انت مش فنان ولا مغنى بس انت احساس متجسد ف شكل فنان

سرحان في بكره - فات النهارده  مش طالبه ذكرى - دي ملامحه شارده وشرودها بادي - وزهقت انادي  ولا حياة لمن تنادي في الام حرقه - في الشعب فرقه في الفل جرأه - والنيل فيه سرقه كل ده عادي - واللا انت راضي واللا لا حياة لمن تنادي تنصح في مين , وتنده لمين ودن من طين وودن من عجين وكل مره - توبه النوبه دي ويسيبني أرن ارن ارن عادي  ماهو لا حياة لمن تنادي الجو ربكه - براقنا مبكى بغدادنا باكي - وشامنا أبكى دي شبكه شابكه - دي خطه حابكه ولا حياة لمن تنادي يا داهيه دقي - اقفل لي بقى يا بت حازي - يا ست زقي يا عم ركز - عالشعب عكز ولا حياة لمن تنادي الكل شايف مين اللي خان ومين اللي هان ومين اللي على حقيقته بان  مين اللي نهجه فينا سادي مين مطاطي للاعادي مين اللي همه حاجه تانيه غير بلادي ولا حياة لمن تنادي  يا نسر تابع - والشعب جيش عالارض خانع - وفي جناحه ريش حلق ونادي - غربا ف بلادي ولا حياة لمن تنادي

لا حياة لمن تنادي|ياسر المناوهلي|يونيو 2013

ElManawahly أغنية قلة مندسة - ياسر المناوهلي - YouTube

مالك..
متغير حالك 
وتقيله الخطوه 
وسكه مقطوعه
مآلمني احساسي 
انك موجوعه
انا راسي مرفوعه
والشكوى ممنوعة
وحلمي ماله حدود
مالك
ايه اللي بيجرى لنا
مظلومه بينا 
مسموعه الأنه
اسمك علمنا
مهما اتألمنا
باب الامل موجود
ليه كل ما نلمح فجرك ..يحجبه الماضي
هيهات يحوش الشمس سحاب صيف فاضي
هيهات قبول السما لدم عالفاضي
عشت حياتي احلم 
باللي يليق بيكي
واللي يعليكي
وازاي افديكي
حتى اللي ماتوا 
لو رجعت حياته
هايموت تاني فيكي
يموت ليكي
بس مش بيكي
بس يرضيكي
كان امله انتي
كان نفسه يشوفك حلوه
ويكتب لك غنوه 
يتغزل فيكي 
ساكته ليه ؟!
قولي آه
قولي ﻷ
قولي حسك مااتخنق
قولي دربنا ماافترق
قولي حلمنا مااتسرق
ماتسيبينيش تايه وحدي
قولي مين قساكي 
ومين اللي معايا 
ومين ضدي 
قولي مين غيرك لي
وليكي مين بعدي

قولي | ياسر المناوهلي | سبتمبر 2013

واهي رجعت ريما بعد التغيير 
بحكاية قديمة شفناها كتير 
 
واهي رجعت ريما بعد التغيير 
بحكاية قديمة شفناها كتير 
 
كرباح مرفوع وكلام ممنوع 
والناس بتموت برصاص وبجوع 
واهى رحعت ريما طب رجعت ليه 
 
اصل المنحوس كان عنده فانوس 
وعيال جدعان سابهم للسوس 
 
اصل المنحوس كان عنده فانوس 
وعيال جدعان سابهم للسوس 
 
معرفش يسوق من غير ما يدوس 
خيش في خازوق معمول مخصوص
شافته ريما و اتقلبت بيه
واهي رجعت ريما  تسأل فرعون اتفرعن ليه 
 
واهي رجعت ريما بعد التغيير 
بحكاية قديمة شفناها كتير 
اصل المنحوس كان عنده فانوس 
 
واهي رجعت ريما بكلام متعاد 
وشجيع السيما اهو جه يا ولاد 
ميرى ومضمون ورغم انه حنون
بيكون شمشمون ويهد جبال 
 
مع كام طبال على كام راس مال 
وفتاوي حلال وبتوع سيما 
رجعت ريما
 
واهي رجعت ريما لابسالنا وشوش 
بتداري جريمة بالحلق حوش
ميخيلش علينا لعبك يا لئيمة 
ياما عدا علينا وطلع مغشوش
طز في ريما

ريما | ياسر المناوهلي | يناير 2014

ياسر المناوهلي ياكش تولع

Arrangement, Mixing and Mastering by K-ProAudio.com

لا حياة لمن تنادي|ياسر المناوهلي|يونيو 2013

Mahmoud

Recent comments

User 225915941

Mohamed Wahba

Tomas Kook79

Ahmed Sherif Abdelmalek

Related tracks