Хөлдүү шүлэгний хөлдүү уншлага

Хөлдүү бичлэг

зарим зүйлүүд байхад эсрэг нь ч эерэг нь ч бас байж л байна

Байхад байна

Адистидын дээдийг хайрлагч язгуур үндэсний багш хийгээд
Агуу шид бүтээлийн хурыг буулгагч амирлангуй ба хилэнт бурхад
Ад зэтгэр бүхнийг арилгагч дагинас ба номын сахиусанд
Авралыг барьж гурван үүдээрээ бишрэнгүйгээр сүсэглэн мөргөмүй.

Олон зүйлээр бэлтгэж сэтгэлээр хувилгасан тахилын чуулганыг
Огторгуй сацуу огоот дүүргэн бурхад та бүхэнд өргөмүй
Орчлон тэргүүлшгүйгээс хураасан нүгэл хилэнцээ наминчилъя
Олон хутагт хуврагуудын үйлдсэн буян бүхэнд даган баясъя
Асар дэлгэр дээдийн номын хүрдийг олон галаваар эргүүлэн соёрхооч
Ачит тэр хүрд орчлонгийн эцэс төгсгөл хүртэл орших болтугай
Аяа үүгээр жишсэн хамаг буяны цогц чуулган нигууд
Анхлан тавьсан гурван цагийн бурхад, дээдэс бодьсадын ерөөлөөр
Амьтан бүхний мунхаг ухааны оронг гэгээрүүлэн тэтгэж
Ашид билгийн гэгээ гэрлийг дэлгэрүүлэхэд зорьтугай
Алагсралын эрин зуун цөвүүн цагийн түнэр харанхуйд бүрхэгдсэн
Аймшигт муу заяаны зовлонт амьтадыг их нигүүлсэхүйгээр авар
Муу үйл нисваанисын үр цагтаа боловсорсон
Мунхаг зовлонгийн их түймэр аяндаа амирлаад
Эсэргэлдэн тэмцэлдэгч асархуй сэтгэлээр зохилдож
Энэрэн нигүүлсэх сэтгэлийг дэлгэрүүлэн соёрх оо!

Хэзээд хуурмаггүй итгэлт бурхад минь аврагтүн аврагтүн
Хэмжээлшгүй нигүүлсэхүйн их сан минь болгоогтүн болгоогтүн
Хэдүй эртний тангаргаа бүү алмайрагтун бүү алмайрагтун
Хэтэрхий үтэр түргэнээр биднийг авран таалагтун, таалагтун
Авралт бурхны шашны гэрэл арван зүгтээ дэлгэрч
Амьтан бүхэн амгалангийн цогийг нь ашид үргэлжид эдлээд
Ариун бусын бузар бүхнээ арилгаж буяны чуулганг хураагаад
Амьтан бүхний тусд бурхны хутагийг үтэр түргэн олох болтугай
Чухаг дээд гурван эрдэнийн үнэнхүү адистидлэсэн номын хүчээр
Чангуух үнэн хоосон чанар ба шүтэн барилдахуйн шалтгаанаар
Чуулсан бид бүгдийн сүсэг бишрэл номын сахиусны өмөгөөр
Чухалчилсан хүссэн хэрэг бүхэн сэтгэлчлэн бүтэх болтугай.

Аврал бүхэн хурсан ачит ламын адисласан ерөөл буянаар
Ахуй үес ба алс хэтийн доройтол гутамшиг бүхэн амирлаад
Хорвоогийн сайн үйлс бүхэн аян зөндөө сүндэрлэн бүтэж
Хотол даяар жарган цэнгэхийн өлзий хутаг орштугай!

Адистидийн дээдийг хайрлагч эх

Хайрын зөрлөг цомогт багтсан, Шинэхэн цасны бүжиг хэмээх дуу. Хайртынхаа давралыг биелүүлэх гэж хайлаа.
монголдуу.ком оос дамжуулалт хийв.

Solar Sky

Popular tracks