AAP Party Rally at Delhi

من نور الخيال و صنع الأجيال في تاريخ القاهرة - حلقة سيد درويش
تأليف: فؤاد حداد
ألحان و غناء: سيد مكاوي
إخراج: فتح الله الصفتي

نص الحلقة:
ليه يا عرب تستبدل القفطان
عرب التفت على مهله واتبسّم
يا سنته نوارة الأوطان
خلى الكلام يحلى ويتقسم
يا سامعين أبناء بلد واحده
تحت السما الواحده عرب بيقول:
أيام تسعتاشر بتحيى الحى
و تخلى فنان البلد مسئول
يا سامعين يا اهل الزمان الجاى
ليلكم منور فى العزب والقرى
كان ياما كان من مبدأ الذاكره
الشمس طالعه وصوتى مش سامعاه
حرمت أغنى لها وانا فى الدرا
فتحت شباكى وقلبى معاه
وجبت ريح البحر للقاهره
وطلقت حنجرة الفتاه والشاب
ورفعت فنى الى مقام الشعب
فنى رجع للأصل بالطفره
رجعت لى مصر بقوة الثوره
الثوره ضاربه فى صميمى جدور
أغنيه أمنيه قدر مقدور
الحدادين نافخين معاى الكور
والخبازين قايدين معاى الفرن
أخبز لكل الناس عشا وفطور
والفلاحين ماليين معاى الجرن
داقين فى قلبى السبع والعصفور
منورين المونه والمعجنه
كاتبين لى أيام الزمن والسنه
نسمه بنفسهم جايه متلحنه
وسؤال فى ودنى زى نبض النور
يا مصرى يا سيد وابوك درويش
النيل بيجرى والا ما بيجريش
النيل بيجرى والعجل بيدور
والفجر طالع بالصنايعيه
ومصر لازم تبقى مصريه
وكل كلمه تقولها أغنيه
وكل أمنيه وأمل دستور

يا مصر يا مصريه كتر خيرك
طالقه على جناح الأمل طيرك
يا مصر راضيه و ربنا أعطاها
شوقى وبيرم والأديب طه
فيه ناس طوت أشجانها جوه الصدور
حافظ يناجى فى الخيال والطيف
وبين عيونه زى ضربة سيف
وفى سكوته آهة المقهور
هاتى الآهات اللى ما تتأوهش
هاتى الآهات اللى ترج الوحش
وفى سجن الاستعمار تهد السور
عَلّى رقبتك زى جيش منصور
صبى علينا زى شمس الظهر
فى الأرض ما تخليش خيال مكسور
يا مصر يا أول كتاب العصور
أنا ابوس ايديك الشريفه كل ما تولّد
سنين ورجاله تحيى الأرض وتخلد
أبوس ايديك لتسعتاشر وشيخ سيد
يا مصر يا أول كتاب العصور
أنا ابوس ايديك الشريفه كل ما تولّد
سنين ورجاله تحيى الأرض وتخلد
أبوس ايديك لتسعتاشر وشيخ سيد
عرب التفت فى هيئة الفنان
فى عروته الورده اللى بتفتح
قال كان بودى ألحن الجرنان
أخبار تجينا الصبح وتفرح
عرب اللى دايب من أمل وحنان
كل الشوارع تعرفه والدور
ألفين سلام مطرح ما عينه تدور
مشى فى الجنينه اتقطفت له الزهور
قال كلنا نحب الوطن يا ولادى
أنا كنت باحلم بالنهاردا الليله دى
صبحت بلادى بلادى
وانتوا المغنيين وانا الجمهور


من نور الخيال حلقة سيد درويش

Yassin Al Tohamy Live 5 at Souq El Fustat

ناي البرغوثي تغني مقطعاً صغيراً من منيتي عز إصطباري على برنامج آخر كلام ليسري فودة.

ناي البرغوثي - منيتي عز إصطباري

ناي البرغوثي تغني و تعزف راجعين يا هوى على برنامج آخر كلام ليسري فودة.

ناي البرغوثي - راجعين يا هوى

ناي البرغوثي تغني إفرح يا قلبي، لأم كلثوم: كلمات أحمد رامي و ألحان رياض السنباطي على برنامج آخر كلام ليسري فودة.

ناي البرغوثي - إفرح يا قلبي

ناي البرغوثي تغني من التراث الشامي آه يا حلو على برنامج آخر كلام ليسري فودة.

درب البهلوان sounds

Popular tracks