البوم عاشور 2019

ايام

سلام

حبيبي انت حبيبي

في بالي

ده حكايه

بقالي زمان

"ومازال الحبر ينزف من حولي ولا أستطيع إيقافه ومستمتع بهذا وتلك الاستمتاع الوحيد بشئ أُجبر عليه..."
ضلم مكانك علشان النور دا مش لينا والبس الهاندفري محدش غيرك يستحق يسمع دا ⁦🖤
الكلمات رغم انه صعب عليا..
ــــــــــــــــــــــــــــــــــــــــــــــــــــ
دقت ساعة الحزن .. دقت ساعة العجز
باقي من الزمن صفر البكا اصبح باللمس
معتقدش بعد كل الهيصة اللي حصلت فالقلب دي
المكان هيتروق ويرجع لحال الأمس
ياجدع دول كانو بيدخلو بالجزم طب كنتو اقلعوها!
للدرجادي ناويين عالرحيل بدري! عارفين انكم مش هتطولو يعني؟ اهو كل حاجة اتبنت ف وجودكم وانتو خارجين هدتوها طب وبعدين
اجيب زيها منين الصبح جه بدري ولسانا صاحيين
انا قولت اقوم واجري واناملي ساعتين يمكن يتهد حيلي 
او يجوز تشوفيني فابتسملك تحضنيني فاتمادى وتشتميني ازاي انا لوحدي وطيفك بيرازيني
يمكن علشان خلفت وعدي ، حلفت مش ماشي ومشيت يعني! ماهي كلها بتكدب كلها بتوعد وبتخلف وكلها بتحلف ،، يمكن لما سألتيني عن بكرة خوفت اقولك دا شئ مجهول فيزيد خوفك
ياريتني كنت اقول بقيت بخاف اشوفك
المجد للمعقول والخيبة لظروفك
ورغم فرق الطول كان سهل اني ابوسك
مفيش شئ يوصف اللي حصل
مفيش شئ يوصل اللي اتقطع
ياهل ترى الحلو متعذب ولا طرف واحد اللي اتكسر؟
انا اسف رغم كون الاسف بدون قيمة
مش عارف دي المرة الكام اللي اتأسف فيها
ولا عارف دي المرة الكام تسمعيها لكني اسف
اسف ع الحلفان واسف عالوعد
اسف ع قعدة البستان واسف عالورد
اسف ع كل حضن اتهان واسف عالبعد
اسف ع دلقة الفنجان ع القهوة بدون قصد
سامحيني ع كل حضن وكل مسكة ايد
وكل مكان روحنا قعدنا فيه 
وكل ما احتاجتيني وملقتينيش
وكل مرة زعلتي ومكنتش شارب حشيش ف معرفتش اصالحك
سامحيني ع حاجات كتير وأولهم اني عرفتك
سابع سما طلعتك فخسفت بينا الأرض
طال الهوا وشك حسيت انا بالبرد
يمكن عشان سيبتك لما كان وجودي فرض
بصي انا مش بخير ومشعارف ايه السبب بالظبط
فياريت مكونش غلطت بزيادة
ياريت يكون الحلو غطى ع الوحش مرة
برغم ان من كلامك مكانش في حلو اصلا
انا قولت ميت مرة هنسى وهتطلع برة 
ورغم بعد الفترة بفتكرها ف كل خطوة بخطيها
بشوف ناس جديدة وبدوس ع ناس قديمة 
انا عندي ف دولابي حاجات ملهاش اي قيمة
لكن .. بتفكرني بيها 
مشعارف مصيرها ايه يعني ممكن ييجي يوم وارميها او جايز اتبرع بيها في سبيل انشاء علاقات جديدة المهم اني استفاد بيها
ومفيش نهايات بتكون سعيدة
دي مش نهاية المطاف جايز نهايتك
يكون الجسر منتهاش مالبنا فتنزل ع جدور رقبتك
ف لسلامتك .. خلي بالك واوعى الغرور ياخدك
علشان صدقني ساعتها محدش هيكون جنبك فمحدش هيساعدك
صحيح هو من خاف سلم ولا الجبان بيعيش محبوس ف خوفه؟
ويلعن ظروفه ف كل صبح وكل ليل
ويعكس مسار وشه ف أي نظرة عين
ويقلق لو عم السكوت واخر صوت كان صوته
طب هو صحيح الهوا غلاب ولا احنا اللي مساكين
اهي كلها اسئلة ملهاش اجابة واضحة بالنسبالي
يمكن اجاباتها بتختلف من حد للتاني
او يجوز وجودك يكون دايم فيكون قاسي
بس الاكيد اكيد يعني انك وحشاني
 دور كتير هتلقى ان الاساس غلطان
كل الناس وجهات نظر ويجوز يشوفوك شيطان
بس اكيد في ناس بتحبك ياعم اعتبرهم شياطين زيك وعيشو مع بعض ف سلام 
والعن العالم اجمع
انا قولت مش هنام مقولتش لعيني تدمع انتي بتعيطي ليه!
مفيش شياطين غيرنا ولا ايه؟
تمام خلاص اهدي ونخلي الكلام بعدين
7 مارس"
يلا نرقص سوا ونسيب الناس دي لنفسها
وملعون اللي يمشي من غير سبب
المُقيم لم يَلِق بالمقام ليس إلا
المُقيم هو اللي اتلعن
التراك دا مش هادف ومش بيقدم رسالة 
والكلام اللي فيه مش مهم بالنسبالك
بس ممكن نعتبره توثيق لأوسخ فترة انا عيشتها وانتا حبيت تعيشها معايا 
وللتوثيق برضه انا بقيت مطفي
ودا احسن كتير من كوني والع
الحي موجود دايما لحد ما يحصل اللي مات
واللي فات مماتش اللي فات موجود لسه بس ع هيئة ذكرايات
موجود ف تراك او ف كتاب موجود لسه ف لحظة عتاب
تبات نار وتصبح كلمات تولع فينا من تاني 
وايه فاضل غير الحاني؟
طب مين فينا كان جاني
مين اللي جه عالتاني المفروض نكون خالصين
بصي محدش بيموت علشان حزين 
ومحدش بيفوت بسلام اكيد فلازم نتعود
وانا مش ضعيف ومفيش حزن بيطول
انا مش حزين انت اللي بتهول
كل دا كلام
خدها قاعدة ف حياتك سيب الباب موارب
بحيث لو حد عاز يخرج يخرج بسلام 
مش لازم يكسر الباب
ولا لازم يحصل مشاكل وبتاع كفاية عتاب
كفاية عتاب وكام كلمة ومندخلش ناس بيننا
وبعد ماتمشي هدعيلك تكوني بخير
محدش ساب وكان حقه يسأل هي راحت فين
بس راحت فين؟!....
ــــــــــــــــــــــــــــــــــــــــــــــــــــ
ممكن تحط رأيك ف كومنت عادي أو تشاركنا الجزء اللي علق ف دماغك🖤
F.B: https://www.facebook.com/profile.php?id=100015269921783
W.p: 01156932426

سلام

موقع سونجاتك

Related tracks