كمبالً حقيقي موهبة احترافيه مستواها يفوق ناس كتير اوي في المزيكا .. من نجاح لنجاح يا فنان🌹❤️❤️

❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

لكني جوه دماغي متاخد أسير .

يستا انت عظمة و اندررايتيد جدا يعني <3

وايه يعني لما تسيبيني
لما اصحى لوحدي مش موجودة تصحيني
واسكت طول اليوم من غير حد يلاغيني
وآخر كل نهار لوحدي في سريري
من غير رنة تيليفون احكيلك تحكيلي
او ريحة برفيومك الي بتفضل في ايدي
او اني اقفشك سرحانة وبتبصيلي 
ولا هروبك مني جريك وهد حيلي
حبيبتي.. 
طب فاكرة البداية كان طعمها ايه؟ 
طب اول دوسة بنزين وانتي جنبي
واول حضن الي تقريباً كده قعد ساعتين 
فخلي عندك ريحة الدم واسمعيني 
انا مش حزين.. بس زعلان سيكا..
الوحدة مش زاعجاني.. بس بتقتلني سيكا..
دماغي مش ساحلاني.. بس شغالة سيكا.. 
مش هطيق اشوفك تاني.. بس حاسس اني بحبك سيكا.

Seeka | سيكا

انتي عيونك
انتي عيونك دوابين
وأنا وقلبي وأشعاري.. مساكين
جايباهم من فين؟
اسلوبك الـ
Vintage
واللين
لتكوني هربانة من فوق ناقصين واحدة الحور العين
انتي عيونك
انتي عيونك دوابين
وأنا وقلبي وأشعاري.. مساكين
جايباهم من فين؟
اسلوبك الـ
Vintage
واللين
لتكوني هربانة من فوق ناقصين واحدة الحور العين

وانا مش قد كده.. 
خالص خالص
أنا مسحول في حرب استنزاف أنا والأيام
شتايا بيبدأ برده قارص قارص
ووجودك بيشكلّي الدفا فقوليلي ايه الكلام؟

ايه الكلام؟ | Eh El Kalam?

حتى وعيونك عني بعيدة
ممكن اقول عنها كل تفصيلة
مش بعيد اقول كان فيها كام رمش
يمكن جه الوقت اقول كل حاجة ما اتقالتش

وحتى ما حاولتيش تسحبيني من افكاري
سبتي غيرك الي يقرر اختيارك
يا ترى باقية عليا قد ايه؟ 
ولا ده كان سبب عشان تمشي 
قمة اوجاعي
احساس ان وجودي مالوش داعي
احساس ان وجودي في حياتك مالوش داعي
احساس اني اتهمش من الي بعتبره حياتي 
يومين تنبهري بيا يومين وببقى عادي
وانتي الي دموعك بتسيل
وكان في ايدك الف شيء تعمليه 
كنت فترة واهو بتتسلي بيه
تفتكري تستاهلي تتذنبي؟

بين الخُذلان خُذلان
بين الاواني جرذان
تلهو ويلهو الثُعبان
بالتهامها
بين اللهبان بُركان
وهدوء صوتي الدخان
دخان زاد البركان 
بالتهامي
بالتهام ما تبقى مني 
ما تبقى من ثقتي بكل من هم حولي 
من ثقتي بك وبكل وبشري
وأشجناه

قدمت السبت الحد اتسبت
الحدت بالحب وامنت بالوقت
صدقت ان مروره بيعالج الشجن
بس بمروره بينشف الورد
بيموت الامل في اللُقا والعودة
بينحر الدفا وبيخلق البرد
انا مش مسامح ولو حتى اشتقت
كداب مسامح كداب اشتقت

Wa A Sha Ja Nah - وآشجناه

Beat By : Mubz Got Beats 

Lyrics :
زي ما أكون بطلُب المطر غيث في عز الصيف
كُل أوراق أشجاري وقعت رغم إنّنا مش في الخريف 
ده خريفي، تخاريفي، تخطف دماغي، تخطف دماغي وتسحبني من وسط جموع
مش موجوع، بس جوا القلب جوع لما بتكتر الصدوع بتخاف تنزل الدموع 
وأبص لحالي، إيه أذاني؟ إيه خلّاني؟ ألاقي عيوني تجف وأخِف من كُل المحبّة الّي كانت بتشفي 
تايه مش داري بأي شئ حواليا بيدور 
مش شايف غير قلبي في ايدي عايز ارميه في وسط النور 
كوني وسط قبور بتنادي قبل الأوان 
قبل وقت غيابي الأبدي قبل ما اسمي يصبح كان
شايف كُل بنات الكون انتِ .. 
كان وجودك الحياة و القيامة لما رُحتي 
و تلف الدنيا لكن لسّه مافيش أي بديل 
استنفذت كُل قوة والطريق لسّه طويل 

( وأبص لحالي، إيه أذاني؟ إيه خلّاني؟ ألاقي عيوني تجف وأخِف من كُل المحبّة الّي كانت بتشفي 
تايه مش داري بأي شئ حواليا بيدور 
مش شايف غير قلبي في ايدي عايز ارميه في وسط النور )

وقت غروب الشمس كُلُّه بيمشي كُل الطيور بتودع
بتقولي كُل شخص لُه أوانُه وده مش وقتك
ليه مستعجل؟ ليه شايف نفسك فاشل؟ 
لساك يا صاحبي صغير اياك والحُزن قاتل 
والكدب بيدمر بيخلي القلوب بتجري في عالم موازي 
والوجع بياكُل في ضلوعي بسبب ملاكي الّي راح وهاجر 
مديلي ايدك انجديني طمنيني فينك؟ 
لو أنسى وأقسى سنين قلبي عُمره ما كان لغيرك
صَوتِك الّي بيروي روحي غاب، من غيرك دبلان
بكرهِك من كُل قلبي بحتاجِك بحتاج أمان
من مُستقبل باهت من أيام عطشانة ألوان 
لوِحدة سابت كُل شئ برىء بلا عنوان 
شايف كُل شئ غريب كأني بعيش لأول مرّة
فقدت الوعي بالمُحيط أنا سابح في المجرّة 
 أراقب لحظة انتهاء الرحلة باكتفاء 
يتحول وجودي لوهم واتنسي بلا اشتياق

( وأبص لحالي، إيه أذاني؟ إيه خلّاني؟ ألاقي عيوني تجف وأخِف من كُل المحبّة الّي كانت بتشفي 
تايه مش داري بأي شئ حواليا بيدور 
مش شايف غير قلبي في ايدي عايز ارميه في وسط النور )

وسط النور | West El Noor

تراك جولة من احدى جولات بطولة من احدى بطولات منتدى من ضمن منتديات الراب العربي يسطا, انتاج غير رسمي بالمرّة.
الجولة كانت ضد فريق اسمه الدولة عميقة مكون من اتنين رابرز من الشام, الاولاني اسمه كنعاني والتاني اسمه مكافحة ومكافحة بيقول عن نفسه ملك راب فلسطين, والحقيقة نزلت التراك لاني مستمتع بيه, استمتعوا.

(Unofficial Release) | حبوب شجاعة

Beat Producer : NSD Beats.

Lyrics : 

ما عرفتكيش .. راح فين شعرك الطويل؟
فين كُحل عيونك الّي كان بيخطف قلبي لعالم جميل ..
ما بقيتش شايف ضحكتك .. مين ضيعها عنّك؟
عن خدودك؟ عن ملامحك؟ عن شفايفك؟ قولي مين؟

ما عرفتكيش .. راح فين شعرك الطويل؟
فين كُحل عيونك الّي كان بيخطف قلبي لعالم جميل ..
ما بقيتش شايف ضحكتك .. مين ضيعها عنّك؟
عن خدودك؟ عن ملامحك؟ عن شفايفك؟ قولي مين؟

والبرد يخطف قلبك .. رجفة في شارع وخوف ..
والضلمة تسحب عقلك .. ومين عليكِ ملهوف؟
بتتعلمي دروس علمتيهالي من سنين ..
الدرس يسبق درس تسبق صدمة تجيب أنين ..

صدقيني ما عرفتكيش .. حزين على الحال الّي بقيتي فيه
فين حماسك وابتسامتك مالك خايفة بتنهجي؟
ما حدش جنبك ما حدش عايزك ولا حد فاكرك وكُل ضعف الدنيا دب فيكِ ..

دوارة الدنيا واتمنيت عليكِ ما تدورش ..
عارفك مش حِمل قسوة مش حمل نومة في ليل بكسرة مش حِمل أي وحشة تبني جوا منك سواد كتير ما بيروحش ..
دوارة الدنيا واتمنيت عليكِ ما تدورش ..

احضان تنادي ..
مين الّي باقي؟
ما حدش باقي ..
ما حدش باقي ..

وبتوحشيني .. وبتوحشيني ..
مافيش لقاء اخير ..
مافيش لقاء اخير ..
مافيش لقاء اخير ..
لقاء اخير ..

لطالما باح العقل بأسراره في حضرتك ..
لطالما مات القلب بأحزانه في غيابك ..
ان كان القدر يخالف رغبتي في البقاء حياً ..
فاليوم اترك قدري في الطريق وانطلق ..

أحضان تنادي .. وبتوحشيني .. وبتوحشيني ..

لقاء أخير | Leka' Akheer

Lyrics :

بيتوه مني الكلام .. القلم في ايدي بيترعش

كأني شايف الويل لامسه بإيديا نسياني ما نفعش

دي مش روحي ومش حياتي ليه الضلمة بتحبني؟

ليه بتحضنني ليه ترافقني ولما ببعد بتشدني؟



انا ليه اصلاً بداري؟ وما حدش عني داري.. 

وانا بقضي ليالي افكر مين ممكن اشكيله حالي..

واتوه من نفسي وانسى احلامي وكل شيء اتمنيته

والكسرة بتلخبط بواقي القلب الي لحقته ولميته



انجدوني.. ده مش مكاني انا انا انا انا انا 



وادي الرحالة تاه .. ونوره خلاص بيغيب

هتيجي النجوم الي تونس وتوجع والايد الي بتسيب

ما شدش انتباه .. اصبح مالهوش قريب..

بتروح الاحضان الي كانت بتحيي وبيقسى النصيب



هتشوف العيون الي بتبكي وبتدمع..

هتشوف القلوب الي بتعشق وبتسمع..

هتشوف الوشوش الجميلة الي بتوجع..

هتشوف الاحضان الي بتأذي ما بتنفع.. 

بعنا القلب ولف لف لف نفسه بجراحه لف

انا الي جبته وسلمته بإيديا بعد ما كان هدي و اعتكف



ضالل طريقي والامل.. مالوش عنوان

الليلة حزني بيكتمل.. والقمر كمان



ضالل طريقي والامل.. مالوش عنوان

الليلة حزني بيكتمل.. والقمر كمان



حتى قلوب الناس رحّالة بتترك البيوت الدافية

والبيوت بألف حالة بتطرد القلوب التايهة

وانا قلبي مالهش بيت وانا قلبي مالهش شاري

ما بينقذش الكلام وما بينقذنيش اني اداري

Written, Performed, Mixed & Mastered By Rashad ComBal.
Beat By: Dansonn

Misplaced | مِسپليسد

Written, Performed, Recorded, Mixed & Mastered By: Rashad ComBal
Artwork By: Mohamed A. Ghanem Aka. Beme

Lyrics:

Chorus:
X2
وعرفت ان الضربة الي ما بتموتش بتخدر
مش بتقوي مش بتقوي وكل ما افوق الدنيا بتاخد بيا دريفت رجلي ما بتلمسش الارض انا حاسس اني بهزي
انا بهوي انا بهوي صداع من الانعزال الي قالي انت هوايتي
انا بهوي انا بهوي انا والهوا والنجوم ودماغي ومين يلحقني؟

Bridge:
ياريتني بعرف اطير .. دورت عالسلام ما لقيتش غير زئير 
ياريتني ممكن اهرب وانسى كل شيء .. 
لكني جوا دماغي متاخد اسير..

Verse:
سخرية القدر بتقلب الاوجاع لضحك 
متشعلق بين السما والارض روحي عالمحك
حتى الي باعنا خد دلعنا مافيش منه تاني
بالعافية ساند نفسي شايل من الهموم مباني
والليل بيهجم وبتهجم معاه الذكريات
كنترول زد عارف مش بترجع الي فات 
الضلمة بتوجع وانا بحاول أهوّن كل سوء 
اتمنيت الاقي منقذ يتكلم يجعلني أفوق
خطافين قلوب في كل حتة خلي بالك
تتساوم على حب ووقت تتساوم على حياتك
كنت سالك كنت صادق ناو انا مرعب بالنسبالك
انا ١٠٠٠ شخص وشخص غير الشخصية الي في بالك
حان الان موعد الاحزان ما تتضايقش
كله هيعدي وكلنا هنموت فا ما تدققش
كنت حي كنت ميت صدقني ما حدش مهتم
ما حدش يرضى ياخد فوق همومه زيادة هم فهمت؟

Chorus:
وعرفت ان الضربة الي ما بتموتش بتخدر
مش بتقوي مش بتقوي وكل ما افوق الدنيا بتاخد بيا دريفت رجلي ما بتلمسش الارض انا حاسس اني بهزي
انا بهوي انا بهوي صداع من الانعزال الي قالي انت هوايتي
انا بهوي انا بهوي انا والهوا والنجوم ودماغي ومين يلحقني؟

وعرفت | w 3reft

Artwork By: صاحبي وأخويا وحبيبي أحمد هشام عمدة خيطان
https://www.instagram.com/_ahmed.h98/

Written, Performed, Mixed & Mastered By: Rashad ComBal

Beat By: Dansonn

Lyrics:

ساعات بفتكر الي كان بالحلو والمر
كأنك لسه قريبة مني والفاصل ممر 
كأن الأيام بيننا كانت ألف عُمر وعُمر
وكأن ايدي في ايدك ما سحبهاش منّي الشر

ساعات بحس كتابتي عنك قمة السذاجة
وان الي حاسه من اشتياق بيدل عالبلادة
بلومني وبرمي الاتهام على نفسي بالغباء
بكدب على مين غير نفسي انتي واحشاني بغباء

يا ريت لو ترجعي بتمنى يطول بيننا الكلام 
نومك على صوت غنايا بيعلن جوايا السلام
وكل لقاء ما بيننا الّي كأنُّه أول مرّة
احضنيني حضنك كان حل لكل الآلام

حتى لو فاكر زهقك مني وشايل منك حبة 
اظنك عارفة الي حسيته من غير ما انطق كلمة
كون النرجسية قامت بالدور في المواقف
لكن احساس منافي بيوقعني بكل محبة

Bridge 

وكأن احلامي سينما وفيلمك بس الي بيتعرض
بتيجي في بالي يوماتي بعدد الارواح الي بتتولد
بتحبي اللهجة الاردنية عشانك بيها كتبت 
وكأنك واخدة الاذن تتمني وما تلاقي رفض

هتلاقي فين تفاصيل مافيش منها اتنين في العالم؟
هتلاقي فين قصص عن قمة طالعلها بسلالم؟
لو حد غنالك من وسط كل الناس عالمسرح
لو حد بيسمعك كل الاوقات من غير ما يسرح

امضي في طريقك روحي
مش هستناكي تبوحي 
مش هتضايق ولكن
هعترف غيري حبّوكي
حتى البيرفيوم الي لسه بميزه من ألف
بيرجعلي المواقف الي لحقتها عالجرف

يا عيون في حضورها عمري ما حسيت اني محتاج حاجة
يا شعر غياب رحيقه مخلي كل حياتي سادة
بكتبلك وقت وصول المرض القاتل عالابواب
أتمنى في دنيا تانية نتصافى ونرجع احباب

السكة بينا سد
مكانك مافي حد
الايد ملازمة الخد
مافي اعصاب تتشد

الحب في زمن الكورونا

مش ذنبي ان صوتي بيكيّفك

وعرفت | w 3reft

ComBal | كُمبال

Recent comments

Zeiad Youssf

Salma Ahmadgoda

Dania Musa

M7mad Bola

Related tracks