سهران لليل 
وبشوفك علي فنجال قهوه 
قاعد ساكت يمكن اهوي 
من اني ابكي وانا دمعي طويل 
انا عيبي في قلبي ماهوش نساي 
بعدين ازاي ! 
انساكي يابنت صراخ الناي 
مش ناسي الرجفه فـ عز البرد 
رغم اني فـ ايدي مج الشاي 
الساعه اتنين 
سهران وحدي ده بحكم البعد 
قاعد واحدي
ولكني تلاته بيحكو لبعض 
1 :- 
كنت بجيلك 
واما اناديلك 
القي دموع بلت مناديلك 
بدأت فكرة اني هزيلك 
في بداية الاسبوع الجاي 
..
قلبي العطشان محتاج نيلك 
قومي بالتلحين فهغنيلك 
هكتبلك شعر بكل هدوء 
وهسيبلك قلبي يعيش مخنوق 
مقسوم نصين : 
نص الموجوع ديما بيموت 
والنص الحي 
انا اسف 
انا اسف مضطر اغيب فتره 
يمكن لما اجي يكون بكره 
يمكن بعده 
يمكن حتي العمر الجاي . 
2:- 
كان الحنين قتال 
والحب علو جبال 
والشوق خناجر موت 
وانا قلبي مش حملك 
كان حلمي اكون حلمك 
وانا كرهي للجبروت 
كنتيلي ضربة موت 
دفناني وانا صاحي 
ضلع الفراق قتال 
لو مت ترتاحي ؟ 
ياعيوني نفسي ارتاح 
وكفايه انا مخنوق 
لو كنت انا سكران 
خليني بس افوق 
وانا عمري ماشرب تاني 
انا قلبي بيدور 
علي حاجه فيتاني 
3:- 
انا مشهد حزن في حضن مرار 
ومع التكرار 
وخلاص معلش 
وبقول اهي فتره وهتعدي 
وقلبك بيغش 
في القلب اللي ما داب غير فيكي 
تسيبيني كا ورد يموت عطشان 
وفي نفس الوقت اجري عليكي 
اعصر ازهاري .. 
وبسقيكي 
دانا ورقي بيخلص في قصايدك 
وبشيل اوجاعك في مصايدك 
واسيبك حُره بدون ترابيس 
حتي منامك ..
من غير كوابيس 
تنسي اللي ما بينا بدون تركيز 
وكإنك بحر
كارهنا نعوم وياه مسافات 
وحاببنا نعيش وياه عاجزين 
لو شايفه اننا هنكون شيء فات 
انا عمري ما شفتك 
ماضي حزين 
وليلاتي اكون محتاج قلبك 
ولا ليله احتجت البني ادمين 
فا العيب علي مين !
واما ظهر الصبح 
كان كل شيء جي انعكاس 
نور النهار يقلب لقبح 
كنت شايف الموت في كاس 
شربته 
شربني 
راحت الانفاس .
https://www.facebook.com/m.s5554 الايميل الشخصي:-

كُل الحِكايه

القصيده دي تأليف خيالي 
لقلب عمره ما كان في بالي 
كنت شايف كل حاجه إلاكي 
ربي اللي خلي الحب .. خلاكي 
إياكي يوم تنسيني وتسيبي 
لو حتي ظرف خلاني غيبت 
إوعاكي تعاندي وتغيبي 
شكلي هضيع عمري وياكي 
..
إنتي القصيده الرفيقه لسنيني 
جيبتك ، فتوهت رجعت ، فلقيتك 
سايق عليكي النبي .. إوعاكي تنسيني 
كل القصيده بيوت .. كل الغزل بيتك 
.. 
كل التغير في اللي فات تُخنك 
من غير قلق شهرين رجيم 
وهتبقي نيللي كريم
تخنك يادوب سته كيلو ونص 
بتخسي لما بتضحكي 
مش عارف انتي بتضحكي علي ايه ؟
شفتك جدار 
داخ قلبي فيكي فاتسندت عليه <3 
إوعاكي تتحركي .. هاخدك كمان صوره 
ياللي إنتي أجمل صُبح في شهور الربيع 
واسمك ساعات بيقولوا بالليل المذيع ، فبغير 
سيبك مالهزار ، والهم ، والفرجه عالكوره 
خليكي جوه القصيده عشان تعيش 
انا قلبي ليكي حب مالدراويش 
بيخاف يشوفك يقتلك غيره 
وان شاف جمالك يشربه بيره 
يسكر لفتره ، فيعترف بحاجات بتفوقه بشويش 
..
كل الجمال في اخواتك إتصفي في عنيكي 
كل الشغف والحزن اتصفي في ايديكي 
جت ايدي مره بتسلم عليكي 
أصبح معاكي مفيش 
..
كل اللي جي معايا ده انتي
كل اللي فات جوايا لو كنتي 
سيبتي اللي فاتك .. ولمحتي بلكونتي 
هتلاقي روحك جنبي في سفينتي
بس اركبي قبل الطوفان ❤
طب يلا نبقي مكان 
مهجور بدون سكان 
فيه الشغف والليل 
هكتب إليكي 1000 بيت 
وبالنهار هكتب لك المواويل 
حتي اسمعي 
أو جمعي كلمة بحبك من البيوت 
استسمحك 
لو كلمة مني هتجرحك متدمعيش 
انا عاوز أعيش 
انتي نفسي ارافقها في الأزمنه 
أرافقها في الأمكنه 
ألمحها حتي جوه روح الأنا 
كلك علي بعضك 
لو بالنصيب راح نفترق 
هتمني ايه بعدك 
طب يلا هنجرب ..
ونقرّب المسافات ..من غير مايوم نحتاج
للي فرقنا وفات 
يا معقّده المفكوك .. ضمّيني جوّاكي 
يمكن نلاقي مكان 
يسكرني شوق وجنان .. يحضني جوّاكي 
غايبين عن السامعين 
عازفين دموع الحان 
فاهمين كلام البشر .. سايبين في نور القمر 
علامات في كل مكان
ـ
ونشيل سوا ذنبنا .. ونعيش حلال جنبنا 
والذّنب كان قلبنا .. فانتوب سوا لربّنا 
ـ
ونرتّب التفاصيل .. ونقولها بالتفصيل 
فانفرط المفكوك .. شدي الحبال فاتسيل 
ونفكّك المعقود .. يا مرجّعه المفقود 
شدّيني جوه الروح .. خلي النفق مسدود 
ونعيش سوا جوّاه .. ونسيب كلام مشدود 
شامم لريحة حضن .. تيجي هنا نلقاه ❤
شامم لريحة حضن .. تيجي هنا نلقاه

https://www.facebook.com/m.s5554 الايميل الشخصي:-

" قصيده " مِن وَحي الخيال

القصيده #شعر #الشاعر#شيء#يشعر#بيه <3

https://www.facebook.com/m.s5554 الايميل الشخصي <3

"قصيدة"السّيره

https://www.facebook.com/m.s5554 الأكونت الخاص بي

مصطفي السعيد

Popular tracks