عاااااالمى ولهى يا ابنى

انت خلتنى احاسب نفسى رسبكت كبير ليك

ده بايدى ياريت كان غصب عنى

قولت كل الكلام اللى جزايا ❤

Lyrics ..
انا البعيد اللى متعلمش من كل درس حفظه
معدوم الاراده مش مستفيد بطاقته
وقت الهم يصلى ويدعى  لما تفرج ينسى ربه 
انا اللى كاره نفسه بينه وبين نفسه 
كام مرة اخدت قرار اصلح من حالى 
كام شيطانى غلبنى وللشهوات ودانى
انا ناسى تايه بحاول ارسم اهدافى 
لا ارادى رسمت نفسى فى لوحة غرقان فى المعاصى 
21 سنة ذنوب اضعاف العمر
حلاوة الدنيا فى عينى اتقلبت دوقت طعم المر
والنتيجة فشل هم جميع أمراض الدم
والازمات تكتر وتمر معرفتش استقر
انا سلبى ! انا اضعف كائن موجود
عارف السبب والحل وبرضه مش قادر افوق
انا مخطوف وعندى 100 طريقة للهروب
انا مقيد وكل يوم بزود القيود
--------------------------------
انا اللى بيدعى ربه دايما انه يبقى معاه
مع انه اكتر واحد فى الدنيا بيعصاه
ده بايدى ياريت كان غصب عنى 
انا اللى بيتمتع بالدنيا وساب اخرته وراه
-------------------------------------
انا مشيلتش مسئؤولية ومستخدمتش عقلى
انا لو هكون ضحية فانا اكيد ضحية نفسى
انا معمى مغيب والنفس مش من حقى
انا مستاهلش اعيش خسارة فيا دقات قلبى
وسط النور تقول ملاك فى الضلمة بكون شيطان
احسن واحد يدى نصايح مش عارف يعمل بيها
باللسان بقول الصح وبالأفعال بكون غلطان
لو جوايا دورت بيمكرسكوب على حسنه مش هلاقيها
غير صالح لشئ ! مصلحش انى ابقى قدوة ! 
كتير كلمت نفسى كنت بقول دى مجرد غفوة !
بس ازاى ده مفيش غفوات بتدوم لسنين
صعب عليا حالى ياما قولت بكرة تحلى !
اسف يا ربى عارف ان قولت كتير
بس انا مستحقر نفسى ومش عارف اعيش
اغفرلى هتغير و ده الوعد الأخير
ده انا ممكن انام دلوقى واموت على السرير
--------------------------------
انا اللى بيدعى ربه دايما انه يبقى معاه
مع انه اكتر واحد فى الدنيا بيعصاه
ودة بايدى ياريت كان غصب عنى 
انا اللى بيتمتع بالدنيا وساب اخرته وراه


Sub-Zero / أنا


Facebook:  https://www.facebook.com/SuBZiR0
Youtube channel : https://www.youtube.com/channel/UCfnZyuGqsMCvtJvO64gM3WQ


Comments

Mister joo

Hassan Alaa Abo Hadida

TA Ř EK 6

user439755641

Mohamed Badreldeen

HoSsAm K. Alfy

мσђάмèd̃̾ d̃̾ïάЪ

мσђάмèd̃̾ d̃̾ïάЪ

omar elmagic 2

Adel Emam (MB)