https://www.facebook.com/altafkeerfelhegra
http://altafkeerfelhegra.blogspot.com.eg/

هي دي النهاية يا زرياب !
عملوا لك ايه الناس !
كلهم ماشيين ..
بياكلوا و يشربوا و لا كأن حاجة حصلت ..
اللي بيدور على قميص يشتريه
و اللي بتفكر هتتجوز امتى
دنيا ماشية يا زرياب 
لا موتك عمل حاجة و لا موتي هيعمل حاجة
هي دي النهاية
هي دي النهاية
هي دي النهايـــــــــــــــة 
لأاااا لأاااا لأااااا
هي دي النهاية يا زرياب !!
لأاااااااا

هي دي النهاية يا زرياب !

ماحناش هنغيَّر حاجة ..
بصراحة دي أنسب لوحة تليق بالعالم .. 

القاتل واقف يضحك .. فاتح بُؤه .. 
والمجني عليه خايف يتقدم خطوة وخايف يرجَع ..
والناس مرعوبة 
وجاية وراه بتزقُّه .. 

ع الهوا واقفين ..
ومافيش تحتيهم أرض
ولا فوقهم سما .. 
وكأن العالم كله اتعمى ..
وماحدش عارف ياخد حَقُّه .. 

يمكن مايكونش اللون الأحمر فعلا واخد حَقُّه ..
يمكن يومها الرسام كان خايف .. 

لكن برضه في كل الأحوال اللوحة مناسبة ..
طلاما ماحدش شايف .. 

وماحدش فاهم حاجة ..
علشان كده 
ماحناش هنغيَّر حاجة ..

ماحدش فينا هيرسم حاجة ..
وماحدش فينا هيكتب حاجة ..
لا هنعمل دوشة
ولا هنطلّع حِس ..
لا هندخل سوا في مناقشة
ولا هنحِس ..

وان شفنا الناس كلها م الجوع بتموت ..
ماحناش هنطلع صوت
هنعيّط بس ..

ومافيش في الدنيا دموع بتغيَّر حاجة ..

ولحد ما بحر الدم يجِف ..
والشر يخِف .. 
والخير يتزَف في زفة كبيرة 
وهيصة ولمة و زار .. 
هنعيش في الدنيا -انا وانت وكل الناس- زُوَّار ..
لا نملُك حاجة ..

ولحد ما تحصل حاجة ..
ويظهر جيل مُختار ..
لا تفوت فيه طلقة ولا تكوِيه النار ..
ياخُد بالتار .. 
وغيطان الصبّار تتبدّل بغيطان الورد ..

ولحد ...
ما يظهر لنا رسام بيشوف ..
ويطلَّع لوحة جديدة 
ويرسم أرض ..
وسما 
وحياة ..
مافيهاش معاناه 
ولا خوف ..
ولا ناس مِحتاجة .. 
ويغيَّر في العالم حاجة .. 

ماحناش هنغير حاجة ...
..

«ماحناش هنغيَّر حاجة»
شعر / يوليو ٢٠٢٤
-حسام إبراهيم 

ماحناش هنغيّر حاجة- حسام إبراهيم

حازم شاهين - انا هويت..موسيقى

اللاطمأنينة في النبطشية .. هع

دمية من نشارة - فرناندو بيسوا

الأغنية لعبد اللطيف البنا فى العشرينات من القرن الماضى
ايه رأيك فى خفافتي 
ايه رأيك فى لطافتي
مش خفة شربات
مش رقة ديليكات
إيه تسوى الجنيهات جنب البرلنتى

إيه رأيك في خفافتي؟ - فرقة حبايبنا

برج الحمام - منير

افراح القبة- طارق و تحية

‏وقلت بكتبلك - أميمة الخليل

تسقيف تسقيف .. وكلام تخاطيف
وحاجات بتخلى الناس خايفين
من غير معنى نازلين تخاريف
وتشقلب حال الكون تما
وتخلى ربيع العمر خريف

تسقيف والقلب حزين ع الناس
علشان الناس مطاطيه الراس
وحيارى حزانى فى يوم العيد ..
تسقيف والقلب حزين ع الناس
ماشين ورا كلمه بدون إحساس
وبدون معنى رايحين لبعيد ..
مع إن الكلمة متنفعشى
لو متشبعش الناس برغيف ..

الكلمة رصاصة متوجعشى
ولا تطلعشى غير وقت الجد
وإن مال الحرف عن السكة
هتقيم السيف ع الزيف بالحد ..
الكلمة وليدة هم الناس
مش نكتة تهز كروش أغوات
ولا حكم وإيد ناعمة بتنباس
الكلمة مقام أعلى المقامات ..
تطلع علشان الناس تجرى
ولا تطلعشى فى موكب تشريف ..

الكلمة عفيفة وإنسانة
لا بتدخل تسكر فى الحانة
ولا ترضى الباب فى الأسيتانة
ولا تبقى ذليلة ومهانة ..
أو فرشة طرية ودفيانة
غير للشغيلة الشقيانة
الكلمة الصادقة بتتحول
وبتنزل ع الظالم دانة ..
وتدمر عرشه اللى سبانا
وتخلى نهاره وليله مخيف

الشيخ امام - تسقيف تسقيف

غريبه قد أيه بنتغير مع إن مفيش حاجه بتتغير فعلا
و سكك صعب قوى تتلاقى

هليوبوليس الرسالة الأخيرة

قوم يا مصرى مصر دايما بتناديك
خد بنصرى نصرى دين واجب عليك
يوم ما سعدى راح هدر قدام عينيك
عد لى مجدى اللى ضيعته بأيديك
شوف جدودك فى قبورهم ليل نهار
من جمودك كل عضمة بتستجار
فين أثارك ياللى دنست الأثار
دول فتولك مجد و أنت فوت عار
  فى الجمال  مصرى يا شفت اى بلاد 
تيجى زى بلادك اللى ترابها مال
نيلها جى السعد منه حلال بلال
كل حى يفوز برزقه عيشته عال
يوم مبارك تم لك فيه السعود
حب جارك قبل ما تحب الوجود
ايه نصارى و مسلمين قال ايه و يهود
دى العبارة نسل واحد مـ الجدود
ليه يا مصرى كل احوالك عجب
تشكى فقرك و أنت ماشى فوق دهب
 مصر جنة طول ما فيها أنت يا نيل
عمر أبنك لم يعيش أبدا ذليل
يوم مبارك تم لك فيه السعود
حب جارك قبل ما تحب الوجود
ايه نصارى و مسلمين قال ايه و يهود
دى العبارة نسل واحد مـ الجدود
ليه يا مصرى كل احوالك عجب
تشكي فقرك وانت ماشي فوق دهب
 مصر جنه طول ما فيها المؤمنين
عمر إبنك لم يعيش أبدا سجين


حازم شاهين - انا هويت..موسيقى

}{ DARSH.FATHI }{

Recent comments

Khadija

Related tracks