ايه الروعة و الجمال داه

عم علي سلامه <3

وجيه عزيز وعمل عمره اكتر من 25 سنه 
بتضيعى من ايدى من البومه الاول 
من كلمات الشاعر الكبير : ابراهيم عبد الفتاح 
والحان وغناء : وجيه عزيز 
توزيع موسيقى : على شرف 
الكلمات 

بتضيعى من ايدى وبترحلى عنى 
وبتهجرى حدودى وتعودى وتحنى
افتح لقلبك دراعينى
واصون هواكى فى درا عينى 
انتى اللى قربك ضى عينى 
وبدر ليلى المتحنى 
بتضيعى من ايدى وبترحلى عنى 
وبتهجرى حدودى وتعودى وتحنى
ايام تغيبى وتعودى 
يدبل على الاغصان عودى 
والزهر يطرح لوعودى 
يرجعلى طير ويغنى 
بتضيعى من ايدى وبترحلى عنى 
وبتهجرى حدودى وتعودى وتحنى
يا نجمه والضى دليلى 
بنده يا ريتك تناديلى 
جايلك وشايل قناديلى 
بحلم بليلك يحضنى 
بتضيعى من ايدى وبترحلى عنى 
وبتهجرى حدودى وتعودى وتحنى

وجيه عزيز - بتضيعى

حسن: أنا الحارس الأمين بين يدي مولاه .. ساهراً عليه .. قريباً منه .. فانياً في ذاته .. حتى لقد أطفى على وجهى سماته وقسماته .. أنا صاحب فرعون .. بل إني أنا فرعون .. عبدني الناس منذ فجر الدهور .. واختلفت أسمائي باختلاف العصور !


على: مالك يا حسن ؟!

حسن: أنا حسن بهنسى بهلول .. أنا المسكين فى هذا الزمان .. انا المحاط بالأوهام .. انا الذى اذا جاع نام .. انا المخدوع بالكلام ..
أنا اتسرقت يا على .. اتســــــــــــــــــرقت !

على: اتسرقنا بكل الأشكال يا حسن !

حسن: كويس ان أبو الهول والأهرام لسه متسرقوش !

على: عشان دى حجاره يا حسن !

حسن: هو لازم كل حاجه فى بلادنا تبقى حجاره عشان متتسرقش يا على؟! .. حتى الحب والروح الحلوه اتسرقوا يا على ..  واخرتها يا على .. اخرتها ايه يا على ؟!

أنا الحارس الأمين_مشهد من فيلم اللعب مع الكبار

يامصر قومي - الشيخ إمام / أحمد فؤاد نجم

برغم إن العيش مليان حصى
وبرغم إن العيشة وسخة ملوثة
وبرغم إن العلم مات فى المدرسة
وبرغم ضرب الجزم والشباشب والعصا
وبرغم إن كل اللى هاقوله هايتنسى
وبرغم إنك لسه معرصة
بــــــــــحــــــــبـــــــــك

ادينى عايش
بالزَّق
بالعافية
بكوباية شاى
وبالأحزان
وبحبة فرح باقيين من زمان

عايش

يا بلدنا بذمِّمِك
هذمِّمِك
بذمتك؟
فى حد حبِّك أدّى أنا؟

وادينى عايش

لإنك فى عروق الدم
ولإنك أب وأم وحضن يضم يلم جروحى
ولإنى فى حجرك برتاح
وباعانى وعجبانى
ولإنك سفرى وترحالى وضحكة موالى
ولإنك نفس ملامحى
إمسكى مطرقة وإضربى على جرحى
ما عمرى فى يوم راح أقولك آه

لو أهرب منك
هادَّارى فى نِنِّك
واتلف بضلك
واتغطى برمش حنانك

باحلم أكون قنديل ينور فى العتمة دارك
وخيط صغير فى طرف شالك
وإن يسألونى أقول عشانك

على سلامة - بَحِبِّك

فرحانين .. فرحانين .. فرحانين
كل ثورة وإحنا دايما فرحانين
اللي ماتوا فى المعارك .. فرحانين
واللي حضر واللي شارك.. فرحانين
واللي ساكنين الخنادق.. فرحانين
والماسكين على المبادئ.. فرحانين
واللي شايلين شوق لفكرة.. فرحانين
واللي حاملين هَمّ بكرة.. فرحانين
اللي كلمتهم أمانة.. فرحانين
واللي معدتهم جعانة فرحانين

إحنا ملح الأرض وتراب العجين
كل صناع الوجود والمبدعين فرحانين
عد موج البحر ونجوم الليالي
عد رمل الأرض واكتر من السنين
قولوا قولوا .. فرحانين
كل ثورة وإحنا دايما فرحانين
قولوا قولوا .. فرحانين

فرحانين - الشيخ إمام

Le soleil a perdu (ft. RexKold)

صوت غنائي مصري تميز بلكنة أهل الجنوب.اسمه الحقيقي "محمد سيد محمد إبراهيم " ولد في 4/11/1942 بحي بولاق الدكرور بالقاهرة وعاد طفلا إلى مسقط رأس أسرته "محافظة أسوان" ولكنهم ما لبثوا أن عادوا للقاهرة حيث درس بها إلى أن دخل كلية الفنون الجميلة ولكنه بعد دخوله الكلية أعتقل في عام 1959 مع العديد من المثقفين المصريين والذين كان من بينهم الفنان التشكيلي والصحفي حسن فؤاد والذي كان سمعه قبلها يغني الأغاني النوبية بالكلية وقدمه الفنان حسن فؤاد للحياة الفنية بعد خروجهم من المعتقل.
تأخر ظهوره كمطرب بسبب دخوله المعتقل على فترات متباعدة وحين تخرجه من الكلية عام 1968 بدأ مشواره الغنائي في حفل بسينما قصر النيل وغنى وقتها أول أغانيه من كلمات صديقه الشاعر مجدي نجيب وألحان الموسيقار محمد الموجي. تميز صوت وطريقة أداء محمد حمام بحمل العديد من الثقافات المتداخلة فمن الممكن أن ترى في صوته الشكل الغنائي الصعيدي أو النوبي أو الأفريقي أو البدوي فكان تميز صوته وأدائه سببا هاما في التفاف الجمهور حوله وكان صوته مشاركا لكفاح الجيش المصري من خلال أغنياته والتي كانت أشهرها يا بيوت السويس.
كان له دورا رياديا في التعريف بالفن المصري من خلال المهرجانات الدولية وتقديمه وسط الفنون التراثية في العالم وكان مسخرا ماله الذي يكتسبه من عمله كمهندس لخدمة فنه. مما قيل فيه قول الكاتب الكبير محمود أمين العالم إن صوتك يمنحني حزنا ينتهي بالتفاؤل.
رحل الربع الأول من سنة 2007  

محمد حمام عابر سبيل

معرفش ليه
تنحت للدنيا كده !
وفجأة لقيتني مسكون بالملل
لاعندي رغبة ف البكا
ولا في الكلام
ولا عايز أنام
ولا حتي بسأل إيه ده ليه
وآخرتها إيه
وإيه العمل
وأخاف أقول لأي حد
أحسن يقوم يقلبها جد
حد صاحبي ينزعج
يمد إيده جوه قلبه من باب الكرم
عشان يشاركني الألم
أو يستلفلي من لئيم حبة أمل
حالة كده
معرفش إيه
ملهاش معاد
ساعات تزورني ف الربيع
ف الحر
وف عز الشتا
وتجيب حاجات
لا فيها روح ولا ميته
حالة كده
لا معاها تنفع كلمتين ولا غنوتين
ولا لقطة من ألبوم صور
آلاقي قلبي ف الهوا ويا الكور
أخاف أقول لأي حد
أحسن يقوم يقلبها جد
حالة كده
معرفش إيه
لكني بطلع منها بعد السكات
فاهم شويه ف اللي فات
حاسس أوي بحضن الصحاب



‫على سلامة ,, حالة كده‬‎

بورتريه . أحمد حداد و حازم شاهين

لما تغــيبــي
أنا بتلخبط بين السكر والملح
وأدور ف الدواليب على حبة فرح
وملاقيش
لما تغيبى
أنا والبيت بنتوه من بعض
وبابص فى عينه مايعرفنيش
وبخاف م القطة لما تنونو
ومن صوت الريح اللى بيهرب من بين الشيش
لما تغيبى
كل الحاجات الحلوة يا حبيبتــى بترفض تعيش
لما تغيبى 
أنا بحتاس
بنسى الدنيا وكل العناوين وأسامى الناس
واكل واشرب واكتب
لكن كده  من غير إحساس
لما تغيبى 
بانسى القهوة ع النار
ويروح الطعم ويغيب الوش
لما تغيبى
كل المرايات يا حبيبتى تغش
وبحس أن النفس اللى طالع من صدرى غريب
لما تغــيبــي
أنا بتلخبط بين السكر والملح
ارجوكى .. اوعى تغيبى

لما تغيبي <3 ,, علي سلامة

الشاعر على سلامه 
براحة على مهلك من الاول من غير تاءتائة قول انطق اتكلم زعق قول بقى
ايه؟؟؟؟
انت عاوز تفهمنى ان فى عصفور من غير نور وغنى وزقزقة وانك اول مرة تاخد بالك ان الدنيا بقيت ضيقة دا انت بتستهبل بقى
على مهلك براحة اتكلم قول ومن غير تاءتائة اتكلم يا حبيبى قول دى اول مرة تاخد بالك ان الدنيا بقيت ضيقة انت عاوز تفهمنى انك خلاص سايق الهبل على الشيطانة توقع الحاجات وتعاكس البنات وتقولى مش انا دا انت بتسطعبط بقى
انت عاوز تفهمنى انك مش عارف الغلط من الصح يعنى انت خلاص ما فيش فيك فايدة بالسلامة بقى
يعنى انت عاوز تقولى لو جــــيــــت علبة صفيح فيها شوية كولا وشربت وقولت اح مشاكلنا هتتحل دانت بتدلع بقى

على سلامه  إنت بتستهبل بقا

حالة كدة -  علي سلامة at حفلة مع وجيه عزيز

الكنز - فؤاد حداد

وجيه عزيز- ممكن

وجيه عزيز ... نفس الإحساس

حيث الهدوء والرقي الروحي والهروب من دوشه الواقع

حالة كدة - علي سلامة at حفلة مع وجيه عزيز

Davinci2

Recent comments

aezzat911

Related tracks