الجوكر - المراجعة النهائية

El Joker | سوق الكاسيت - الجوكر

El Kabt

Written by: El Joker & Mohab
Music: Free Beat
Vocals: El Joker & mohab
Master and mix by: El Joker

El Kabt

My Acc : www.facebook.com/OnlyForZamalek1

الجوكر - الأوضه برودكشن

El Joker - Shakal Lelbe3 الجزء التانى الجوكر - شكل للبيع (Dirty) 18 حصرياً

تراك أغنية سلمى للجوكر بجودة عالية 

ElJoker_Salma > الجوكر_سلمى

الجوكر تسعيناتى كامله

𝓂.𝐎.έ.

BY MALAMAN AND CYPH
PRODUCED BY CYPH

DOWNLOAD/DONATE -> https://cyph2.bandcamp.com/album/kefka

LAUGH

الجوكر-دا تكدير Diss

الــكــلــمــات

بصي من ورا الستارة عـ الناس اللي ماشيه تحت
بيسجدوا لأصنام شبعوا فيها نحت
تعالي اغلمك ازاى انا بنحت عمرى ما اركع
اي حاجه حلوه فـي عينك إكرهيها فوراً

ها ، مش حاسه بتحسن عن من لحظه
عـ الاقل مفيش جزيره هتعوميلها اصلاً
طيب ، إثبتي علي كدا ، انتي مكانك هنا
مش هنعمل اي حاجه بلاش نعملهم علي نفسنا

متطفيش النور عن مين هندارى اللي بنعمله 
مش هنبقي في المستنقع ونجيب عطر نستنشقه
بصي لمنظرنا ، هربانين من ضلمه لضلمه
إنتي وانا عارفين كويس إن جهنم في إنتظارنا

مبحطش أكليل ، فوق مساكن ميتين
يوم حسابنا مش هتداري هتستخبوا يا كدابين
مريض بأحدث مرض نفسي هيكتشفوه عـ الكوكب
مش هتلاقي أحسن مني ولا هتلاقي أسوأ
ــــــــــــــــــــــــــــــــــــــــــــــــــــــــــــــــــ
مستني إننا هنقرب رغم كونا بنبعد اوي 
مستني تقاطع تاني لخط مايل مع مستوي 
اقصر طريق ما بيننا اقصر جزء فيه ملتوي 
اقوي شئ ربط ما بيننا كان في حياتنا شئ ثانوي
ــــــــــــــــــــــــــــــــــــــــــــــــــــــــــــــــــ
إبعد عنها شويه متمسكش فيها بضفرك
اللي أنت بتتنفسه دا ثاني أكسيد كربونها 
بطل تدقق فيها وأنت صاحي وقت نومها 
مش هتحس إنك سهرت حارس غطاها الليله بطولها

هي عارفه إنك مريض ، هي حابه إنك مريض
هي فاهمه معني النظره بس كارهه إنك صريح
قدف أنت وهي لحد وصولها بالسلامه
وأمشي من حياتها لكن سيبلها انقاض كلامك

تعالي أعلمك إزاى أنا بجري عمري ما أنهج / منهج
شايفه أبعد نجمه ؟ ، أقرب حد مني أبعد
وبزيد البعد ، تزيد القوه ، يضيق النفس ، أحس بزعر
يطول نفسي ، ومهما جوعت ، أزيح عن طرقي كل طعم

إرمي فوق العرش التاج ، غيري برضوا مش ملاك
أنا مرض بقول أنا مرض ، هو مرض هيقول أنا علاج
بحطم الأصنام اللي أنتي عايشه بتعبديهم
عشان تتوبي مش تعمليلي واحد وتسجديله
ــــــــــــــــــــــــــــــــــــــــــــــــــــــــــــــــــ
مستني إننا هنقرب رغم كونا بنبعد اوي 
مستني تقاطع تاني لخط مايل مع مستوي 
اقصر طريق ما بيننا اقصر جزء فيه ملتوي 
اقوي شئ ربط ما بيننا كان في حياتنا شئ ثانوي
ــــــــــــــــــــــــــــــــــــــــــــــــــــــــــــــــــ

El Joker - El 7ob Fe 3onoq Zogaga l الجوكر - الحب في عنق زجاجه

مبلش ريقنا غير لبن مسكوب دموعنا عكرته
انا الطفل كان في عينه بريق ، بس الحياة طفته
ربع قرن اتخطف مني ، والمقابل غنا
بتوه في علامة استفهام "لماذا نحن هنا؟"

وحد الله ولا بعمل شيخ ، ولا بمسك سبحة
شيطاني ينام شبعان ، ويجوع أول ما نصحى
بجيبها كل ما أسيبها والبر يكون قدامي
بحاول أعوم في خط ، بس موج الرغبة عالي

مش متكسر أنا متفتت ، يعني مفيش قطع تتلزق
قولتلك الأوفة بتاعتي اللي يشيلها معايا بيتمزق
كدبوا علينا واحنا عيال .. انا لسه فاكر أول مره
حلفت كدب ، واستنيت ، ومتسخطتش للنهاردة

بشكر اللي إداني ضهره أما الدراما إبتدت
واللي كان عـ الباب ، ورجع لما الحفلة إتملت
جايز أنسى مين طبول النجاح ، ومين سكاكين الفشل
بس انتي منساكيش علشان مسكت فيكي بعشم

كل اللي كان عن بعد جميل .. عن قرب طفح قبح
واللي كان مزهزه تحت ضي القمر .. دبل الصبح
نفسك أضعف وآجي قصاد أسوار مدينتك أطلب صلح
مش عارفه تجيبيني بوردة ، ولا عارفه تجيبيني برمح

جت تشوف متحفي ، فأصبحت تمثال
معظم اللي عملته .. عملته عشان اللي بيتقال
معرفش غير الكره ، عشان مبشوفش غير أعداء
لو بتحبيني سيبيني أموت في حلبة السباق

احتاجنا في ليلنا لناس كانوا محتاجيننا
فضلنا عليهم ناس رخاص .. لحد ما زهقوا مننا
وجعنا إتدارى في إبتسامة قالت لناس تغور
الأيام وريتنا شيطان في الضلمه ، كان ملاك في النور

نفسي أقولك بكره أحلى ، لكن بكره زفت
انت محاط بكم من الصعوبات مجتش جنبه صفر
اللي انت فاكره قاع .. ده قمة قاعك اللي جاي
هتسقط مرة أخرى ، وللأسف هتفضل حي

بدأ يحصل بيني وبيني مشاكل مبتتحلش
مش قادرين نكمل سوا ، ومش عارفين نفركش
عايزين نكون نضاف ، وكتير عايزين نبان نضاف
بحيي كل شخص مدرك أحنا أد إيه ضعاف

كل اللي كان عن بعد جميل .. عن قرب طفح قبح
واللي كان مزهزه تحت ضي القمر .. دبل الصبح
نفسك أضعف وآجي قصاد أسوار مدينتك أطلب صلح
مش عارفه تجيبيني بوردة ، ولا عارفه تجيبيني برمح
_______________________________________________

2 April

Written by: El Joker
Music: Mostafa Ebrahim
Vocals: El Joker
Master and mix by: El Joker
© 2017 El Joker

2April_٢ابريل

الكلمات:
المنبه رن ، لكن الهدف من الصحيان سخيف
تكملة النوم مش إختيار ... المستقبل مخيف
مفيش جنب بترتاح عليه عشان سريرك حجر
مشيت ورا كل خيط ، وإنجازاتك ... رف بكر

حتى القهوة بتستناك تسرح للحظه عشان تفور
الطفل اللي خاف م الضلمة كبر بقى يخاف م النور
أول ما بتبقى إنفراد ، وباقي بس تشوط
بتبدأ تسأل نفسك عن حقيقة الوجود

الفرق بين العبقرية والجنون بهتان
أكيد النص الفاضي أنضف من نصي المليان
عشان فشلت في التعايش .. جيت جهنم الإنتقام
قسوة العلامة إنها بتمنع رحمة النسيان

خلي نصك يسأل نصك عاد علينا ايه من جريه؟
مادام بنعيش نفس النهاية في آخر السيناريو
وليه بنكون أشخاص مش احنا طول ما الضوء علينا
آدي تاني منبه رن لا مننا نمنا ، ولا صحينا

مفيش شىء متمش ، وكإن غيابك متمش
كل الناس جراحها لمت ، جرحك ليه ملمش؟
بعيد عشان متهمش؟ ، ولا عشان بعيد متهمش؟
عنيك فضيت فضا جماد .. مكرهش ، ومحبش

ولد صغير .. حلم كبير ، ولما كبر الحلم مات
عجيب ضعف البشر ، وعجيبة قوة الكلمات
كلنا أسباب .. ده صاب عشان ده خاب
بس طول ما البشر سلالم إعرف إن اللي فوق كلاب

ملحقناش نشوف النور ... وصلنا والشعاع مكسور
سيبنا الأرض لأجل بذور ... رجعنا لقينا الأرض بور
والأوضاع متحسنتش ، لكن مبقيتش صاحب قضية
مضيت على إن مستقبلي مش أحسن من ماضيا

أسيب الجامع أقلع القفطان ... ألبس قبطان
أسوق سفينة .. تغرق .. أرقص رقصة القرصان
بطريقة غير مباشرة الدنيا قالتلي أقف بعيد
لما كل شىء قربت منه مات ببطئ شديد

هعمل ايه في قفص بجناح؟ .. سؤال ايه اللي انا جوابه؟
تملي في إيدي في مفتاح معرفش بابه
مقدرش أختار ما بينكوا ، وأخسر نعمة المحايد
حب واحدة ميتنسيش بواحدة ... يتنسي بوحايد

مفيش شىء متمش ، وكإن غيابك متمش
كل الناس جراحها لمت ، جرحك ليه ملمش؟
بعيد عشان متهمش؟ ، ولا عشان بعيد متهمش؟
عنيك فضيت فضا جماد .. مكرهش ، ومحبش

نفس المطعم ، والأوردر .. متخاطرش دقيقة
طعم الملل أحلى من خسارة جديدة
رص مزيد من لا شىء ... مزيج من الحمول عليك
بص .. عمرك من قدامنا عدى .. نسيك ده ولا ايه؟

بتعمل مش مهتم ، ولا مش مهتم فعلا؟
ضد أو مع الغريزة لما الموجة تعلى؟
الأقوى دايما صح ، والأضعف مقالش أشمعنى
مهو لو كل واحد طلب حقه .. الدنيا مش هتسيعنا

قريتنا وش فقر ، وناسها وش خوف وجهل
البنا ما بينهم صعب ، بس الهد بيهم سهل
متقولش زي العامة إن الفشل محتاج شماعة
نار القلق تحرق كيلو نيكوتين في ساعة

كل عيون كلاب حارتنا مفارقتكش لحظة
مخالش عليهم إنسحابك قبل كل رقصة
عيب المبدأ إنه فضحي ، والذكاء له ريحة
مهما دبحت نفسك مش هتبان دبيحة

مفيش شىء متمش ، وكإن غيابك متمش
كل الناس جراحها لمت ، جرحك ليه ملمش؟
بعيد عشان متهمش؟ ، ولا عشان بعيد متهمش؟
عنيك فضيت فضا جماد .. مكرهش ، ومحبش

الجوكر - متهمش

زي ما يكون الشقى من أجل الشقى مطبوع في چيننا
كل ده ، ويادوب عارفين نوفر اكسچيننا
العالم سلبي .. بوجودنا ، أو من غيرنا
معوزناهاش على طبق من فضة ... وعهد الله عافرنا

أما بعد ... مقدرش أديكي وعد
من خبرة رُبع قرن لقيت إني مش وش سعد
بُكرايا فوق كف العفريت ، وكل يوم تهديد
انا زي ما تقولي سبرتو ، والزمن عيدان كبريت

لا عوزت تاج وعرش ، ولا مفيش ... عوزت أعيش
مش كل من قبل مقام الدنيا صار درويش
اتكاتروا عليا ، ومكانش شىء في إيديا
ميعادنا في الحياة اللي جاية ، لو الشمس حية


لا صوت يعلو فوق صوت الإعلام الأُحادي
حتى لو فتحت القفص .. الطير بقى إعتمادي
بوصل خط النهاية لكن مبقفش للميدالية
من مسرح مصر الله يمسيك بـ الخير يا وليم

غضبان غضب مُبالغ فيه .. كان محال انا أميل
كان سؤال انا مين؟ .. بيطاردني للنفس الأخير
ياما شاورتلك عـ الشر واستنيت تطرحي
وجهة نظر من مطرحي .. عشتي ايه عشان تنصحي!

آسف عـ الإزعاج ، والإحتياج ، وقلة المزاج
آسف على إن الطريق معايا كان زجزاج
مش بتعلم بسرعة ، وبليد في ظبط الجرعة
وعنيد ، وعندي مبيراعيش أمور وجب أن تُرعى

على قبر أرسطو نحتوا راس فنان مُسف
لو كانت في حتة تانية كنت أقول ممكن نخف
مسير الطين يجف ... أثينا بينا بتستخف
الأرض واقفة حداد ، والكون مأجبرهاش تلف

عزف العود الأبدي مش في صالح اللي انا عليه دلوقتي
أفضل أواجه الهلاك بشكل فردي
اهربي بلاش تعاندي .. هتقعي مش هتساندي
الدنيا مالت عليا ، والزمن موقفش عندي

ياريتني قولت لأ .. عمري ضاع على المدق
كانت بقت اكسچين خلاص أما ابتدت تغمق
شفت موت ملوش ميعاد .. في فراغ ملوش أبعاد
عشت ست سنين .. أربعة وعشرين ساعة بتتعاد

عيونهم مراية بايظة .. كان قرباني ليها
إني أشوه وشي لأجل ما يطلع شكلي حلو فيها
مفرحتش أما طلعلك صوت ؛ لإنك بنت موت
الكاس في إيد اصحاب الكاس من قبل أول شوط

تخيل .. اللي انت فيه من أجل ناس مُدركة
إن الخوف أمان ، ونزعة الواجب مُهلكة
خيوط الصح والغلط في بلدنا متلعبكة
كله ضهره لـ حيط ؛ عشان محدش أهل ثقة

كنتي فين وانا بصرخ إن نهجك استنزفك
وإن آلاتك اللي عزفتي عليها أصبحت تعزفك
فـ معادش تجزيء الحقيقة يستر العورات
ولا عاد معاكي إبرة وفتلة .. كل دي مقصات
_____________________________________

El Joker - Resala Rakam 1000 L الجوكر - رسالة رقم ۱۰۰۰

من وهو لسه صغير و الجيران بتحلف بيه
المتفوق ، المؤدب ، اللي جامع دنيا و دين
كبر و دخل جامعة و آن أوان تاء التأنيث
يمكن مشافش بورنو بس إتفرج علي ونيس

و رغم طول الرحلة فالوصول بينسي التعب
أخينا لقي أخيرا اللي تحبه و يحبها
دايما كان بيكلمها عن إن التعليم تجهيل
واحد زيه في بلد بتفهم كان زمانله  شأن كبير

فهمها حاجات كتير ، في الآخر فهمته 
إن حوا مش لآدم، حوا لفلوسه و شقته
و في عز ما هو حزين ، الأتوبيس وقف في كمين
الظابط قاله "إنزلي" ، نزل ، زقه للأمين 

شاف بطاقته ، بدأ تفتيش ، "إقلعلي الكوتش" ، يا باشا معيش
ممنوعات ، فمتحرجنيش ، "طب جنب إخواتك يا برستيج"
روح بعد يوم طويل ملوش تعازي مقبولة
يمكن حزين من الأول بس نفسه مش مكسورة

كان ممكن يبقي حاجه لو البلد قدرته 
كان ممكن يبقي آدم لو مكانتش حوا سابته
كان ممكن يبقي حاجه ، و كل حاجه رجعته
من طريق كان ماشي فيه مُتجاهل كل اللي بيحبطه (x2)

أخينا في عز الوحده قابل شلة ثانوي اللي 
كانوا خدوا طريق معاكس للى هو فيه بالمللى 
قالوا فُك يابنى وشك وإبدأ واجه الحياه 
واذا كنت مش مُتكيف ، ف العلاج مكيفات 

أخينا خد الرحلة لحد القاع دحرجة 
بس اخينا لسه اخينا ، فـعايش مع نفسه في معركة 
يقع ، يبطل مدة ، تيجى فلوس ، تيجى بكتره
تيجى بفكرة ،  تيجى ببودره ،  تيجى بقعده ، تيجى في سوسته 

فجأه حوا رجعت لما ابو شقه سابها 
والغريبة حال أخينا الحالى لسبب ما جذبها 
طبعا أجر نفسه ليها روميو بالفلوس 
ونام معاها ضمان لإنه يلاقي لما يعوز 

وزى كل كدبة صعب للآخر نداريها 
عيلة حوا صعايده ، عمر موتها ما يكفيها 
أخينا إتقتل ، هو ميت في الحالتين 
لو كان إنتحر بدرى شويه مكانش مات اتنين 

كان ممكن يبقي حاجه لو البلد قدرته 
كان ممكن يبقي آدم لو مكانتش حوا سابته
كان ممكن يبقي عالم لولا الصحبة عرفته 
على المخدر اللى جاب المخدر المعروف آخرته

كان ممكن يبقي حاجه لو البلد قدرته 
كان ممكن يبقي آدم لو مكانتش حوا سابته
كان ممكن يبقي حاجه ، و كل حاجه رجعته
من طريق كان ماشي فيه مُتجاهل كل اللي بيحبطه

الجوكر-دا تكدير Diss

Ehab

Recent comments

Abdo body

Related tracks