Toğrul İsmayıl

Neçə ayaq izinə
şahid olub bu dəhliz.
Gör, neçə əl salam verib
bu qapının əlcəyinə.
Saçı dağılıb, qırış düşüb
bu divanda neçə qadın pencəyinə.
Neçə uşaq doğulmamış 
maye oldu, buxarlandı.
Neçə nəfər bu güzgünün yaddaşında.
Neçə nəfər bu güzgüdə tumarlandı.
Neçə nəfər 
Sən olmadı neçə nəfər.
Birindən göz, birindən qaş,
Təsəlli tapdım birtəhər.
Belə getməzlər ay oğraş !
Və sonuncu siqaret...
Qayıt, bir də get.

javidabdullayev