تصاعد أنفاسي إليك عِتَابُ - High Quality

من اجمل ما غنوا اسكندريلا: 

عينى فى عينك

يعنى انتى مصدقة

بينى و بينك

أوطان متفرقة

كوابيس متحققة

و ذنوب متلفقة

إيه الحكاية بقى

مش ناوية نتصالح

يا شمس داخلة عروتى و كمى

تشبه أبويا فى ضحكته لأمى

ليه كل حاجة مغيرة حسنك

لا دى ابتسامتك ولا ده حزنك

خدى فى حضنك فقرنا و ضمى

و خدى بإيد الحلو و المالح

و تعالى نتصالح

ذاعوا لنا كام غنوة و ما سمعناش

و خدنا كام خطوة و ما لحقناش

مين اللى كان بالخطوة دى بادئ

و ليه فى مكان البيت باكون لاجئ

الفجر صادق ليه ما صدقناش

و ليه نسينا ضحكة امبارح

و رفضنا نتصالح

اسمك ممشى الريشة على عودى

جنبى و مسافرة امتى ح تعودى

عودى ندهلك لما عودك طل

ما تخلينيش فى الحب ده أتذل

على الأقل اعترفى بوجودى

ده انا اللى باعبد فلك الطارح

و انا اللى راضع عيشك الصابح

ما تيجى نتصالح


اسكندريلا -  عينى فى عينيك (Eini Fi Einek)

أداء: مريم، أحمد مصطفي، دودو، وعود كريم سامي، كلمات ولحن أيمن حلمي، عن تيمة فولكلورية ولحن لسيد درويش
الأغنية من تتر فيلم عين شمس، فيلم مصري روائي طويل، إخراج /  إبراهيم البطوط

http://www.ibrahimelbatout.com/

Ya Aziz Einy يا عزيز عيني

Maryam Saleh - Wahabt Omri Lel Amal | مريم صالح - وهبت عمري للأمل

رسيني - جمالات شيحة - فتحي سلامة - شرقيات

البوم فيروز كراوية - بره مني

"بطلى المثالى"
كلمات: عمر طاهر
ألحان: شريف الوسيمى
توزيع: أسامة الهندى

05.Bataly El Mesaly - بطلى المثالى

زي العيال - صباحية العيد الصغير
متبعترين زي الندى
ومعلقين الفرحة في البلالين
وميقصدوش رش الغنا في الجو 
ولا دبروش للضحكة
كل اللي واخدهم.. حنين للضي

زي العيال دي
 انا كنت عيل مبتدي بالنور
كاشف ضباب الزحمة.. والمرايات 
ومظبّط العالم على قدي 
ومبحبحه حبة
.. علشان يساعيهم

ريحة تراب الفرن مالية لي نخاشيشي 
فملكت حقي في لحظة التخليق 
ومابنكسرش.. لأني مش ممسوك 
ومابتمسكش.. لأني مش محدود
واسع يا حوش المدرسة.. يا وسط دارنا
مطلوقه مُهر الخُضرة قدامي 
ملها لجام.. غير النسيم.. والعين 

ماسك مدار الشمس بصباعي الصغير
لافف خيوط البدر ع التاني
طبّقتش ايدي؟.. لسه مفرودة
لسه الغنا عارف يناغشني
قادر ألمّ الليل في سيالتي
 وأقزقزه حبة ورا حبة

وولاد حارتنا مسهرين الليل
 ومفتحين جفني على الآخر
نقدرش نصبر ع القمر مخنوق
صوت الصفايح تاخر العتمة
وصراخنا جاب بنت النبي.. فاطمة 
لعبت معانا لحد ما شبعنا

وأمي ابتدت تتهجّى في عيوني
 إن البكا مش ضعف.. ده استغفار
وإن المسافة ما بيني وبينهم.. الدهشة
وإنّي ابتديت بالحلم م البيضة 
مابقولشي عارفه.. بس حاسة بشئ
يمكن متفهمهوشي دلوقتي

والشمس حامية.. بس مبتقتلش
والنخل عالي.. بس طوبة تجيب

محفظتش الخطبة.. عشان وحشة
درس الحساب بايخ.. علشان بيحسب حسبته بالظبط
والشيخ مخوّفني من الآخرة
ما بقيتش أروح الجامع إلا عشان: 
أقدر أشوف الغيط من المادنة
وأضحك على اللي بغلته سفّة

بنت أختي قارعة.. والمطر بيرخّ
والسقف يِنْقَع.. عفشنا يِكمَش
والبرد حاسس بينا.. ومقدّر
مش زي برد القاهرة الماسخ.. حسسني إنّي غريب

وقعدت أدور ع الونيس.. ولقيت
لكن أخدني البنك من نفسي
ما أقبلش أكِل.. وقلت: ح القاني
ولقيتني تايه في النيون
مركون لحد الناس ما تتوضى 
ويرتلوني في لحظة ويعدوا
ما بيلحقوش ولا حتتين سكر
ولا داقوا ملمس ضحقتين بُكَّر

قلبي اللي كان قلبي صبح خُردة
صعبة الملامح ع اللي ما بيشوفش
مقدرش أجِيلك كل يوم مهدود
 شايل جفون الخلق وذنوبهم..

يا لون حبيبتي اللي ملوهش مثيل
اوعي النيُون يبهَت عليك
كسر براويزك وطلعني
دور المسيح.. ما عادش ينفعني
رجعني عيل
 او منيش لاعب.. 


كلمات الفنان والمؤلف والمخرج المسرحي: صبري فواز
وموسيقى فيلم الكبار لخالد حماد.

صبري فواز - حنين للضي / Sabry Fawwaz - Hanin L Elday

تفرانيل 100
كلمات والقاء مصطفي ابراهيم
الحان و غناء شادي مؤنس
توزيع رفيق عدلي
وتريات هشام مصطفي
اوكورديون بيشوي شنودة
ايقاعات ايمن مبروك

Tufranil تفرانيل

مزج لتراكم اصوات العفن حول مصر
الأصوات :-الافلام- ثرثرة فوق النيل , بنتين من مصر, الكيت كات, لعبة الست, هيستيريا
-الاغاني: | احبك حبين: فرقة ابن عربي, ام كلثوم, ريم بنا |, الف ليلة وليلة أم كلثوم
شعر: على طالباب : عن مضاجعة الواقع, أحمد حداد : أوبريت الثورة
موسيقى الخلفية Sukun (Ney)  Huseyin Ozkilic
اصوات "حقيقية" من ميدان التحرير وميادين مصر
شكر للمبدعين الأصليين للأعمال. وشكر خاص على طالباب

01.المزيج العميق_عفن

راح أحلفك بالغصن يا عصفور من الأغاني المفضلة ليا ولماما. بعتهالها وعجبتها وبعد كام يوم حبيت أشاركها هنا للأصدقاء والغرباء لو جت في سكتهم.
الصورة للفنان سلام يسري.

راح أحلفك بالغصن يا عصفور

مزج لتطابق حكايات في تاريخ مصر
الأصوات : الافلام : عين شمس - الأرض - ضد الحكومة - احنا بتوع الاتوبيس - عسل اسود
تقارير: تغطية قناة الجزيرة و اون تي في لحادث قطار اسيوط
تسجيلات : حوار مصطفى محمود - مقتطفات من برنامج آخر كلام - حلقة مجلس الشعب باسم يوسف
الاغاني : الف ليلة وليلة : ام كلثوم - يا عرب : الشيخ امام - يا عزيز عيني : مريم صالح
شعر: امل دنقل : شجوية - على طالباب : الكمال - أحمد حداد : أوبريت الثورة
موسيقى الخلفية : Lent Et Douloureux - Gymnopédie I
Harry Gregson-Williams - Wall Breached
Yasser Abdel Rahman - Hekaiat El Ghareb - P2
Yasser Abdel Rahman - El Helm
اصوات "حقيقية" من ميدان التحرير وميادين مصر
شكر للمبدعين الأصليين للأعمال

راح أحلفك بالغصن يا عصفور

Dai

Recent comments

Nourhan Emad Hajjaj

Ahmed Elmokayed

Waddah Mouti

Ahmed Adel

Related tracks