Tolışim

In sıxanonım bəşmə arze
Conədə nime tarse larze
Əveki səmən hejo barze
Vote ın sıxanon çımı ğarze
Mı rosti şati vində çəşim
Tolışim Tolış Az Tolışim 

Nim nıbəbemən hiç vaxt dəğıl
Votəynonımın məna nığıl
Barzisən barze Çımı ağıl
Sərəsdə Mıni Yol həm əğıl
Həxi ro rüşnəm bənə həşim
Tolışim Tolış Az Tolışim

Tarixi bəmon podşo xanon
Tınən quşbıdə ın sıxanon
Bıməso bəpe pi həm cıvon
Tolışə zıvon çımı zıvon
Işdə zıvoni ələtəşim
Tolışim Tolış - Az Tolışim

Tını Bebəka yodo hosdon
Işdı nıbəzne ğədi nodon
Dəvoye  Həvoj bə har dardon
Səyj çiyedəni barzə bandon
Boşdə vətəni Az noxəşim
Tolışim Tolış - Az Tolışim

Dardin