АЦО ШОПОВ- СТО ГОДИНИ ОД НЕГОВОТО РАЃАЊЕ (2023)  Го барам својот глас  Го барам својот глас во молкот див на морето, оно се скаменува. Во жолтата пустина на есента го барам, она зазеленува. Моите раце не се мои раце (моите раце се прсти на месечината). Моите очи не се мои очи (моите очи, очи за далечината). Мојот збор е тврда вилица на времето што ‘рти по нивјето со заби на семето. 

Ацо Шопов, "Слеј се со тишината", 1955 
 Рецитација: Валентина Ѓоргиевска Парго 
Музичка илустрација Диџеј Вани Манев 
https://soundcloud.com/vani-music/djvani-jewitt-smile
Write  Valita Hefner Kiedis

Ацо Шопов - Го барам својот глас/Рецитација: Валентина Ѓоргиевска Парго

Лузна
Те оградив cо девет градини, крви,
те затворив во девет грла,
што бараш уште, зошто ме прогонуваш, крви,
зошто закануваш со своето копито темно,
зошто незасито?

Те оградив во девет градини, девет грла,
смири се, крви, слегни во своите темнини
на чие дно твојот црвен вепар
одамна бара пештера за починка.
Слези во своите темнини, крви,

и не обѕирај се,

нема подобро место од ова што ќе скроти,
од овие девет градини, девет градини
што живеат од твоето зеленило,
од овие девет грла, девет грла
што ја пеат пролетта на твоите песни.
Слези во своите темнини, крви,

и не вели ми:

Слушај како татни од далечина,
слушај како татнат сите кории,
идат коњи по пат од ѕвезди и месечина,
идат коњи, коњи, коњи, коњи дории,
идат коњи да ме прегазат,
идат, идат ќе ме прегазат.
Но јас ќе ги ритнам со копитото
ќе ги ритнам право сред чело,
да ме паметат, да ме прикажуваат
и лузната да им свети навечер,
во нивните ноќи без месечина,
во нивните денови без светлина,
на нивните патишта под бурјани.

Не вели ми, крви. Крви, смири се,
оградена со девет градини,
затворена со девет грла
Како некој семоќен владател
на некоја непристапна тврдина.

Ацо Шопов, Небиднина, 1963
Песната за првпат е објавена во списанието Современост, VIII, бр 9. 1958
Ацо Шопов,
Рецитација: Валентина Ѓоргиевска Парго
Музичка илустрација Диџеј Вани Манев
open.spotify.com/album/4mmyALcNy052Tk5cgGGkKZ
Write to Valita Hefner Kiedis

Ацо Шопов -Лузна/Рецитација: Валентина Ѓоргиевска Парго

"Во тишина"
Ако носиш нешто неизречено,
нешто што те притиска и пече,
закопај го во длабока тишина,
тишината сама ќе го рече.

Ацо Шопов, "Слеј се со тишината", 1955 година
Сто години од неговото раѓање
Рецитира: Валентина Ѓоргиевска Парго 
Музичка илустрација: Диџеј Вани Манев
https://open.spotify.com/artist/4fGyUzKthskH9GyL89saNu

Ацо Шопов -"Во тишина"/Рецитира: Валентина Ѓоргиевска Парго

"Настан на езерскиот брег"

Веста прелета секавично
и сиот народ слезе на езерскиот брег
каде тој лежеше преморен и забревтан од долгиот пат,
тој крилест коњ со ѕвездена светлина во очите,
со сибирско иње во ноздрите,
со сахарска песочна прав во гривата.
Сиот свет го обиколи, ги прелета сите мориња и океани
и одвај смогна сили да се спушти тука на родното езеро
за да се напие бистра вода, ладна и лековита.
Слета и легна на брегот, забревтан од долгото патување,
легна крај езерото, а немаше сили да го направи
последниот напор: да се нурне во водата бистра и лековита
што ќе му ги собере силите
и ќе му го поврати животот.
Собраниот народ се туркаше и мрмореше крај него:
жените му се молеа на бога милозливо, децата џараа со очите
за едни од мажите тоа беше невидена лудост,
за други попусто патување и бесцелен летот,
додека за него тоа беше највисока смисла на животот
да ја открие родината откривајќи го светот.

Три дни лежеше тој крај водата езерска
без сили да се соземе,
три дни ни стануваше ни умираше.
Три дни народот чекаше трпеливо,
а четвртиот ден почна полека да се прибира дома
оставајќи го сам коњот на езерото.
И токму последниот човек тргна да си оди
кога плисна пороен дожд и езерото почна да нараснува
а бранови да го заплискуваат коњот крај езерото.
Од бистрата вода и лековита соземен
кoњот ’рзна неколку пати колку што грлото можеше да го додржи,
а народот исплашен почна да се враќа назад
и без да сака го виде коњот како се нурка во езерото
како се игра со брановите и пие вода бистра и лековита.
Сево ова траеше само неколку мига,
а потоа коњот излезе на брегот
и повторно се вивна нагоре како првпат да го започнува летот,
носејќи ја со себе својата највисока смисла
откривајќи ја родината да го открие светот.
Ацо Шопов, стихозбирка"Песна на црната жена", 1976 година
 Сто години од неговото раѓање!
Подготви: Валентина Ѓоргиевска Парго 
Музичка илустрација: Диџеј Вани Манев
https://music.apple.com/us/artist/djvani/547987709

Ацо Шопов -"Настан на езерскиот брег"/Рецитација: Валентина Ѓоргиевска Парго

Необични личности: Михаил Китановски

Михаил Китановски има две лични карти. Едната е: тоа што во јавност е познат како долгодишен неразделен партнер на познатата ТВ спикерка и мис на Македонија за 1992 година, Татјана Стојановска. 

Другата негова лична карта е - во бизнис заедницата, каде е мошне познат како врвен консултант за менаџмент и сопственик и генерален директор на своја компанија за консултантски услуги.

Но, верувале или не, има дури седум професии за кои е академски едуциран во земјава и во Америка, а дипломирал јавна политика и менаџмент, потоа и магистрирал. 

Овој успешен скопјанец, со ресенско - охридско потекло, има завршено и Музичка академија и затоа во својата презентерска дејност ја комбинира и експертизата за пијано- класична и џез реторика.

Признат за својата работа, Михаил има искуство од соработки со преку илјада клиенти на четири различни континенти, во преку 30 различни држави и во над 70  различни индустрии.

Неодамна (на 16 март 2023 година), во хотелот Александар Палас на конференција на "Бјути мед", каде беше ангажиран за презентација на содржините, ги одушеви присутните свирејќи на 
пијано, и на сцена и спонтано во самото фоаје. 

Подготви: Валентина Ѓоргиевска Парго 
Музичка илустрација: Диџеј Вани Манев
https://music.apple.com/us/artist/djvani/547987709

Необични личности: Михаил Китановски

ДИЏЕЈ ВАНИ : Мојата приказна е како од бајките!

Разговараше : Валентина Ѓоргиевска Парго

https://music.apple.com/us/artist/2-crazy-deejays/865725190
https://open.spotify.com/album/4LujjVTQZPR9taNTDqcerc
https://open.spotify.com/album/47D6g6lRvAbh0Az8v0A0Br

ДИЏЕЈ ВАНИ : Мојата приказна , како од бајките!

Amour
Toi qui me donnes la force d’être tel que je suis,
Toi qui portes mon épée avec un doux sourire,
J’ai été une fois enfant, pure bonté et amour,
J’ ai été ton innocence et ton chagrin.
Toi l’inaccessible à la pensée étrangère –
Je me tiens nu devant toi comme une inspiration.
Aco Shopov

Рецитира: Валентина Ѓоргиевска Парго 
Музичка илустрација: Диџеј Вани Манев
DjVani-Amour
Soon in all music stores

Ацо Шопов -Amour (Echo)/Рецитација: Валентина Ѓоргиевска Парго

Amour
Toi qui me donnes la force d’être tel que je suis,
Toi qui portes mon épée avec un doux sourire,
J’ai été une fois enfant, pure bonté et amour,
J’ ai été ton innocence et ton chagrin.
Toi l’inaccessible à la pensée étrangère –
Je me tiens nu devant toi comme une inspiration.
Aco Shopov

Рецитира: Валентина Ѓоргиевска Парго
Музичка илустрација: Диџеј Вани Манев
Soon in all music stores

Ацо Шопов -Amour/Рецитација: Валентина Ѓоргиевска Парго

"Тајна љубов"
Стихови: Цане Трајчевски
 Рецитира: Валентина Ѓоргиевска Парго 
Музичка илустрација: Диџеј Вани Манев
https://soundcloud.com/vani-music

"Тајна љубов"/Рецитација: Валентина Ѓоргиевска Парго

Гледач во пепелта - Ацо Шопов

Изгасни песно во огнот што го запали сама.
Прска зборот и исчезнува во пепел од кремен.
Гледачу во пепелта, ја препозна ли во неа исконската драма
што доаѓа од дното на овој извор темен.

Песно, те откинав од клунот на птица во крвта што ми лета,
од црвеното небо на запалените вени,
од тие далноводи на два непомирливи света,
тие изгрејсонца со неодгатнати мени.

Те откинав од гневот на иконите, тие нерaзбирливи гами,
од громот врз копјето на воинот со камен што е сраснат,
од сонот на тие повисоки што се од сонот што ги мами,
и што се раѓаат пак откако еднаш згаснат.

Сега сме два света, два врага, две завојувани страни,
сега сме војна без излез и кама против кама.
Кој е победен? Кој победник? Кој со изгрев на осмислени рани?
Изгасни песно во огнот што го запали сама.

Ацо Шопов, Гледач во пепелта, 1970


Рецитира: Валентина Ѓоргиевска Парго 
Музичка илустрација: Диџеј Вани Манев
https://soundcloud.com/vani-music

Гледач во пепелта - Ацо Шопов/Рецитација: Валентина Ѓоргиевска Парго

Жена во ивернажот

Се прелева чашата на ноќта. Истура пороен дожд.
Ноќ и дожд. Дожд и ноќ. Ивернаж.
И една жена сама во ноќта и ивернажот.
Под далечниот татнеж на там- тамите
змиулесто се извива на дождот
како во прегратка на маж.
Една жена во ноќната стара и чкрипава кола,
една жена од бучавата на дождот пробудена,
една жена од радост излудена
танцува во ноќта, на дождот, сама и гола.

А дожд врне како лекување на тешки рани,
како ослободување од темни сили и страсти,
врне како шепотење, како милување: Стани! Расти!
Дожд врне и нема крај на овој ивернаж,
додека жената змиулесто се извива на дождот
како во прегратка на маж.
Дожд врне и чудни приказни плете,
како раѓање и плач на првото дете.

Ацо Шопов, Песна на црната жена, 1976

Рецитација: Валентина Ѓоргиевска Парго 
Музичка илустрација : Диџеј Вани Манев
https://soundcloud.com/vani-music

Жена во ивернажот -Ацо Шопов/Рецитација: Валентина Ѓоргиевска Парго

Интервју со Бобан Мирковски, за неговиот нов албум "Албум"

Разговараше: Валентина Ѓоргиевска Парго 
Музичка илустрација: Диџеј Вани Манев
https://soundcloud.com/vani-music

Интервју со Бобан Мирковски, за неговиот нов албум "Албум"

Ќе те сретнам после многу лета- Ацо Шопов

(Ацо Шопов Штип- 20 декември 1923- 20 април 1982 година, Скопје).

Рецитација- Валентина Ѓоргиевска Парго 
Музичка илустрација: Диџеј Вани Манев
https://soundcloud.com/vani-music

Ацо Шопов-Ќе те сретнам после многу лета/Рецитација: Валентина Ѓоргиевска Парго

Valentina Gjorgievska Pargo is a freelance journalist, covering the scen, cultur and music events in the Balkans for more than three decades, also was covering 13th Eurovisions on the spot. 
She also deals with topics of human and women's rights. She is a member of several international organizations of investigative journalists.
*
DjVani is a music illustrator and composer of Pop;Dance;Edm;Oriental;Ambiental  music for more than three decades, he has been released several Albums  singles and tapes.
https://soundcloud.com/vani-music
https://open.spotify.com/artist/4fGyUzKthskH9GyL89saNu
https://music.apple.com/us/artist/djvani/547987709

CULTURE CLUB

Popular tracks