عن عمر بن الخطاب يتحدث

اصحى يا نايم .. وحد الدايم 
 وقول نويت بكره إن حييت 
 الشهر صايم .. والفجر قايم
اصحى يا نايم .. وحِّد الرزاق
 رمضان كريم
***
مسحراتي .. منقراتي .. تحت القمر
قريت مسائل ..و من الاوائل جاني الخبر
اصحى يا نايم .. وحِّد الرزاق
 رمضان كريم
***
 ومن المدينة والراشدينا .. فيما غبر
أصل الحكاية سمع شكاية .. مد البصر
 شاف الخليفة أجسام ضعيفة .. زي الصور
 لو لسّه حية عيونها حافية .. من النظر 
في نار تغلب وإيدين تقلب .. ميه بحجر 
قالت باسلي ولادي يا اللي .. تعرف عمر 
ومهما نشهق لا بد نزهق .. من السهر 
يمكن يغيتهم نعاس يميتهم .. قبل السحر 
 سالت دموعه وبين ضلوعه .. قلبه انفطر 
 قال كل مسلم جناحه مؤلم .. إذا انكسر 
 شوف جسمه مايل تحت الحمايل .. مد وصبر
 قالت شلت ذنبي يغفر لي ربي .. لو يغتفر 
قامت قيامة من اليتامى .. لما ظهر 
أبو المواجع كأنه راجع .. من السفر 
 جاب المؤونة بإيدين حنونة .. وقال يا مضر 
 أنا علىَّ تخدم أيدي .. بدو وحضر
 ع الأرض تنه ينفخ ودقنه .. بين الشرر 
 الإنسانية كلمة غنية .. دم وعبر 
 أسلافنا هما شقوا مداها .. فطرة وبداهة 
وخير أمة نمشي بهداها
 نمشي بهداها على الأثر 
المشي طاب لي والدق على طبلي 
 ناس كانوا قبلي .. قالوا في الأمثال
"الرجل تدب مطرح ما تحب" .. وأنا صنعتى مسحراتي في البلد جوال
حبيت ودبيت كما العاشق ليالي طوال .. وكل شبر وحتة من بلدي
حتة من كبدي .. حتة من موَّال
يهديني طول المدى رؤيا الندى والطيف 
وقلبي ينزل على كل القبايل ضيف
يطلع من الحي رحلات الشتا والصيف
ويشرب الطهر من زمزم براحاته
طابت جراحاته يا ساكن منى والخيف
***
اصحى يا نايم .. وحد الدايم .. السعي للصوم
خير من النوم .. دي ليالي سمحة .. نجومها سبحة
اصحى يا نايم .. يا نايم اصحى .. وحد الرزاق

2 المسحراتى - الانسانيه

اصحى يا نايم وحّد الدايم
وقول نويت بكره ان حييت
الشهر صايم والفجر قايم
اصحى يا نايم وحّد الرزاق
رمضان كريم
مســحـراتى فى شهر الصيام
مـنـقـراتى على الدوام
شوف القمر اكتمل تمام
من ألف ليله وألف عام
قمر يراكم مغرب وشام
قمر تراحم قمر وئام
يا من تواصوا ألفين سلام
قمر محجّب بالابتسام
بشفه يحبى فيها الكلام
لاغى الحمام اللى فى الإمام
فى السيده حنّ للمقام
ذكر معانا وقال ما بانام
ذكرت يا سعد يا كرام
والليل قطيفه ولا ملام
تحت القمر قلبى فى هيام
من ليلة النصف للختام
فى ليلة القدر له مرام
المشى طاب لى
والدق على طبلى
ناس كانوا قبلى
قالوا فى الأمثال:
“الرجل تدب مطرح ماتحب”
* * *
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال:
بعد الشهاده وبعد السجده للرحمن
حينكتب لى قيام الليل وصوم رمضان
وما دمت عارف طريقى وصالح النيه
وكل خطوه تزيد أوصالى حنيه
فى ساعة الفجر يفتح لى الأمل رضوان
اصـحى يا نايم وحّد الدايم
السعىُ للصوم خيرٌ من النوم
دى ليالى سمحه نجومها سبحه
اصـحى يا نايم.. يا نايم اصحى
وحّد الرزاق

7 المسحراتى - القمر

سلسلة من الأغاني الإذاعية كتبها فؤاد حداد في الستينات والسبعينات وغناها سيد مكاوي

المسحراتي - سيد مكاوي - كل ليلة نعود والنغم عنقود

أغنية مرحب شهر الصوم 
تلحين وغناء عبد العزيز محمود
كلمات محمد على أحمد

مرحب شهر الصوم

مولاي إني ببابك / النقشبندي ... ذكريات رمضان

رمضان كريم - اغاني رمضان

Mohamed Fawzy - Mesaharaty

Hamza Namira -- As7a Ya Naum

شوفوا رمضان وخفة دمة    هدى سلطان

الكلمات:

المجموعة: قربت الشمس تودعنا والمغرب يدن ويجينا
شفيق جلال: والصايم يفطر
المجموعة: والسهرة الحلوة هتجمعنا للفجر ما حد يصحينا
شفيق جلال: علشان نتسحر
المجموعة: يا سلام على ساعة العصرية نسمع في الردايو القرآن
ونشوف أحيائنا البلدية تزداد حلاوتها في رمضان
ونحضّر بايدينا فطارنا، والمغرب نعزم على جارنا
والمدنة بنورها تنورنا وتزود بهجة ليالينا
شفيق جلال: والصايم يفطر

***
ثريا حلمي: اديني يا عم حسين طرشي واتوصى
شفيق جلال: عينيا الاتنين، حاجة حامية؟
ثريا حلمي: لأ ما تكترشي
شفيق جلال: وبكام يا عروسة؟
ثريا حلمي:بقرشين، أنا أحب الفلفل من صغري
شفيق جلال: ده بيفتح نفس الناس دوغري
ثريا حلمي: أصله في رمضان بيكون مغري، اخلص بقى يللا ومشينا
***
شفيق جلال: اديني قوام ياللا شوية والخالص ما تحطش زيت
محمد رشدي: على عيني
شفيق جلال: طب فين الميه؟
محمد رشدي: يا سلام ده أنا أوصل للبيت
شفيق جلال: أنا متهيألي يا سي إمام ولا قدرة بحالها تكفيني
محمد رشدي: له حكمة في ذلك
شفيق جلال: يا سلام
محمد رشدي: أمال
شفيق جلال: وحياتك تديني
محمد رشدي: علشان لا مؤاخذة اللي يصوم بيحس بحال المحروم، مش كدة يا جماعة؟
المجموعة: أمال، اديه بقى ياللا وادينا

***
= هات حتة يا حاج تكون حلوة
شكوكو: على عيني وراسي يا قمورة، م الدوش؟
= لأ من بيت الكلوة، واختارلي كمان نص مازورة
شكوكو: عاوزاها بتلو؟
= كندوز وصغير ما يكونش عجوز
شكوكو: آدي حتة مشفية وناعمة، وآدي ركبة كمان
= من غير ما تقول حتكون طعمة علشان رمضان
شكوكو:  ما هو شهر الخير، شهر النعمة، شهر الإحسان، وقليله كتير يبقى يا زينة
= خد ياللا حسابك يا أخينا، خلينا نروح خلينا

***
شفيق جلال: هات نص كنافة يا سي جلال والنبي تكون بس طرية
– محشية يا حضرة؟
شفيق جلال: أمال، أنا دايما أحبها محشية، بقطايف وكنافة تحلي
– لكن رمضان أحلى تملي، ولا ألف محل على محلي حلاوتهم عنه هتغنينا

قبل المغرب

أجمل الأغاني التراثيه للشهر العظيم

شوفوا رمضان وخفة دمة هدى سلطان

Radio Zaman

Related tracks