لينك اليوتيوب 
https://youtube.com/channel/UCfnZyuGqsMCvtJvO64gM3WQ 

important !!

Verse 1 & 2 > Sub-Zero
Chourse > Seen
Recorded at Revolution Records


Mesh 3aref - Sub-Zero Ft Seen

Intro > Sheren 
Vrs 1 > Sub-Zero
Vrs 2 > Zogas
Vrs 3 > X-Ray
By > Devils Rec .

Matbkesh / ماتبكيش Alex Devils

Devils Fam ( 2rd El Ga7eem Pt II )

Sub-Zero | علمتونى

انا من كوكب مش موجود انا فصيلتى نادرة جدا 
ليه بشوف الناس قرود ؟ وعمرى ماشوفت ديك بيدن
مفتخرتش بالفراعنه عاوز افخر بجديد فى بكرة 
بس شوفت علشان ميسى ناس بتسب فبعض وتلعن 
انا غريب ؟ ولا انتوا مرضى ؟ اصل مجتمعنا فى ورطه 
علشان بطئ الانترنت نسيتوا اهداف بثورة ّ 
كم انت عظيم يا بروفايلى المجد لك
غير صورتك ياما فى احداث سوريا وغزة
بس العيب فى مين ده المقصود من السؤال 
لما احب 7 مرات وتطلع البنات شمال
ده انا متحمل اكتر من الجمال ومهتمتش بالجمال 
واكبر مناسبة جوا حياتى اقل من عيد العمال 
مبقتش عارف انام فى سريرى احلامى بتقلب كوبيس 
دقتنى كبرت من الملل مسلسلات مبقتش بيس
والصحاب بقوا اشتغاله كل يوم بلون وحالة
حتى اخويا كرهنى لما شتمت سارة سلامه
______________________________
احنا شعب عايش صدفه مش حاطط فكر لمستقبل 
احنا جيل الهلث فى مبدأ واللى يفكر يبقى حمار
احنا كمصريين بنمنع اى طفل انه يبدع
احنا فى زحمه احنا فى وكسه احنا فى قمه الانحدار
_______________________________
عندى حلم اكبر واطير فوق السحاب
مش عاوز لما اتعب اتعالح بكفته وكباب
ازاى ده يكون دواء فى حاجات كتير ناقصه!!
على كده لو جالى حموضه ممكن تعالجونى بسلطه
فى مصر بس بشوف اشاعات اكتر من الحقيقة
بنات بلدنا اتطورت  بتعاكس بالطريقة 
اعلامنا محايد جدا وفى رمضان عمل حسابة
ان نص الشعب فاطر فالبرامج كانت بريئة
صافيناز فى بلدنا طاهرة وفتاوى مصر نكتة
احمد التباع بقى قدوة والعنتيل المثل الاعلى 
فالاغتصاب ده امر طبيعى والتحرش كان معاكسة
مانتوا شايلوا على كتافكوا بتجروا بيه ياولاد 
ادونى سبب مقنع  احب بلدى واطور فيها
ده اللى مشغل مخة وبيفكر صدقنى بياخد فيها
ده حتى فى مزيكتى صوتى مش راضى يطلع
خمس مرات بسجل فى التراك  والنور بيقطع
______________________________
احنا شعب عايش صدفه مش حاطط فكر لمستقبل 
احنا جيل الهلث فى مبدأ واللى يفكر يبقى حمار
احنا كمصريين بنمنع اى طفل انه يبدع
احنا فى زحمه احنا فى وكسه احنا فى قمه الانحدار
_______________________________



Sub-Zero  /  كوكب مش موجود

 صـوت صــفير الـبلبـلي *** هيج قـــلبي الثمــلي

المـــــــاء والزهر معا *** مــــع زهرِ لحظِ المٌقَلي

و أنت يا ســـــــــيدَ لي *** وســــــيدي ومولي لي

فكــــــــم فكــــم تيمني *** غُـــزَيلٌ عقــــــــــيقَلي

قطَّفتَه من وجــــــــــنَةٍ *** من لثم ورد الخــــجلي

فـــــــقال لا لا لا لا لا *** وقــــــــد غدا مهرولي

والخُـــــوذ مالت طربا *** من فعل هـــذا الرجلي

فــــــــولولت وولولت *** ولـــــي ولي يا ويل لي

فقلت لا تولولـــــــــي *** وبيني اللؤلؤ لــــــــــي

قالت له حين كـــــــذا *** انهض وجــــــد بالنقلي

وفتية سقــــــــــــونني *** قـــــــــهوة كالعسل لي

شممـــــــــــتها بأنافي *** أزكـــــــى من القرنفلي

في وســط بستان حلي *** بالزهر والســـــرور لي

والعـــود دندن دنا لي *** والطبل طبطب طب لـي

طب طبطب طب طبطب *** طب طبطب طبطب طب لي

والسقف سق سق سق لي *** والرقص قد طاب لي

شـوى شـوى وشــــاهش *** على ورق ســـفرجلي

وغرد القمري يصـــــيح *** ملل فـــــــــــي مللي

ولــــــــــــو تراني راكبا *** علــــى حمار اهزلي

يمشي علــــــــــــى ثلاثة *** كمـــــشية العرنجلي

والناس ترجــــــــم جملي *** في الســوق بالقلقللي

والكـــــــــل كعكع كعِكَع *** خلفي ومـــن حويللي

لكـــــــــــن مشيت هاربا *** من خشـــية العقنقلي

إلى لقاء مــــــــــــــــلك *** مــــــــــعظم مبجلي

يأمر لي بخـــــــــــــلعة *** حمـــراء كالدم دملي

اجــــــــــــر فيها ماشيا *** مبغــــــــــددا للذيلي

انا الأديب الألمــعي من *** حي ارض الموصلي

نظمت قطــــعا زخرفت *** يعجز عنها الأدبو لي

أقول في مطلعــــــــــها *** صوت صفير البلبلي

Sub-Zero | صوت صفير البلبل

Devils Music ( قابلت كتير )

Lyrics 
Sub-Zero
انا مين فى بلدى ؟ ابويا يبقى مين ؟
طب احلم فيها عادى ولا أفضل مع الصاحين ؟
توعدنى يا باشا انى عمرى فيوم ما اشوف رصاصتك
تبيح الدم المصرى لحد يوم الدين ؟ 
قناعكوا كان شفاف رستموا الخطة بالمسطرة
وعشان ننسى التسريبات ! كان لازم تحصل مجزرة
بس انا مش هنسى وصوتى مش هيوطى
اضرب يا باشا بقلب ادينى طلقة فى الحنجرة
معلونك حاكم ملعون ابوكى دولة
ملعون اعلامك شياطين ع الحق ساكته
ملعون كلابك اللى بتقتل فينا يوم والتانى 
ملعونك شعب ناسى ثورة وراكع للى سرقها
اموت فى بلدى موتت ربى ده مجرد طموح
والحلم الأكبر على طيارة معاها فين ماتروح
ارتاح يا باشا منى مش هتشوفنى فى بلدك تانى
بس هرجع لما احس ان ليا ضهر واعيش مبسوط 
________________________
ترابك مروى فى شهر بدم اكتر من 100 شهيد
غاب القصاص يا بلدى فـ دم المصرى اصبح رخيص
ملناش تمن جواكى وبراكى اعتبرونا عبيد
المصرى بيدبح مصرى وهو ده العهد الجديد
____________________________
Lyrics
Zogas
دولة ملعونه . طلعتوا دين ابونا
ليه تخلونا نعيش على المعونه موتونا وريحونا
من اللى بيحصل ارحمونا
طريق مرواح اخواتنا فين سهل ليكوا طب ودونا
اضرب خرطوش فى وقت الصعب سقط خمسة ستة
علشان ايه قتلت علشان ايه ضربت مين انت تبقى ؟
الملك مات اقف حداد المصرى مات ساكتين لحد امتى
يسقط النسر من وسط العلم اكبرها رتبه فى بلدى وسخة
 ولسه ياما هنشوف
حكومة بلدى كل يوم بتقتل بالألووف
الثورة ضاعت من ايدينا والقلوب مليانة بالخوف
بيكتبلى عندى ربى اكون شهيد معروف
حضرلى الحبس افندم بعد ازنك لو سمحت
بدم المصرى ارسم دبورة اترقى تكون انجزت
انزل اعترض ميت .. اشجع بلدى ميت 
اكون او لا اكون فى بلدى انا اتسجنت
________________________
ترابك مروى فى شهر بدم اكتر من 100 شهيد
غاب القصاص يا بلدى فـ دم المصرى اصبح رخيص
ملناش تمن جواكى وبراكى اعتبرونا عبيد
المصرى بيدبح مصرى وهو ده العهد الجديد


Devils Music ( غاب القصاص )

Lyrics
انا حبيب اونلاين فيسبوك كامفروج و سكايب
كل يوم بحب 11 وكله بفضل الميجابايتس
عادى فشخ لما تمشى Belive me i will not cry
غيرك فى الطابور موجود اختار وانا بشرب بيب
بحبك فشخ يا بيبي من اول كونفيرسيزشن
YEA THATS TRUE AND WE HAVE TOP MAKE A REALTION
اشطة يا قلبى اهو نتسلى اصل انا كمان مبسوطة
ترجع تقول انها ضحية طب ما انتى كمان *****
اشطة نعيش الوهم حطى اسمى و قلبى و سهم
قولى ده اللى طلعت بيه من الدنيا ومعاه بنسا الهم
ايوا تحفة الحب ده معرفتكيش انا كده
لسه عارفها من يومين وسلمتنى نفسها
بوظتى جيل بحاله ركب الناس بقيت مهزوزة
حيوانتهم المنوية فى الصرف الصحى موجودة
ترجعى تلوموا الزمن تلعنى الحب بأشكالة
مش هتشوفى اى حب طول ما امثاللك فى الصور
----------------------------------------
على فكرة انا برة النت بطة بلدى عادى يعنى
عمرى فى يوم ما عاكست بت ولا مكان بيهم يجمعنى
زى ما تقول انطوائى دايما احب اكون لوحدى
بس لو شمال تعاكسنى ممكن اخلف منها وقتى !
اولادى على النت كان ليهم اسماء كتير
منهم مازن ادم يحي والبنات مرام و هدير
وده مش كتير بالنسبة للشمال اللى عرفتهم
هما كمان ليهم اولاد اكتر من ثوار التحرير
القصد من اللى بقوله مترسميش دور المظلومة
يعنى بلاش تصورى جسمك وتقوليلى امسح الصورة
زى ما بتعملى هتلاقى المعاملة بالمثل
اغلب البنات دلوقتى نفس الصورة طبل الأصل
يعنى مفروض كله يواجه نفسه بالحقيقة المرة
ماحنا جيل السبكى والتباع معقوله نمسك سبحة؟
كفاية لحد كدة انا من النهاردة اوفلاين
هستنى حب بجد كرهت الحب الاونلاين 

Sub-Zero | حب اونلاين

Lyrics ..
انا البعيد اللى متعلمش من كل درس حفظه
معدوم الاراده مش مستفيد بطاقته
وقت الهم يصلى ويدعى  لما تفرج ينسى ربه 
انا اللى كاره نفسه بينه وبين نفسه 
كام مرة اخدت قرار اصلح من حالى 
كام شيطانى غلبنى وللشهوات ودانى
انا ناسى تايه بحاول ارسم اهدافى 
لا ارادى رسمت نفسى فى لوحة غرقان فى المعاصى 
21 سنة ذنوب اضعاف العمر
حلاوة الدنيا فى عينى اتقلبت دوقت طعم المر
والنتيجة فشل هم جميع أمراض الدم
والازمات تكتر وتمر معرفتش استقر
انا سلبى ! انا اضعف كائن موجود
عارف السبب والحل وبرضه مش قادر افوق
انا مخطوف وعندى 100 طريقة للهروب
انا مقيد وكل يوم بزود القيود
--------------------------------
انا اللى بيدعى ربه دايما انه يبقى معاه
مع انه اكتر واحد فى الدنيا بيعصاه
ده بايدى ياريت كان غصب عنى 
انا اللى بيتمتع بالدنيا وساب اخرته وراه
-------------------------------------
انا مشيلتش مسئؤولية ومستخدمتش عقلى
انا لو هكون ضحية فانا اكيد ضحية نفسى
انا معمى مغيب والنفس مش من حقى
انا مستاهلش اعيش خسارة فيا دقات قلبى
وسط النور تقول ملاك فى الضلمة بكون شيطان
احسن واحد يدى نصايح مش عارف يعمل بيها
باللسان بقول الصح وبالأفعال بكون غلطان
لو جوايا دورت بيمكرسكوب على حسنه مش هلاقيها
غير صالح لشئ ! مصلحش انى ابقى قدوة ! 
كتير كلمت نفسى كنت بقول دى مجرد غفوة !
بس ازاى ده مفيش غفوات بتدوم لسنين
صعب عليا حالى ياما قولت بكرة تحلى !
اسف يا ربى عارف ان قولت كتير
بس انا مستحقر نفسى ومش عارف اعيش
اغفرلى هتغير و ده الوعد الأخير
ده انا ممكن انام دلوقى واموت على السرير
--------------------------------
انا اللى بيدعى ربه دايما انه يبقى معاه
مع انه اكتر واحد فى الدنيا بيعصاه
ودة بايدى ياريت كان غصب عنى 
انا اللى بيتمتع بالدنيا وساب اخرته وراه


Sub-Zero / أنا

عشرة عمر لا سنتين حب 
مبتفرقش المدة ولو اكترها ذل 
يا صاحبة العيون اللى بيكبر بيها الحلم
انا ورد مش صبار مبتسقاش بالدم
فاهم يا صحبى معنى كلمة صحبى
يعنى يوم ما احتاجك الاقيك جمبى 
مش لما تحتاجنى الاقيك فى ضهرى
اسف على صراحتى انت مقلب عمرى
اشترى بالغالى تبيعوا بالرخيص
مكنتوليش عروسة فمش هكون عريس
وانت مش ملاك انت نسخة من ابليس
حياتنا فيلم والحقيقة فى الكواليس 
اضحك فى صورة ازاى وانا مطعون بميت سكين
كل ما اداوى جرح الدنيا تزود الجروح اتنين
من الحبيب ما الصديق مالقريب من البعيد
مدمنين خيانة انتوا مش بشر اكيد
------------------------------------------------
انا بسببكوا عشقت الانطواء
انا بقيت بعيش بعيد عن الاضواء
هدوءكم ضوضاء نفعكم ضراء
اتمنى ابعد اكتر لو اعيش فى الفضاء
-----------------------------------------------
قالك الدراع اللى بيوجعك اقطعة
انا قطعت اتنين والرجلين اتكسروا
نقط القوه للضعف اتحولوا
بقيت اتحمل من بعد ما اتبدلوا
وانتى يا بلدى قصدى يا قبرى 
انا مش ايوب قرب ينفذ صبرى
فقرك حرمنى ظلمك حسرنى
كل اما اجى احلم كوابيسك بتفوقنى
كرهت انام ما الواقع خيال
ومهما استقبل ضرب بكون ثابت زى الجبال
متمنتش الموت اتمنيت افضل موجود
ومش هحارب فيكوا انتوا مبقيتوش فى البال
انا مش بغنى انا بشكى همى 
والمزيكا الوحيدة اللى بتسمعنى
من النهادرة انا هبقى لوحدى
واتكلم مع مزيكتى بأقوى ماعندى
------------------------------------------------
انا بسببكوا عشقت الانطواء
انا بقيت بعيش بعيد عن الاضواء
هدوءكم ضوضاء نفعكم ضراء
اتمنى ابعد اكتر لو اعيش فى الفضاء
-----------------------------------------------





Sub-Zero / انا2

Free Beat
Length : 3:34
Devils Music
Lyrics : 
Sub-Zero : من ساعة ما اتولدت وابتسامتى ع شفايفى 
واخد الدنيا كوميديا بحته والمقالب كانت هوايتى 
لو مواعد مليون واحد عمرى ما ابص فى ساعتى
واعمل عبيط وازيط لما حد بيشتغلنى
انا مش مجنون ولا حاجة انتوا بس محبكينها
مبحبش اكون متضايق احب بس اطرى للدنيا
منا لو هشيل فوق ضهرى هموت من الأكتئاب
الدنيا لذيذه فشخ بس انتوا اللى مش فاهمينها
مبحبش انفسن مبشيلش جوا منى 
اللى فى قلبى ع لسانى ولو هيزعل اللى منى 
انا ابسط من البساطه انا السهل الممتنع
انا اللى بحسه صاحبى بديله العين و الننى
فاهمنى ولا مش فاهمنى مبتفرقش معايا 
اصل الدماغى طبيعى مش بدبوس ولا كوبايه
طب بعمل ايه فى حياتى ولا بعمل اى حاجة
انا بس عايز لما اشوفك الاقى الابتسامه
كوراس : انا مش عميق اطلاقاً انا عاشق للسطحية
 مليش رساله فى فنى مش عاوزك تسمع ليا
قول اللى تقوله عنى وعمرى فيوم ما هزعل
مبيشغلنيش كلام الناس ولا بيأثر فيا
Nuclear : 
I might be loser with no job but i gotta smile
I might spend like 50 pounds on a caffe just to spend some time 
I have some faith that i dont wanna die 
I like myself i like ma style 
I might like some crazy ride 
Have some fun in your life and dont waste it 
Whats the purpose Of life if you dont taste it 
Chill out 
Have some fun about
Always laugh outloud
Dont be like man iam creepy i wanna die cut ma viens out 
Man up bitch 
Hold ur shit togetha dont black out 
Da least thing could make me smile
A cup a tea and a smoke should do the trick
Even if iam sick ,dying
I dont give a shit
Have an ambition that someday i'll be rich
Iam a completly sick bastard
I wanna play black flags and scream spaniard
X-Ray
سطحى لدرجة ممكن اكون متدروش بالتفاهه
احب الضحك زى عنيا وبكره الكئابه
احب اعيشها براحتى زى ماتطلب بديها
ولو الضحكة بنت حلوة انا ممكن امشى معاها
افخد و اهوى و اكبر دماغى 
واقعد ساعات مع بنت وحشه اظبط فيها والاغى 
مزاجى كله بيمشى بمزاجى 
اوقات بكوم مؤدب بس لسانى طول دراعى 
بينى وبين الأكل اجمل قصة حب فى التاريخ
بجرب اى صنف ولو ملوخية بالبطيخ
بفطر فراخ الصبح بليل اتعشى كوارع 
واملى فى الحياة اتجوز دكتورة طبيخ 
الدماغ مابعذبهاش طلبت بديها مابحرمهاش
السكلانس عالى طبيعى بعيد عن اى وييد او هاش
اصل الدنيا زى الصورة تضحكلها تدوق جلاش
انتخ للدنيا وكبر كشكشها ومتعرضهاش

Sub-Zero . Nuclear . X-Ray | عاشق السطحية

Devils Music .. 
Lyrics : 
حلم ؟ غير متاح !
إصرار .. غير موجود بالخدمة
دة انا كل همى ازاى انام مرتاح
وانسى واقع بيقاسمنا فى لقمتنا
بكرة تكبر يبنى وتبقى سندى
اسف يابويا مش عارف اسند نفسى
الضرب جاى  فى مقتل وانا مش قادر اقاوم
ارجوك سامحنى انا مش بــ برر اسفى
كان ممكن ابقى ضهرك بس مش هنا
فى زمن تانى فى ناس زيينا
مش ناس مزيفة بوشوش مقنعة
و زمن مليان بغضب ربنا 
مطلعتش حاجة محققتش هدفك
ولا انا قوى عشان اكون فى ضهرك
ولا حتى عندى الجرأة انى ابص فى عينك
عشان ببساطة ملقتش حلمى و حلمك
-------------------------------------
انا صفحة واحدة جوا كتاب مقفول
انا بحارب اسطول بدارع مكسور
بغرق بقوم بحاول اعوم
ولما انتصر بقوم من النوم
-------------------------------------
باب ورا باب وكل باب ورا ضباب
فى مطبات الدنيا اتعلمت اكل التراب
اكلت بضمير مينفعش اقوم جعان
دى الوجبة الوحيدة اللى ملهاش حساب
اضحك ؟ مالها التكشيرة
الابتسامة عندى سلعة فقيرة
بتقولوا فاقد الشئ لا يعطية ؟
ما انا كنت السبب فى فرحة ناس كتيرة
وانا مين يفرحنى دة انا قهرى بيدبحنى
دة حتى جلدى خلاص مش طايقنى
والحاضر تقريبا رافض يصافحنى
لمين اتوسط انا عايزوه يصالحنى
رسمت الحلم بس بقلم اسود
ولما جيت الون الالوان خلصت
بقرب منك يا شعاع الأمل
متدنيش ضهرك بلاش تبعد
-------------------------------------
انا صفحة واحدة جوا كتاب مقفول
انا بحارب اسطول بدارع مكسور
بغرق بقوم بحاول اعوم
ولما انتصر بقوم من النوم
-------------------------------------


Sub-Zero | أنا3

Free Beat
Rec . Mix . Master By : زعفران ريكورد | Devils Music
Lyrics : 
Hello .. can u hear me يا سيات الريس
انا عندى كام سؤال على استفسار ارجوك تركز
انا شاب متعلم بشتغل ولسه بدرس
وسمعت انى بعد ما اخلص تعليمى فى الجيش لازم البس
فى حيطة .. مم قصدى فى خدمة الوطن 
ولو فضلت عايش هرجع ابدا تانى اشتغل
بشهادتى .. اللى عشان اخدها جالى شلل
واكتشف ان لازم واسطة او خبرة فى مجال العمل
اوكى .. انا موافق مفيش اى مشكلة
اسجل مهرجان و اقول جيب ورا تصبح مرة
والسبكى يكتشفنى والقنوات تستضيفنى
واقبض نص مليون فى فيلم قايم ع الرقص و المسخرة
يرضيك ! معتقدش ! دة انت مش دريان بحاجة
انا روحت اعمل تظلم فى مادة شيلونى تلاته
دة فى شرع مين اشيل عشان فى مرة طلبت حقى
وابن الدكتور جاب امتياز من غير ما يحل حاجة
--------------------------------
دى بلد سودة غرقانة كوسة 
ولا كل يوم فيها بنشوف تطوير
يادى النيلة يادى الحوسة
بتربط فيها كل ماحاول منها اطير
--------------------------------
اسف يا ريس لو كان كلامى ضايقك
بس ده واقع مؤلم جدا لازم يشغل عقلك
طب انا هشهدك ياريت تقولى رأيك
يرضيك وانت نايم ! يفصلوا عنك مروحتك ؟
دى مابقتش عيشة الواحد مبقاش طايق نفسه !
والسواق يحجز قدام عشان يركب موزة جمبه !
 فين الرجوله وفين  الجدعنه
دة زمن اخبر يا ريس خلاص مبقتش طايقة
وعجبى عليك يا زمن باستمرار المعاناة
يوميا فى الاعلام بلاحظ انهيار الاخلاق
الشيخ جبريل يتوقف عشان خاطر دعاء
والشيخ مرتضى منصور بيحلم بوزارة الاوقاف
بببببببشششششششش كدة كتير
لو ابو الهول مناخيره سليمة كان غرقنا شخير
متفشخرين بماضى ملناش يد فيه
وحاضراً ميتين اكلينيكاً ليوم الدين
_________________
دى بلد سودة غرقانة كوسة 
ولا كل يوم فيها بنشوف تطوير
يادى النيلة يادى الحوسة
بتربط فيها كل ماحاول منها اطير


Sub-Zero / يا سيات الريس

Rec . Mix . Master By: Devils Music | زعفران ريكوردز
Lyrics : 
متوشوشنيش  مش هتشوفنى شبههم ابداً
انا اواجه فى الوش مليش فى الغدر عمرى ماخدته مبدأ
طب تصدق جاتلى الفرصه مقابل الماده
اكل اكلهم اشرب شربهم اسيبهم وبالخيانه أبدا
يا شيطانى سيبنى انا غير انا مختلف
قدرت تقنعهم و تكسرهم بس انا واقف ك الألف
مهما اتغيروا و جم عليا انا عمرى ماللشر هنجرف
صافى زى اللؤلؤ وسط الفضه من نورة يتعرف
طب عارف الناس اللى كنت مأمنهم واديتهم اسرارى بعدها سابونى
عمرى ما حتى فكرت اواجههم عارف ان من وسوستك خانونى
نسونى باعونى مش فاكرين عشرة سنين
بعد ما كنت مصدر قوتهم ضعفوا لما رموا ودانهم ليك
انا مش كارهم حتى هما فى سكة وانا فى سكة
عامل حسابى  مش هقابلهم ولو  بالصدفة البحته
عندى طريقى اولى بحلم اوصل درجة بدرجة
انا بشوف الغدر مرض اكيد محلمش اكون من المرضى
----------------------------------------
بسأل نفسى ساعات ايه وصلنا للخلافات
طب دة نقص ولا غيرة ولا حب زيادة للذات 
زادت المسافات يا صحاب من زمن فات
انا مش زعلان على حاجة غير على العمر اللى فات
------------------------------------
انا عادى لوحدى مكمل حتى لو بعيون مقفولة
واوعدكوا انى مش هدمع كل اما ابص علينا فى صورة
بس بيبقى غصب عنى لما اشوفها وابص جمبى
وافتكركوا واشوف نظرات العطف من حيطان الاوضة
وانتى لما احتاجتينى لقيتينى جمبك
كل الطرق لوصلك اتسدت لما احتاجتك
انا شوفتك .. بس مكونتيش لوحدك
كانت ايدك فى ايده دة اكيد مش غصب عنك
فمتقوليش انا اسفه اسفك اصلا مش مقبول
انتى من نوعهم نفس صفاتهم فعلكوا دايما عكس القول
يا اما الغلط عندى و الزمن ده مش زمنى
دة زمن اسمه مصالح بمراحل و كل وقت بلون
والله احترت فيكوا وبرضه احترت فيا
ليكون مكتوب عليا اعيش دايما باصص حواليا
ادور فى الوشوش اجرب حظى و اخسر 
واموت من الحسره قبل ما الاقى حد يشبه ليا
----------------------------------------
بسأل نفسى ساعات ايه وصلنا للخلافات
طب دة نقص ولا غيرة ولا حب زيادة للذات 
زادت المسافات يا صحاب من زمن فات
انا مش زعلان على حاجة غير على العمر اللى فات
------------------------------------

Sub-Zero | أنا 4

Prod By : S-lam Shetoz 
Rec - Mix - Master : Devils Music
Lyrics : 
محبط من كل شئ حتى لو ايجابى
محبط اكلم حد بحبه يقولى انا زيك  عادى
محبط انام واعيش لحظات قبل النوم واتوه افكر
كرهت سريرى دة بيخلينى اسرح بخيالى
محبط من الحب محبط من الاحساس كاره كل الناس
محبط اكون متفائل محبط احاول يائس من الأساس
محبط من الاحلام مبعدش الايام مش عارف سنى كام
مبقتش اميز كله بقى اسود مش شايف الوان
محبط من الليل محبط من النهار حتى وقت الغروب
ده انا حتى  الهوا اللى بتنفسه بيحسسنى ان انا مخنوق
مش عارف اعيش ولا حتى اموت ولا عارف اتوب من الذنوب
و لا ليه متسألتش من البداية اذا كنت احب اكون موجود
الماضى مكانش ليا ولا النهاردة ولا برضه بكره
محبط احباط سمكة زينة اترمت فى ميه عكره
محبط من الأبتسامه من حاجات ياما دايما كنت بعملها
ملقتش سبيل اكون متفائل فيه فهفضل محبط
__________________
 الاحباط ملازمنى ايده فى ايدى قرر يبقى صاحبى
بس حقيقى عمره ما سابنى ولا  اتخلى عنى 
اوفى من ناس كتير اعرفها مجاش ف مرة ضربنى فضهرى
ولا طلعنى لسابع سما ونزلنى و داس على رقبتى
______________
 الاحباط دة نعمه ميملكهاش الا اللى زيي
مستريح كده وانا مستنى اخر لحظه فى عمرى
مش هرضى جميع الأزواق ولا هتزين بالنفاق
منا مش عاجبنى حاجة لو انا مش عاجبك طب ما تبعد عنى
محبط وانا بعمل حتى الحاجة اللى بحبها
واخر كلمة فى اخر سطر كتبته كنت محبط منها
محبط من بلدى و محبط من شعبها
محبط من الكره الأأرضيه بحاول ابعد عنها
محبط من العلاقات والصداقات كاره الانتقادات
الاحباط اجمل الصفات و دة فى حالتى بالذات
مابحققش انجازات سلبى فى معظم الاوقات
ومين اهتم اصلا لما نجحت فى وقت فات
محبط افكر فى الكلمات محبط اكمل الاغنية
وايه يخلينى افكر اصلا علشان ناس مش حسه بيا
محبط اعمل اى حاجة وكل حاجة محبط منها
حتى كلمة محبط وانا مبقولها موصفتش اللى فيا
 
 

Sub-Zero | محبط

Recorded . Mix . Master By : Devils Music 
Prod By : Nuclear
Lyrics : 
بعد تعب سنين تطوير تبديل تنويع
تغيير فى جميع اساليب ركوب البيت
عديت امواج كتير انا مركبتش ولا موجة
وفجأة الاقى اللى من ركوب الأمواج بيطير
يا أقلام مصطنعة والاصل بيشف بالنص
دة مجال مريض بالحك جين موروث اب عن جد
يا مستمع يا اغبى من اللى بتسمعلة بيغنى
ارحم كتفك وضهرك متطلعش عليهم حد
سين دة او صاد انا مش حابب اصتاد 
فان جاهل مقياسة الفيوز فيسمع مهرجان
او مؤدى فاشل معتمد على نجاح الغير
فينوبة من الدس شهرة ولو 2 قيراط
انا هدسك وتدسنى بعدها احبك وتحبنى
نعمل طفرة نتشهر اكتر وابقى ساعدتك وساعدتنى
ونقنع اللى بيسمع ان دة راب مهو اصلا غبى
ونقول اننا اعلام من غيرنا مكانش مجال الراب يبتنى
دة بغض النظر ان انتوا فشلة انا مش مهتم بمدى شهرتكوا
اللى ساعدتكوا انكوا تنشروا فن بمعنى مخالف لآصله
الراب هجاء مممممم بس مش خوض فى اعراض
دة لو الراب نطق واتكلم يوم كان اتبرا منكوا
انتوا قدوة للى منكوا واللى شبهكوا بنفس دماغكوا
نفس صفات الرابر الفاشل حتى بنفس وجهة نظره
علموا بعض الراب بتاعكوا ورثوه للى بيسمعكوا
واللى ورث يوسخ اكتر علشان يورث للى بعده
مش قاصف جبهات فاكس دسات و بيفات
ملوثتش قلمى بأوسخ الكلمات 
انا بس بقول اللى بشوفه فى مجال 
تلاميذ مابعد الثورة فيه بيمثلوا الراب
ايوا انا عارف انى مش نبى والغلط ياما وقعت فيه
بس دس ليه ؟ هتقولى فن اقولك فن فى ايه
اللى بقوله هو الفن انى اقول اللى مش عاجبنى
قصدى المؤدى واللى بيسمع والمجال باللى فيه

Sub-Zero | راكبي الأمواج

Devils Music - Sub-Zero
Rec - Mix - Master : Devils Music
Free Beat 
Lyrics : 
ورقة بيضا  حبر اسود
انا من جديد بمشاهد زى اللى سبقت
الاختلاف انى مفيش تفاصيل
عشان " انا " دلوقتى الصورة فيها بهتت
انا زى القمر نفس الرسمة
ضلمة بيعكس ضوء كئيب برسم ضحكة
بس هو عند القدر يفضل يعكس ضوء
وانا لما بضحك بخاف من بكره
بتعدى السنين وانا لسه مش عارف
صورتى فى المستقبل ملهاش ملامح
انا مش مسامحنى على اللى هيحصل فيا
اصل انا السبب مكنتش بحاول
افكر كنت بخاف بس مش اكتر
ولما الخوف بيكتر بتخدر
وانا احب اتخدر لحد ما اانام
عشان اغيب عن الحاضر والمستقبل
------------------------------- 
تعبت من الاحلام كرهت النوم
كابوس المستقبل بشوفه كل يوم
بشوف ناس كتير انا مسئول عنهم
بيستغيثوا بيا وانا مش قادر اقوم
 وازاى اصلا اكون مسئول  عن دول
منا لو عايش فى بحر يبقى مفروض اعرف اعوم
وانا مش بعوم انا بسيب روحى تغرق
واستنى اللى يجى ينقذنى من الموت
كرهت كل شئ له علاقة بالواقع
عايش بدون دافع والانتحار مش نافع
مش عاوز اموت كافر ولا اعيش مش بعافر
انا زى اللى شارى وفى نفس الوقت بايع
انا تايه مرتبك مش واعى
عايش بدون داعى
مش حاسس بالدنيا وهى مش طايقانى
وكلامى عن همومى بيحلالها ويحلالى
-----------------------------
انا زى ما انا وعارف انكوا زيي
بس مشكلتى ان السكوت بيقتلنى
وانتوا بتستكتوا وبتتألموا
وانا بتكلم وبرضه الكلام بيوجعنى
لسانى مل عينى كارهه تشوف
ودنى بتتسد عند حرف من الحروف
اى كلمة قبلها هـ يعنى هبقى
 طب انا مش هبقى ودة سبب الخوف
الضلمة بتخيلها نفسى اشوفها
زى حية بتحلم تدوق سم جوفها
انا حالة ميئوس منها
صبارة عاوزة تحس بألم شوكها
الدفى مش للى زيي انا بموت من البرد
مش برد المشاعر ولا برد الجو
برد الرعب من سرعة الوقت
ناحية المستقبل بسرعة البرق

Sub-Zero | أنا 5

Back Vocal :  Mahmoud Afifi
Rec : A.R Studio 
Mix Master : Afifi
Poster Designe By : Sub-Zero
................
Lyrics : 
ششش مش طايقك مش حبك
عارف الاحداث من الاول
زيك زى اللى قبلك
استنيت الكلمة منك عشان اقول مظلوم واتلكك
وان العيب مش فيا انا
ولا اختيارى كان غلط بس العيب فى الزمن
ولا جرحت حد  فباخد ضعف الالم
بس الحقيقة ان انا السبب
اصل طريقتى قديمة شوية
تقريباً مش موجودة بنسبة 0%
وانا ال0% 
حبيبتينى عشان حاجات مش موجودة غير فيا
كنت ساذج بصدق 
وعودك حتى لو ما كنت تتصدق
حببتينى فى المستقبل
رغم انى عارف انه الاسوأ
____
وعود بتتبدل
ارجع و عود من الأول
تحت الصفر دة عنوانك
مكانك ولقبك عمره ما هيتجدد
_______
اكرة اللى تحبه حب اللى يكرهك
ع الأقل ضربته ليك مش هتوجعك
متوقعه اصل عادى مادة الطبيعى
اما ضربة اللى منك كفيلة توقعك
مع قلبك مع عقلك 
مع كل حد بيحتاجلك
مع نفسك ابدا اهرب من اللى حبك
حب نفسك متحتاجش لحد جمبك
مايمسح دموعك الا ايدك 
مهى لو فيها الخير مكانتش فى يوم تبيعك
دى وعدت وما وفت
وسابتك تقول العيب فيك ولا فيها
كل ابن ادم بأحوال
يتلونوا فى المصالح عشان راحة البال
الا انت حالك ثابت 
شكلك ملكش فى الالوان
____
وعود بتتبدل
ارجع و عود من الأول
تحت الصفر دة عنوانك
مكانك ولقبك عمره ما هيتجدد
____________
نفوس غريبة 
شاريه اللى بايعها بايعه اللى شاريها
تضحك عليها تاخد عينيها
تبقي ماضى وفات لو تراعى ربك فيها
بس لحد امتى هنضحك وننسى
ونتعشم فى بكره بحجة انه احلى
ويجي بكره شايل فوق طاقته
كالعادة برضه و يستكتر فرحتنا
عشان كدة انا محبط مش متفائل
ضليت الف طريق ومش سائل
مفيش دافع اعيش بيه ومش نافع
اصرخ بأعلى ومحدش سامع
عدى بيا يا زمن والحاضر انهيه
عاوز اعيش فى المستقبل من غير ما افكر فيه
تعبت من التفكير واكتفيت تغيير
من نفوس كنت واثق فيها مشوفتش منها غير
____
وعود بتتبدل
ارجع و عود من الأول
تحت الصفر دة عنوانك
مكانك ولقبك عمره ما هيتجدد

Sub-Zero | وعود

Rec : A.R Studio
Mix Master : Afifi
Lyrics : 
ايه يعنى لما تحب مرة او 20
وحتى لو فى كل مرة بتلبس المتين 
عدى عدا و فات انسى ركز فى اللى بعده 
تضايق بس لو لبسته للمرة ال 200
مالحياة مابتقوفش على حدا مهما كان
كان حبيب كان قريب فارق بمرور الزمان
هاتلك كان اشرب وانسى كل الشخصيات الوسخة
اسمع مزيكا على الصوت  للاخر صدع الجيران
ايه يعنى لو مفيش فلوس ملعون الفلوس
مامعاهم كنوز بس كاتمة ع النفوس
الفرحة مابتتباعش اضحك انت وفوز
حب نفسك تستحق متحرمهاش احضان و بوس
اي يعنى لو فاشل ومش ناجح فى شئ
طالاما فى بطاقتك مصرى معناها انك برئ
مش ذنبك مش غلطتك متلومش نفسك
دى بلدك اصلا عاشقة للمركز الاخير
____________________
ايه يعنى مش نصيحة لا اسلوب حياة
الدنيا تحب البارد الغنى باللامبالاة
اللى فات انساه كنت حبه كارهه اياً كان
واللى جاى زيه مبتفرقش متعملوش حساب
______________________
لو كنت انطوائى او كنت اجتماعى
متطفل فشخ او للخصوصية كنت بتراعى
اسكندرانى قهرواى من كوكب تانى
التصنيفات  دى رخمه مش فى القاموس بتاعى
عبي الفرحة فى كيس وزع ع المتعايس
انت مش لوحدك كل الشعب عايش فى الكوابيس
ملكش حق تكون مخنوق او مهموم
عيشها بكل لون كان اليوم فرح وانت العريس
قمر يغيب شمس تشرق حمام للسلام بينشر
انت وانا وكتير غيرنا لو اتفائلنا ممكن نقدر
نحقق جزء من احلامنا ولو فشلنا ادينا حاولنا
بس اليأس مكسبناش ولو حاولنا هنوصل
كل تأخيرة و فيها خيرة والجيات صدقنى كتيرة
اوعى تقول فى يوم العين بصيرة و الايد قصيرة
طول مابكرة مجاش عيش يومك متأفورهاش
يمكن تنام و تصحى وتبقى من أصحاب الأيد الطويلة


Sub-Zero | ايه يعنى

Free Beat
Recored : AR Studio
Mix Master : Afifi 
Lyrics :
عام جديد مبروك يالا بينا نبدأ
زى العام الأسبق بنفس المبدأ
نفرح نحلم نجرى و نلعب
ونتصدم بواقع بيقول انسى
انا بقي زى ما انا مش هكون واثق فى الزمن
مش هكرر نفس الغلط ولا هدفع نفس التمن
مش هعيب الزمن مش هيفيد الندم
احنا الغلط احنا معنى الفشل
انا صنم انت صنم معندناش القدرة
نعترض على الفشل ونقول لآ
فى انتظار مستقبل مشرق واحنا
محلك سر واقعين فى حفرة
بلد ضعيفة مكرهنا فيها
نكره عالة على الخريطة
شعب  تعبان ملهوش قيمة 
النجاح معادينا احنا انتهينا
--------------
الاسم دولة والواقع غير
والنور مانعرفش عنه شئ
مستقبل مجهول والحاضر مجهول
والماضى ولى وغرقنا فيه
-----------------------------
بصوا وشوفوا شعب شبع دم شال الهم
شاف الصعب عاش فى جهل شربه شبع
شرق شنقه شده  قتله وسابه
أبكم و اصم
عرفتوا احنا فين طب يالا نحتفل
الاخطاء اللى فاتتت ع الحاضر تتركن
تتنسى تتمحى تتشال من الذاكرة
علطول بنجاوب غلط على نفس الاسئلة
كارهين نبقي كارهين نكون
بنعض الايد اللى تتمد بالعوون
حابين الجهل عشان طريقة سهل
نشرب السم نطلب دكتور
بلدى انا حتة منك بس كرهتك
مانتى بتسدى الطريق فى وش ابنك
احلامى فيكى بقيت عبارة عن
انى اسافر واعيش وانا بعيد عن ارضك
--------------
الاسم دولة والواقع غير
والنور مانعرفش عنه شئ
مستقبل مجهول والحاضر مجهول
والماضى ولى وغرقنا فيه
-----------------------------
مصر بلدى بلد الامان
والدم فى نفس الوقت بالمجان
هتعيش غلبان لو تحلم تتهان
هتبنى عيلة ازاى وانت ملكش مكان
طموحاتك اقتلها صرختك اكتمها
الحاجات دى مش لينا دى حقوق اللى حاكمينها
انما انت وانا واللى شبهنا
اخرنا نتحسر على حالنا
ولعوا النور علوا السماعات
انا مصرى تعبت من السكات
عاوز اتكلم نفسى اقول
ان احنا اشبه بالاموات
اموات بلا ماوى بلا كفن
حقوقنا هى اللى بتتدفن
مصر يا بلدى شبابك يائس
عشان مبقاش فيكى امل
--------------
الاسم دولة والواقع غير
والنور مانعرفش عنه شئ
مستقبل مجهول والحاضر مجهول
والماضى ولى وغرقنا فيه
-----------------------------


Sub-Zero | الاسم دولة

Recored Mix Master By : AR Studio ( Mahmoud Afifi )
Chours : Mahmoud Afifi
Lyrics
بدون مقدمات وعكس كل انا اللى فات
فات الأوان مات الانسان جوايا واتحولت الصفات
قررت اصطاد اللى باع اكسرله رجل الويله دراع
واكون فى غاية الاستمتاع وانتوا فى تعداد الأموات
ابدأ انسى الحب مفيش غير حب الكره
اضرب فى الضهر وفين مايوجع اكسر الف ضلع
نبدل فى الماسكات اتعودوا ع الصدمات
انا القديم اتحول شر وبكرا تشوفوا الفرق
ماتطلبوش العدل
متعاتبوش القلب القلم مابتيردش الا لما يكون الضعف
ماتستنوش الضعف انتوا اسرى حرب
حرب خيانة وكدب علمتنى الغدر
والتسامح مرفوض المبدأ دة اتنسى
مكنش فى تسامح لما حبيت انا
كان فى الم كان فى قسي
كان فى خنقة انا متنفستش هوا
=====================
ازيك عامل ايه يا صحبي واحشنى جدا
فاكر لما احتاجتك وانت سيبتنى وقت الشده
لا انا مش بعاتبك دة انت أأقل منا
انت كدبة وانا كنت بس اللى مصدقها
وانتى اخبارك ايه اكيد موحشتكيش
اقولك حاجة انتى كمان موحشتينيش
انا بس جاى اقولك ان انتى تافهه جدا
مش كل حلوة منك اللى هتخلينى اعيش
فى الضلمة انا السم اقتلكوا واعش فى سلم
كابوس  كل حلم انا اللى اتحكم فى الفيلم
هاخد دور الشر واقع ملهوش مفر
وهعمل فيكوا اللى عملتوه بالنص
ده غل محبوس جوا حرب نفوس
هاخذ حقى و هفوز كامل مش منقوص
من خان يتخان من باع يبتاع
دة اللى اتعلمته شكرا ع الدروسس
------------------------------------------------
كل انوع الخيانة كل اساليب الاهانة
البدأ فى تنفيذ مشروع قتل الناس اللى كانت حبانا
كله فى سلة واحده المتعة هتبقي احلى
اصل السيئة بتعم والحسنة محصلتش معايا
 متخافش من الظالم خاف من اللى اتظلم
اللى اتظلم لو استقوى بياخد حقه طول الزمن
ومهما خد حق قلبه مش هيقله لآ
عشان شايل ومعبى والصراخ جواه بيتكتم
وانا تظلمت و دوقت من دة كتير
فمتقولوش الرحمة فاقد الشئ لا يعطيه
ولا عمره فيوم هيعطيه عشان محسش بيه
ولا شافه جوا اى قلب من اللى كانوا حواليه
عكست الصورة اتقلبت المعانى
نفوسكوا السودة للشر سحبانى
ومن النهاردة الوضع اتغير
علشان كدة مفيش أنا تانى


Sub-Zero | أنـا 6

Rec Mix Master : AR Studio " Mahmoud Afifi "
Lyrics
قابلوا بعض بالصدفه . كان مكتوب ان ايده تخبط ايدها
العيون بتتفاهم . محتاجه حبه ومحتاج حنانها
من بعد ابوه وامه بين 4 حيطان . دبلان زى الوردة مفيش اهتمام
من الشغل للبيت . وفى البيت بيونسه الاكتئاب
وهى محتاجاه عايزه الأمان . عيزة تحب زى باقى البنات
عايزة تبنى عيلة . جوز وبنت او ابن فى الحلال
معرفوش الفراق . رحمهم القدر طلعوا جيران
نظرة العين من الشباك . بالنسبالهم احلى ما فى الحياه
نظرات ليها معنى . زى امتى ربك فى الحلال يجمعنا
الحياه فى حضنك اكيد هتبقي جنة . بدعيلك يارب قرب ميعادنا
وهى بتقول . عاوزاك تبقي سندى مهما العمر يطول
مش هعيش من غيرك يوم . انت بالنسبالى اغلى ما فى الكون
ياما اتالم وبكى . من غير ما يتكلم للى خلقه اشتكى
هو الفقر ميعيبهوش . بس دة عيب فى عقول أهلها
اشتغل كل حاجة نفسه يحقق حلمه . والمرض كل يوم  بينهش فى جسمه
كان بيسنى لما يشوفها . وكأن الدنيا بحالها بتضحكله
وتمر ايام وشهور وسنين  . الحال زى ماهو مفيش تغيير
الضغوط بتزيد . وهما بصبر أيوب متصبرين
12 بليل . تعب وكان علاجة نظره عين
قام على الشباك نفسه يشوفها . ملاقاش البيت ..
------------------------------------------------
ليه اللى بنحلم بيه مانلاقيه
راحت فين فين الحب اللى عشت ليه
والشباك اللى سهرت ليالى عليه
دة كان حقيقى ولا انا عقلى رسملى طريق
-------------------------------------------------
اه كانت خيال  . عقلك رسمها من شدة الاحتياج
انت حبيت حد . ملهوش وجود أصلا فى الحياه
اسف دى الحقيقة . قلبك احتاج يحب بأى طريقه
منتا كدة كدة لوحدك . حتى لو كانت طلعت حقيقة
هو انت نسيت . ازاى قبلها كنت كل يوم بتموت
كنت بتنام من الحسرة . وتصحى على كابوس كل يوم كابوس
كل يوم مخنوق مكانش فى فيه مخلوق بتحبه كانك حابب تكون
عايش دور المظلوم وتلعن الظروف
بس كدة احلى . نفسى تكمل حياتك لوحدك
ملكش دراع ضعيف يعنى الوحدة اقوى
بكره افكرك هتحب واللى هتحبه هيكسرك
هتقابل كتتير ومن كتر الندم قلبك هيكرهك
------------------------------------------------
ليه اللى بنحلم بيه مانلاقيه
راحت فين فين الحب اللى عشت ليه
والشباك اللى سهرت ليالى عليه
دة كان حقيقى ولا انا عقلى رسملى طريق
-------------------------------------------------

Sub-Zero | ليه ؟ F.t Omar Khatab

Recored By : A-R Studio
Mix.Mastring : Mahmoud Afifi ♥
Lyrics : 
عارف لما تبقى بارد و تموت جواك المشاعر
وتكره كل حاجة بتربطك بأى كائن
تخاف انك تجازف وتسمع كلمة اسف
كاخر كلمة اتقالت ليك فتاخد العزلة ساتر
عارف لما تبقي حاسس باللى جوا كل واحد
وتشوف اسمك بعينك اصغر خط تحت فى هامش
بتكبر بس فى حالة هوامش المصالح
فتلعن كل عيش و ملح بينكوا زمان اتاكل
عارف لما تبقي حاضر بس كأنك كنت غايب
وتشوف الضلمة نور لان  القمر نوره باهت
وحبيبتك مهما كانت بتضحى او بتساعد
حبك ليها نهايته فرقه برغم عدم وجود مشاكل
عارف لما تبقي تايه لما تبقي مانتش عارف
مين اللى فيهم صادق مين بتقابله و هو طبعه خاين
لما تكره التجارب لما تلقى العشرة هانت
لما تعدى وانت خايف لا ينوبك من الغدر جانب
----------------------------------------
عارف انت لما تكون وسط كل دول و دول
وتلاقى فى وشك السواد محدد الجفون
وتشوف اللى فى القواب امراض على كل لون
بتحس الكل عادى وانت لوحدك المجنون
----------------------------------------
عارف يعنى ايه تخون متأمنش حتى لضلك
مش مستوعب فكرة ان حد بيفضل جمبك 
وتشوف الفرقة جنه تحب تكون لوحدك
وليه تعيش معاهم طب ماكله هيبعد عنك
عارف لما تبقي جماد ساعتها مبتعرفش تقرق
بين طعم المايه العذبه و طعم المايه المالحة
وتقول اصلا مش فارقة ومين مهتم بحالتك
ياعينى دة انت شوفت كتير لما القلب استكفى
عارف انت لما تدور ع السعاده فى خرم ابره
وفجأة تكتشف ان السعادة مجرد  كدبه
وتلقى العيشة اصعب من شوكة واقفه فى حلقك
ويبقي الموت اهونلك من انك تطلب مساعدة
عارف لما تحس بجلدك رافض نور الشمس مرة
مش عاوز تخرج بره حتى لو عملولك ثورة
عرفت انت مخير وخدت قرار فى لحظة
انك ما تفارق اوضتك الا لما تكون فى قبرك
----------------------------------------
عارف انت لما تكون وسط كل دول و دول
وتلاقى فى وشك السواد محدد الجفون
وتشوف اللى فى القواب امراض على كل لون
بتحس الكل عادى وانت لوحدك المجنون
----------------------------------------

Follow me on Facebook :
https://www.facebook.com/SuBZiR0

Sub-Zero | عارف

Rec . Mix . Mastring : Mahmoud Afif ( Ar - Studio ) ♥
Lyrics
أرجوك متعايرنيش بأصلى اصل انا مصرى وانت مصرى
كل واحد فينا فى طبقه فمستحيل تعرف مشاكلى
انت متوفرلك فيزا انا متعود اخد فيها
انت مشاكلك كتر فلوس انا مشكلتى بحاول احميها
عندك بدل الفيلا اتنين عندك عربيتين غاليين
انا عندى الضغط وعندى مرارة اتفقعت عدى عليها سنين
انت تعليمك لغات قادر انك تلف بلاد
انا بتذل طول اليوم عشان امشى ب 30 جنية
لا متقولش مصر حلوة او توصفها ف يوم بجنة
هى حلوة للى زيك انما احنا ياعم مالنا
سيبنا فى حالنا وفى عالمنا شربنا من كيعانا
انت قادر تبنى عيلة وانا مصاحب المخدة
الصورة اللى انت شايفها غير اللى انا شايفها
اللى حاكمنى و حاكمك ظالم عمره فيوم ما عدل بينا
معاك فلوس هيئلك طريق خيرك تكون
غرقنى فى هموم بعد نجوم المغربية
-------------------------------------------
ارجوك متعايرنيييييييييش فيوم بحالتى
دة احنا مصريييييييييييييين يابن بلدى
اه مش نفس الطبقة ولا نفس المستوى المادى
بس دة بأيدى وفقرى مكانش ذنبي
____________________________
انت معاك فلوس انا معييش انت دايخ من الحشيش
انا دايخ بلف وادور على شغل تانى مبلاقيش
انت وسايط وعلاقات علشان كدة مدخلتش جيش
اصل بابا رافض انك تتساوى بابن الغفير
كل واحد فينا فى وادى كل واحد له اهداف
انت هدفك تشقط سالى انا بتمنى العيش الحاف
احنا بشر اه بنخاف كل واحد فينا خواف
انت خايف انك تتساب وانا بخاف انام جعان
مستحيل نتساوى فى مصر احنا طريقين عكس بعض
انت دايما المظلوم وانا مكانك فى طابور العرض
مش حرية لا ده غصب علشان عندك اللى يحميك
واانا اللى حامينى يمهل ولا يهمل دايما بقول يارب
فهمت يابن الباشا ليه بتشوف الصورة اجمل ؟
مش كلام أغانى لآ علشان انت فى طبقة اعلى
عمرك يوم ما وقفت فى لجنة واتشمت بكل لهجة
انت تهزق وتعدى وانا باخد الطريحة بدلك

SubZero / ارجوك متعايرنيش

Sub-Zero " Der3 Bashary " 2
Rec Mix Mastering " AR Studio " Mahmoud Afifi ♥
كام ام سي قلمه مفهمه ان كتافه فوق فى السما
لو على فرق المسافات فى كفاءات اقلب رجلك للهوا
هنا فى ديناميت فى تخطيط فى تحضير تبقوا فران مصيدة
فين البيف وانا ابيد امسيز احفرلهم مليون محرقة
دى حرب باردة خبوا المدنين واستعدوا للضرب
كام واحد عقله راكبه فى السين حب يعادى درع قلبه صخر
مين طفحكوا البحر مدى الدهر بدون فخر تلميذ هتلر
قادر اقصقفكوا وامثل بيكوا الدرع البشرى لا يقهر
بينا نسلخ فى جلود ونطير اشلاء نشرب دم
اكل البشر كالهنود اسبيت سم اقرقش عضم
الامسيز دول ويك جيفن اب قالوا يا فكيك شافوا الباتل صعب
وانا واقف صلب وبستعرض مهارات جاالهم حالة رعب
نبدأ نربك حسابات نقصف جبهات نعلف حيوانات
كام كرباج او كام بار عدوا الضربات انا رعد فى اعصار
انا قناص هدفى الراس هيد شوت بالبنشات فيكم بصطاد
انتوا فضلات مفيش منافسة امسحوا البلاط
_____________________________________
الناس دول اكلينيكا ماتوا ونفسهم دة حلاوة روح
تراكاتهم لا تقوم حرب ولا تسببلى فى يوم جروح
طلقاتهم فارغ خرطوش  ضربة درع تسبب موت
اللى قادر على المنافسة يبان هسيب الباب مفتوح
__________________________________
دة اوكازيون وانتوا صراحة زباين لقطة
امسيز محترفة رقص باراتى على مسارحكوا نقطة
عاوزين تعيشوا اللحظة لا على مين طب بصوا الفقرة
الدرع البشرى يمحى وجودك انت واللى فى ضهرك
اللعبة دى لأبطال دة سرك ليه مروض أسود
اخلع يا قرد على الجبلاية ريح تحت شجرة موز
انت مش جاهز بس بتحاول يكونلك دور
الضرب فيك هيكون ساهل زى اكل البسكوت
دة مش تراك دة عراك عضمكوا كتير ضعيف
بلاش تتغروا بالسن ممنوع تخشوا بيف
cave خشوا استخبوا فى ال
grave او ناموا فى 
slaves بدل ما اعاملكوا ك
one wave اسكندرية
يا سين مثير للشفقة مجاعة وانا الماية
دى نقطة منى بس عشان الصحبة الحلوة
ملقتش منافسة فانا دايما اللى بكسب
 الأرض البور دة مجالكوا فى وجودى تربة خصبة
_____________________________________
الناس دول اكلينيكا ماتوا ونفسهم دة حلاوة روح
تراكاتهم لا تقوم حرب ولا تسببلى فى يوم جروح
طلقاتهم فارغ خرطوش  ضربة درع تسبب موت
اللى قادر على المنافسة يبان هسيب الباب مفتوح
__________________________________

Sub-Zero | درع بشرى 2

Rec N Mix N Master : AR-Studio " Mahmoud Afifi " ♥
Lyrics :
عمرك قتلت مثلا ؟ عمرك دمرت فى بلدك ؟
جربت تدوس على اللى جمبك تبقي اعلى
لو لآ فأنت تبقي نضيف و عملة نادرة
ومش هتعيش مرتاح وسط الناس الوسخة
لازم تجرب تسرق قوت الغلبان وتطعن
اقرب ما ليك بخنجر بدل الضربة تسعة
لازم فى الشر تسعى مبادءك دى تبعيها
وتمص فى دم اخوك ادى الدنيا و قانونها
تبقي سيد ولا عبد اختار المذلة
كلنا عباد الله دة بس شرح حالتك
اختارت تموت بنفسك يجوعوا ياكلوا لحمك
شربهم سم فى مايه وضعك يبقي احلى
الناس دى نفوسها عتمة ودايما منك اقوى
عشان شايفينك ماشى جمب الحيطة المايلة
هتقبل تخسر ولا تجرب اول ضربة
اختارت تعيش فى الدنيا يبقي تسنى الاخرة
__________________________
عاوز تبقي ايه نفسك نفسك تبقي فين
قاتل ولا قتيل دنيا ولا الدين
تختار تبقي مين كله بين ايديك
اختاربس ملكش الحق فى الاتنين
__________________________
كل ماتعيش وتشوف الناس نكرة نجمة يعلى ويفضل اعلى
انت الاقوى انت الاذكى خلى سلاحك الاول قسوة
هينهم بيدهم فرق مابينهم الناس يركبوك لو شافوك صاحبهم
اكسر عينهم عذبهم لو طلبوا الموت قول لآ
طعم الحياة يبدأ يحلى
كرامة الناس فى ايدك سلعة
خوفهم و ضعفهم يرموا عضمك
اعصابهم لعبة و مشاعرك باردة
قد ايه حلوة الحياة لما تتحول لحد عكس م الناس تتمناه
رامى كل شئ وراه انت الصوت و الصوت صداك
كل امر ليك مطاع حقناً بس للدماء
عاوز تبقي ايه نفسك تبقي فين
وكانى بقولك اختار عين من عينيك الاتنين
و الحل الوسط ايه هتعيش قد ايه
هتعيش ع الحلوة و المرة تتقلب ع الحالتين
__________________________
عاوز تبقي ايه نفسك نفسك تبقي فين
قاتل ولا قتيل دنيا ولا الدين
تختار تبقي مين كله بين ايديك
اختاربس ملكش الحق فى الاتنين
__________________________

SubZero | دنيا ولا دين

كام عقل مش عارف ينام
ملعونه الذكريات طولت مر الأيام
يانعيش على ماضى مات يا الحاضر يبقي عذاب
مستقبل ايه اللى نفكر فيه دة النص التانى باع
يا اللى بتبيعوا علمونى ازاى اعيش
واخرج لأى مكان متخيلش صورتها فيه
او ارشدونى ازاى استئصل المشاعر
انا نفسي انام من غير ما افكر زى البنى ادمين
ليه دايما ابقى فى الصف المظلوم
طالاما فى مراكب ليه تقوليلى اعوم
والله مالوش لزوم الحمل مش هيدوم
ليه تسوديها فى وشى بعد كان الله فى العون
ياخوانا يا كدابين لا انا مش كداب
اانا بس عاوز احس احساس الطرف اللى ساب 
اكيد ملوش احساس لو ليه مكانش خان
لو ليه كان ساب جواب يقولى فيه انه الغلطان
____________________________________

راضى بقدرى و نصيبي يا شمس بلاش تغيبي
اعيشها صاحى سنين ولا اشوف صورتها فى ليلى
يحرم عليا سريرى لو نمت افكر فيكى
على قد ماجيتى عليا يا دنيا علمتينى

_________________
واشمعنى انا ؟  احلامى ما كملتها
الفرحة بالنسبالى متاهه تايه عن حلها
دة القلب مشتاقلها والعقل محتاجلها
والواقع لما اتكلم حكمه كان ابعد زيها
ماتقولى ايه فى جرابك يا بكره انا مش مستحمل
مبقاش فى طاقة كل ما اقرب حد يبعد
والله حمولى تقلت مش ناقص انك تعند
وتقولى بكره احلى واكتشف انك بتكدب
يا اهل الحب ياللى ارجوكوا تخبوا عنى
كل اللى بينكوا من مشاعر والنظرات تملى
راعوا انى وحيد بقلبي متحسسونيش بعجزى
عشان اعرف اعيش بقيت العمر لوحدى
اعيش زى اللى عاشوا غيرى ياما
مجرد دقات قلب مش هامهم كام الساعة
مبصش للمرايا مهتمش مين معايا
اشوف الماضى بكره  والحاضر ارميه ورايا
____________________________________

راضى بقدرى و نصيبي يا شمس بلاش تغيبي
اعيشها صاحى سنين ولا اشوف صورتها فى ليلى
يحرم عليا سريرى لو نمت افكر فيكى
على قد ماجيتى عليا يا دنيا علمتينى

_________________

SubZero | يا شمس

فى اول صفحة مكتوبة النهاية
شوفوا معايا اعداد الضحايا
انا شيطان فى صورة بشر
انا مريض نفسى فى اسوأ حالة
دة حب بجد اوعى تقربي
خافى على نفسك ارجوكى اهربي
انتى بتحبينى بس انا مش لوحدى
انا اتنين مفيش وقت تفهمى
يا صحبي اسف انا مش كدة
وقعتك فى حفرة بدل ما انقذك
هههههه ارجوك سامحنى
حاولت ياما ابعدك عننا
متبصوش بأستغراب ابدا انا مش ملبوس
انا نصين عكس بعض عايشين فى حروب
حابب الفضيلة عاشق الذنوب
عايش فى كابوس بتمنى اموت
________________
منتهى ببدأ حياه عارف اخرتى فى النار
وبشوف فى الغدر متعة والليل انوار
بختار يمين  شمال وساعات الناس تختار
تفضل فى حضنى وتدوق بأيدها طعم المرار
________________
قولتلك ابعدى انتى اللى صممتى
اخدت اللى عايزه منك انتى ندمتى
ليه مبعدتيش مخوفتيش على نفسك
انتى واثقة فيا دى مش مشكلتى
وانتى كمان ايه اللى جابك
اشتقتى لزمان  ؟ ايام الذل ؟
مش قالولك دى معرفة مصالح 
مصلحتى خلصت ليلتك فل
انا وحش  صح لا دة مش انا
دة الشئ اللى انتوا عاوزينه يتبنى
انا مش كدة انا بحب الحياة
انتوا كرهتونى فيها ل 100 سنة
مالك يا صحبي مين مزعلك
ملعون الدنيا على مشاكلها
خد الحباية ديه تريحك
كدة انت خلعت منها
________________
منتهى ببدأ حياه عارف اخرتى فى النار
وبشوف فى الغدر متعة والليل انوار
بختار يمين  شمال وساعات الناس تختار
تفضل فى حضنى وتدوق بأيدها طعم المرار
________________
انا الفعل مش ردة الظلم مش عكسه
طرف تالت وسط كل اتنين اتصحابوا
انا الفخ وسط كل لمة
أقتل القتيل و ابوظ جنازته
انا السم فى العسل غالى عندكوا
شمع بتتحرق بتنورلكوا
وفى نفس الوقت برضى غريزتى
بكل سهولة بحرق جلدكوا
انا مريض نفسى بالنسبالكم سليم
عالأقل صريح ومش بخبي
عارف مرضى زى منا عارف سببه
وعلاجى انى اقتل كل اللى احبه
بينا الزمن والايام
هنشوف مين فينا نفسه اطول
دنيتنا دى غير الأفلام
مش دايما الخير اللى يكسب
________________
منتهى ببدأ حياه عارف اخرتى فى النار
وبشوف فى الغدر متعة والليل انوار
بختار يمين  شمال وساعات الناس تختار
تفضل فى حضنى وتدوق بأيدها طعم المرار
________________

SubZero | مُنتَهىِ | Prod By Batistuta

لينك قناة اليوتيوب اللى هيكون على الاغانى الجديدة ان شاء الله اتمنى تتابعو الجديد
https://www.youtube.com/channel/UCfnZyuGqsMCvtJvO64gM3WQ/videos

Recored by AR studio
Special thanks to mahmoud Afifi 

الكلمات :
ورقه وقلم ، صمت اوضه فاضيه 
ضوء خفيف ، صوت مزيكا هاديه 
ذكريات طفوله .. ايام الضحكه الصفيه 
صدمه !! .. الوقت عدي فجأة 
سنين بتجري بطفل متعلمش معني الضحكه 
معقوله الوقت سرقنا ! .. انا فاكر اني امبارح كنت بقول انا بكرا هبقي .. لا !!
معقول طفوله غامقه .. صور باهته مفيش ملامح حتي لشكل فرحه ..
 ولا اي ذكري واضحه 
سعاده في اي فتره 
ولا اي حاجه حلوه صدفه كانت ولا غلطه .. 
نفس الالم .. بنفس القلم
نفس شكل الصوره حتي بعد مرور الزمن 

نفس الخوف من بكره .. نفس الصرخه اللي بتتكتم 


---------------------------------------
تايه .. في الماضي اللي كان
غايب .. من الحاضر كمان
سافر .. اتغير المكان 
يمكن تشوف الفرحه وتلاقي ذكريات 
---------------------------------------
ورقه وقلم صحرا برد مطر
تحت شجره مفيش غير ضي القمر 
ششششش ... 

شايف المستقبل لوحه وعنوانها خطر 
صدمه ... الوقت مره تانيه
نفس السنين بتجري نفس الطفل ونفس الكارثه
معقول مفيش اللا انت هو انت عملت اي فحياتك ولا اي كان ذنبك 
ذنبي !! .. انا ذنبي نفس ذنبك .. عايش بلا هدف سلبي وانطوائي زيك .. تقريبا حته منك انا ماضي ملوش ملامح وانت مستقبلك ضدك .. 
نفس الالم .. بنفس القلم  
انا وقتي اتسرق وانت وقتك مستنيه يتسرق 
انا وانت نفس الشخص .. احنا الاتنين دفعنا التمن .... 

---------------------------------------
تايه .. في الماضي اللي كان
غايب .. من الحاضر كمان
سافر .. غير المكان
 يمكن تشوف الفرحه وتلاقي ذكريات

SubZero l غـايب


Facebook:  https://www.facebook.com/SuBZiR0
Youtube channel : https://www.youtube.com/channel/UCfnZyuGqsMCvtJvO64gM3WQ


Devils Music

Popular tracks