حسان الدوس شطحة Hassen Eldoss Chat7a

ولد المحفوظي - كوكب حقير


ما فهمتكش
حيرتني و ما نجمتكش
وين غبرت ما عوايدكش
توحّشتك, توحّشت حديثك و ضمارك الي ما يفارقكش
أما اسمع!! يمشيش في بالك نحبّك! لا راني ما نحبّكش
أما ما فهمتكش
 
و انا نحب نفهم كلّ شيّ
و ما نحبّ يخفى عليّ شيّ
و انت مالناس الّي تحكي كلّ شيّ
و ما تحكي حتّى شيّ
و غموضك الواضح يعذّبني عذاب الحيّ
 
انت ما تضوّيش
على أمورك ما تحكيش
المخبّي ما تورّيش
و عمخرك ما تهبّط فريش
 
و هذا الّي علّقني بيك
خلّاني نخمّم فيك
و نكتب عليك
على خاطر كي نتوحّشك ما نجّمش نجيك
 
اما انتِ تجيني
عمرك ما وحدي تخلّيني
ديما تجيني
و في همومي تنسّيني
ترسم الضّحكة على خدّي و تمسع الدّمعة من عيني
منّك عطشانة انا.. و انت مالشّهوة تسقيني
منّك جيعانة انا.. و انت مالحبّ ما تعطيني
و ديما تجيني
 
تجيني و عيني ما تشوفك
و وذني ما تسمع صوتك
و بدني ما يحسّ بوجودك
ديما تجيني
 
تجيني و ما نشمّ ريحتك البنينة
و ما تلمسني يدّك الحنينة
و لا نتهندملك و لا نعملّك زينة
على خاطر
تجيني في الخيال
انت وهم هبال
حقيقتك فال
ما تخطر على بال
 
إيجا.. أمان إيجا و يزّينا ماللّعب
إيجا نحكيو على هموم الشّعب
إيجا اتّكّى في شوني و نحكيو عالبلاد
و علّي عامل معاها الدّوني و هاززها للواد
إيجا العبلي بشعري و احكيلي عالثّورة و النّظام
و نتناقشو في السياسة و نتفرّجو عالأفلام
 
و إيجا
 
إيجا نشطحوا راقدين
و نتمايلو عالفرش زاهيين
و موش كان يدينا متشابكين
و توشوشلي كليمتين
بيهم نجنّح و نطير يسار و يمين
و نحفظ فيك و تحفظ فيّ كلّ شبرين
و نعبّيو البيت فلّ و ياسمين
و احنا ساهرين
من خمرة الغرام  شاربين
و نباتو مصبّحين
 
و تدخل الشّمس مالشّباك
و نغير منها كي تجي بحذاك
و كي ترسم على بدنك نورها و نوّارها
نتّرما عليها و نقطعلها ادبارها
 
و نسكّر الشباك نخاف لا تقوم
و نعشق هواك مواتيك حتّى النّوم
 
و نحسبك وليدي
نبنّن عليك بيدي
و نحسبك محبوبي
نبوس جبينك العروبي
 
و كيف تصحى و تفيق
نعرفك توّ تمشي و ما تحبّ هالرّيق
أما إيجا بركَ شيّ ما يصير
إيجا نفرشلك زربيّة حرير
 
إيجا و ما يهمّكش
إيجا راني ما فهمتكش
 حيرتني و ما نجمتكش
وين غبرت ما عوايدكش
توحّشتك, توحّشت حديثك و ضمارك الي ما يفارقكش
أما اسمع!! يمشيش في بالك نحبّك! لا راني ما نحبّكش
 
 
05:19
28/05/2014

إيجا.. أما راني ما نحبّكش

Love Notes Part One

Promesse De Mort Gnawa Diffusion

ماو لاباس كي جات الفاس نقرت الراس، جبدو الوسكي زادو سربو منو كاس
و الزوالي لزوه للاحباس... ماو لاباس؟؟ 

ماو لاباس لميمة تبكي بحرقة... وليدها مشا طيّش روحو في حرقة، يهزو لبحر و لا يعيش في بلاد الحقّرة.
و لاباس...

ملا سربي كاس، خنشد بياصي تحت الحيط، راني عييت من هالعريبة عيت، طبيعة خييييييييييييييييت!!!!!!! 
عباد تلبًز، عباد تعفس و تردس، و عباد تصقّس و زيد عباد تلحس
و عباد تتمنّا نهار تتنفس...!!

و عباد  سهرت ليالي، نوم الليل ما عادش حالي، تشكي للرب العالي و لابآآآآآآاس.... 
ماو لاباس كي جات الفاس نقرت الراس، جبدو الوسكي زادو سربو منو كاس
و الزوالي لزوه للاحباس... ماو لاباس؟؟ 


Emad loulou             lutte
abbese ben malek    batterie 
tarak maamar          guitare basse 
taher chanouffi        guitare éclectique 
naim tchi                  percussions  

Maw Labess ماو لاباس ( LIVE CONCERT) de l'album GOUM

تحب شكون يجي يورّيها يهنّيها وما يخافش منها
من كثر الضحك يبكّيها يذوق قهوتها و يتبنّنها
يحسّ بيها ويحسّ عليها تبرد ضحكتها يسخّنها

هبّلِيــــه، هبّلِيــــه، نسّيه في أمّو و بوه
هبّلِيــــه، هبّلِيــــه، و كان محبّش ينعّم بوه

تحبو من غزرة يفهمها يجي من وراها ويضمّها
يحرمها، يفوّرلها دمّها يحلّها في العريض ويلمّها
يغير كيف واحد يكلّمها تتسوممْ، يشرب من سِمّها

هبّلِيــــه، هبّلِيــــه، نسّيه في أمّو و بوه
هبّلِيــــه، هبّلِيــــه، و كان محبّش ينعّم بوه

شاهية راجل يعنّقها شاهية راجل يعنقها
يقرا عينيها يورقها يعشقْها ويعطيها حقّها
تكذب عليه ويصدّقها ما يفهم شي من منطقها

هبّلِيــــه، هبّلِيــــه، نسّيه في أمّو و بوه
هبّلِيــــه، هبّلِيــــه، و كان محبّش ينعّم بوه

شاهية راجل يبرّيها يضحّكها لين يبكّيها
تستنّا يشدّلها يديها يشقّ بها الطريق ويعدّيها
يبدى معاها ويوفا بيها يموت كيف تذبّلّو عينيها

هبّلِيــــه، هبّلِيــــه، نسّيه في أمّو و بوه
هبّلِيــــه، هبّلِيــــه، و كان محبّش ينعّم بوه
هبّلِيــــه، هبّلِيــــه، نسّيه في أمّو و بوه
هبّلِيــــه، هبّلِيــــه، و كان محبّش ينعّم بوه
هبّلِيــــه، هبّلِيــــه، نسّيه في أمّو و بوه
هبّلِيــــه، هبّلِيــــه، و كان محبّش ينعّم بوه

هبّليه هبّليه  - خنافس

Chabakrou

Khalleek Be El Bait

Moukadema 83 (Instrumental)

Original song : https://youtu.be/LVArVUAXCJM
Keyboards : Yonatan Meltzer Tlv
Mastering : Nir Sayag Tlv
Graphic Design : Ruben Lahav Tlv

Love Notes Part One

djflashb

Related tracks