just words!!

خدني بين اديك _ حميد الشاعرى وسيمون (khodny ben edek )

أنا م البداية يا غربة بتحمل
وخلاص كفاية صعب ان انا اكمل
طريق يقرب لقلبي مناه
خد عمري بين لياليه وتاه، وآه وآه
ياما كان منانا نتلاقى ونقرب
وعشان هوانا برحل وبتغرب
واعيش غريب وطال الليل معاه
جريح ومين غيرك دواه؟ وآه وآه
مجروح وراجع آه، مدّي الايدين حنّي
في الروح مواجع آه، وانا مين يطمني
ناديت، في البعد ضاع صوتى وصداه
ردى على قلبي نداه، وآه وآه

Ana Mel Bedaya - انا من البدايه

الموسيقار العربى العالمى الكابو-حميد الشاعرى
اغنيه : لما تقابل سينجل 2014
كلمات : مينا مجدى
لحن : مصطفى شوقى
توزيع : حميد الشاعرى
====================
لما تقابل واحد وحشك
ماتسلمش وبس عليه
احضنه جامد
مش حيكفي حضن ايديك
واما تدندن غنوة فاكرها
غنيها ولحد اخرها
اوعي سكوتك
يخنق صوتك
وما تكون مع شلة صحابك
اتصور على قد ماتقدر
علشان لما ملامحك تكبر
تلاقيهم وياك
واما تحب اعشق حبك
حب لاخر نبض في قلبك
حب في بعد حبيبك عنك
حب كأنه معاك
لما تحس انك مخنوق
اصرخ من جواك ماتخافشي
بص لفوق
علم قلبك انه يفوق
لو مش عارف تسبح فكك
سيب الشط لناسه وقوم
عيش علــ الاخر
نط في بحر مشاعرك عوم

الاسطورة الكابو-حميد الشاعرى لما تقابل سينجل 2014

Dear John (Taylor Swift Cover)

دينا الوديدى - وحده

علي بالي ـ عايده الأيوبي

عصفور طل من الشباك ـ ـ عايدة الايوبى

 لو تعرفي  ..على الحجار  

لو تعرفى - علي الحجار

متفوتنيش أنا وحدي - سيد مكاوي

إسكندرية الصبية ..بنيِّـة امبارح
أموت فى عودها السِرِح..وف رمشها السّارح

شِرح هـواها ..وشعورها..شَـبك وليل طارح
ع البحر..والبحر فى ننى العيون بارح
دى إسكندرية عروسة بحرها المالح

يا إسكندرانى.. يا بستانى فى جناين الريح
يا قانى جواك سما..وشمس..وغنا تباريح
أحلى ما فيك يا وله..إنك جدع وصريح
وطيب القلب ..تضحك..حتى وانت جريح
وان عاندك الموج..تداديه انت وتصالح
دى اسكندرية عروسة بحرها المالح

يا اسكندرانية ..يا مِياسة محنيّة
يا بنت بحرى يا ساكنة قلبى وعينيا
فى الحرّ..ع البرّ تجرى..مستأنية
يرشك البحر ميّة..ترشي حنيّة
على وشِّى..ويصيب حشايا سهمك الجارح
دى اسكندرية عروسة بحرها المالح

اسكندرية الصبيّة - حنان ماضى

من ألبوم جوابك إصدار سنة 1995

Hisham Abbas Wbet2oli هشام عباس وبتقولي

أنا مهما كبرت صغير .. حميد الشاعري

    عجيب حبك ضياه ساكن
ف روحي ف كل تكويني
وبشتاقلك صحيح لكن
ولا عمرك وحشتيني
وتقولي حتوحشيني إزاي
وصورتك نني ف عيوني

ناديني أشق قلب الليل
وأكون فارس لأحلامك
ولو تاهت في ليلي الخيل
حجيلك برضه ف منامك
وتقولي حتوحشيني إزاي
وصورتك نني ف عيوني

ده موج البحر واخد وعد
يعود للبحر من تاني
وقلبي لو يتوه ف البعد
يلاقي عينيكي عنواني
وتقولي حتوحشيني إزاي
وصورتك نني ف عيوني

قالولي إزاي أنا حبيت
وحبك أصلي وكياني؟؟
وليه ف الغربة ما حسيت
بإنك لحظة واحشاني
وتقولي حتوحشيني إزاي
وصورتك نني ف عيوني


Eman Elbahr Darwish - A'agib Hobek - ايمان البحر درويش -عجيب حبك

نكبر يا دوب..
نحلم نعيش بجناح و ريش ..
بين الدروب و الازمنه..

مصطفى قمر _ العم نوح ( البيانولا )

عايدة الايوبي_من زمان 1993 من البوم من زمان جودة عالية

عايدة الايوبي_من زمان 1993

رفضك يا زماني .. يا أواني .. يامكاني
أنا عايز أعيش في كوكب تاني
فيه عالم تاني .. فيه لسّه أماني
فيه الإنسان .. لسّه إنسان
عايش من تاني

عالم طيّار ورياحه قوية
بتهد كياني تكسّر فيّا
من غير مواعيد
بتاخدني بعيد
عن معنى حياتي
عن أصلي وذاتي
وده مش بإديا
وده مش بإديا

فيه سد منيع
عالي وفظيع
بيني وبين نفسي
بين روحي ورسمي
بين يومي وأمسي
وإللى أتمنيته وبنيته
في الهوا بيضيع
وده مش بإديا
وده مش بإديا

مكبوتة في قلبي أحلام محصورة
وحطام أفكار أيتام مبتورة
وآمال مطوية
بتعافر فيّا
وكأن أواني كان لسّه شوية

وف وسط الناس والزحمة
تاه الإحساس والرحمة
ضاع مني سلامي
تاه حتى كلامي
ضاق بيا مكانى
كداب يا زمانى

رفضك يا زماني .. يا أواني .. يامكاني
أنا عايز أعيش في كوكب تاني
فيه عالم تاني .. فيه لسّه أماني
فيه الإنسان .. لسّه إنسان
عااااااااايش من تاني

عصفور طل من الشباك ـ ـ عايدة الايوبى

Dii Alkamar

Recent comments

' فاطِمة أثير أمانة

afroto

Emad Elbana

Nehad Alaa

Related tracks