مدحت صالح_بحلم على قدي 1988

ريشة ويّا ريشة يكمل الجناح
والله أحلى عيشة عيشة البراح
واحنا لو طيور ..كان يحوشنا سور
أو جبال تصدّ شوقنا ..ولاّ موج بحور

دا احنا كنا طرنا عالقمر سهرنا 
وفثواني جينا تاني نحضن الصباح
ريشة ويّا ريشة يكمل الجناح
والله أحلى عيشة عيشة البراح

قشّة جنب قشّة تبقى أحلى عشّة
ولا الغصون قليلة أو دروبنا حايشة

دا احنا كنا دبنا من الحنان قلوبنا
لا اشتكينا من تعبنا أو من الجراح
ريشة ويّا ريشة يكمل الجناح
والله أحلى عيشة عيشة البراح

عـلـى الـحـجــار _ ريـشـة ويـا ريـشـة

زى الهوى السارى وخيال الطيف
احلى سنين العمر منا تمر
يا نعيش هوانا حلم ليلة صيف
يا توه خطانا فى ليل شتانا المر.
ومين يقول ان اللى فات فانى 
ده كل شئ فات ساب آثر فى اللى جى
 ولما بيعود اللى راح تانى 
بنلقى نبض الذكرى فى القلب حى
 ومين يقول ان اللى فات ولىّ
ده كل شئ راح ساب آثر من الجراح
ولما تتلاقى الوشوش مرتين عمر الوشوش ما بتبقى نفس الوشوش
لما تاخدهم دوامات السنين يجى اللقا التانى ولا يتلاقوش

على الحجار و حنان ماضى- تتر مقدمة ونهاية مسلسل اللقاء الثانى

كلمات : سيد حجاب - لحن : عمر خيرت

في هويد الليل - علي الحجار - من اغاني مسلسل غوايش

اغنية تتر البداية لمسلسل زيزينيا
كلمات احمد فؤاد نجم
الحان عمار الشريعى

محمد الحلو - اسكندرية تانى

إسكندرية الصبية ..بنيِّـة امبارح
أموت فى عودها السِرِح..وف رمشها السّارح

شِرح هـواها ..وشعورها..شَـبك وليل طارح
ع البحر..والبحر فى ننى العيون بارح
دى إسكندرية عروسة بحرها المالح

يا إسكندرانى.. يا بستانى فى جناين الريح
يا قانى جواك سما..وشمس..وغنا تباريح
أحلى ما فيك يا وله..إنك جدع وصريح
وطيب القلب ..تضحك..حتى وانت جريح
وان عاندك الموج..تداديه انت وتصالح
دى اسكندرية عروسة بحرها المالح

يا اسكندرانية ..يا مِياسة محنيّة
يا بنت بحرى يا ساكنة قلبى وعينيا
فى الحرّ..ع البرّ تجرى..مستأنية
يرشك البحر ميّة..ترشي حنيّة
على وشِّى..ويصيب حشايا سهمك الجارح
دى اسكندرية عروسة بحرها المالح

اسكندرية الصبيّة - حنان ماضى

محبتك جنون - مدحت صالح - كوكب تاني

علي الحجار - لو مش هتحلم معايا

اللقاء التاني
علي الحجار وحنان ماضي 
كلمات : سيد حجاب 
لحن : عمر خيرت 
زي الهوا الساري وخيال الطيف
احلى سنين العمر بينا تمر
يا نعيش هوانا حلم ليله صيف
يا تتوه خطانا في ليل شتانا المُر
ولما تتلاقى الوشوش مرتين
ما بيتلاقوش يوم اللُقا التاني
عمر الوشوش ما بتبقى بعد السنين
نفس الوشوش.. دي بتبقى شيء تاني
بتبدل الأيام ملامحنا
ترعشنا.. تنعشنا.. تشوشنا
يا ترى اللي بيعيش الزمن احنا
ولا الزمن هو اللي بيعيشنا

زي الهوا على الحجار وحنان ماضي

على قد ما حبينا وتعبنا فى ليالينا 
الفرحة فى مشوارنا تانى هتنادينا 
على قد ما حبينا وتعبنا فى ليالينا 
الفرحة فى مشوارنا تانى هتنادينا
طول ما القلب صافى بحر العشق وافى
وكل عذاب الدنيا هيروق بكرة لينا 
بس امتى ليالينا عالحلم ترسينا 
بين ايوة ولا .. الحب بنلقاه 
ما احلى الحياة بأصحابنا واهالينا
وعذاب لما ما نكون وحدينا
لو نروق هيجينا كل ما اتمنينا
 
على قد ما حبينا وتعبنا فى ليالينا 
الفرحة فى مشوارنا تانى هتنادينا
لو ممكن تطيب احزان الحبيب 
شمس الحب تطلع من بعد المغيب 
بس امتى امانينا تيجى وتدفينا 
ليه مانكنشى ذكرى فى الليله الجميلة
ليه مانكنشى غنوة فى الرحله الطويلة 
ماحنا ياما شقينا من يوم ما اتنسينا 
لو نروق هيجينا كل ما اتمنينا 
على قد ما حبينا وتعبنا فى ليالينا 
الفرحة فى مشوارنا تانى هتنادينا 
على قد ما حبينا وتعبنا فى ليالينا 
الفرحة فى مشوارنا تانى هتنادينا


كلمات: عبدالرحيم منصور 
ألحان: بليغ حمدي 

علي الحجار - ريشة

Cherouk Abdelmoneim

Recent comments

User 743338937

Saif E'ddeen

ريّان .

Khaled Abdallah

Related tracks