talks

Maher Fayez_ hay3'yr shaklak

نصب الصياد الفخ وقال الواد يلزمني
هاتوا رجله وشدوا الخيط تاتا تاتا
اوعي تخلوه يستنجد وينادي الدعم .. 

روحوا ويكون ف ايديكم
كام غيمة وسهام افكار
مليانة بحيرة ومتاهة وتجيب الهم .. 

والغيم ان يكتر
يحجب عن عينه الضي
والضلمة ان زادت
ساهل يلقط جواها الطعم .. 

الواد لو يصرخ يهزمنا
ف حذاري تدوه الفرصة
وان حاول يتذكر بنويته
اعموه واملوه باليتم .. 

صوروا ليه انه بطوله
وانه يا عيني هيتاكل
دي دياب ووحوش وحاجات
اضعاف اضعافه ف الطول والحجم .. 

الواد لو يشكر يهزمنا
خلوه يتذمر علي حاله
ويبات أيامه بيتشكي
وقولوله "ربك عايز" وارموه بالسهم .. 

الواد لو يمسك ف ايمانه
ويسيب الآية علي لسانه
هيمد عصاية سلطانه
ويجيب الميه من الصخرة
ويجيب من فوقه أكل ولحم .. 

الواد لو يصبر هيعدي
لو طار يتخبي ف برج الاسم ..
الواد لو أعلن دم الله
ولا حاجة هتنفع قدام الدم ..



حرب

عمل الصلاة السري - من كتاب حياة الصلاة | ماهر فايز

مد ايده قالي قوم
قالي يلا وهات ايديك ..
قوم جايبلك كل حاجة
يا نني عيني، روحي فيك ..

انت حلو
وتبقي احلي لو ضحكت ..
لو عينيك شافتني تاني
لو ل ميه راحتي رحت ..
هات ايدك وسنّد عليا
ليه بنمشي ومرة واحدة
القاك يا ولدي فجأة سبت ؟! ..

قوم حبيبي
قوم واغسل وش حزنك
فرحي ده لمين يا ولدي إلا ليك ؟! ..
صمتك دا عارفه وعارف امتي
يبقي عادي وامتي يبقي م اللي فيك ..

حضني بحر
وانت شاطر بتقول هأقرب
وبتبقي خايف وقت النزول ..
والنزول ساهل تملي وصعب خالص
واديني سايبك وباعت لقلبك ميه رسول ..

بقالنا مدة
مخبي عني كل حاجة
تاعبك انك تسكت وتشيل ..
كنت تحكي زمان وكنت
مديلي ودنك وبدأت تميل ..
يلا قولي رغم اني عارف
يلا احكيلي وبالتفصيل ..

يلا اضحك
يلا اضحك وسيبلي شيلتك
خليك خفيف يلا وطير ..
ارمي همك يا حبيبي وافرح
مش انا برده الكبير ؟!!

تحريرا في ١٩ من أبريل ٢٠٢٣م

يلا قوم

معرفش بكرة مخبي ايه
معرفش آمن ولا خطر ..
معرفش بكرة مين معايا
ومين عليا بين البشر ..

معرفش بكرة هابقي فين
وجيبي فيه ولا افتقر ..
معرفش بكرة بس عارفك
يارب جنبي طول السفر ..

معرفش بكرة بس عارفك
وعارف انك سندي الكبير
وانك ابويا واقف ف ضهري
وانك أماني طول المسير

معرفش بكرة بس عارفك
وعارف لا يمكن ابدا تخون
وعارف ياربي حبك دا ثابت
لو مهما تلعب بيا الظنون

معرفش بكرة بس عارفك
وانك بتقدر علي كل شيء
ومفيش امور تستعصي ابدا
وانك كفاية في كل الطريق

معرفش بكرة بس عارفك
وعايز اعرف اكتر واكتر
ويبقي اتكالي عليك تملي
وعايز ايماني يبقي اكبر.

تحريرا في ٢٨ من أبريل ٢٠٢٣م


معرفش بكرة

مالك يا حبيبي احكيلي
وشك مخطوف ومكرمش ..
ودماغك شاردة ومقلوبة
تايه في العتمة وبتلوش ..

شكل الموضوع اياه
قام تاني وزود في عياره ..
ارتحت وقلت هتنساه
وباين له رجعلك بأفكاره ..

وسؤال بيجر سؤال
وياريت بتجر ياريت ..
والذكري بتحضر ف الحال
وأماني تنسي وعديت ..

أنا حاسس وإن يوم حستني
مش حاسس ولا سائل فيك ..
أنا ابوك واعرف تفاصيلك
من صوتك أو شكل عينيك ..

أنا جنبك وإن كنت مفكر
أنا سايبك بتعاني لوحديك ..
دي دموعي بتسبق دمعاتك
وجناحي أنا فارده مخبيك ..

صمتك أنا سامعه بيصرخ لي
وصراخك يوجعني عليك ..
وآهاتك بتوجّع فيا
زي تمام ما بتوجع فيك ..
دا لا يمكن اقسي واتفرج
ولا اشيل وياك اللي بيحنيك ..
اتشدد يا حبيبي في قبرك
وقيامتي بروحي هتحييك ..

تحريرا في ٢٩ من أبريل ٢٠٢٣م

#إهداء_لصديق_غالي
وإهداء من القلب لكل حد تعبان بسبب مواقف قديمة،
محبة وسلام من قلب الله وحضنه الابوي 🌹🌿🤍

مالك ؟

مين زيك انت
مين في جمالك
مين فى حلاوتك
يايسوع

غنى غنى
أغنيات محبتك على قلبى

حبيبي حبيبى
ابرع جمال من كل الناس
حبيبى

#azbakiah_youth

مين زيك انت _كيرلس مجدى _ إجتماع الشباب .mp3

ميدلي الرب قريب 
 قصر الدوبارة 
 مجموعة من المرنمين
صموئيل فاروق
بيتر ساويرس
مدحت رشدي 
ماجد شفيق 
كيرلس مجدي
 KDEC Family 
 El rabo qareb
 الرب قريب 
كذبوا
شعبك يعلن بيك ايمانه
ربي راعي وسلامي
ملك الملوك
معي في الطريق

ميدلي الرب قريب - قصر الدوبارة - مجموعة من المرنمين | KDEC Family - El Rabo qareb

هيغير شكلك | ماهر فايز

ترنيمة فاتت أيام - فريق أصوات - الحياة الافضل | Fatet Ayam - Aswat - Better Life

Maher Fayez_ hay3'yr shaklak

Andrew Awny William

Recent comments

Ester Bashara

Mina Victor

ephraim

Linda Tanious

Related tracks