نِتْفَكَّرْ بِالسِرْقَة، مِنْ عْيُون الوَقْتْ كِيفْ كَانْ عُمْرِي وَرْقَـة، تْغَنِّي مْعَ النسْمَاتْ وَانَا صْغِيرْ، وْنِحْلِمْ، ومَازالْ عِنْدِي وَقْتْ بَاشْ نُقْتُل الوَقْتْ، عْلَى كْرَاسِي الصَالاَتْ نْطُلّ مْنِ الشبَّاكْ، ونُهْربْ للِأَفْلاَمْ

نْطُلّ عْلَى صنْدوقْ، مِنْ شبّاكْ مْدَوَّرْ أَكْبَرْ مِنِّي وْأَكْبَرْ، مِ العَالَمْ لِكْبِيرْ يَا صنْدوقْ عْجَبْ، فُوق اللِي نِتْصَوَّرْ اِسْرَحْ خَلِّي نِسْرَحْ، بِجْناحِكْ وِنْطِيرْ لْتَوَّة عُمْرِي لَحْظَة \ مَا بِينْ زُوز أَفْلامْ لاَ مْحَصِّل اليَقْظةْ \ وْلاَ مْحَصِّلْ لِمْنَامْ... * نْشُوفْ شْوَارِعْ تُحْضُنْ، تَحْت جْنَاح الظلْمَة

غُنَّايَات جْدِيدَة، مْعَ حْكَايَات زْمَانْ يُفْطُنْ بِيهَا القَلْـبْ، اللِي جَرْحِتُّو الكِلْمَةْ تُهْرُبْ مِنْ خَزْرِتْنَا، لِشْقُوق البِيبَانْ ونِتْخَمَّرْ في لَحْظَة، نْشُوفْ اِسْمِي وْعُنْوانِي بِينْ "زُورْبَا" اليُونَانِي، وْ "عَنْتَرْ بِنْ شَدَّادْ" نْشُوفْ رُوحِي "زُورُو"، وِ بْسِيفِي وحْصَانِي نْرَجَّعْ وَرْد بْلاَدِي، لْخُدِّين البْلاَدْ ونْقُولْ لِلتَخْمِيرَة \ كِي تْفِيقْ وتْفَيَّقْنِي سَرْقِتْنِي تَصْوِيرَة \ وِنْحِبّهَا تَسْرَقْنِي...

مْنِ الزَنْقَة، والفَلْقَة، وعْذَابَاتْ ايَّامِي ونسْأَلْ طُول الوَقْتْ، مِنْ هَاك الأيَّامْ عْلاَشْ كِي تِشْعِلْ صَالَة، تِتْحْرَقْ أَفْلاَمِي؟ وْعَ الرَغْم مْنِ الزَنْقَةْ \ نُخْزُرْ مِ الشبّاكْ ونِكْتِب عْلَى الورْقة \ يَا عُمْرِي، مَا احْلاكْ... * لْتَوّة يَا صنْدوقْ، كِي نُخْزُرْ قُدَّامِي ونلْقَى الدنْيا قْفَصْ، مَاشِي عْلَى قُدّامْ

قداش توحشتِك يا دهشة زمان.

ياسر قوية الغناية ياسر ♡♡

Comments

Khaoula

4amall

Yasser Gouda

ريّان .

D'Ali Jebali

Med Mnif

Mary Edward

Mary Edward

Mary Edward

Mary Edward