نامي ياعصفوره نام يا عصفور

قابلت كتير .. فرشولي عشاني الأرض حرير

لو حبيت حقيقي فمره .... كلمات دينا رأفت ... 
29/2/2016
........
لو حبيت بحقيقي ف مره ...عمرك ما هتقدر يوم تبعد
انا قلتها مليون مره ... علي قد ما بتحب بتوعد
بس وعود كلها مش صح ... كله بيروح مع الايام
وانا من يوم ما عرفت الحب .... وانا مش عارفه عنيا تنام
بدور عليه فكل مكان .... يمكن فيوم الاقيه موجود
اصل الحب ده اجمل حاجه ... ودي حاجه مش محتاجه شهود
يعني لو حبيت اتكلم .. قبل حبيبك يوم ما يضيع
اصله لو ضاع هتتالم .... ومن بعدها هتعيش بتبيع
والبيع ده بقي اسهل حاجه ... عند ناس كتير عايشين
بس اللي بيحب بجد ... ميبعش ولو حتي بملايين
أصل ده قلب وروح وحياه ... مش حاجه بتتباع يعني
وانا من كتر ما قلت كتير ... خلاص بقي قلبي بيوجعني
بس عمري ما فيوم هزهق ... هفضل احب لاخر يوم
منا لو قلبي ده كان يتكلم ... كان صرخ وقال مظلوم
مظلوم من كتر ما بيعيط ... عايز حضن امان وحنان 
وانا قلتله اصبر حبه ... اصلها مش محتاجه جنان
انا عرفاك مجنون جدا ... ودي حاجه مش محتاجه كلام
بس ارجوك ارحمني ... علشان خلاص مبقتش بنام
سيبها علي الله وهتفرج ... هو حنين برضو عليك
ارمي عليه كل حمولك ... وانا عارفه بانه هيرضيك


Dina Raafat ✅

Popular tracks