O puttanò

Aghju compru un beddu palazzu
Un palazzu aghju compru par tè
Ma sò ch´è tù ùn sè mai sazia
U palazzu u tengu par mè

O puttanò mi n'ai fattu tantu
O puttanò mi l'ai da pacà
Mi l'ai da pacà !

Aghju compru una bedda ghjacchetta
Una ghjacchetta aghju compru par tè
Ma sò chì ti piaci a bichjetta
A ghjachetta a tengu par mè

O puttanò mi n'ai fattu tantu
O puttanò mi l'ai da pacà
Mi l'ai da pacà !

Aghju compru una bedda vittura
Una vittura aghju compru par tè
Ma tosta hè stata a fattura
A vittura a tengu par mè

O puttanò mi n'ai fattu tantu
O puttanò mi l'ai da pacà
Mi l'ai da pacà !

T'aghju compru un beddu viaghju
Un viaghju aghju compru par tè
Ma mi pigli  fruttu è casgiu
U viaghju u tengu par mè

O puttanò mi n'ai fattu tantu
O puttanò mi l'ai da pacà
Mi l'ai da pacà !

O puttanò

O chì piacè!

Quellu chì ùn beie micca vinu
Ùn pò sapè o Petru Pà
Quantu stu licore divinu
À noi ci face cantà
Quandu noi ci magnemu un morsu
Pane è prisutu o baccalà
Un pezzu di furmagliu corsu
U vinu lu face falà

O petru pà o petru pà
Senza vinu ùn si pò stà

O chì piacè 
ch´ellu ci face
È per avè 
salute è pace
Ancu à il rè
Ùn li dispiace
L'amanu tantu 
Pè diu santi
chì ùn ama què
Ûn ci hè nisunu
Face piacè
Ancu à dighjunu
Eccu perchè canta ognunu
O chì piacè o chì piacè

A figliola di zia fiora
Ùn si vulia fà tuccà
Ella dicia chì l'amore
Era una calamità
Fattu l'affare a so cummare
Maliziosa li dumandò
Cume trovi st´affare
A zitella cusì
Cuntò

Cara cummà, cara cummà 
Senza amore ùn si pò stà

Finchì tantu nantu à sta terra 
Amore è vinu ci seranu
Perchè faci sempre la guerra
Perchè sterpà l'umanità ?
Noi biimu vinu à tutte l'ore
Forza è curaghju ci derà
Dolce piacè maria a sà

O tralala o tralala 
Amore è vinu è libertà
O tralala o tralala
Amore è vinu è libertà

O chí piacè

Ghjuvan Filippu

Ghjuvan filippu era in piazza
chì pienghjia è si vultulava 
a signora li dumandò﻿﻿
ma chì ai o Ghjuvan Filì
o signora s'è vo vulessite
chì in casa eo entressi
ma pè quessa ùn pienghi
entri puru o Ghjuvan Filì
  
Ghjuvan filippu era in casa
chì pienghjia è si vultulava 
a signora li dumandò
ma chì ai o Ghjuvan Filì
o signora s'è vo vulessite
chì in stanza eo entressi
ma pè quessa ùn pienghi
entri puru o Ghjuvan filì
﻿
Ghjuvan filippu era in stanza
chì pienghjia è si vultulava 
a signora li dumandò
ma chì ai o Ghjuvan Filì
o signora s'è vo vulessite
chì in lettu mi mettessi
ma pè quessa ùn pienghi
metti ti puru  o Ghjuvan filì
 
Ghjuvan filippu era in lettu
chì pienghjia è si vultulava 
a signora li dumandò
ma chì ai o Ghjuvan Filì
o signora s'è vo vulessite
chì nantu à voi mi mettessi
ma pè quessa ùn pienghi
Metti ti puru o Ghjuvan filì

Ghjuvan filippu era annantu
chì pienghjia è si vultulava 
a signora li dumandò
ma chì ai o Ghjuvan Filì
o signora s'è vo vulessite
chì in u tafò eo entressi
ma pè quessa ùn pienghji
caccia è metti o Ghjuvan Filì

Ghjuvan Filippu

Cinciminella

I fughjitichji

A bella vita

Pitriculella

O lisa bedda

Codice part 3

Codice part 2

Codice part 1

una parolla

U prughjettu "contraversu", canti è musichi tradiziunali à contrapedi  !!!!

	Da difiniscia a musica populari si pudaria scriva  ch´ ella si ghjova in parti di i mezi tecnichi apradati in a musica sapienti è tradiziunali, prufitta à spessu di i nuvità cumirciali, di i tecnulugii d'arrighjistramentu è di l'acconciu di u sonu. Si nutrisci da tradizioni musicali varii, à u più spessu uccidintali. Si trasmetti via à l'uralità senza chjamà a scrittura o puru i studii in i scoli di musica "alta". 
	Eccu comu ci vinaria à difiniscia a musica populari, fora chì, in altrò, varca i ginirazioni, scoppia cù u gestu è a manera in i caffè citadini, in piazza à li paesi, i paroli d'una volta viaghjani da un'arechja à l'altra, è vanu da bocchi in bocchî scurtati da i trincati indiavulati di i sunadori. Sò stati mori i contastrorii mericani o irlandesi à cuntà ci i guai di st'eroii scunnisciuti da noi è chì si vestini da difetti pari è... ridimu listessu, ci cunniscimu in l'univirsali. Qual'è chì ùn hà scontru à issu Jock stewart, ind´ì nosci caffè è chì ci fà ci sapè  ch´ellu si senti tantu libaru quand´ellu godi a cumpagnia è ch´ellu sparti un bussò cù l'altri. U fondu corsu hè ellu dinò ricchissimu di issi canzoni lebbii è savuriti, quilli chì facini sbuttà a risa è chì tramandani a festa.

	"Contraversu" hè solu una rilittura di a nostra lascita culturali, quilla immatiriali tramandata mori di più in i caffè isulani, à u bancu di i festi, quilla chì hà francatu i foci è chì ugnunu faci soia, mutani certi volti i paroli da arradicà li in un locu o in una parsona. 

	"Contraversu" cù a so arradichera ind´una cultura à tempu citadina è paisana, à tempu corsa è internaziunali, pruponi una visticata in issu cantu nustrali schirzosu, nutritu da i soni antichi è cuttempuraneii, i rifarenzi d'altrò ci sò, sò soii è sò mossi da u piaceri di cuntà vi à l'usu nustrali i paroli d'una volta.

	"Contraversu" si scrivi ind´un spiritu di scambiu artisticu chì anima u cullittivu Corsica Sound, hè cusì ch´elli ci ani datu una manu l'amichi Bruno Vidal è Dumè Tomasi, ch´elli fussini ringraziati à sempiternu.

        "Contraversu" rispetta u dettu populari : "a cultura esci da u populu è volta à u populu", pudareti di rigalu telecaricà i tituli via soundcloud.


Intantu vi lascemu senta è campeti vi, com´è noi ci semu campi musichendu è sunniendu st'opara !

Tonton è Ziu Micheli





contraversu

Popular tracks