Бадрууган

Дурсамж

Үнсье

Ариунаа Жинжиймаа  Ariunaa jinjiimaa

Ариунаа Жинжиймаа

Нандинцэцэг - Хунгийн дуу

Саруул шөнийн сувдан шүүдрийг 
Шимсэн цэцэгс сэрүүн байна
Сэтгэлтэй чамдаа хэлсэн үгийг 
Сэрүүн цэцэгс сонссон болов уу

Улбар туяат үүрийн гэгээг
Угтсан цэцэгс унтаагүй байна
Учралт чамайгаа таалан байхыг
Удвал цэцэг мэдсэн болов уу

Зургаан сарын наран хураар
Зүйлийн цэцэг өнгөтэй байна
Зүйтэй чамдаа жаргал ерөөж
Зуны цэцгийн баглаа барья 

Unknown Album (4/12/2007 4:17:39 PM)

Бадрууган - Сэрүүн цэцэгс Badruugan - Seruun tsetsegs


Нүүрнээс чинь туяа цацарч нэвт гийгүүлнээ
Нүднээс чинь гэрэл бадарч толти тоглуулнаа
Зүрхэнд чинь лянхуа дэлгэрч илт харагднаа
Зүүдэнд минь наран мандуулж сүлд сэргээнээ

Аяа уяхан хорвоон хань мину зээ
Аяа учран жаргаах амь буюу чи

Аашаар чинь орчлон баясаж од мишээмээр
Ажлаар чинь олон бахдаж сод жишээлмээр
Санаанд чинь дэлхий дэвтэж навч нахиалмаар
Саруулд чинь дэнлүү автаж өвч гялбаалмаар

Аяа уяхан хорвоон хань мину зээ
Аяа учран жаргаах амь буюу чи

Золбоот чи түмний зүрхэнд оч үсрээснээр 
Золоор би түүний эрхэнд орж бишрэе ээ
Ашгүй чи ариун журмаа над хүртээснээр
Азтай би халуун илчий нь олж гялайжээ

Аяа уяхан хорвоон хань мину зээ
Аяа учран жаргаах амь буюу чи



Бадрууган - Уяхан хорвоон хань Badruugan - Uyhan horvoon hani

Төрсөн нутгийн үзэмж шингээд
Танхилхан чамайг үзэсгэлэн болгожээ
Төрүүлсэн эхийн чинь намба шингээд
Хонгорхон чамайг энхрийхэн болгожээ

Харах тусам нүдэнд өөриймсөөд
Хайрлах тусам зүрхэнд хоногшоод
Хайртай болжээ чамдаа би
Ханийн жаргал хайрлаач наддаа

Онгон зүрхний чинь хайрыг амсах гэж
Орчлонд би төрсөн байжээ
Унаган хайраа чамдаа нээгээд
Учран жаргахын тавилан байжээ

Жаргал амтлан мэлтрэх сайхан нүдний чинь
Хайрын харцыг сэвтээхгүй байж
Замбуулин хорвоог хамтдаа элээх
Ханийн түшиг чамдаа амлая

Бадрууган - Гэрлэж амжаагүй явна Badruugan - Gerlej amjaagui yvna

Хүлээсэн хавар

Сэвлэг илбэх ялдамхан сэвшээ
Сэтгэлд хөвөлзөм урины улирал
Догдлон тэмүүлэх налгархан өдрүүд
Дотно андын уярамхан мишээл

Хүслээр төрсөн зөгнөлт сайхан ирээдүй
Хөврөх амьдралын анхны алтан хавар аа

Цэцгийн түрүүч цэнхэр яргуй
Цээнийн талд нүүдлэх улирал
Холыг зөгнөсөн нууцхан хүслэн
Хонхон шаргиа сүүлчийн чимээ

Хүслээр төрсөн зөгнөлт сайхан ирээдүй
Хөврөх амьдралын анхны алтан хавар аа

Сэвлэг илбэх ялдамхан сэвшээ
Цээнийн талаар сэвшин наадна
Холыг зөгнөсөн нууцхан хүсэл минь
Хонгорхон зүрхэнд уярал төрүүлнэ

Хүслээр төрсөн зөгнөлт сайхан ирээдүй
Хөврөх амьдралын анхны алтан хавар аа 

Холыг зөгнөсөн нууцхан хүслэн
Хонхон шаргиа сүүлчийн чимээ

Бадрууган - Хүлээсэн хавар Badruugan - Huleesen havar

Хонин цагаан үүл нь ээ хө
Хувирч сэмрээд нүүлээ дээ хө нүүлээ дээ
Хонгор жаалхан чамтайгаа би ай хө 
Ханилахын заяа ч дутлаа даа хө

Наадан тоглох нүд чинь ээ хө
Нүглийг ч мартмаар тормолзоно доо хө тормолзоно
Найдан дассан сэтгэл минь ай хө
Насан туршдаа ганцаараа хө

Цайдам хээрийн салхи нь ээ хө
Цагийг элээж урсана даа хө урсана даа
Цайлган томоогүй амраг минь ай хө
Цээжинд үүрд оршино оо хө

Тосоод ирсэн тавилангаас нь хө
Тойрч гарахын аргагүй дээ
Торомгор жаалхан амраг минь чамаасаа
Тасраад одохын ч аргагүй дээ хө

Бадрууган & Оюундэлгэр - Хайрын дурсамж

Qudr

Related tracks