សំឡេង៖ ចេង ម៉េងជូ និង ទិត​​​ ច័ន្ទតារា

ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍សូមស្វាគមន៍

ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ដែលហៅកាត់ថា DMC នៃសាកលវិទ្យាល័យភូមិន្ទភ្នំពេញ ជាគ្រឹះស្ថានឧត្តមសិក្សាដំបូង និងឈានមុខគេក្នុងព្រះរាជាណាចក្រកម្ពុជា ដែលបណ្តុះបណ្តាលថ្នាក់បរិញ្ញាបត្រ ផ្នែកគ្រប់គ្រងប្រព័ន្ធផ្សព្វផ្សាយ និងវិជ្ជាជីវៈសារព័ត៌មាន តាំងពីឆ្នាំ២០០១។ 

ដេប៉ាតឺម៉ង់មានបំពាក់ទៅដោយបរិក្ខារសិក្សាប្រកបដោយវិជ្ជាជីវៈក៏ដូចជាបណ្ណាល័យសិក្សាដែលបើកឲ្យប្រើប្រាស់៧ថ្ងៃក្នុងមួយសប្តាហ៍។

និស្សិតដែលសិក្សានៅ DMC ចាំបាច់ត្រូវឆ្លងកាត់ការប្រលងដើម្បីទទួលបានអាហារូបករណ៍ រួមមាន ស្ថានភាពសារព័ត៌មានបច្ចុប្បន្ន ចំណេះដឹងទូទៅ ភាសាអង់គ្លេស និងការសម្ភាស។ ការសិក្សានៅ DMC មានរយៈពេលបួនឆ្នាំ ដែលឆ្នាំនិមួយៗផ្តោតការយកចិត្តទុកដាក់ដូចខាងក្រោម៖

ឆ្នាំទី១ ឬ ឆ្នាំសិក្សាមូលដ្ឋាន៖ ឆ្នាំនេះនឹងប្រមូលផ្តុំចំណេះដឹងចម្បងសម្រាប់និស្សិត និងអោយនិស្សិតបានយល់ដឹងកាន់តែច្បាស់ពីស្ថានភាពសិក្សានៅសាកលវិទ្យាល័យ ស្ថានភាពទូទៅនៅក្នុងសង្គម ភាសាអង់គ្លេស និងជំនាញកុំព្យូទ័រ។

ឆ្នាំទី២៖ មុខវិជ្ជាសិក្សាភាគច្រើននៅក្នងឆ្នាំទី២ ផ្តោតសំខាន់ទៅលើ ការសរសេរ និងរាយការណ៍ព័ត៌មាន សម្រាប់សារព័ត៌មានបោះពុម្ភ (Print Media)។ ជាលទ្ធផលនៅក្នុងឆ្នាំនេះ និស្សិតបានផលិតនូវសមិទ្ធផលសារព័ត៌មានមួយចំនួនដូចជាទស្សនាវដ្តី និងកំរងរចនាផ្សេងៗជាដើម។ ក្រោយពេលបញ្ចប់ការសិក្សាក្នុងឆ្នាំនេះ និស្សិតត្រូវបានផ្តល់ឱកាសអោយចុះកម្មសិក្សានៅតាមបណ្តាស្ថាប័ន សារព័ត៌មានរយៈពេលយ៉ាងតិចបំផុត២ខែ។ 

ឆ្នាំទី៣៖ ដំណាក់កាលនេះ និស្សិត DMC នឹងទទួលបានការសិក្សាលើផ្នែក វិទ្យុ ទូរទស្សន៍ និងការផលិតវីដេអូឯកសារ ជាមួយបរិក្ខារសិក្សាដែលមានស្រាប់ដូចជា ម៉ាសុីនថតសំឡេង ថតរូប និងថតវីដេអូ បន្ទប់ស្ទូឌីយូថតសំឡេង បន្ទប់ស្ទូឌីយូទូរទស្សន៍  និងបន្ទប់កាត់ត។ លើសពីនេះទៅទៀត ការសិក្សានៅក្នុងឆ្នាំនេះ នឹងមានផ្តោតការយកចិត្តទុកដាក់ផងដែរទៅលើ ការស្រាវជ្រាវផ្នែកប្រព័ន្ធផ្សព្វផ្សាយ (Media Research)។  ក្រៅពីការសិក្សានៅ
DMC និស្សិតបានចុះធ្វើការអនុវត្តផ្ទាល់ ដើម្បីធ្វើបទសម្ភាស និងផ្តិតយករូបភាពទៅតាមប្រធានបទរៀងៗខ្លួន។ ជាលទ្ធផល និស្សិតបានផលិតជា ឌីវីឌីកំរងវីដេអូឯកសារខ្លីៗ ក៏ដូចជាទស្សនាវដ្តីកំរងអត្ថបទសារព័ត៌មាន ផ្សេងៗ។ ក្រោយការបញ្ចប់ការសិក្សាក្នុងឆ្នាំនេះ និស្សិតមានឱកាសប្រកួតប្រជែងសមត្ថភាពជាមួយមិត្តរួមថ្នាក់ ដើម្បីទទួលបានការចុះកម្មសិក្សានៅបរទេស ទៀតផង។

ឆ្នាំទី៤៖ ឆ្នាំនេះជាដំណាក់កាលដែលនិស្សិតត្រូវបង្ហាញពី សមិទ្ធផលរបស់ខ្លួនក្នុងវិជ្ជាជីវៈសារព័ត៌មាន និងស្រាវជ្រាវផ្នែកសារព័ត៌មាន។ និស្សិតអាចជ្រើសរើសប្រធានបទណាមួយ ដើម្បីផលិតជា វីដេអូឯកសារ កម្មវិធីវិទ្យុ រឺទូរទស្សន៍ អត្តបទស្រាវជ្រាវដែលទាក់ទងនឹងសារព័ត៌មាន និងផលិតផលដ៏ទៃទៀតដែលទាញយកវិជ្ជាជីវៈសារព័ត៌មាន ទៅអនុវត្តសម្រាប់ការបញ្ចប់សារណារបស់ខ្លួន។ រួមជាមួយគ្នានេះនិស្សិតនឹងត្រូវបានបញ្ជ្រាបបន្ថែមទៀតពីរបៀបគ្រប់គ្រងប្រព័ន្ធផ្សព្វផ្សាយ និងការប្រកបវិជ្ជាជីវៈសារព័ត៌មាន។ 

ជាមួយបទពិសោធន៍ជាង១០ឆ្នាំដេប៉ាតឺម៉ង់បានបណ្តុះបណ្តាលធនធានមនុស្សជាច្រើនដែលកំពុងបម្រើការងារក្នុងស្ថាប័នព័ត៌មានក៏ដូចជាស្ថាប័នពាក់ព័ន្ធទាំងជាតិនិងអន្តរជាតិក្នុងលំដាប់និងតំណែងការងារគួរជាទីមោទនៈ។

មិនត្រឹមតែបុ៉ណ្ណោះនិស្សិតដែលបានបញ្ចប់ការសិក្សានិងកំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយនិងសារគមនាគមន៍មានលទ្ធភាពជាច្រើនក្នុងការទទួលបានអាហារូបករណ៍ទៅបន្តការសិក្សានិងទស្សនកិច្ចសិក្សានៅបរទេសដែលមានជាអាទិ៍ដូចជាសហភាពអុឺរ៉ុបសហរដ្ឋអាមេរិកអូស្រ្តាលីតំបន់អាសុីប៉ាសុីហ្វិកនិងបណ្តាប្រទេសជាច្រើនទៀត។
សម្រាប់ព័ត៌មានបន្ថែម សូមទាក់ទងមកការិយាល័យ DMC  តាមរយៈទូរស័ព្ទលេខ ០២៣ ៨៨ ៤៤ ០៨ រឺស្វែងរកព័ត៌មានតាមគេហទំព័ររបស់ DMC ដែលមានអាសយដ្ឋាន www.dmc-cci.edu.kh

About DMC - ព័ត៌មានទូទៅពី DMC

DMC Promo Podcast (ENG)

ក្រុមនិស្សិត​​​ ជំនាន់ទី ១១ នៃដេប៉ាតឺម៉ង់ប្រព័ន្ធផ្សព្វផ្សាយ និង សារគមនាគមន៍ នៃសាកលវិទ្យាល័យភូមិន្ទភ្នំពេញ បានធ្វើដំណើរទៅកាន់ខេត្ត បាត់ដំបង និងខេត្តបៃលិន ដើម្បីសិក្សាបន្ថែម ពីវិជ្ជាជីវៈសារព័ត៌មាននៅ វិទ្យុជាតិ ចំការចេក ខេត្តបាត់ដំបង វិទ្យុជាតិខេត្តប៉ៃលិន និង ស្ថានីយ៍ទូរទស្សន៍ខេត្តប៉ៃលិន និងធ្វើការផ្សព្វផ្សាយ ដំណឹងអាហារូបករណ៍ផ្នែកគ្រប់គ្រងប្រព័ន្ធផ្សព្វផ្សាយ។ 

DMC Outreach Talk Show @ Battambang - DMC Study Tour to Battambang

ក្រុមនិស្សិត ជំនាន់ទី ១១ នៃដេប៉ាតឺម៉ង់ប្រព័ន្ធផ្សព្វផ្សាយ និង សារគមនាគមន៍ នៃសាកលវិទ្យាល័យភូមិន្ទភ្នំពេញ បានធ្វើដំណើរទៅកាន់ខេត្ត បាត់ដំបង និងខេត្តបៃលិន ដើម្បីសិក្សាបន្ថែម ពីវិជ្ជាជីវៈសារព័ត៌មាននៅ វិទ្យុជាតិ ចំការចេក ខេត្តបាត់ដំបង វិទ្យុជាតិខេត្តប៉ៃលិន និង ស្ថានីយ៍ទូរទស្សន៍ខេត្តប៉ៃលិន និងធ្វើការផ្សព្វផ្សាយ ដំណឹងអាហារូបករណ៍ផ្នែកគ្រប់គ្រងប្រព័ន្ធផ្សព្វផ្សាយ។

DMC Outreach Talkshow @ Pailin

តើពេលប្រលងបាក់ឌុបហើយ មិត្តទាំងអស់គ្នាគិតថាចង់រៀនជំនាញអ្វីដែរ? 

វិបុល ស្រីរ័ត្ន និងនីតា ទើបតែប្រលងជាប់ហើយបានពិភាក្សាគ្នាពីគម្រោងបន្តការសិក្សារបស់ពួកគេនៅភ្នំពេញ។  ស្តាប់មើលថាតើពួកគេចង់រៀនជំនាញអ្វី?

និពន្ធសាច់រឿងដោយ ៖ 
លោក យ៉ាវ សុខហុីម (និស្សិតជំនាន់ទី ១១) 

សំឡេងដោយ៖ 
រស់ ពុទ្ថិនាថ  (និស្សិតជំនាន់ទី ១៣)
អ៊ូច នីដា (និស្សិតជំនាន់ទី ១៣)
រៀម ចំរើន (និស្សិតជំនាន់ទី ១៣)

សំឡេងបន្ថែម៖ soundbible (dot) com


DMC.CCI