Uuwing Mag-isa

Kakapit sa bisig
Maglalakad sa ulan
Puso’y bibilis ang pintig
Ano itong nararamdaman?

Sa yakap ay ligtas
Sinusulit ang ngayon
Ito ma’y magwawagas
Walang masasayang na kahapon

Nakaw na sandali
Nawalan ng tiwala
Dahil alam sa sarili
Sa huli, kailangang magparaya

Marami ang tanong
Ano ang sunod na hakbang?
Uurong o susulong
Dudugtungan ba ang patlang?

Sabay na sasayaw
Ngayon ay masaya
Pero sino kaya ang bibitaw
Sa huli, uuwing mag-isa

Original: Uuwing Mag-isa (Raw)

Cover: Tadhana and Jeepney Mashup

Performed at The Weekend Habit last September 2, 2017.
I would upload the video but there was one guy obstructing the view.
Thanks Jenn for documenting!

Cover: Dangerous Woman (Live)

Cover: Your Universe (OTS)

Lineup

Lulusong na ba ako
Sa lakas ng alon
Isusugal ba ang ligtas
Kailan ako aahon

Hahabulin ka
Hanggang sa abot-tanaw
Napapansin ba
Ang mga titig kong nakaw

Magiging duwag ba
Titigil sa dalampasigan
O sasagwan na
Hangga't sa ika'y maabutan

Sasakyan na ba
Ang along nadarama
Hindi, sige mauna ka na
Susundan na lamang kita

Iipunin ang lakas
Para sarili'y maitulak
Dadamhin ang tubig
Makakatayo nang walang hawak

October 19, 2017 | 6:00 PM | 5 minutes

Original: Lineup (raw)

Late night practice for a friend's wedding

Cover: Can't Help Falling In Love (OTS)

Payakap

Payakap, kahit ayaw mo
Payakap, iyan lang ang gusto
Payakap, dito ka sa tabi ko
Payakap, pakiusap sa'yo

Payakap, maghihintay ako
Pahalik, dito sa aking noo
Pahawak, sa iyong kamao
Pasandal naman sa balikat mo

Huwag itulak palayo
Aminin ang laman ng utak at ng iyong puso
Huwag matakot sa init at lamig
Tamis at ang pait na dala ng pag-ibig

Payakap, pagbigyan mo na ako
Payakap, pauli-ulit sa'yo
Payakap, dahil gusto mo
Payakap, sige na oh? 

Payakap, antok ay hindi dadapo
Payakap, at sandal ka sa balikat ko
Payakap, ika'y sinusuyo
Payakap, hindi ako susuko

Huwag itulak palayo
Aminin ang laman ng utak at ng iyong puso
Huwag matakot sa init at lamig
Tamis at ang pait na dala ng pag-ibig

At kung sa huli
Piliin mong 'di ka sa'king tabi
Ako ang lalayo
'Di na mag-aantay sa pagyakap mo

Huling hirit ko
Huwag itulak palayo
Aminin ang laman ng utak at ng iyong puso
Huwag matakot sa init at lamig
Tamis at ang pait na dala ng pag-ibig

November 7, 2017 | 1:34 PM | 6 minutes | Gold Loop Towers

Johanna

Popular tracks