقك من نومك و لا بتنطر مفتن يعلن صومك
سبلن يخي الدنيا و الجزيرة والنظام والبيوالي والبيعارض كلو من بعضو أخرى
و الله ما في فرق بين البعص و النصرة


رحيل -  ناصردين الطفّار وبو كلثوم

Bu Nasser Touffar, Lebanese writer and a rapper who raises his voice to break the silence of a marginalized society, which the state has persisted in impoverishing and silencing it. His songs and writings were used as anthems in the Lebanese popular demonstrations and protests. Bu Nasser's project began in 2009 with the release of Touffar's album "The Companions of the Land '', followed by several solo and Collaborations with others who share the hope, questions, revolution and musical passion of rap performers and music producers.

Bu Nasser performed dozens of successful live shows in various Lebanese regions, and several sold out concerts in Turkey, later in Paris 2019, Frankfurt 2021 , Amsterdam 2021, and Marseille 2021 with Hello Psychaleppo. Before returning to Beirut on April 2023 for his first concert there in 5 years in one of the biggest rap concerts in the Lebanese local scene, It was the beginning of a series of successful concerts in Lebanon and abroad. 
In addition to his musical work, Bu Nasser has independently published two Novels "Al-Harayek" in 2016 , and "Al Qushnood" in 2018. The two books achieved real success and found a place for them in many international exhibitions. Bu is currently publishing a series of articles written on the Daraj Media website that deal with issues of Lebanese politics and society, and music and arts in the Arab world.

Bu Nasser Touffar

Popular tracks